Роман зохиолч Нацумэ Сосэки "САНШИРО" 2 // Орчуулагч Т. Алтаншагай // "Sanshiro" Natsume Soseki

XX зууны эхний арван жил бол японы утга зохиолд бодит байдлын роман хөгжсөн үе юм. Реалист сэтгэлзүйн роман туурвигчдын дотор Нацумэ Сосэки хүндтэй байр эзэлдэг. Японы утга зохиолыг судлагч нар чухам энэ талаас нь үнэлж «Нацумэ Сосэки бол Японы реалист романы сонгодог төлөөлөгчдийн нэг мөн» гэжээ. Нацумэ (Сосэки бол зохиолын нэр нь)-гийн уран бүтээлийн бадрал мандал 1907-1916 он буюу насны нь шувтарга үед тохиолджээ. Тэр үеийг Японы утга зохиол дахь Нацумэгийн үе гэж нэрлэсэн нь бий. Мөн үед японы уншигчид «Асахи»-гаас дуртай зохиолчийнхоо шинэ бүтээлийг амтархан унших гэж шаарддаг байжээ. Нацумэ Сосэкийн бичсэн «Таны дуулгавартай муур», «Хүү» зэрэг бүтээл нь уншигчдын талархлыг үлэмж хүлээжээ. Олны анхаарал татсан бүтээлийн дотроос «Санширо», «Дараа», «Хаалга» гурав нь ч бас нэрд гарчээ. Энэ удаа уншигч та бүхэнд өнгөрсөн зууны 90-ээд оны үеийн Токиогийн их сургуулийн оюутан залуучуудын аж байдлыг үзүүлсэн «Санширо» романыг орчуулан толилуулж байна. Эл романд хөдөө нутагт дунд сургууль төгссөн нэг хүү эрдэм сурахын үлэмж хүслэнгээр хүн зон хөлхөж, машин тэрэг бужигнасан их хөлийн газар Токиод ирж байгааг үзүүлжээ. Гэвч зохиол цаашид гүнзгийрэх тутам Токио мэтийн их хотоосоо сайн сайхан юмыг олно гэдэг нь аажим аажим замхарч, тэндхийн аж төрөл даанч хатуу хэрцгий агаад эрэмгий сэтгэлийг мохоох зүйлс дэндүү элбэгийг гайхаад гайхаад баршгүй юм байна гэдгийг ойлгож эхэлж байгаа нь гарна. Нацумэ залуу хүүгийн сайхан сэтгэлийг цөхрөөж байгаа уршгийн уг үндэс нь тухайн нийгмийн мөн чанарт байгаа гэдгийг үзүүлснээрээ амьдралын үнэнийг үзүүлэх бодит чиглэлийг барьсан зохиолч гэдгээ харуулахын хамт японы утга зохиолд сэтгэлзүйн романы төрөл зүйлийг үндэслэгч болохоо нотолсон хүн юм.
Орчуулагч Т. Алтаншагай
Цахим номын сангийн учир
"Цогт охин тэнгэр" сангийн эрхлэн ажиллуулж буй Цахим номын санг уншигч олондоо танилцуулахад таатай байна.
"Цогт охин тэнгэр" гэдэг нь ЛХАМ бурхны монгол нэр юм.
Монголчууд ЛХАМ бурхныг битүүний орой бууж ирж замбуулинг нэгэн агшинд тойрч айл бүрд ирдэг хэмээн түүний унаанд зориулж тотго дээрээ мөс тавьдаг. ЛХАМ бурхан нь баруун гартаа очирт бэрээ барьж, зүүн гартаа бадар барин мунхгийн харанхуйг арилгаж бурхны номыг түгээдэг, урлагийн охин тэнгэр Янжинлхамын догшин дүр ажээ.
1996 онд "Номус" компани ба Монголын хүүхдийн төв номын сан хамтарч анх нээлтээ хийсэн Цахим номын сан зөвхөн гар утас, хавтгай компьютер дээр үздэг байсан бол энэ удаа шинэчлэл хийснээр цахим номыг компьютер, Киндл төхөөрөмж дээр ч уншиж болохоор болгов.
Ямар ч үнэ төлбөргүйгээр ашиглах уг номын сангийн ажлыг дэмжих хэнтэй ч хамтран ажиллана.
Цахим номын сангийн үйлчилгээг дэлхийн хаанаас ч үнэ төлбөргүй авч номоо гар утас, компьютер, киндл, хавтгай компьютер дээр үзэж болно.
Номын сангийн нүүр номын хаяг: / nomiinkhuree
Цогт охин тэнгэр сангийн нүүр ном хаяг: www.facebook.c...
Хэрвээ та илүү ихийг сонсохыг хүсвэл биднийг дагаарай:
/ @artuzo
Анхаарал тавьсан та бүхэнд
Баярлалаа😉