الزايديات منقية الشيخ ضحيان بن حسن المساعره الدوسري ف جائزة الملك عبدالعزيز شوط شلفاء ولي العهد 2022
Вставка
- Опубліковано 21 сер 2024
- ❤️ ~ مـشـاء الله تبارك الرحمن ~ ❤️
🔥
#العز_مكسب_بني_مسعر
الـزايــديــات لمالكها شيخ المراجل
رجـل الاعمـال :
الـشـيـخ / ضـحـيـان بن حـسـن المـسـاعـرهـ الـدوسـري
🔥
كلمات م / سعد بن ضحيان الدوسري
----
بسم الله الي قبل الامثال نبدي به
تبين جزل القصايد من مباديها
الشعر تالي الزمن ماعاد نشفي به
شعر الحداثه تعبث في قوافيها
وانا على الاصل ومجود مقاضيبه
من طرقها تطرب السامع يلاحيها
جعل السحاب الحقوق الي نثاري به
يمطر على ديرةٍ ما شبكو فيها
ا من القعيمه احدور الى ظهر شيبه
وعلى الدكاكه وصبغه لين يرويها
واشمل بها لا دليل وخده ارغيبه
مدهال سود الجهام وذي معاشيها
ووضحاً على الصوت ماهابت عراقيبه
لا هابت السود دكته بسماريها
وضحاً ليا شافته كنها تهلي به
كنها هنوفٍ تودد يوم يدعيها
شفت الزهر والهشيشي من مراقيبه
متشابك فالشقق زانت مفاليها
يا باغي لذة العمر ومكاسيبه
اغنم وجدد ليالٍ زل حاليها
ياراكب الي مع الاخطار ترهي به
مع الدعث غيب السافي ثواريها
عشرين شق وظهر والقرم ساري به
من مشبك العرق سند من مماسيها
مركز خجيمه عطل خليت مشاريبه
وحمراء نثيل اقطفت يبست سوانيها
ورد تماني سرا والبعد يزمي به
الصفق ميلٍ ونيسٍ في مثانيها
يحوفه المسعري لاجت مواجيبه
في شف ذوده وشف الي يباريها
من جاء ع جرته كثرت تحاسيبه
قام يتحسب تقلب في محاويها
قلب الرعاع يتصافق يوم يمشي به
يفدا لمن برها وارهى مراويها
عز الفتى شبته وش لا بدا شيبه
يقول شيبان في ماضي لياليها
لا صار ما للفتى علمٍ يماري به
سوا حياته وموته يوم يطريها
عنالها الي بني زايد تباهي به
غيث الديار وعطايا الله واهاليها
ساق السقوس الثمان المال وشلي به
سبيل بترولها وماها ومافيها
ضحيان وان عدة الاسماء فرق طيبه
نجم لمن يبغي العليا يقديها
العز مكسب بني مسعر وتحري به
تقدم على ذربة العز بيمانيها
هل مجهم وسمها الهادج وتسهي به
في ضفهم ما تذيّر من مضاميها
العمر من دونها كتبة مكاتيبه
لا قال خيّال اصخاف الشول راعيها
وآلآد زايد ذرا من قام يومي به
وقته وذاق الحساير من بلاويها
قد قيل والناس سمعة به وتدري به
من ضامه الوقت سند يم واديها
خاو الدواسر وتلقى الي تهذري به
قبيلة ما يفارقها مخاويها
من خوة الدوسري تبرا معاطيبه
يذوق لذة حياته عقب صاليها
قدر الخوي عندهم والشرع يوصي به
كل السلوم الحميده من سواديها
________
________
#الصياهد #جائزة_الملك_عبدالعزيز #ضحيان
#الزايديات #شلفاء_ولي_العهد #المجاهيم
#الزايديات #الدواسر #المساعره
________
لاتنسونا من دعم القناة وابشرو ب كل جديد 👌🏻
حساباتي الرسميه ف وسائل التواصل :
snap:B_H5o2
insta:B.H_502
Twitter:Badah1111
والله العظيم اني اعز الدواسر واغليهم رجالٍ تقادح نواظرهم مراجل وطيب وكرم ورجوله وشجاعه ولا قصور فالقبايل
ماعليك زود يالنشمي 🔥
حي وانا بني مسعر 😂 الله يطربكم والفوز فالكم باذن الله
كفوووو، الله يجعل فالك التوفيق والنجاح، والأول بإذن الله تعالى.
كفو الدواسر مصدر الزين وابو حسن غني عن تعريف راعي الزايادات