Вставка
- Опубліковано 8 лют 2025
- #MM #試一次 // Sam試一次做攝影師助手 照顧11日初生嬰兒 出盡法寶氹BB笑 望鏡頭 秘密武器「噓噓器」可以氹BB瞓著！
攝影人的共識有兩種事物是最難拍，一種是動物，另一種就是小朋友，而原來香港近年有一行新興的攝影類別，就是專攻初生嬰兒攝影師，他們常常會四出走動拍攝初生嬰兒，今集《試一次》，阿Sam就會嘗試化身為初生攝影師的助手，由「氹B」、餵奶、場地佈置一腳踢，務求「為博一笑」再看鏡頭拍得美照一張而努力！解構一張張溫馨、和諧的嬰兒及家庭相背後是怎樣拍攝出來。
BB的拍攝攻略
在一般人眼中，嬰兒不就是嬰兒，但原來在攝影師眼中嬰兒都還有細分。「我們眼中的嬰兒分開是很小的，48小時內是一種嬰兒、15天內是另一種嬰兒、100天是另一個樣子，一歲是另一個樣子，我們稱為初生嬰兒的定義是15天內的嬰兒。」初生嬰兒攝影師笑說。從事這一行11年的Coral
以前在澳洲工作假期的時候就是跟從澳洲著名初生攝影師Jade Gao，作她的攝影助手，她現時更是一名媽媽，有時她只有一歲半的兒子，更會在影樓跟其他來拍攝的嬰兒玩耍哄他們開心，連媽媽的工作都做了。
「今日行程都有點趕。」Coral笑道，常常拍攝2小時到中途嬰兒又會累又要吃奶或是換片，而嬰兒每2小時左右又要進入肚餓要喝奶、換片的循環，所以如果攝影師抓不緊2小時內完成就又要等嬰兒喝完奶換好片先再可以繼續拍攝。Sam跟著Coral做的第一單工作是拍攝剛剛出世的初生嬰兒。因為BB都是剛剛出世11日，所以媽媽都是只做了11日的新手媽媽。早上10時05分到達初生嬰兒的家，目標2小時內拍攝完成。
15日內的初生嬰兒拍攝
「阿Sam你替我拿個『噓噓器』出來。」Coral在媽媽手上接過嬰兒後，就先要取得這個哄嬰兒的法寶。「它會模擬媽媽的子宮的聲音，寶寶聽了就覺得自己好像在子宮裡，有些家長聽完都會睡著，在整裝待發拍攝之前，Coral拿著能發出模擬子宮的白噪音「噓噓器」，令BB情緒穩定進入睡眠狀態。除了「噓噓器」外，Coral平日上門拍攝，還有不少的拍攝道具需要帶再即場在客人的家設置出來，而只是造型已經有2至3套，再加上後備的服裝還有道具，，要帶的東西就好像去旅行一樣多。
而怎樣可以令嬰兒聽聽話話安安樂樂地讓你穿上不同的道具衣著打扮，就全靠手勢及經驗，例如要與嬰兒玩抱上抱落的升降機遊戲，男生的重低音能令嬰兒冷靜，過程中怎樣包、怎樣墊位令嬰兒的拍攝角度最好，又要如果令他懂得笑著看鏡頭，這些些微的差距全部都是難度及經驗所在，最考初生嬰兒攝影師經驗而又不起眼的部份，有時客人都是一個剛成為父母十多日的新手，所以為了令拍攝更順暢又不想將嬰兒抱來抱去令他嘔奶，攝影師本人或是助手會連餵奶、換片都要做。
「可能見到他嘴巴不停地張開，可能他會肚餓找奶吃，如果他的樣子很生氣，有機會是他的胃有風吐不到出來，這樣就要掃風，如果看到奶瓶內的奶冒起泡泡就代表他喝到了。」Sam聽著Coral一連串的指示，將11日的嬰兒抱在懷中，手緊張得僵硬但都算是順利地讓他乖乖喝奶。
之前搞一大輪又餵奶又掃風，就是想趁嬰兒吃飽奶大便之後，舒服睡覺的空檔就跟他換好造型，才終於可以去拍攝，目標時間兩小時內，但只是嬰兒的時間已用了一小時，「現時嬰兒的狀態好，我們要加快動作。」在Sam跟Coral在哄嬰兒的時候另一名助手Julia就抓緊時間在床上佈置好拍攝的場地，Coral用布一層又一層地將嬰兒包起， 「每一個都有名字的例如這個叫Taco，Taco是姿勢的名字粟米卷。」以為嬰兒簡簡單單一個動作，原來全部都是有教科書示範的姿勢，好像常見的有雙手托頭，形像青蛙的froggy，另外有Chin on Hands等等的姿勢，其實為甚麼拍初生嬰兒要包到他圓滾滾呢，除了可愛之外最重要是這樣會令他有安全感。所以拍攝過程就是令他不覺意地脫著一件衣服、脫著又一件衣服，如果一來就全裸地拍攝，嬰兒都會覺得沒安全感地「扭計」。
時間來到下午1時，發現已經不能再靠噓噓器還有安撫令嬰兒進入睡眠狀態，在拍攝過程亦開始在小小的臉上露上不耐煩的表情，「他只喝了50ml的奶，但已經拍了兩個多小時，還有他現在已經醒了，我的專業判斷就是他要休息再喝奶了。」Coral及Sam總算完成了初生嬰兒的3個造型拍攝。
雖然平時上門拍攝都趕急頻撲，但跨區工作的樂趣之一就是可以順便發掘下不同的地區美食，馬鞍山收隊回葵興，我們就預早點餐在火炭這間台式店的自取外賣。Coral指上門工作已經夠累，而且帶著道具、器材等的行李難以堂食，所以為了好好慰勞自己都會食得精緻一點，買喜歡吃的外賣回工作室吃同時準備一下個的1歲小朋友拍攝。
1歲嬰兒拍攝
100日至一歲的嬰兒，Coral形容這個時期是最難拍攝的時期，因為動不動就會大哭，「助手要扮低能做搞笑表情氹BB」，又要唱兒歌跳舞哄嬰兒，或是好像錄音機一樣講「飲咗奶未、食咗嘢未」，雖然嬰兒聽不明白說話內容但都要互動。「一歲嬰兒的特點就是，他開始有自己的思想，他知道發生甚麼事，他會有喜歡和不喜歡，會有想做和不想做的事情。」
所以第一件事當一歲的嬰兒來到影樓的時候，會營造一個好玩的氣氛，然後慢慢引導他去拍攝我們想拍的東西。助手的工作就是要將嬰兒哄得留在預先佈置好的場景中間位置，更進一步就是一邊發出聲音引他笑的同時再看向鏡頭，助手的身手還要敏捷得避開鏡頭以及在嬰兒「扭計」走出鏡頭或是場景以外的地方時，將他不知不覺地「回帶」般搬回原地，而助手可以有一箱的道具，好似會發聲的公仔、吹泡泡等的玩具吸引嬰兒的注意力，「技功就是將玩具玩得真的很好玩一樣，然後嬰兒就會都想一起玩，但每個玩具的『生命』只有一分鐘，因為他們的注意力或新鮮感很有限。」
媽媽選了難度較高的美人魚造型作為拍攝主題，難度高的原因是1歲的嬰兒普遍已經會行會跑，但沒有腳的美人魚變相就要迫他乖乖坐在地上不能行動，所以很容易就會鬧脾氣。Sam先是玩了一大輪的玩具想吸引視線哄她笑，但都遭遇頑強的抵抗，最後一著使用零食攻勢還有唱兒歌才成功拍攝到一個看向鏡頭的美人魚造型照片，但Sam卻因為走避不及而入鏡了。
「Sam雖然敢抱起只有11日大的嬰兒，這是一件難得的事，很多人都因為嬰兒年紀太小感覺脆弱而不願抱，但他實在太不靈活常常在哄嬰兒的時候走避不及鏡頭入鏡了，令我本身難捕足的表情更加難。」Coral苦笑的同時亦越說越氣憤。
一日趕完兩個拍攝，時間已到大概傍晚5時，但Coral常常會很心急想修圖趕到幾張相片讓家長先睹為快，「這是其中一個市場策略，就是父母即日收到相片的話想分享嬰兒造型照的意欲亦會更大，我有不少客人都是這樣一個帶一個地來光顧的。」除了修圖，還要清潔嬰兒的造型道具及還原器材，所以很多時都要再在工作室內邊吃晚餐邊工作。
繁忙的工作令到Coral這種嬰兒攝影師很多時都要叫外賣，雖然如此，但他們仍然可以選擇在忙碌中追求味道，在生活中保持要求。【2024戶戶送外賣美食100強】替你帶來一份有溫度又有味道的外賣，跟你一齊發掘更多美味故事。
___
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 UA-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
SAM｜@midwin_
/ midwin_
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
後記：
我覺得自己一直都唔識同小朋友溝通，又唔知點應付佢地的情緒，因為理解唔到所以好易就慢慢變得唔多鍾意小朋友。今次拍完呢個故仔，因為職責所以要面對小朋友，發現相處起上嚟都冇想像中咁不可理解，雖然都未到十分鐘意但對小朋友的好感度都UP咗少少。多謝咁多位爸爸媽媽相信我將佢地的bb交給我，不過我諗佢地主要都係相信coral，佢真係好識照顧小朋友，完全精通點同佢地相處同玩，畀到好大安全感爸爸媽媽（同埋我）。
我仔仔6個月嘅時候都係搵CAROL影, 真係影得好靚好專業, 助手好落力氹BB笑, 媽媽同BB負責靚靚就OK🥰
我幫襯左呢一間studio好幾次 忠粉😂 coral女攝影師超好 由懷孕到初生到100日都係搵佢 好記得嗰日影初生我個仔唔係咁好影 係咁開眼唔訓覺 好唔配合😅 但佢勁專業好有耐性 最後順利影完 果下真係覺得冇搵錯她 多謝MM介紹比大家識❤
可以share下叫咩名嗎
@@shanwai2713 Coral佢地的ig叫做newborn_photography_mouton_hk
多謝支持啊❤
多謝阿Sam 介紹做一次BB 攝影師，平時知道做媽媽控制BB 已經唔容易，現在係陌生人同BB 玩，真係更難，因為好多BB 都驚唔熟的人玩，要安全感，又驚整親小朋友，辛苦Sam Sam 了，最後見到sam 玩得好開心，成條片好有愛，拍攝團隊也好有心，用盡心機拍到好的效果，令客人滿意。❤
MM這個特輯，充份表現整個拍攝團隊的專業及合作精神，台前幕後，各主題鮮明突出，能令觀眾一看再看，善尚之作！
❤影bb一d都唔易，辛苦了
請問可以出一集關於blame the victim 嗎？發現呢種風氣越來越盛行
其實依家啲細路真係黐工人多過黐父母，大人總係話自己要搵食，無辦法啦！但返到屋企就玩電話，有幾多個會同小朋友聊天、玩玩具、講故事？
Sam經過一日同細路玩，到最尾成個樣好開心咁😄😄
Sam and Coral 似兩姐弟。
1:14 嗰時驟眼睇仲以為Sam係Coral
講講下又真係有d似
哇，好有夫妻相，睇黎唔單止我一個係咁覺得~
呢集好可愛，係咁睇到姨母笑
阿Sam算不錯了
有啲潛質
啲bb好可愛呀❤
Sam 搵到佢家姐 :D
今日中間個廣告有D硬入, 最後果個ok, 下次不如加長D係後邊, 個flow 好似好D
今次試一次好特別呀
多謝你們的服務, 努力和旁述
辛苦錢，因為有啲媽媽好麻煩😢
今次置入唔太理想，略嫌太Hard sell，出現3次都奇奇怪怪好突兀，打斷節奏，分唔清楚真係想介紹攝影助手定係隨便一個題材for 廣告客戶
你講deliveroo? 我到最後先知係賣廣告😂時間咁趕真係會冇機會堂食
下我又覺得好合理同自然
插入式指導 😆
有咩問題？ 無廣告邊個養？
好耐冇見阿Sa啦😂
聽講無做啦
Coral 係唔係阿Sam的親戚嚟的，幾似樣!
認同😂(is coral btw
唔容易📸為家庭記錄珍貴一刻。
我都係搵Carol影孕婦相,佢真係好好耐性! 非常推薦
Sam & Coral 完全有夫妻相🎉👫
原來有咁多野要準備，辛苦錢呀⋯🥹
好有愛心記者廝殺你非常有愛心❤😊
影得好靚！想問係邊間影樓啊？😍😍😍
我都想知，嚟緊家姐生 BB
火炭街坊表示哥哥添飯係好食的
Sam 好cute 😊
BB殺手（Sam）
請問係邊間攝影☺️❤️？
攝影師同sam係咪姊弟/兄妹？喺的士嗰度好似樣
14:03 講得好好👍🏻
多熱辣辣好熱好熱，飲多啲水
多謝支持！
好勁
見到啲bb 佢未哭已經頭痛 唔知係咪過敏
this is love ❤❤❤❤
I just found the photos artificial...
thanks share
狗狗好乖同bb都好可愛 好想再睇多啲
點解攝影師要餵埋奶？
好心你啦Sam，連攝影師都話你d 頭髮阻住，另一個角度，反映你明知要做助手，都冇準備下「助手」既裝束、髮型、study。講真，Natalie 阿Sa Chucky 佢哋試一日工，明知戶外/搬粗重野，都會換套長褲呀，有領衫，唔影響工作唔走光，夾好個頭髮等等。
你居然披頭散髮咁去照顧人哋個bb，帶口罩又成日摸，大佬呀！初生bb 未打齊針架！唉！見到你冇嚇到喊，算係咁。唔該你工作態度上心d 認真d 啦！（注意呢啲細節，特別係受訪者）
但點睇都係coral d，頭髮仲長仲飛。好明顯coral係鬧緊Sam對鏡頭冇意識唔識縮搞到擋住鏡頭啦，話裝扮唔啱完全錯重點😂
BB一日未打齊針真係唔好影呢D相
但永遠都打唔齊架波，你今日打左未呀？
係囉，裝扮都有standard 架咩😂我相信工作表現同耐性先係重點
coral 好pro
你估做攝影師真係易咩？
撞樣喎😂
影美人魚個家長怪獸到呢，係都要迫個女影
真心囉 人哋行都行唔到同埋人哋都唔鍾意明點解一定要識個女影
其實又唔係，現場氣氛都歡樂嘅
滿足老母虛榮心
😂😂😂 ahh Sam 得唔得㗎
一歲bb真係好難應付我搞唔掂，初生BB個到因為coral傍住我所以都ok
劇透🙄
Sam💯
👍🏻👍🏻👍🏻
2姐弟?????
點解有啲虐兒感覺
@@pandazho 我有小朋友，但都覺得初生去studio俾人包住任舞影d唔自然唔make sense嘅嘢成件事好令我不安
我都覺得係，點解寶寶好似變成一件商品咁俾人任影，仲要有d全裸。好多時影呢d都係父母為咗滿足自己虛榮心😔咁細個已變成滿足父母虛榮的工具
👍👍👍
Thank you Mill Milk.
8:02影嬰兒祼照
Sam 哥， 等你生一個，到我幫你拍照la
Support
之前有單凍到BB肺炎😂
@@lamkawairoy 聽聞嗰單係內地
人的問題 所以一分錢一分貨 😅
$4500 8 張bb相，超值！
好假。
連BB都要執相😰
Bb好多時有胎痣、皮仔、膚色不均、成面痘痘、成身胎毛，好多媽咪係出面影得相都prefer 執到白滑
@@ritayuen1032自欺欺人😂😂😂
@@terencewong4687 P圖一向都係架啦，睇你點睇架姐
1日2單...日薪$9000，當每星期接5單，成$90000/月，香港真係多有錢人
你咁諗錯哂 你唔駛食訓住屙？支出？器材？人工？道具？ 而且真心個句一個月真係得一單個陣又會同你講咩 你舉例邊間公司日日都有job 真係日日有人影相嗎？
鱔
BB好可憐，被人這樣包.位。心疼
bb相4000？ 會否on9?
有冇bb?
好多on9既父母ga^^
一分錢一分貨 睇完影片都未明？
@@yooonaaa 算吧啦 咁都值4000 自己影咪仲好
Sam & Coral 完全有夫妻相🎉👫
我覺得似兄妹、或姊弟。