فنجان شاي مع سيجارتين / محمد الموجي

فنجان شاي مع سيجارتين / محمد الموجي
فنجان شاي مع سيجارتين... ما بين العصر والمغرب
ونظرة شوئ ف نار ئــلبين... مع السكر بـتـتـئـلـب
وصورة حب مرسومة ف ئـعدة صيف
ماتعرف مين كان الداعي... ومين الضيف
كان الحب عازمنا... و بيراوغ بـئـاله سنين
سدئ ويانا ف اليوم دة... جرينا و تـنــِّــنا رايحين
لحد هناك وزاغ منا... وسابنا لوحدنا ئـاعدين
فنجان شاي مع سيجارتين... ما بين العصر والمغرب
ونظرة شوئ ف نار ئــلبين... مع السكر بـتـتـئـلـب
فضلت اشادي على كلمة عايز ائـولها
واترجى فكري يساعدني علشان اطولها
راح فين الكلام اللى عايز احكيه لحبيبتي؟
هـيـتـئال إمتى يا ئـلبى إذا ما اتـئـالش دلوئـتي؟
أتاري الفكر كان سارح... وواخد عــئـلنا ورايح
في صورة الـئـعدة اللى احنا بنرسمها... من امبارح
فنجان شاي مع سيجارتين... ما بين العصر والمغرب
ونظرة شوئ ف نار ئــلبين... مع السكر بـتـتـئـلـب
بصيت لفنجانها لـئـيـتـه عمــَّـال يـنـئـص
و ف إيدها ساعة بـتـسـتـنـاه
مارضتش اكمل فنجاني أحسن يخلص
و تخلص الـئـعدة وياه
وداريت مرور الزمن... ف إيديها بإيديَّ
علشان اخلى الزمن... ساعتي أنا وهيَّ
ؤلت احنا لسة بدري خليكي شوية
أنا... أنا عندي كلمة
عارفاها... عارفاها وما تـئـولهاش
لا... عايز ائـولها
سامعاها... سامعاها ماتـنـطـئـهاش
أنا حاسة بيها... وعايشة فيها
وجيت ارد عليك وعليها
فنجان شاي مع سيجارتين... ما بين العصر والمغرب
ونظرة شوئ ف نار ئــلبين... مع السكر بـتـتـئـلـب
فنجان شاي... فنجان شاي