كريم البنا - وصية اب ل بنته
Вставка
- Опубліковано 5 лют 2025
- وصية اب لبنته
كبرتي يانور عينيا قوام
وزينتي حيطان قلبي
طيب اسمعي يابنتي
ماتعشميش في شباب اليومين دول
نصهم شقيان وفي حاله
ونصهم خوجات
دول ايدك منهم والارض
ماتامنيش للكلام
كل الرجاله ملايكه لحد ما ياخدو غرضهم
التقل ف الرجاله صنعه
انتو ربنا خلق التقل ليكم
البنت الخفيفه
تركبها كلاب السكك
اتقلي اجدع الرجاله
تجيبه علي بوزو البنت التقيله
الجواز قبل مايكون فرح
ف هو حمل وليه وزنه
الراجل عليه التلت
والست التلتين
ان اتقدملك حد ومملاش عينك
ماتتكسفيش علشان تراضي اهلك
يلعن ميتين اهلك
دي مصيبه هتلبسيها العمر كله
حبيبك مش جوزك لا تعشمي فيه
ولا هو يملك فيكي
خطيبك مش جوزك
ان طال القريب مايطولش البعيد
خطيبك مش جوزك
ان خد غرضه والله ما هيجوزك
وان اتجوزك يكرهك طول عمره
ماتشغليش دماغك بجوزك قوي
هو ماعندوش مشكله ينام مظلوم ينام ظالم
مش فارقه
اهم حاجه ينام متعشي
كلنا حلوين واحنا فقرا
لاكن اول ما ايدنا تطول الفلوس
نقول جوازه تاني
ماتعتبيش علي جوزك
ان بص لوحده تاني
احنا خلقتنا كده مايملاش عينا غير الكتير
اسمعي يابنتي استحملي جوزك في كل شئ
الا 3 حاجات
ان هانك اهانه ماتتغفرش
وان غلط فالكبيره وماندمش
وان كان راجل عليكي مش ليكي
التلاته دول ماتستحمليهمش
الراجل الحنيين هديه
والراجل القاسي رزيه
والجواز بطيخه
ياما حلوه تتحمي
يااما قرعه تترمي
مفيش راجل بيحكي لمرته كل حاجه
الراجل مهما كبر ف هو عيل
خديه علي قد عقله
الكلام الكتير بيخرب البيوت لمي لسانك
سرك مايطلعش بره قلبك
اسنديه ف كسرته
الاصيله وتد جوزها
لمي ايدك فالمصاريف
الشاطره تبني وتعمر
الخايبه تقضي حاجت غيرها
واسمعي الكلمتين دول
وحطيهم حلقه في ودانك
كل الرجاله كدابين ماعدا ابوكي
كل الرجاله خاينين ماعدا جوزك
حببي عيالك ف اعامهم زي اخوالهم
حماتك راضيها علشان جوزك
هي كده كده مش هتحبك
ماتطلعيش من بيتك غير للمصلحه
قعدة التليفونات بتفضح اصحابها
الصوت العالي يسرق نص ادبك
العايبه بس اللي صوتها عالي
ماتبقيش زنانه
الزن يااما خرب بيوت
لما يبقي في مشكله مع اهل جوزك في بعض
ماتتدخليش
الكحكه من العجين
لمي لسانك الكلام محسوب عليكي
واللي حبيبتك انهارده
بكره هتكون عدوتك
اكلك يكون من غير صوت
مشيك مايسبقش اللي معاكي
ضحكتك ماتعلاش
جسمك يكون عزيز عليكي حتي علي اهلك
لسانك مايغلطش
نص جمال البنت ادبها
وان صوتك علي راح نص جمالك
لبسك يبقي واسع
الفاجره اللي تتعايق بجسمها
البنات العايبه طالعه من بيوت
مفيهاش رجاله
ماتجيبيش الكلام لاهلك
اللي عايزك بيقولك بيت اهلك فين
وان دخل بيت اهلك يدخله بالاصول
وان طلع يطلع بالتراضي
لما اموت يابنتي افتكريني وادعيلي
اللي مات لو اتنسي يبقي مات مرتين
ماارؤعك كلام جامد وجميل الله اكبر عليك يا كريم البنا انت نجم ساطع ❤❤❤❤،،😘😘😘😘
احل كلم والله العظيم
❤😂
@ALaaHomead-t2d حبيبي ياغالي 💚
الله يسعدك احساس انك أبويه وبجد رغم اني اكبر منك لكن حسيت أن أبويه رحعلي تاني ينصحني الله يعزك ياولدى ويعز مجدارك
يارب استرنا جميعا قولوا امين باللة عليكو دعوة ٤٠ غريب مستجابة
استمر اغالي ربنا يسترها عليك كل الدعم اغالي
❤️❤️❤️❤️❤️
ما شاء الله عليك ي بنا
ربي يرحمك يا بابا 😭
صح والله
❤❤
😢😢😢😮😮😮😮😢😮