Зміцер Вайцюшкевіч - Вясновы дзень (2004)

"Паравоз кахання"
Словы Рыгора Барадуліна
(правапіс дарэформенны)
www.todar.net/d...
www.svaboda.org...
Вясновы дзень быў радасьцю даўгі,
Ды скарацеў, зрабіўшыся зімовым.
Цяпер даўжэе ноч маёй тугі,
Яна не падуладная замовам.
Я разумею ноч, а мне яна
Не паспрыяе, не паспагадае.
Тады было сьвятло, была вясна,
Цяпер азябла цемра галадае.
А ўсё таму, што Вас няма са мной,
А Вы былі калісьці ці ніколі,
Былі маёй зялёнаю вясной,
Вясёлаю бярэзінаю ў полі.
Як той бяздушны вецер, я п'янеў,
І быў зялёны я ў сваім наіве.
Быў добры першы гром, і першы гнеў,
І першы сьлед на некранутай ніве.
Штоноч даўжэе ноч маёй тугі,
Радзей вясновае сьвітаньне сьніцца.
Зьвіняць майго адчаю ланцугі.
Самота беспрасьветная цямніца.

[@КсенияКсения-с4у]

Вельмi прыгожа! Вялiкi дзукуй i за песню i за цудоунае выкананне!

[@andreymuzyka]

Кажуць: сапраўдная тврчасць, гэта калі мурашкі па скуры..., А тут прам слёзы!!!

[@ELAalen]

Шикарная песняяяяяяяяяя :))))))))))))))