Սաղմոս 21 | Տիրոջը փնտրողները պիտի օրհնեն նրան:
Вставка
- Опубліковано 10 вер 2024
- Աստվա՛ծ իմ, Աստվա՛ծ, նայի՛ր ինձ, ինչո՞ւ լքեցիր ինձ,
հանցանքներիս պատճառով հեռու մնացիր իմ փրկությունից:
Աստվա՛ծ իմ, քեզ կանչեցի ցերեկով, բայց չլսեցիր ինձ,
կանչեցի գիշերով՝ բայց չանսացիր ինձ:
Դու ապրում ես սրբերի մեջ
և գովերգվում Իսրայելում:
Քեզ վրա հույս դրին հայրերը մեր,
հույս դրին քեզ վրա, և դու փրկեցիր նրանց:
Առ քեզ աղաղակեցին ու ապրեցին,
քեզ վրա հույս դրին և ամոթով չմնացին:
Բայց ես որդ եմ և ոչ թե մարդ,
մարդկանց համար նախատինք եմ և անարգանք՝ ժողովուրդներին:
Բոլոր ինձ տեսնողներն արհամարհում էին ինձ,
խոսում շրթունքներով և շարժում գլուխներն իրենց՝ ասելով.
«Հույսը դրել է Տիրոջ վրա,
դե թող փրկի ու ազատի նրան,
եթե սիրում է նրան»:
Դո՛ւ հանեցիր ինձ արգանդից,
իմ հույսը դարձար մորս կաթով սմվելու օրից:
Քե՛զ հանձնվեցի ես արգանդից,
մորս որովայնից սկսած՝ դու ես Աստվածն իմ:
Մի՛ հեռացիր ինձնից, քանզի մոտ են վտանգները,
և չկա մեկը, որ օգնի ինձ:
Բազում եզներ շրջապատեցին ինձ,
և պարարտ ցուլերը պաշարեցին ինձ:
Մռնչացող ու հափշտակող առյուծների պես
ինձ վրա բացին բերաններն իրենց:
Հոսեցի ես ինչպես ջուր,
խախտվեցին իմ բոլոր ոսկորները,
և սիրտս հալած մոմ դարձա որովայնիս մեջ:
Զերությունն իմ չորացա խեցու նման,
լեզուս կպավ քիմքիս,
և ինձ իջեցրին մահվան հողի մեջ:
Չորս կողմս բազում շներ հավաքվեցին,
և չարագործների ամբոխն ինձ պաշարեց:
Ծակեցին ձեռքերն ու ոտքերն իմ,
հաշվեցին բոլոր ոսկորներս,
նրանք նայեցին ու տեսան ինձ:
Հագուստներս բաժանեցին իրար մեջ,
և պատմուճանիս վրա վիճակ գցեցին:
Դու, Տե՛ր, օգնությունդ ինձնից հեռու մի՛ պահիր,
այլ օգնի՛ր ինձ, Տե՛ր:
Փրկի՛ր ինձ սրից, փրկի՛ր միամորիկիս շների ձեռքից:
Ազատի՛ր ինձ առյուծի բերանից,
և խեղճ անձն իմ՝ միեղջերուի եղջյուրից:
ԳՈՀԱԲԱՆՈՒԹՅԱՆ ԵՐԳ
Անունդ պիտի հռչակեմ իմ եղբայրներին,
ժողովատեղում պիտի օրհնեմ քեզ:
Աստվածավախնե՛ր, օրհնեցե՛ք Տիրոջը,
և թող Հակոբի բոլոր զավակները փառաբանեն նրան:
Իսրայելի ողջ սերունդը երկյուղ պիտի կրի Տիրոջից,
քանզի Տերը չարհամարհեց ու չանարգեց աղոթքն աղքատիս և երեսն ինձնից չշրջեց,
այլ երբ ձայն տվի նրան՝ լսեց ինձ:
Քո մասին է գովքն իմ,
մեծ հավաքներում պիտի օրհնեմ քեզ:
Ուխտս պիտի կատարեմ նրա բոլոր երկյուղածների առջև:
Տնանկները պիտի ուտեն ու հագենան,
Տիրոջը փնտրողները պիտի օրհնեն նրան:
Նրանց սրտերը կապրեն հավիտեանս հավիտենից:
Աշխարհի բոլոր ծայրերից մարդիկ կվերհիշեն ու կդառնան Տիրոջը:
Բոլոր ազգատոհմերը կերկրպագեն նրան,
քանզի Տիրոջն է արքայությունը,
և նա է տիրում բոլոր հեթանոսների վրա:
Լիացան և երկրպագեցին նրան երկրի բոլոր մեծամեծները,
և ամեն ոք, որ գերեզման է իջնում, նրա առջև պիտի ընկնի:
Նրանով է ապրում անձն իմ,
և իմ սերունդը պիտի ծառայի նրան:
Գալիք սերունդներին պիտի պատմեմ Տիրոջ մասին,
Տիրոջ գործած արդարությունը պիտի ավանդվի
այն ժողովրդին, որ ծնվելու է:
#եկեղեցի #հայաստան #հոգեւոր #սեր #երեւան #աղոթք #հավատք #armenia #shorts #yerevan
Ayo ev AMEN HISUSIN