العدناني الأمين ود مكة.. يوسف الرضي

العدناني الأمين ود مكة
الراوي الشيخ قدورة (عبدالقادر ود جبور)
..
أداء المادح: يوسف الرضي
بمطابقة المداح: العيد أحمد .. نورالدائم محمد البشير
..
الثلاثاء 12 جماد الأول 1441هـ الموافق 7 يناير 2020م
أولاد الشيخ عوض الجيد الخدام
..
#نبذة_عن_الراوي:
الشيخ #عبدالقادر_ود_جبر_الله_"قدورة" حفيد أسيد بن رزق الله بن حرز الله بن ضياب المك منصور بن المك جموع بن المك غانم.
وُلد عام 1745م في عهد السلطنة الزرقاء بقرية (ودرملي) الواقعة على الشاطيء الشرقي لنهر النيل شمالي بحري.
نشأ وترعرع بهذه المنطقة وتلقى كل العلوم بعد حفظه للقرآن الكريم.
كان لبيئة الجعليين في هذه المنطقة ولما فيها من حضارات وفنون أثرها في تكوين شخصيته الإبداعية.
إنتقل إلى منطقة (ود العباس) بولاية سنار وواصل دعوته هناك في كتابة أدب المديح منشئاً إيقاعاً خاصاً به من إيقاعات المديح وعرف بإسمه وهو الإيقاع (القدورابي).
وأمتازت قصائده ببساطة العبارة وقوة المبنى والمعنى وأشتهر بقصائده التوحيدية.
#العدناني_الأمين_ودمكة_ود_عبدالله_العليك_بتحكى
بجيب مدحا سمحا في فمُكا بي مُدحي الأرض ومُجرِي الفُـلكا
امياها تجري وأمياها ترِكا جل الله ونعم المُلكا
**********
بثني بيهو الشريف ود مكة الهاشمي وهِيلو المُلكا
سالم نسبه من غِل أو شِرِكا لي عند آدم ولودا وحنكة
***********
في يوم عروجو الديوان انحبكا وداس الحُجب وفوقن سَلكا
واقرب ليهو من قوس الشركا ما زاغ البصر ولا انفركا
**********
مقرونا اسمك في اسمو لبكا ؛ في قول أشهد يا محمد إنك
تتكلم عائشة تتحدث تحكى بي نور الله المقطوع بي الحسكة
*********
النبي ميمه الأول من ماء المُلكا ، وفيه العظمة ممزوج منشبكا
وفي بحر حاءه الرجال تِدبكا ؛ والميم التانية يردوها الكمكة
*********
داله فاتح لي أهل الدركا ؛ ومَنْ خفَّ وزنه يقِي من تبكا
رحمة ربي المرسول لي الكُلكا ؛ برتة ودينكا أعراب والشُلكا
*********
النبي نائر جسمه من غير دلكا ؛ وكال العين لي حد الرمكة
ثغرو بيخفى الشمس إن ضَحِكا ؛ ومنه فاح الجلاد والمِسكا
**********
يا مولانا أملانا وأكا ؛ من سر منه الجبال ترهكا
ان اوموا بيهو للسماء انتهكا ؛ وفيهو اتغمس والحمد لكا
********
يا مُونة اهلي الخلوك لي تَرِكة ؛ مو خزنة كيلة شبرا ما تركا
بي فضل سيدو عُبيدكم زمكا ؛ بيها اتيقن في يوم التَـمكا
*********
صلوات ربي العظيم في المُلكا ؛ لي الدرمس عقلي وفيهو انهمكا
توصل لي حرمو وتطوف بي أم شَبكا ؛ بيها إن شاء الله ويا خيري معكا

[@أسامةالسرالخليفةالحبيبة]

اللهم صل وسلم على سيدنا محمد وعلى آله وصحبه وسلم تسليما كثيرا طيبا مباركا فيه