كعيكعات بالطلية بكل التفاصيل🇩🇿يذوبو في الفم بحشو يقعد طري لمدة طويلة وطلية لامعة و طرية لاطول مدة
Вставка
- Опубліковано 6 вер 2024
- كعيكعات للعيد والمهيبة بكل التفاصيل
صفحتي على الانستاغرام :www.instagram....
صفحتي على التيك توك :www.tiktok.com...
صفحتي على الفايسبوك:www.facebook.c...
بنات عتمدو هدي الوصفة انا قريتها فورشة بدراهم ونتوما تهلات فيكم ام اماني 🌴
500 غ فرينة شحال كاس
4 كيسان@@user-lo2su4ov8v
نتمنى يجاوبونا@@user-lo2su4ov8v
الباكي من السكر ناعم شحال وزنو من فضلك اختي
@@mimichanina3349 مفتكش اختي عاوديلي
ام أماني من فضلك من فضلك من فضلك بقلاوة بلكاوكاو و سر باش لحشو يجي طري تجيني مورقة الله الله و لحشو ميجينيش طري كيما يلزم
حتا ا نا راني نحوس عليها
درتهم بارح واش نقلك الله يعطيك الصحه والعافبه ربي يخفظك دعيتلك من قلبي خرج يهبل يذوبو في الفم والله تستهلي مليون جام
درتيها كوكاو ولا لوز
جرّبتها وجاني يذوب في الفم يعطيك الصحة
الحمد لله زيدت قيصري وجبت بنوتة سميتها أماني العاقبة لكل الاخوات صح عيدكم ويعطيك الصحة أم أماني دايما في القمة
مبروك ختي
جربتهم فن صح جاوني روعة يهبلوا هذيك طلية كيفاش طرية تقول حلوة بالقارص بنان يهبلوا برااافوا عليك متالقة
اختي تعيشي قوليلي شحال خرجتلك من حبة؟؟
شحال يوزن كيس سكر ناعم لي درتي اختي بالضبط من فضلك..500غ؟؟
يعطيك الصحة ام اماني جربت بالعجينة هذي تشاراك جاني من اروع مايكون يذوووووب جربوها متندموش
شحال داتلك ختي ما ومزهر كيلة غير ربع
أم أماني مبدعة نعتبرها هي رقم واحد دون منازع ربي يبارك فيك اختي تعلمنا منك بزاف في ميزان حسناتك يارب
الله يعطيك الخير و الربح إن شاء الله جربتهم الله يبارك عليك طرين كامل عجبوهم تعيشي ....الوحيدة معتمدةعليك
شكرا جزيلا على الوصفة اماني وصفاتك في القيمة دري لنا حلويات جاف و بقلاوة الله يبارك فيك ويحفظك يارب ❤❤
صح عيدكم وكل عام وانتم بخير رجعتلكم بعد ماحربت الوصفة كعيكعات و تشاراك مسكر والله بدون مبالغة يذوبو فالفم ديروهم وماتندموش بربي راح تولي وصفتي المعتمدة شكراً ام اماني ❤❤❤
جيت نقلك يعطيك صحة درتهم وخرجت توب
سييت وصفة 😍😍وش نقولك ربي يفرحك ويحازيك كل خير جاوني يهبلو يهبلو بنة خيال ❤❤ وجاو يدوبو في فم ❤ يعطيك صحة قدما نشكرك قليل ❤ 😊 والله بنات اعتمدو وصفة وطبقو وش قالت تنجحلكم ❤
اختي ڨلاصاج قعدلك طري؟ يجي احسن من لفيه لبيض؟
روعة روعة روعة ❤❤❤
اخواتي علينا دعم السيدة أم اماني .
يعطيك الصحة وصح فطورك ❤❤.
متالقة دوما ام اماني
علاش ندعموها باش تروح متوليش حتى للعيد لجاي
خسارة انا درتهم وكملت جاو ملاح لكن طريقتك جات رائعة ماشاء الله المرة الجاية نتبع وصفتك وطريقتك ❤❤❤ يعطيك الصحة وصفتتك منذ سنوات نتبعهم وكل عيد نطبق وصفة من وصفاتك الرائعة وانا من متتبعاتك من ايام المنتديات ❤❤❤❤
كيما انا .. عجرت نكتب قاع الشي اللي قلتيه .. انا تاني خرجولي ملاح بصح مشي كيما هاك 😢
يعطيك الصحة وصفاتك في القمة هاذي العقدة عندي سنوات نديرها تقعد شهر معسلة وما تيبسش❤
ختي جربتيها مليحة راح نخدمهم للعرس ياخي يجيو ملاح
ام اماني عنوان الإبداع تعلمت منك بزاف انت معلمة شكرا جزيلا حبيت نشري سنوية الكعكات وين نصيبها
ام اماني ياريت تحطيلنا الملون لي لونتي بيه عجينة السكر
ما شاء الله نقدرو نديرو الكوكاو بنفس. الطريقة. ؟
يعطيك الصحة اختي هل يمكن ان نستعمل نفس الطريقة مع الكاوكاو
نفس السؤال يا ريت تفيدنا بالرد
جيتي على قلبي حبيت الكعيكعات من يديك عندي فيك ثقة حتى ومدرتوش في العيد جايا المناسبات ان شاء الله
مبدعة كالعادة.هاذ العام درت ثلاث أنواع من حلوياتك كلهم روعة ماشاء الله.الوصفات ديالك كلها ناجحة ومضمونة نديرها وعينيا مغمضين.بارك الله فيك ❤
الله يبارك
سلام جربت الوصفة و خرجت ماشاء الله يذوب في الفم ان شاء الله كل حرف قلتيه بحسنة رب يجازيك❤
جربتي الحشو بالكوكاو وطيبتيه اختي كيما درات هي من فضلك جاوبيني
@@user-vc7xi7db3l لالا حبيبتي درت لوز
اختي تنصحيني نخدمهم راح نديرهم للعرس وخفت من الحشو كي طيباتو اول مرة نشوف هاذ الطريقة
@@mimach6008 اختي درتهم في العيد و زيد كوموند بقاو منهم حبات لليوم مزالهم يذوبو في الفم ديريهم و عينيك مغمضين أول وصفة نجحتلي تبعي الطريقة نيشان و خلاص
@@yasmine31yassختي قوليلي نخلي لعجينة تريح ولا نخدم بيها مباشرة؟
للأمانة جربتهم لاول مرة وجاو هايلييين يعطيك الصحة وشكرا عالمصداقية
درتي كوكاو ولا لوز
جربتها في حفلة باك تاع بنت اختي جا دايب دوبان و حمرلي وجي.. يعطيها الصحة
ام اماني واش نقول واش نخلي بزاف بزاف بنان الي ذاقهم قالي ولا اروع ذوق مخالف الله يعطيك ما تتمناي وانا موالفة نخدم بوصفاتك كلهم ناجحين ربي يشافيك وترجعي لينا ومتغيبيش توحشناك
ختي جاوك ملاح توسوست كي طيبيت الحشو راح نخدمهم للعرس قوليلي ارجوكي
@@mimach6008 طيبيهم او متخافيش اروع ما يكون مام لابات شابة بزاف
@@mimach6008 خدمي وصفاتها وعينيك مغمضين متوسوسي ما والو عندها الصدق والمصداقية
كل وصفاتك جربتها و ناجحة 100شكرا على المصداقية
جربتي هذي طريقة تاع طلية اختي؟
ماشاء الله عليك والله ربي يجازيك عندي مناسبة ودرت هاد الوصفة ديالك ياام اماني جات تهبل حمرتيلي وجهي يا بنات اعتمدوها والله ماتندمو ربي يحفظك ويسعدك ويجعلها في ميزان الحسنات يارب 🤲🙏❤
ماشاء الله نقدر نستعمل نفس العجينة لتشاراك لمسكر والعريان والحشو نقدر ندير خليط الجوز والوز ونعملها بنفس الطريقة
هذه الوصفه راني قريتها ونخدم بيها كامل لكموند وانا قريتها بدراهم روعه كيما نتاعك
ختي نقدرو نديرو حشو بالكوكاو نطيبوه
@@hayathouta4014جاتني جارية بزاااف لكوكاو طلقلي ليدام
ماشاء الله تبارك الرحمن لاقوة الا بالله، ربي يحفظك و يعطيك ما تتمناي، ربي يرزقك من اوسع ابواب الرزق، قدمااااااا نقوللكم هايلة و قليل، اروع مااااااا يكون، في كلش خفة طراوة و بنانة، ربي يخليلك الكنز لي في يديك، جاتني سواسوا كيما في الفيديو مع العلم اول مرة نجربهم❤
الله يبارك فيك ويعطيك الصحة والعافية والهناء أختي ربي يحفظ ويباقي الستر على اولادك ويهدي سرهم اللهم امين يارب العالمين
ام اماني من فضلك حبيت اتاكد الزبدة 250 غ +50غ سمن ؟؟ يعني المجموع 300غ في 500غفرينة من فضلك ردي علي الله يرضى عنك دنيا واخرة
250مارغرين وحدها وسمن وحدو
نعم ايه 300غرام تولي
جربت الغريبية نتاعك واعطاتني نتيجة رائعة شكرا
برك الله فيك اخيتي وجزاك الله كل خير
اختي من فضلك لوكان ندير كاوكاو في بلاصت لوز ثاني نخدم بنفس الطريقة ولالا(طريقة الحشوة)
نفس الطريقة برك كاوكاو حمصيه
جربتهم لبارح روعة روعة مع أني أول مرة نديرهم جاو يذوبو ذوبان😂 جربوهم ماراحش تندمو
ختي تعيشي قداش دارتلك العجينة من حبة
من فضلك الطلية جاتك مليحة ؟؟؟ طرية
جات روعة وطرية جربي ماتخافيش@@da_da_-hq6mf
اختي اللوز محمص
@@nawalnawal5936 لالا متحمصيهش دريه طول انا جربتها وجات ماشاء الله تهبل
شكرا لك ام اماني من فضلك هل تشعلي علبي كعيكعات من فوق كطيبيهم... حبذا لو تعطينا الحشو بالغرام شكرا
دائما متميزة و متألقة ووصفاتك مضمونة 💯💯👌👍❤ شكرا على المصداقية حبيبتي
اللهم صل وسلم على سيدنا محمد
يعطيك الصحة مشاءالله تحف فنية ❤ و وصفاتك كامل ناجحين و همة و شان شكرا بزاف ليك ختي ❤❤❤❤
بارك الله فيك ماشاء الله
وصفاتك رائعة و صادقة عن تجربة❤❤❤❤
ماشاءالله تبارك الرحمن روعة بالتوفيق انشاءالله ضيفة اجديدة جيتك بصدق 👀👍🛎☝️بصدق 🎉🎉🎉
روعة ماشاء الله
ماشا الله
جربتها جات هايلة
بلوز؟
@@KodsYagoub نعم
زماه جاك الحشو تاعها بما انها طريبة جديدة تاع الحشو يطيب@@aminaziani7821
جا مليح
@@aminaziani7821 حبيت نديرها كومةند واش تنصحيني مليحة ولا مكان لاه نجرب
السلام عليكم. وصحة فطورك ام اماني وربي يبارك فيك وصفاتك في القمة. نقدر ندير هذي الحشوة في العرايش
كل واصفات ناجحة في ميزان حسناتك ان شاء الله ❤
ماشاء الله تسلم يديك تحية عطرة من بسكرة❤❤🎉🎉❤❤
كالعادة مبدعة واالاتقان ماشاءالله ويعطيك الصحه والعافيه ❤❤❤❤
ماشاء الله فنانة عمل متقن بارك الله فيك
جربتو هايلة يعطيك الصحة
من فضلك أم أماني ماتغببش علينا نحبك فالله فضلا وليس امرا.
مشاء الله يعطيك الصحه اختي
يعطيك الصحة و العافية حبيبتي و كل عام وانت بخير وصحة وسلامة وسعادة دائمة انشاء الله
شحال وانا نستنى فيهم شكرا
ماشاء الله تبارك الرحمان فنانه ❤❤❤تهبل🎉🎉🎉🎉
من فضلك ديرينا الفانيد على اصولو 😊
فنانة
وانا علاه مدخلوش عندي 💔 والله حرام ضاع مجهودي وراح يغلقولي القناة😢 وفشلت ربي يفرحك يا اختي ديريلي ابو..ني
ابونيتك بالتوفيق اختي
اني ابونيتك
راني ابونيتلك اختي بالتوفيق
تذخلت عندك اختي
كرهتينا بتعليقك وين نروح نصيبو
يعطيك الصحة نقدرو نديرو هدي الطريقة تع الحشو مع الكوكاو
ايه تقدري يجي روووعة خاصة إذا كثرتيلو قشور القارص من جربتها من قبل احسن طريقة لجميع الحلوى المحشية
نقدرو نديرو نفس الطريقة لي درتيها للوز نديروها للكوكاو؟
ايه ماما انا حبيت نديرهم بلكاوكاو
ايه ختي تقدر ي
ماشاء الله عليك ربي يرزقك الصحة والعافية
ما شاءلله بربي نجربهم قبل البييام تاع بنتي
رووووعه الله يبارك
ام اماني راني جربت الملبس تاعك كي نخدم الحبه تتقسم لاه تعييشي جاوبيني هبلتني العجينه بصح كي طاب جا ولا اروع يعطيك الصحه والعافيه
مشاء الله تبارك الرحمن ربي يزيد لك الكتير من التألق ❤❤❤😊😊
يعطيك الصحة مبدعة
هل عند استعمال الكاوكاو في الحشو نستعمل نفس الطريقة
نعم
ايه تقدري يجي يذوب ذوبان جربت من قبل
تحمصيه شوية ولا لالا
@@user-ht4iw3cj6mاختي انا جربتو ضرك لكوكاو طلق ليدام جاني حشو جاري بزاااف و ميدم نحيتلو ليدام و خليتو يبرد
لكعيكعات : الحشو: 3 كيسان لوز مرحي رقيق ماشي غبرة + كاس الا ربع سكر عادي + كيلة نصفها ماء ونصفها ماء زهر + مغرف كبيرة زبدة وحطيهم في كاسرونة على نار هادئة حتى ينشف الخليط ويتلك شوي ثم نحيه وزيديله مغرف لفاني كبيرة ولما يبرد + نصف صفار بيضة وخلطيهم مليح وغطيه وخليه يبات ليلة في الثلاجة
العجينة: 500 غ فرينة + مغرف لفاني + مغر كبيرة سكر ناعم خلطيهم + 250 غ زبدة طرية بحرارة المطبخ + 50 غ سمن طري وبسي الفرينة مليح مليح حتى تتشرب مليح ليدام + كاس الا ربع خليط بين الماء وماء الزهر حتى تتلم العجينة بالتدريج بدون عجن غي تلميها باش تعرفي اذا كمية الماء كافية وإلا لا كوري كرية من العجينة اذا كان فيها تشققات معناها مازال خاصها الماء وإذا مافيهاش تشققات يعني خلاص راها كافية ماء ثم شكلي كريات 35 غ تتحصلي 24 حبة والحشو ديري 17 غ
كمية الحشو الي في المقادير ديرلك 1كغ من الفرينة تقدري ديري نصف المقدار تجيك نيشان
حلي كرية العجينة رقيقة على شكل مستطيل وحطي حربوش طويل من الحشو ولفي عليه العجينة وخرجي لهوا وروليه ثم جهة رقيها مثل المسمار وجهة الثانية ديري فيها فراغ باصبعك باش دخلي واحدة في واحدة الرقيقة في المفتوحة ثم غلقيهم مليح طيبيهم في مول الكعيكعات بشرط يكون المول بونبي وثقبيهم باش ماينفجروج ودخليهم في فرن مسخن من قبل على درجة حرارة 180 درجة طيب على خاطرها لمدة 25 د تقريبا
الطلية: كيلة ماء زهر صغيرة + كيلة حليب صغيرة + نصف كيلة زيت صغيرة يستحسن تكيلي بفنجان القهوة الصغير كامل فالدار يكفيك خلطيهم مليح وحطيهم في قارة مغلوقة
خدي باكي سكر ناعم غربليه ثم ضيفيله نصف مغرف صغيرة ملون أبيض وضيفي الخليط الي خلطناه بالتدريج حتى تصبح عجينة ملمومة عجنيها مليح ثم بقي ضيفي عصير الليمون مصفى بالتدريج مالخلط جيدا باليد حتى تصبح مثل الفوندون كي ترفدي الملعقة تبقى تتقطع الطلية وخليه وغطيه من ساعة الى ساعة ونصف
الحلوة خليها تبات حتى الغد وقلاصيهم بالطلية ديري الكعيكعات في شبك والطلية ديريها في لابوش جوتابل وغطيهم مليح والزائد روحه ينزل من الشبك
التزيين شكلي بعجينة السكر مثلما راه موضح في الفيديو
وشهية طيبة
ماتنسونيش بدعوة طيبة.
الله يفتح عليك ويسرلك امورك
Ya3tik saha khti
ربي يحفظك
❤❤❤❤
ممكن نديرو باللوز بقشورو اخواتي
الله يبارك
ماشاء الله يعطيك الصحة
بسم الله ماشاء الله ❤️ يعطيك الصحة حبيبتي
يعطيك الصحة هدي الوصفة لي كنت نحوس عليها ❤
تهبل مشاءالله
ماشاء الله إبداع عمل فنانة تسلم الايادي❤
يعطيك الخير أن شاء الله
ما شاء الله يسلموااااا إيديكي حبيبتي ❤❤❤
دائما منالقة سيدتي المحترمة
شكرا لك
ام أماني تعيشي ديريلنا دزيريات
يعطيك الصحة كنت نستنى فيها❤❤❤
ماشاء الله عليك يهبل يهبل الله يحفظك ❤
أختي اماني ممكن نستعمل الكوكاو بدل اللوز .وهل الطريقة نفسها ؟ وشكرا.
Bravo 3lik wasafatk najiha
الله يعطيك الصحة ❤❤😊
مشاء الله ❤️
ربي يعطيك ماتتمناي
من فضلكم اللي دارت الحشو بالكوكاو تقلي اسكو يبقى طري ولا لالا
جربتو بالكاكاو جات العقدة طرية
وي جا هايل
ماشاء الله عليك 👍
ما شاء الله تبارك الرحمن ❤❤❤❤❤❤❤🎉
يعطيك الصحة روعة ❤
ربي يحفظك ويبارك فيك يارب ربي يعطيك ماتتمني
شكرا ام اماني من فضلك اذا تصلح بالكاوكاو ارجو الرد
يا ام اماني روحي الله يعطيك و يمنيك قسما بالله غير جاوني يذووووبو في الفم و بنااااان و الطلية قعدت حتى لدوك 8 ايام و مازالها تذوب في الفم وصفة روعة روعة غير انتي لي جامي ندمت على وصفة درتها من عندك و دايمن نزوخ وسط العايلة و المعارف بالحلويات لي نديرها من عندك ههههه ♥️♥️♥️♥️
قليلي ختي شحال خرجتلك من حبة
سلام من فضلك الحشو درتيه باللوز ولا الكوكاو@@BoudermasDjoumana
حشو درتيه بالوز ولاكوكاو ولا حمصتيهم ولالا
هاد الطريفة تاع الحشو نقدر ندير نفسها بالكاوكاو ؟؟؟
يعطيك الصحة اجمل مودال شكلا❤
بسم الله ماشاء الله تحفة راقية عاشت الايادي ام اماني حبيبتنا الغالية ❤❤❤❤❤