Todko Samson- Би насаараа гуйлгачин явлаа
Вставка
- Опубліковано 10 вер 2024
- БИ НАСААРАА ГУЙЛГАЧИН ЯВЛАА...Todko Samson
Би дэлхийгээс гуйсан юм аа
Дээр чинь далан жил оршъё гэж
Дараа нь би доошоо чинь шингэж
Дараагийн хүндээ зай гаргана гэж
Би бурхнаас гуйсан юм аа
Будагтай будаггүй зураг төөргөөр чинь
Буян нүглийнх нь зам жимээр
Бусдын адил гэлдэрч яваад
Буцаад өөр дээр чинь ирье гэж
Би ээжээсээ гуйсан юм аа
Эмээлийн олом мулталж
Эргэн иртэл минь
Энх мэнд байгаарай
Цуснаас тань бүрэлдсэн юм
Цөсөнд чинь шингэж амирлая гэж
Би буг чөтгөрөөс гуйсан юм аа
Чимхийн төдий хүсэл шатаах
Чинийх гэж оноож өгөх бүсгүй байгаа бол
Чих нүдэнд нь надаас өөр хэн ч торхооргүй
Чив чимээгүй шунал
Чанх хажууд минь асааж өгөөч гэж
Би эмэгтэй хүнээс гуйсан юм аа
Ээжийн минь дайтай биш ч гэлээ
Сэтгэлийн минь тулгыг сахиач гэж
Нүцгэн биеийн цэнгэлд дуудахаас өмнө
Нүдний минь цаадах учрыг ухаач гэж
Би хүмүүсээс гуйсан юм аа
Хэрүүлийн хар алимныхаа
Хэлтэрхийг ч бүү өгөөч гэж
Хэнд ч хэрэггүй
Хэл аман дундаа
Хэсэгхэн ч бүү хавчуулаач гэж
Би эрчүүдээс гуйсан юм аа
Исгэл гашуун дарс чинь
Итгэлийн амттай биш шүү дээ гэж
Эхнэрийн хүслээс илүү
Эхийнхээ хөлийг бүлээцүүлээч гэж
Би хөвгүүдээсээ гуйсан юм аа
Хорвоо гэдэг чинь алдаа оноогоор холилддог юм аа
Хожим нь хэн хэнд нь буруутгал бүү өгөөрэй
Хүн хүчээр дагах гэж биш
Хүслээрээ амьдрах хэмээн зүтгэдэг юм аа гэж
Би насаараа гуйлгачин явахдаа
Надад хоол өгөөч гэж гуйж байгаагүй
Нэрийг минь алдаршуулаач гэж хүсэж байсангүй
Нойтон шөнө хагацлын нулимстай хонохдоо ч
Намайг л хайрлаач гэж хэнээс ч гуйгаагүй
Норм болсон цэргийн шинель шигээ
Норсон ч хатсан ч тэвхийж явлаа
Надаас хүсэх сүүлчийн гуйлт байна
Нарт хорвоод сайхан л амьдраарай
Үнхээр өөр юу гуйхын бээ
Гайхалтай гайхам сайхан монгол хэл минь гайхалтай бичжээ.Олон хүмүүс сонсож ухаарал аваасай.Тунгаан бодоосой.