Ислом динининг Ўрта Осиёга кириб келиш тарихи | Tarixiy savol
Вставка
- Опубліковано 23 лют 2021
- "Тарихий савол" кўрсатуви
"Ўзбекистон тарихи" телеканали
Мовароуннаҳрга илк қадам. Тарихий манбаларда ҳозирги Ўзбекистон ҳудудлари VII асрдан бошлаб Мовароуннаҳр номи билан тилга олинади. Бу атаманинг келиб чиқиши бевосита ислом динининг бу ўлкага кириб келиши билан боғлиқ. Мовароуннаҳр атамаси “Дарёнинг нариги томони” маъносини англатади. Дарёдан мурод ўша даврдаги Жайҳун, яъни ҳозирги Амударё назарда тутилади. Мовароуннаҳр атамасига бўлган ишора илк бор Умар (р.а.)нинг Аҳнаф[1]га йўллаган мактубида учрайди. 22-ҳижрий (милодий 642) йилда Аҳнаф ибн Қайс Марв ва Балхни эгаллагач, халифа Умар ибн Хаттоб (р.а.) унга шундай мактуб йўллаган: “Аммо баъд! Дарёдан ўтманглар. Дарёнинг бу тарафи билан чекланинглар. Хуросонга нима мақсадда кирганингизни яхши биласизлар. Хуросонга нима мақсадда кирган бўлсангиз, шу ниятда бардавом бўлинглар. Шунда ғалабангиз ҳам бардавом бўлади. Дарёнинг у тарафига ўтишдан сақланинглар”[2]. Умар (р.а.) мазкур мактубида дарё ортидаги юртларга ишора қилиб, мактубда “النهر ”(ан-наҳр - дарё) сўзи ва “دون النهر” (дун ан-наҳр - дарёнинг олди тарафи) иборасини ишлатади. Бу сўз ва ибора ўша вақтда “Мовароуннаҳр”, яъни “дарёнинг орқа тарафи” атамаси мавжуд бўлган, деган асосли эҳтимолга далолат бўла олади[3].
Бу ўлканинг ислом дини кириб келишидан олдинги ижтимоий ҳолати ҳақида Ёқут Ҳамавий шундай ёзади: “Мовароуннаҳрдан мурод Хуросондаги Жайҳун дарёсининг нариги томонидир. Жайҳуннинг шарқий тарафи “Ҳайталлар юрти” деб ҳам аталади. Ислом кириб келгач, бу ҳудудлар “Мовароуннаҳр” деб атала бошлади. Жайҳуннинг ғарбий томони эса, Хуросон ва Хоразм вилоятига тегишли бўлган. Хоразм Хуросон ҳудудига кирмайди, балки у алоҳида иқлим - юрт ҳисобланади. Мовароуннаҳр иқлимлар ичида ҳавоси энг мусаффоси, энг ҳосилдори ва бошқа яхши жиҳатлари нисбатан кўпроғи саналади. У ерлик аҳоли яхшилик ва саховатга ўч ва ёрдампарвар бўлиб, ёмонликдан йироқ ва бағрикенг инсонлардир. Шу билан бирга, мовароуннаҳрликлар тенгсиз куч-қудрат, енгиб бўлмас қатъиятлилик ва жасурлик соҳиби бўлганлар. Шунингдек, уларда ҳарбий тайёргарлик ва қурол-аслаҳа яхши ривожланган. Бу ўлканинг ҳосилдорлиги шундаки, мазкур ҳудуднинг унумдорлиги борасида айтилган васфларни санаб адоғига етиб бўлмайди. Ҳатто бутун ислом оламида ҳам Мовароуннаҳчалик ҳосилдор юрт топилмайди. Чунки бошқа ўлкаларда бир неча марта қаҳатчилик бўлса ҳам, Мовароуннаҳрда ҳосилдорлик ва тўкин-сочинлик бардавом бўлади. Мовароуннаҳрликлар иссиқ, совуқ ёки бирор офатга йўлиқсалар, экинзорларидан нажот излайдилар. Уларнинг ҳосили ўзлари ва қариндошларига ҳам етиб, ҳатто ортиб ҳам қолади. Бу ўлка аҳолиси бошқа юртлардан бирор нарса олиб келишга эҳтиёж сезмайди. Мовароуннаҳрнинг ҳар бир қарич ерида шаҳар, қишлоқ, сув, экинзор ёки яйловларни учратиш мумкин. Ҳар бир аҳоли ўзига ва оиласига етарли ва ҳатто ундан ортиқ миқдордаги ҳосилотга эга.
Ҳудуддаги сувлар чучуклиги ва истеъмолга яроқлилиги билан ажралиб туради. Мовароуннаҳрнинг тоғлари, воҳалари ва шаҳарларининг деярли барчасида сув мавжуд. Аҳоли туя, эшак ва хачир каби уловлардан фойдаланадилар. Қўй гўштини туркманлардан олиб келадилар, қолган озуқалар эса ўзларида етарлича топилади.
Мовароуннаҳр аҳолисининг либослари пахтадан бўлиб, пахта бу ҳудудда кўп етиштирилади ва у ердан бошқа юртларга етказиб берилади. Шунингдек, шойи, жун, тола ва Хўжанд ипаги кўп ишлаб чиқарилади. Ипак аҳоли орасида қадрли бўлиб, ортиб қоладиган даражада кўп эмас, албатта. Шунингдек, бу ҳудудда мислсиз ва бебаҳо қоғоз ишлаб чиқарилади.
Шунингдек, ўлкада темир конлари ҳам кўп. Аҳоли темирдан қурол ва бошқа асбоб-аскуналарни истаганча ясай оладилар. Шу билан бирга, олтин, кумуш ва симоб конлари ҳам мавжуд бўлиб, улар бошқа юртларда топилмайдиган даражада кўп захирага эга. Панжаҳарнинг кумуш кони захирасини ҳисобга олмаганда, Мовароуннаҳрдаги симоб, олтин, мис ва бошқа конлар захирасига ҳеч қайси юртнинг конлари ета олмайди.
Сўғд, Усрушана, Фарғона ва Шош меваларининг тўкин-сочинлиги ҳеч бир юртда топилмайди.
Қуллар Мовароуннаҳрга чегарадош ўлкаларда яшайдиган туркий халқлардан келтирилади ва бошқа юртларга ҳам жўнатилади. Улар шарқнинг энг яхши қуллари ҳисобланади. Мушк - хушбўйликлар Тибет ва Қирғиздан келтирилади ва Мовароуннаҳр орқали бошқа исломий давлатларга жўнатилади. Соғониён (Чағониён) ва Бошқирддан бошқа ўлкаларга заъфарон юборилади. Шунингдек, сувсар, олмахон, тулки ва бошқа ҳайвонларнинг мўйналари, яна темир, темир бўлаклари, газлама ва шу каби подшоҳларга керакли бўлган нарсалар ҳам бошқа ўлкаларга етказиб берилади” [4]. Бу маълумотлардан кўриниб турибдики, Мовароуннаҳр ўлкаси жуда қулай географик муҳитга эга бўлиб, ундаги ҳосил ва бойликлар араб мусулмонларнинг эътиборини, шубҳасиз, ўзига жалб қилган.
.Араблар.Урта Осиега ГУЛ кутариб келмаганлар.аник жавоб булмади.Кайси давлатга борган булсалар 700 йил мустамлака килиб уша давлатларни тарихини бутунлай учириб юборилган Айрим миллатлар умуман жисмонан йук килинган
Туркманистоннинг Марв шахри келишув асосида тинч йул билан 2200000 драм мигдоридаги пулга араблар кулига утган.Самарканд шахри шахар хокими Берик бошчилигида арабларга карши бир ой давомида камал шароитида кураш олиб боради ва охир окибат енгилиб шахар химоячиларнинг барини киличдан утказилади
Савол тугилади исломни куркувдан кабул килганмизми араблар килич кутариб келганда биз куркканимиздан кабул килган буламизда ислом тинчлик элчиси дейишаябди аммо жанг билан кириб келишган экан.
Qutayba ibn Muslim rohimahulloh Fotih. Alloh U kishini rohmatiga olsin. Bu diyordan Movara un naxrdan buyuk islom ulamolarini yetishib chiqishiga sabachi bo'gan zot.
Салмон ал ФОРСИ сабабчи буган уша киши сахоба буган
Диндор.корилар.мулалар.имомлар.исломнитаргиб.этади.чинки.уларни.даромат.манбаеи.шуниг.учун.арабистонди.даромад.манбани.имомлар.хеч.качон.имомлар.мусурмон.динига.утказиш.учун..бошимизни.киличдан.утказган.демаеди.чкнки.упарни.даромат.манбаеи
Salom hammaga men kament No: 1 👍👍👍👍👍🇺🇿🇺🇿🇺🇿🇺🇿🇺🇿🇺🇿 Layk 3 chi mendan
Fatx matx demasdan tòģrisini , bosqinchlik deyish kerak dangal
Ziyoratga kelinglar xozir qurilish ketyapti shu tabarruk zaminda iloxim joylari jannatan bolsin
1270 йилларгача яьни 600 йил давомида идора килган
Мы любим Мухаммад С.А.В👈
Диний билимларни кучайтирайлик! Яхши кӯрсатув бӯлибди! 👍
энди мактаб программаларигаяи узгартириш киритиб келажак авлодни захарлашни тухтатайлик Пайгамбар С А В исмлари тилга олинганда Саллоллоху Алайхи Васаллам дейилади бу хакида хадис бор Кимки айтмаса вайл булсин деганла Расулуллох С А В
Зиёдулла Зинадуллаев Ислом академияси ўқитувчиси.Устоз рахмат сизга
Оллохум билимларингизни бундан хам буйук килсин оила азоларингиз билан бахтли яшанглар сизларга тинчлик омонлик узок умир тилайман олиб борувчи журналистларгахам
Курсатувга гап йук 🤗🤗🤗🤗
Buyuk shaxslarni chiqishiga islom dini kelgani sabab, islomdan avval brorta buyuk shaxsni aytib beringchi????😁
Eh MUHIM mavzularga JUDA KECH ruhsat berilibdi...
Силар билмайсизлар бошда ромол кан еолгон малмот питавозлик бекорчилик силар яхшси дискотека га боринглар
КУРСАТУВ ЯХШИ БУЛИБДИ КУ......ЛЕКИН ЯЛАНГБОШ АЕЛЛАР КЕРАК ЭМАС ЭДИ.....1000%..ХАФСАЛАМИЗНИ ПИР КИЛДИНГЛАР......