麥明詩婚後首孖老公出活動放閃 工作忙碌難實行造人大計
Вставка
- Опубліковано 2 жов 2024
- 麥明詩婚後首孖老公出活動放閃 工作忙碌難實行造人大計
麥明詩 同機師老公 盛勁為 3月尾舉行一連三場婚宴之後，日前佢地首度以夫妻檔形式出席活動搵真銀。兩人襯晒衫出場，雖然影合照時一直被要求擺親蜜甫士顯得略為尷尬，不過接受訪問前就互相細心印汗，公然放閃，非常甜蜜。
兩人被問到夫妻檔工作嘅感受時，Keith就爆出一句寓工作於娛樂，感受到佢可以同太太二人世界無論係工作定玩都一樣咁享受。
郎才女貌嘅佢哋新婚三個月，大家好期待兩人快啲有愛情結晶品，Louisa坦言兩夫妻都鍾意小朋友，但因為各有各忙，加上老公成日要飛唔喺香港，成為造人大計嘅一大阻力：「我哋一路都好忙，一切都係順其自然，（有小朋友）都係一個祝福，所以一有空閒時間就會多啲相處。」
而Keith就透露一有時間喺香港都會全部俾晒太太，仲話太太係工作狂，佢唔喺香港時Louisa全心投入工作，所以有時間就會給予支持。另外Louisa就覺得榮升人妻後，亦要投放好多時間同夫家嘅屋企人相處，因為Keith家族親戚特別多，頻頻要同親戚聯誼同慶祝特別日子，令佢日程變得更忙碌。
#麥明詩 #盛勁為 #勁甜蜜 #互相印汗 #放閃 #婚後首同場 #造人大計 #Louisa #Keith
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0 - Розваги
人哋兩公婆都唔再係TVB藝人就走去採訪，而嗰位仲係喺TVB嘅女歌手就唔去採訪😒
可能TVB高層精神分裂 ！
兩個都唔係娛樂圈嘅人，日日夜夜都要講佢哋 ！ 呢兩個對娛樂圈亦都冇貢獻 ！ 真係討厭 👎🏻
如果唔係嗰件事，鬼有人採訪佢哋😂
@@terrylee8737 乜嘢事呀
@@bankerwin5467 Gigi續約事件，TVB雪藏佢。
Sweet❤