محمد الدحيمي : هاجسي الملحد

#مساعد_الرشيدي
#محمد_الدحيمي
#اخو_تكفى
الشاعر : محمد الدحيمي (أخو تكفى)
ابن شاعر بني شهر المعروف رافع الدحيمي
من جنوب المملكه يعتبر من أشهر شعراء
قصائد النظم في الخليج لما يمتلك من موهبة شعرية فذة ومعين لا ينضب من الجزالة والمعاني القويةويمتلك اسلوب
خاص في قصائده لايجيدها غيره
قال عنه الشاعر الكبير مساعد الرشيدي
(محمد الدحيمي شاعر سيلغي جميع
التجارب السابقة .. فقط انتظروه)
له قصائد كثيرة منشورة في المجلات الشعرية والشعبية والجرائد اليومية
والمواقع الشعرية في الانترنت
ويشتهر بشعر الوصف في الغزل
بالاضافة لإقامته العديد من الامسيات
الشعرية مع كبار الشعراء في
مختلف مناطق المملكة
له قصيدة بعنوان (ملحمة الجن)
فازت بالمركز الأول في مهرجان
الجنادرية قبل عامين
وأشهر قصيده له
وأنتشرت
بين الناس
بعنوان :
تكفى ترا تكفى تهز الرجاجيل
ولولا ظروف الوقت ماقلت تكفى
من قصائده الجميلة : سقى الله
يعين الله يادنيا تسـوق ايّامهـا الأحــزان
يعين الله وانتي مثل قفـل ضـاع مفتاحه
يعين الله وجروحي لها في كلّ وقتٍ شـان
كذوب اللي يقول ان الزمن بيـداوي جراحه
سقى الله يوم انا يمـّه غرير ٍ يزعج الجيران
سقى الله يوم انا طفلٍ يصج البيت بصياحه
سقى الله يوم كان اقصى طموحي لعبة الدنان
نهاية يومي المغرب واخاف الليل واشباحه
سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جدّه .. مزاحه
واشيل المسبحه مثله لياهوجس وهو سرحان
بيشعر واحسب ان اللي عطاه الشعر مسباحه
سقى الله بيتنا ذاك البسيط مشقق الجدران شجـاع يهزم الغدراء بقنديله ومصباحه
تكحِّلنا القناعه .. لاطمع .. لاهم .. لاحرمـان
واذا جاء الليل تكفينا .. ثلاث اخوان طرّاحه
جميع الذكريات اللي غدت في قفرة النسـيان يحـاكي حلوها عبره بموق العين سبّاحه
خذتني غربـةٍ عنوانها .... غربه بلا عنوان
ابي عقب التعب راحه لقى فيني التعب راحه
رجعت اليوم مثل اللي رجع عقب القنص خسران
غدا طيره وجاء يسحب سلـوقيه وملواحـه
قصيده مابَعَد مرّت ببال مسـاعد وضيـدان #هواجـيس ابدويٍ هايـم ٍ في عشق فـلاحه
وروح ٍ تايبـه كانت تبي لذنوبـها غفـران خطـاي انّي كتمت اسرارها بعيـون بواحه
تقولين المطر ماهـوب يمّـه دايمٍ هتان
اجل معذور قلبٍ في همومه ضاعت افراحه
انا يمـّه غلطت ولاني اول واحـدٍ غلطان
ابونا آدم من الجنه خرج باسباب ... تفاحه
خذلك الوقت فيني ماخذلتك ياأعـز انسان
وش الدبره ؟ وحظي صار قفل ٍ ضاع مفتاحه
قصيدة الأب :
لعنبوه الشعر كانه بس في شقر الذوايب
لعنـبوه ان كان قاصـيه الغزل والنرجســيّه
يا يـبه والهاجس اللي كان ملحد جاك تـايب
إغتسل من نزعة الحاده وتاب من الخطيّه
ياالحقوق اللي سنا برقه فتق صدر السحـايب
ياالبياض اللي غفر كل الذنوب السرمديّه
يوم شفتك بالسرير الابيض عن الوعي غايـب
كل عرق ٍ صاح فيني جعل ذاك الضيم فيّه
آآآه ليت الضيم رجال ٍ واشدّ له الركـايب
والله انّي لأنحــره واوردّه حوض المنيّه
ياعسى نذلٍ ٍ هقى بك يرجع بهــقوته خايب
ضايع ٍ مثل القحـم لاهو رباع ولا ثنيّه
قلت لي مرّه ترى النشمي ليا خاواه عايب
مثل دهن العود لاخــالط رماد الشــاذليـــه
ودامني رجلٍ خرج من بين (صلبك والترايب)
والله ان يبطي القدم ما يمشي دروبٍ رديّه
يايبـه و(دحيم) تنشد وين حلاّل النشايب ؟
شيخها اللي جالها من القيض مقـيالٍ وفـيّه
يابعد راسي وروس احبابي وكل القرايب
يابعد من زهّب(المجنــد) ولبس الحضرمــيّه
قم دخيلك..! عقبك الديره غدت جردٍ خرايب
عجّها غطّى سماها واستوت بالمهمهـيـّـه
كلمتينٍ في شفـاهي حايره راحت ذهايــب
ما قـوت تعبيرها كلّ الحروف الأبجـــديّه
اخدعتني بكرةٍ ماهي من ابـكـارٍ نجـايب
ولا (غفال ٍ) وصفها عند النبـيه ولا مطيّــه
درهمت بي في دجى ليل ٍ نهب شوفي نهايب
ويٍوم افـيق إلا ّ وانا باحضـان قفراً جرهـديّه
واتركتني ظامي ٍ والماي للقيض الزهايب
واغبنــتني يوم هجّت (بالقلص) (والزمزميه)
مآمن ٍ للوقت لين الوقت ورّاني العجــايب
يوم جاد بشربة الماء واثرها (شربة ضحيّه )
يايبـه وان قصرت ايديني ودارت بي النوايب
بأرمي اعذاري على الغـربه وقلّ المقدريّه
هاجسي الملحد رجع \ دمعة طفل \ بعيون شايب
وإغتسل من نزعة الحاده وتاب من الخطيّة