النجع 2018 | مايدوم شرنقي
Вставка
- Опубліковано 12 вер 2024
- النجع 2018 | مايدوم شرنقي
الميه ميه
بين حديد وناس انظلت
قاعه ولت
كانت مسبوكه وانحلت
بيني وبين الناس ، موده
كل عام، نجيبلهم ،سيره
فالتوراث ،،بدا يتعدا
نجعي لي حالات خطيره
موش لازم لكن لابده
كل قدير وليه قديره
توثيقي موش هذا حده
كل كبيره وكل صغيره
نذكرها والدرب نشده
ماني مفلت
فرسه يا وطت يا علت
بين حديد وناس انظلت
قاعه ولت
كانت مسبوكه وانحلت
بين حديد وبين عمالا
رحتي يا زينه الفتيه
جيتي فيدين الدلاله
مبيوعه مانك مشريه
لعبولك لعبه العواله
لين انبعتي سلمك ديه
بين سخيرات وصلاله
لاك غربيه لاك عربيه
رديتي،، لتاج ،،الجلاله
بعد اول جماهيريه
لاك ،بعيره ،لاك حثواله
لي كبلر درتي الطاقيه
لاك بشنه لا بزماله
لاك رسميه لاشعبيه
كل قدير مشى بشواله
والمغبون مشي الضحيه
هاذي الخلاصه بعجاله
وضعك عال وميه ميه
مية بيت ومية حاله
وثقت الدول الليبيه
بين دقيق وبين نخاله
بيك اسلت
شله لا خلت لا ملت
بين ،حديد ،وبين اذيابه
طابق من طابق سلوها
جثه مرميه في غابه
مردس للخربش خلوها
نمل وباعوض وذبابه
فاحت زفرتها شموها
حشرات وجتنا تدابه
عطهم سحه وين لقوها
لمتهم في وين اسكابه
كانت منسيه جابوها
كلتهم فارط كلابه
للوطن اجروسه قلعوها
بقماطه وسايق دبابه
يامامن عيله ،سابوها
عانس جت جارة عزابه
لاخطبوها لا هنونها
بين اجرام ،وبين عصابه
باللي ما فيهاش بلوها
حتي اللي كم عام نسابا
شدوا لعويله ولزوها
كانو مرتاحين طرابا
لاهي بهلها لاهي ابوها
حليت فعيون النهابا
وصلو فيها جوها جوها
درت فيدين الحلابه
عبت لماعين كفوها
خزنه وطاحت في نهابا
كانت ،،مليانا،،فنوها
خلوها موكر نصابه
ياما من فتنه ولعوها
تمت مباحه في غيابه
في وين وصاخه داروها
كانت مرعيه مهابا
ع اللي مايسوا كشفوها
ولت لسمسار مثابا
شكل وصيغه اخري صاغوها
مال ودالوبا،،، دولابا
راح معلي راح، ربوها
غصه ،مكبوته فحبابه
لادفنوه ولا عزوها
شعب ابدي كله ندابه
لبلاد بالقبور ملوها
وطن احتل وطال عذابه
وارض اشراف اللي داسوها
واحتلال وهم اسبابه
سل اجذور وهم سلوها
مكسور وغايب طبابه
كسره ما تجبر كسروها
مسحوقه فيها الغلابه
ونذلت ،هم من،،ذلوها
هاهي منكوبا اتكابا
ع الركبين وهم نكبوها
بيت الله كسر محرابا
حتي ،،حرمتا،داسوها
كسروا،المنبر حرقوا اكتابا
سنه موخله سنوها
دفعة تخريخ الحبابا
حفله مباشر بثوها
جلسة تقرير الطبطابه
تمت كيف يبوا مشوها
حضرة ديبورا الحبابا
جمله ع الزومه حبوها
بذن الله ينوض اعطابا
واللي داروها يلقوها
فيهم ما يبرد مشهابا
لين ترد اللي داروها
وللوطن يردوا غيابه
تعمر والنكبه نفوتوها
بذن الله يرد صوابه
خوذ وثنقي
شعر بدم وحبر ازرنقي
قولت ما بترد دفنقي
خوذ الحنقي
يغلابوا ما يدوم شرنقي
قولت ما بترد لهالها
ع اللي قايلها مردودا
واثق لي حاقد قايلها
لازم بل لازم مالعودا
واللي صخصها بهدلها
يرجعله في ليله نودا
واللي جيفها وزطلها
بيطلع بي تل جعودا
ما يقدر حد يعطلها
وين الله يحط اجنوده
يبرمها ويفك وحلها
فساعه مبروكه مسعوده
واللي يقول نشد جملها
يحضر هذا يوم وروده
دعوه ومولاي يكملها
لي مومن واثق فصموده
في رمشة عين يعدلها
يلحم للبوقال اهروده
بوعاده عفنه يبطلها
كل عاقل يلجم هبودا
لفاهك زين نخللها
نجمع في نزله مقدودا
بين نجوع تشوف كحلها
تحلف مرسومه محروده
والله ،،فصال،، مفصلها
من لطناب اللي مشدوده
فيها اضيوف الله راسلها
بركه وشان وحج وعوده
والصبيان اللي تمدلها
خوت ودم وعز وجوده
تنحر فكحيله بفحلها
كل قذيف يجيب قعوده
ناس اجواد اللي تودلها
ما هي نفسيه مسدوده
تقمع لكمام وتغسلها
ليدين بسنه محموده
ودك غير الا تاكلها
مالبازين والمثروده
من التسعين تشم بصلها
للموجه والقاره واسودا
من خواره بزوز شملها
لماعين تجي مغروده
من الوديان يبان هلها
كيف زمان محشوده
عشر عقاد اللي فولها
مالمكرود ومالمكروده
وقايلها وراني قايلها
فولهم عبسي وعبوده
في وادي اتلال تولولها
زغروتت لظام اعقوده
سابق تداعا بخجلها
لاي جالط لاهي هبوده
صقصه مولاها مجملها
من عيلة ظواي اخدوده
جوف اللي تحذف فنعلها
ع لدوار وع الكرموده
حاجه مولاي مشكلها
بين اسلاق وبين افهوده
تجفل مالظل يجفلها
يابال بتسمع زغروده
تقلع في الرتعه تنتلها
تسمع في كح الباروده
مولاها قمح امولها
من قاعه وصابه محصده
نايظ بدري ومتواجلها
في رقراق اسماح اجبوده
زكاها بيده كيلها
م لحمول اللي مسنوده
قاعه بذراعه شايلها
خلاها طرشه معقوده
عاشت في ظله مدللها
لا ينطاع الا المعبوده
عيله ،،وولاد ،،عاملها
هو ظرغام وهم صيوده
حاميها ماهو عازلها
ما قدروش يخشوا احدوده
حلمه ع الشاعر سجلها
في الغناوه والمجروده
من ينضر عيشه يقوللها
ماتقعدة ديمه مكموده
ما ينطاق الي صارلها
عارف كبتها مصهودا
يعقد بعد امرار عسلها
بيجواد ،،الله ،،،بجودا
بذن الله يفك اخبلها
توصل للغايه المنشوده
غايتنا بربي نوصلها
والتاريخ بعز انعودا
حلمه ومولاي يكملها
بذن الله انجيب الحوده
رحلة رفات ندولها
بنهمال تنوض ارقوده
عبره في جوفي شايلها
شي طرنقي
قدمته من غير طبنقي
قولت ما بترد دفني
خوذ وثنقي
ترتاحوا ما يوم شرنقي
للاشتراك في القناة الرسمية: bit.ly/Agaweed_...
علي الكيلاني شاعر ليبي ومؤلف وملحن ، تتنوع أعماله في أغلبها بين التراثي والوطني.
لعل من أشهر من قامت بأداء أغان من تأليف وتلحين علي الكيلاني المطربة التونسية ذكرى محمد والتي زاد إجمالي التعاون الغنائي بينهما عن 70 أغنية. منها أغنية "من يجرأ يقول". كما غنى من كلماته وألحانه عدد من المطربات والمطربين الليبيين والعرب منهم نوال غشام أنغام ولطيفة العرفاوي. وتناولت أغانيه التراثية الحياة البدوية الليبية فيما اشتملت أغانيه الوطنية مواضيع حول فلسطين والعراق.
بدأ عمله في الإذاعة المرئية والمسموعة الليبية، كما حصل على عدد من الجوائز بينها الجائزة الأولى في مهرجان القاهرة للإذاعة والتليفزيون.إضافة إلى ذلك فهو مالك دار أجاويد للإنتاج الفني والثقافي.
Follow us:
ـــــــــــــــــــــــــــــــــــــــــــــــ
Facebook | / alialkelany0fficial
حشرات وجتنا تددااابا عطهم سحقه وين لقوها ✊🏻✊🏻💚💚
تحيه لكل ليبي شريف عالمبدا
الابداع من الشاعر علي الكيلاني والتالق من حسن مناع.....والنجع الشي الوحيد اللي محسسني انه مازال فيه ليبيا.....وربي يرجعلنا الوطن المسلوب ان شاء الله
ما يقددر حد يعطلها وين الله یحط جنوده ,صدقت
قولت مابترد دفنقي..
خوذ وثنقي..
ترتاح ومايوم شرنقي..
أمين يارب العالمين عاجل غير آجل😢
صح لسانكم شاعرنا المبدع والفنان المتألق ربي يحفظكم💚
ان شاء الله يا رب
@@kaliltop1365
النجع احلي شي ع قنوات ليبيا واحلي اغاني لي صوت الفنان حسن مناع يعطيه الصحة
قصيدة اسطورية ترقى ان تكون معلقة من معلقات الجاهلية .ابدعت يا شاعر العروبة علي الكيلاني
ماشاء الله عليكم ربي يحفظك وترجعو لليبيا تنوروها ياغوالينا♡
ابداع في زمن غابت فيه الوطنية ....
احسنت شاعرنا علي هذه الكلمات التي تبت فينا روح الحماسه في الوقت الذي يأسنا وسأمنا فيه من الوضع المزري انما هذه الكلمات مازالت ترد فينا روح الحماسه والوطنية ..
ابدعت فنانا #حسن مناع صوت قمة في الروعه احسنت الاختيار شاعرنا
ابداع يا شاعرنا .. تحياتي لابن سرت الصمود حسن مناع
Sara Alkadafi 😍😘😍😍
صـمـود اسم مصراتةة يا مريضه😂😂😂💔
الله معمر ليبيا وبس كيف الصقر✊✊✊✊✊✊✊✊✊✊✊✊✊✊✊🤲🤲🤲🤲🤲🦅🦅
هتا الكلمة هنا المعنأ هنا الحن هنا الصمود و العزة و الكبرياء و الكرامة هنا الوطن مع شاعر الوطن
هنا القلم ...والكلمه ...والصوت...ليبيا بلد العز...تسلم شاعرنا .وفنانا الاكثر من رائعين.
والوطن يرده شباب
يعمر والنكبة نفوتها ربي شاعرنا كلام ف قمة الروعه
والله يرق عزمي بعد نسمعها اغنيه هذه
الله يحفظه ويعطيه الصحه وطوله العمر الشاعر علي الكيلاني والفنان الراقي حسن مناع
تحية لكم من قرية صياد بجنزور يا مدافع الكلمة
حسبي الله ونعم الوكيل في الخونه والعملاء
رائع، كلمات وأداء. تحية لكم جميعا
ابدعت بوركت على هذه الكلمات و هذا الصوت الجميل وهذه زغروووده
لولولولولولولولولولولولولولولولي
قولت ما بترد دفنقي😊😊
ربي يحفظك
هذا هو الوفاء
تم
هلا
ابداع ياسيد الكلمة تراثية ابداع يامناع يفنان يابطل اللي ماركعت لنكبة ولا نجريت خلفة تحية لك
❤بلاد العرب أوطاني و كل العرب أخواني❤
الله ع الكلام الجميل ابدعت
بسم الله ماشاءالله ع الفنان المبدع حسن مناع وشكرخاص الي كاتب هدي الكليمات الرئعه وانشاءالله بتوفيق والتقدم احلي شي ع ايو تيوب النجع
عالجرح ..صوت وكلمات اكثر من الرائع
ضاع الوطن وضاع شبابه زاد خرابه تعديب وقانون الغابه
أبدعت أخي حسن مناع وابدع صاحب الكلمات المبدع والمتآلق على الكيلاني
أبدع شاعرنا ربي يحفظك ويطول بعمرك
كلمات في الصميم .... منور يا مناع
يعطيك الصحة ياحسن مناعي اقسم بالله ابدااع 😍😘😍😘😘😘😍😘😍😍😘😍😍👍👍👍👍👍👍👍👍👍👍
تبارك الله اغنية راقية وابداع احسنت
يعطيك الصحه ،، صحه لسانك الفنان حسن مناع
تبارك الله على صوته وكلام معبر مزيدا من التألق و الابداع
اتهبل كلمات أكثر من. رائعه
ربي يحفظك
ابداع وصوت في غاية الروعة ربي يحفظكم
Zahra Zohor 🌷⚘🌹
كلمات رائعة وأداء رائع جدا جدا
لك شكر وتقدير يا سيدي
تهبل ابدااع تمسح دراه الكبد😍💚
Soma algaddafi نشهد بالله انة تمسح تغديد لكبد كلام حق
اي بالله صدقتي
روعه إبداع ربي يهنيك ويحفظك ويدوم المحبه والعز
ربي يحفظك يا خوي
إبداع إبداع إبداع. ... واقع
ربي يحفظك يا حسن مناع
الفااااااتح ابدا والكفاح الثوري مسسستمرررر
الله الله علا الشاعر والفنان اللي انموت فيه وفي صوته ربي يحفظه
ماشاء الله بالله رمضان بدون نجع كيف يكون
بصراحه ابداع
فوق الابداع مايدوم شرنقي
فنان يامناع الله يبارك مبدع
مشالله
رد😅اروع ابيات في الشعر اوارع فن الفن الليبي الشعبي🎉🎉🎉🎉🎉
ماشاء الله
اااااااااااه علی لیبیا یا حسن
شكرا شكرا 👍👍👍
منور فنانا حسن مناع ابداعت
ماشاءالله
مزيدأ من الإبداع حسون
ابداعات (روعه بجد)
عانس جت جارة عزابه لاخطبوها لا هنوها ....قولت مابترد دفنقي
الشاعر الزوم يستمع لي شاعر ثاني❤
ربي يحفطه🥰
منورين شباب
ابداع ابداع ابداع
عشق لاينتهي😍😍😍😍😍😍
الله ايبرد على كبدك زي مامسحت على كبودنا
تحياتي ليك صوت واداء رائع جدا ....ياالله ترد لهلها
هلها من البداية النجع روح الاصله في الجانت
ابداع الشاعر الكيلاني😢😢😢
هلبااا الاغنية 💔💔😢😢
زرقي الفنان ماشالله قحصي الكلمات ماشالله
ابدااع
قولت مابترد دفنقي✅
الفاتح فارس ورجال
قصف ثلاثي الابعاد 😁
و الله قصيدة تمسح عالكبد
ابدااااع
ابداااااااااااع
دفنقي
💚🔥
مشاء الله تحيه ليك
👍👍👍👍👍👍👍👍👍
ممكن مقطوعه بدون مقدمة
محمد حماديfacebook.com/QnatAljamahiriya/videos/1849434248456305/
ابداع👍
هذا الاغنيه الطق في الشرق وفي الغرب طبيله حلوه ومعاني هذا الاغنيه تحكي علي وضع الوطن✌✌✌🖕
💚✊🏻
خلوها موكر نصابه ياما من فتنه ولعوها
شعب ابدي كله ندابه لبلاد بالقبور ملوها
يارب ترد
😍😍😍
😍
👍🏻
20:05
افهم ياحسام
شن قبيلة حسن مناع ..؟؟؟؟
قذافي
شن معنى شرنقي؟
معناها التعب والشرق والبهدلة
شني ليبيامافيهاش الا عيشةالفرعاسةهادي
اتهبل
تفاحة خليل خليل . ..
.ممكن ⚘
فهمنا روعه تهبل وانت كل شوية تكتبي
@@soltanhazem2782 شنو واجعك متزعليش حتا انتي أتهبلي
بعوك العرب
خلك من الوهم يا زرقي طول عمرك مخليينكم درجة تانية في سرت وشكلك تعودت على التتبيع
انت خليك ف حالك مالك و مال شيخه
ماشاء الله عليكم ربي يحفظكم وترجعو لليبيا تنوروها ياغوالينا♡
مشاء الله
اتهبل كلمات أكثر من. رائعه
حتا انتي تهبلي
😍😍😍😍😍😍😍😍