يا حياتي انتي 🙈💜💜💜 شرف ليا إنك بتحبي فيديوهاتي يا سوسو والله 💜💜 بعدين أنا اللي مدمنة كل قصايدك يا قلبي وبشوفك شاعرة مش هتتكرري بجد ربنا ما يحرمني منك أبداً 💜💜💜🙈
دكتوره والله العظيم مش مجرد كلام انتى انسانه صادقه ف كل شىء اسلوبك جميل جدا حتى اخلاقك الجميله واضحه ف طريقتك صدقينى لو اقدر اخلى جميع الليكات ليكى لانكً تستحقى
ربنا يكرمك .. والله والله انتي عندك قبول ومصداقية عالية جدا جدا ..ومش زي الباقيين اللي الواحد اتخدع فيهم بيروجوا لمنتجات لمصلحتهم ..ربنا يزيدك علم ويحفظك يااااارب 💚
تسلمى يا دكتوره والله انا بستفاد منك بشكل متتخيلهوش❤❤❤❤❤❤ بس كنت عايزه اسأل علىى نوع البرند عادى اجيب الزيوت العطريه من الحواج ولا امتنان ولا حراز وهل الحواج براند مش مضمون وحضرتك بتستخدمى اى نوع
يا حبيبتي الله يسلمك💜 الحمد لله والله مش متخيلة دة بيسعدني أد إيه 💜💜💜🌸 نفرتاري ، شركة نيجيلا ، امتنان ، الحواج كويس ف الزيوت الناقلة لكن مش برشحه ف الزيوت العطرية الأساسية ، وفي كمان صفحة بيت الزيت (زيوتها أصلية ).... وأنا بستخدم ماركة Now و Disaar لأني برة مصر
@@drrababmandour شكرا يادكتوره انا لسه عارفه قناتك من يومين وحقيقى استفدت جدا وبقولك استمرى فيه بنات كتيرر بتبقى عايزه حد بالمصدقيه والعلم ده أن شاء الله هبعت قناتك على جروبات بنات كتير علشان يستفيدوا وان شاء الله حضرتك فى يوم من الايام هتكوني مشهوره جدا
هل ينفع اعمل خليط سنتي من كل نوع من الزيوت الروزماري الخردل الخروع الجوجوبا بزور العنب السمسم اللافندر زيت الحلبه جنين القمح زيت اللوز زيت حبه البركه زيت شجره الشاي وآدفيهم واستعملهم هل ينفع هذا الخليط ولا يضر الشعر محتاجه راي حضرتك
حسب نوع فروة راسك يا حبيبتي يعني لو جافة هينفع تخلطي سم من كل نوع من الزيوت الناقلة ولكن الزيوت الأساسية زي الروزماري وشجرة الشاي واللاڤندر وحبة البركة والخردل هتبقى نقط يعني تلات نقط مثلاً من كل نوع ...لو فروة راسك دهنية يبقى هتلغي من الخلطة دي الأنواع التقيلة زي الخروع مثلاً .....والخلطة دي هتستخدميها ك حمام زيت فقط قبل الشامبو مش دهان لتسريح الشعر
الذي لفت انتباهي غير المعلومات القيمة هو ردك علي الأسئلة جعلها الله في ميزان حسناتك عندي سؤال من فضلك انا صبغت شعري بالحنة الانديكو وبدأ شعري يضعف هل بسبب الحناء او بسبب فصل الخريف مع العلم اني كنت اصبغ بالصباغة الكميائية
حبيبتي أنا موجودة عشان أساعدكوا دايماً دة واجبي 🌸 اللهم آمين يارب تسلميلي 🌸 لا حنة الانديجو نفسها بتعمل تقصف وتساقط للشعر للأسف وكمان الصبغات الكيميائية بتعمل نفس الأضرار وجفاف للشعر مع الوقت ... الأفضل استخدام الحنة الطبيعية العادية أو لو في شعر أبيض أنصحك تشوفي الڤيديو دة ❤️ ua-cam.com/video/HoVzxPr0fCw/v-deo.htmlsi=C7wMFHe_hO54ox1k
حبيبتي أبداً ولا يهمك تحياتي لكل أهل الجزائر الطيبين 🌸 اعملي كل اللي تحبيه انتوا أصل وصفات الشعر ربنا يبارك ف أعماركوا ♥️ أنا بس لو قولت كل المكونات دي ف فيديو محدش هيعمل الوصفة 😅 فبحاول دايماً أسهل ع الناس بالحاجات الفعالة اللي نتايجها سريعة ونفس الوقت ميتعبوش عشان يدوروا ع المكونات 🌸 وعاوزة بس أقولك القرنفل بالذات متكتريش منه في الوصفة
وعليكم السلام ورحمة الله وبركاته 🌸 حبيبتي تسلميلي دة من ذوقك 🌸 لا بصي حبيبتي هو آمن جداً ع فروة الراس وتخيلي آمن كمان انه يتاخد عن طريق الفم ...والقاعدة ف تخفيفه نسبة 1:1 يعني كميات متساوية متقلقيش عمري ما اقولكوا حاجة تضركوا انتوا أمانة هتحاسب عليها ... امتى الحالات اللي ممكن نحط منه فيها نقط (من 5 -10 ) لما تكوني عملتيله اختبار حساسية ع فروة الراس ولاحظتي احمرار او تحسس ساعتها ليكي حرية الاختيار اما تستخدمي زيت غيره او تستخدمي منه نقط فقط
السلام عليكم يا دكتور . انا شعري خفيف خالص وفيه فراغات ونسبه منه وراثه وفيه نسبة قشرة وبتزيد في الشتا ومتقصف وهايش🙂 ممكن تقوليلي على روتين كامل ليه لاني استخدمت حاجات كتير ومفيش فايده
وعليكم السلام ورحمة الله وبركاته عالجي القشرة الاول يا حبيبتي بشامبو زي selengena ( مرتين ف الاسبوع مع التدليك لمدة خمس دقايق ع فروة الراس وتشطفيه وهتكملي كدة لمدة شهر ) بعدها الروتين هيكون : شامبو Aloekita أو Rego مرتين ف الاسبوع بلسم أو ماسك ترطيب بعد الشامبو زي biosoft او bonabella وحمام زيت مرتين ف الأسبوع قبل الشامبو ( اختاري ميكس زيت الزعتر أو زيت حبة البركة مع الزيوت الناقلة زي ما وضحت ف الفيديو ) وقت التسريح استخدمي بديل زيت Aloe eva وسرحي شعرك مرتين ف اليوم
@@amalosama1937 اللهم آمين وإياكِ حبيبتي ❤️🌸 بصي هي اولاً مقاطعة ، وانا من تجربتي معاها يعتبر أفضل منتج فيها هو زيت ال 8 سم لما بيتعمل حمام زيت ...لكن كيش كينج والباقي لأ مش أفضل حاجة
حبيبتي والله من وجهك عرفت انك انسانة طيبة لانك تجيبي على كل الاسئلة بليز اريد جواب على سوالي انا شعري تعبان يتساقط كثيرا ايضا انا اشرب دواء للصرع مرضت به من3سنوات الحمد لله صحتي جيدة لاكن شعري تعبان يتساقط كثيرا والقشرة اكثر حتى اني اصبحت اغسله كل عشرة ايام او اكثر لكي لا يتساقط وانا امراة متزوجة بليز ساعديني بليز
@@الأمل-ص7ل معلش حبيبتي لحد بس تروحي لدكتور يشوف نسبة الفيتامينات واول ما تبتدي تاخدي جرعات ليها هتشوفي تحسن كبير ان شاء الله... شامبو Nizoral أو Selenocare للقشرة مرتين في الأسبوع بتسيبيه ع شعرك خمس دقايق قبل ما تشطفيه وروحي للدكتور ف اقرب وقت عشان هيوصفلك بخاخ يساعد مع الشامبو كمان وعشان موضوع الفيتامينات
ماشاءالله عليك بارك الله فيك تعجبني المقاطع المختصرة والمفييييدة عندي سؤال /اقدر اخلط زيت الروز ماري مع زيت النعناع! بالإضافة إلى الزيوت الناقلة يعني عادي الواحد يخلط كذا زيت أساسي مع كذا زيت ناقل!! اتمنى الرد ولك كل الشكر 🌹
شكراً جداً لحضرتك ، اللهم آمين يارب وإياكم لا بلاش خلط كذا زيت أساسي... ممكن بمعدل كل أسبوعين تغير نوع الزيت الأساسي وتغير كمان أنواع الزيوت الناقلة اللي هتخففه بيها عشان شعرك يستفيد من كل الأنواع من غير ما تأذي فروة الراس بخلطهم مرة واحدة وعادي الزيت الأساسي الواحد تخلطه مع كذا نوع زيت ناقل دي مفيهاش مشكلة
عندي غده درقيه و نقص فيتامين دا باخد الدواء و شعري زفت باخد بايوتين مش عامل حاجه الشعر سمكه خفيف و هو نفسه شعرتين كده عايزه بخاخ للانباء و الطول حتي لو غالي بدل للمينوكسديل خايف منه و لو عملت بلازما كل اسبوع مره هيفرق
جربي تبدلي البيوتين ب hair tonic أو pantogar بس بعد استشارة طبيب الغدة إن كانوا أمان انك تاخدي أي حاجة فيهم مع علاجك أو لأ .... وبدل المينوكسيديل زيت الروزماري أو حبة البركة أو النعناع أو الزعتر أقوى ف الانبات وطرق استخدامهم الصحيحة ف الفيديو المهم انها تكون زيوت أصلية معصورة ع البارد ، وفي كمان زيت golden crown من elena cosmetics هتلاقي صفحتهم ع الفيس دة هايل جدا ف الانبات
دكتورة ممكن تقوليلي سبب أن يطلعلي حبوب من بعض أدوية الشعر في حين أن مثلا ممكن حد تستخدم نفس المكملات دي ومتتأثرش زي مثلا مادة الليسين خدته في حبوب تومكس بلس ومتبهدله حبوب ويتوجه جدا وكل يوم بلاقي كذا حباية جديده 😢
المفروض حبيبتي ان حبوب تومكس تعمل العكس يعني تكافح ظهور الحبوب ، فأنا عاوزة أسألك دي الحبوب الوحيدة اللي عملت معاكي كدة ؟ وانتي نظام أكلك بتاكلي fast food أو مقليات كتير أو سكريات كتير ؟
@@drrababmandour انا ايوة لما خدت تومكس عملي حبوب جامده في كل جسمي وكمان كنت خدت حبوب من زمان مش فاكراها كدا كانت طلعتلي حبوب بردو وبطلتهاوكان وشي راق بس لما خدت التومكس بلس اتلقيت حبوب كتير نطرت في وشي ودراعاتي ورقبتي وقفايا وضهري وبعض أماكن تانيه
@@yousraaa7026 لو على كلامك وانتي مش بتاخدي حالياً أي أدوية تانية ولا ف العادي بشرتك معرضة للحبوب ... يبقى اللي حصلك دة نتيجة رد فعل تحسسي من مادة ال Allicin أو الثوم عموماً... ف وقفي الحبوب دي فوراً وتابعي مع طبيبة جلدية تفحص نوع الحبوب اللي ظهرتلك وتوصفلك كورس العلاج الأنسب ليها لأن مش كل أنواع حب الشباب بتتعالج بنفس الطريقة لازم فحص وأنا وضحت دة ف سلسلة حب الشباب هنا ع القناة لو حابة تشوفيها
أول فيديو اشوفو ليكي وأسلوبك راقي وهادي وواضح اوي انك فاهمه ماشاء الله عليكي ❤ ربنا يجازيكي خير على المعلومات القيمه دي بس عندي سؤال من فضلك يا دكتورة تجاوبيني انا من سنه ونص صبغت شعري بحنه نوبار واستعملت مجموعة الفيف طول الاحلام لأن كان شعري طويل جدا وتقيل وناعم بس كان فيه تشابك فخفت اصبغه بالكيماويات واستعملت حنه ومن بعدها شعري بيقع بالخصله والبصيله وعملت تحاليل للحديد كويس وفيتامين دال بردو كويس قوليلي اعمل ايه الله يرضى عليكي شعري وصل لغاية كتفي وبقا هايش جدا وخفيف ومتدمر حرفيا اسفه على الاطاله
حبيبتي دة من ذوقك تسلميلي يارب❤️ اللهم آمين واياكي يا جميلة🌸 بصي حبيبتي أولا خديها قاعدة ..أي ماركة حنة مهما اتكلموا عن مكوناتها انها طبيعية فدة مش حقيقي وبتكون مخلوطة بمواد كيميائية بتسبب ضعف الشعر والتساقط ... ف الأفضل الحنة العادية خالص اللي من عند العطار ويكون موثوق فيه ، ثانياً منتجات إلڤيف مليانة SLS أو سلفات ودي مادة لوحدها بتسبب تساقط ....امشي ع الروتين اللي هقولك عليه دة واحكيلي عن النتيجة بعد تلات شهور ❤️ 1- شامبو Aloekita DS أو شامبو ريجو ...مرتين في الأسبوع وسيبيه ع شعرك خمس دقايق قبل ما تشطفيه وبعدين اشطفي شعرك عادي بتستخدميه ع فروة الراس فقط 2- قبل كل مرة هتغسلي فيها بالشامبو اعملي حمام زيت الروزماري مع زيت بذور العنب بالطريقة اللي اتكلمت عنها في الڤيديو 3- حمام كريم biosoft بعد الشامبو ع شعرك فقط متقربيش لفروة الراس... لمدة 15 دقيقة وتشطفيه كويس 4- وقت تسريح شعرك يكون بمشط واسع وكريم ڤاتيكا بالحبة السوداء وهتسرحي مرتين في اليوم 🌸 وأبداً مطولتيش والله اسأليني ف كل اللي محتاجاه❤️
@@drrababmandour الله يرضى عليكي ويجبر بخاطرك ❤ انا هاعمل اللي حضرتك قولتي عليه بالظبط وهارجع اقولك على النتيجه ويارب الشفاء يكون على ايديك يا اجمل دكتورة
والله يادكتورة الفيديو مفيد جدا لكن من كثرة الزيوت الي ذكرتيها صعب عليا ان استوعب ياريت تعملي لنا فيديو لي الشعر الجاف وتفهمينا بهدوء متسرعيش في الكلام انا مشتركة جديدة شعري جاف وعندي فرغات رهيبة عمري 58 سنة نتمنى نستفيد من قناتك شكرا على المجهود الرائع الذي تقومين به 🇩🇿👍🌻❤
حبيبتي حضرتك ع راسي تحت أمرك طبعاً ربنا يبارك ف عمرك ياارب ❤️❤️ المناسب لحضرتك زيت حبة البركة مع زيت جوز الهند (تخلطيهم بكميات متساوية حسب ما يكفي فروة راسك ) تدفيهم ع ايدك أو على نار هادية خالص حاجة بسيطة وتدلكي بيهم فروة الراس لمدة 10 دقايق وبعدين تسيبي الماسك دة ع فروة الراس والشعر لمدة ساعة فقط وبعدين تغسلي بشامبو Aloekita ....وتكرار الماسك دة مرتين ف الأسبوع قبل الشامبو ... وقت تسريح الشعر استخدمي كريم فاتيكا بالحبة السوداء تحففة ف ترطيب الشعر ولو احتاجتي حاجة أي وقت اسأليني أنا معاكي أي وقت ♥️🌹
@@AliAhmed-sx3fi اتأخرت عليكي ف الرد لأن للأسف الكومنتات اللي بتكون ع كومنتات حد تاني مش دايماً بتظهرلي ... القص مش هيتقله ، هو فقط بيحافظ على باقي الشعر من الأطراف المقصفة ، لازم تغذية بالزيوت الطبيعية زي جوز الهند مع حبة البركة أو اللافندر أو الروزماري بالطريقة اللي شرحتها ف الفيديو بالظبط + روتين عناية بمنتجات مناسبة للشعر الجاف شوفي سلسلة الشعر الجاف دي هتفيدك جداً ua-cam.com/play/PLXJXS4zj_wzewabdf9Ye_3c659q4OVcEY.html&si=qLMHA3cFZHFhc8aa وشوفي الفيديو دة لعلاج الشعر الأبيض نهائياً ua-cam.com/video/HoVzxPr0fCw/v-deo.htmlsi=qNv3gCgKL4iSvP0L
شكرا على المعلومات القيمه يا احلى دكتورة لوسمحتي انا عندي ذئبة حمراء وخمول فى الغدة الدرقية وباخد العلاج بانتظام بس شعري على طول خفيف وهايش وقصير جدا مع ان فى الاصل شعري كان طويل جدا وجربت كل الوصفات فياريت حضرتك تفديني
حبيبتي العفو وسلامتك شفاكِ الله وعافاكِ ♥️ للأسف دي أعراض طبيعية للذئبة الحمراء وقصور نشاط الغدة الدرقية ، فاستمري ع العلاج بانتظام زي ما انتي ، واشتغلي دايماً ع الترطيب لشعرك خارجياً والفيتامينات لصحة شعرك داخلياً ( تحديدا أوميجا 3 والزنك وفيتامن د) بس خلي الدكتور المتابع لحالتك يحددلك الجرعات المناسبة بحيث متتعارضش مع علاجك الأساسي ، بالنسبة للترطيب ( مرتين ف الاسبوع حمام كريم ع الشعر فقط مش الفروة بعد الشامبو ويكون الشامبو خالي من السلفات زي ( ريجو أو ألوكيتا Ds ) ....وقبل الشامبو مرتين ف الأسبوع حمام زيت ع فروة الراس لمدة ساعة فقط ( زيت جوز الهند مع زيت بذور العنب أو الجوجوبا ) كميات متساوية ...شعرك هيبقى رطب وصحي جداا ودول أأمن حاجة ع فروة راسك ف الوقت الحالي
السلام عليك أن استخدم زيت الزيتون بعد الاستحمام بعدد ساعات ويبقى في شعري 3 ايام اعتقادا مني الاستفاده اكثر واقتدي بيقول النبي صلى لم يحضرني حفظ قوله وممكن ذكر ضرر هذه الطريقه. مع التقدير
وعليكم السلام ورحمة الله وبركاته ، عليه أفضل الصلاة وأذكى السلام .... ضرر الطريقة دي إن لو فروة راسك دهنية فكدة هتزودي دهون الشعر أكتر ويبقى معرض لظهور القشرة ومع الوقت الشعراية ممكن تقع من تراكم الدهون وانها مش عارفة تتنفس + استفادة الشعر من الزيوت عامة بتكون عن طريق حمامات الزيوت ع الفروة مش ع الشعر نفسه
اللهم آمين ياارب ويبارك ف عمر حضرتك وتشوفيها أحسن مني ياارب ❤️ كريم بندولين بزيت المورينجا ممتاز جداً للشعر التالف المتقصف واتكلمت عن روتين كامل لشعر الأطفال في الفيديو دة هيفيد حضرتك ua-cam.com/video/ryJTHr_vUpA/v-deo.htmlsi=Zv7wYgouNBoXLNDn
دة روتين كامل للعناية بشعرها يا حبيبتي وأفضل المنتجات اللي تستخدميهالها وازاي تتعاملي معاها وقت تسريح شعرها لو في تشابك وطريقة استخدام الزيوت الصحيحة المناسبة لعمرها 🌸 اسمعيه من اول الدقيقة 5.25 هتلاقيني مقسمة الدقايق ف صندوق الوصف ua-cam.com/video/ryJTHr_vUpA/v-deo.htmlsi=dn_O8Jq5XDXohCx0
حلو المقطع شكرررا ع النصايح ما شاء الله موسوعه كاملة الله يعطيكي العافية ..حبيت فكره اني اشرب كاستين وقت كل صلاه يعني انا اكثر وحده اعاني من قلة شرب الموية مااحب اشربها كثير 😅 وانسى كمان
حبيبتي العفو تسلميلي ياارب الله يعافيكي ♥️، الحمد لله الطريقة دي هتكون مناسبة ليكي اوي وهتخليكي تفتكري شربتي كام كوباية مياه بالظبط ومش هتنسي ان شاء الله
@@alaafayz-kk1pm العفو حبيبتي وجزاكِ مثله اللهم آمين 🌸 شامبو للفروة الدهنية فيه نسبة سلفات ضروري بس عالجي القشرة الدهنية الأول ب شامبو Selenocare مرتين ف الأسبوع لمدة شهر ...وشعرك نفسه اعمليله حمام كريم مرتين ف الأسبوع بعد الشامبو
سبحان الله ربنا من عليكي بالقبول في الوجه واسلوبك الراقي ومصداقيتك في الشرح زادك الله من فضله وجزاك عنا كل خير عندي سؤال ممكن تقوليلي على نوع كريم لتصفيف الشعر يكون مغذي للشعر وينعمه وليس له أضرار
@@drrababmandour تستاهلي كل خير ودعوات العالم الحلوه كلها لذوقك وكفاية اهتمامك وردودك على متابعينك ومش انا بس اللي شايفه انك فعلا جميله ده كل الناس بتحبك وتدعيلك ربنا يحبب فيكي خلقه اللهم امين يارب العالمين وشكرا على ردك يا قمر ❤
لو سمحتي يا دكتوره .بنتي عندها فراغات من الجوانب (جلح) وشعرها خفيف وبطول ببطء شديد ومن تحت جاف جدا (من فوق عادي ) .تنصحيني بايه (زيوت او كريم .وشامبو ) .وحاجه كمان للتسريح اليومي
أفضل روتين للعناية بشعرها فيه الاجابة عن كل أسئلتك اسمعيه من أول الدقيقة 5.25 هتلاقيني مقسمة الفيديو بالدقايق ف صندوق الوصف ua-cam.com/video/ryJTHr_vUpA/v-deo.htmlsi=WGafMXmQGvOIcyIA
دكتوره بعد اذنك انا عندي تساقط في شعري هل لو استخدمت فيروجلوبين مع اوميجا ثري وفيتامين دال كويس كدا ولا هحتاج حاجه زياده زي البيوتين و البانتوجار ردي عليا معلش 😢
لا كفاية أوي يا حبيبتي دول أهم تلات عناصر ... بيوتين وبانتوجار فيتامينات شعر ممتازة بس نسب الحديد واوميجا 3 فيهم وڤيتامين د أقل من الجرعات المركزة الموجودة في الفيتامينات لوحدها وكمان من آثارهم الجانبية انهم بيزودوا الشعر ف باقي مناطق الجسم
@@أحمدثابت-ش2ظ نورتيني يا حبيبتي 🌸 وسائل منع الحمل الغير هرمونية هي اللي مش بتسبب تساقط الشعر ، ف حضرتك شوفي مع الدكتور /الدكتورة المتابعة لحالتك الوسيلة الأنسب ليكي منهم
زي الفل جداً بس خلي الروزماري 5 أو 6 نقط بس وباقي كميات الزيوت متساوية حسب فروة راسك وطول شعرك...ممكن معلقة من كل نوع مثلاً ...ودفيهم حاجة بسيطة قبل الاستخدام ولفي شعرك بكيس أو بونيه حراري ومدة الماسك متزيدش عن ساعة
تسلمي حبيبتي ♥️ لا خالص مش بتزود الوزن ، الفكرة ان أحياناً الجسم بيبقى فاقد للشهية بسبب نقص فيتامينات معينة ، فلما بتعوضي النقص دة بتتفتح الشهية تاني وتبدأي تنظمي أكلك فبتلاحظي ان الوزن بيزيد زيادة بسيطة بس مبيكونش بسبب الفيتامينات ، بيبقى بسبب أكلك العادي ...ف دايما خلي في توازن ف أكلك ..وزنك هيكون مظبوط
لا مش بخاخ يومي يا حبيبتي ولو بناتك أطفال بلاش تستخدميه ليهم.... في زيوت كتير أأمن ع شعرهم (زي الأرجان ، الزيتون ، جوز الهند ، السمسم ، بذور العنب، اللوز) .... هقولك طريقة التحضير الصحيحة اللي تمشي عليها ليكي انتي ٢ كوب ماء يغلي ع النار وبعدين تحطي معلقة واحدة من القرنفل ومعلقتين من الروزماري (المجفف) مش الفريش وتسيبيهم مع المياه 10 دقايق فقط ع نار هادية جداا ...ولما يبردوا خاالص تصفيهم وتحطيهم ف زجاجة بخاخ نضيفة ...وتستخدميها لجذور الشعر لمدة 20 دقيقة او 30 دقيقة فقط وبعدين تغسلي شعرك بشامبو مخفف مضاد للتساقط ...الكلام دة مرة او مرتين ف الأسبوع فقط
لو سمحتي ياريت تردي عليا ضروري فرحي قريب وجربت كل حاجه للفراغات مفيش نتيجه وجبت روز ماري اصلي وخففته بجوز هند حطيت نص الكميه من ده ومن ده بس وقع شعري جدا ...كده ارميه ولا اخففه اكتر وهو غالي جدا
يا حبيبتي زيت الروزماري قوي جداً ع فروة الراس مينفعش خالص تحطي نص الكمية ... هو بالكتير 5 نقط على معلقة كبيرة زيت جوز هند لو فروة راسك جافة أو زيت بذور العنب أو الأرجان لو فروة راسك دهنية ... وتدليك 10 دقايق وتسيبيه ع فروة راسك لمدة نص ساعة او ساعة بالكتير وتغسلي شعرك بشامبو مخفف ودة ماسك مرتين ف الأسبوع فقط ... واستخدمي الشامبو طبي مضاد للتساقط زي Aloekita أو ريجو
بصي يا حبيبتي لو انتي ف القاهرة أشرحلك جداً المركز القومي للبحوث ..الزيوت بتاعتهم أصلية ما شاء الله لو موجودة ف محافظات تانية ...روحي للعطارين الموثوق فيهم وهاتي ماركة امتنان أو نفرتاري أو الهداية إو الحواج لو ف السعودية هاتي ماركة Now
السلام عليكم يا دكتورة ، انا شعري فيه تساقط شديد الشعراية بتنزل بطولها حرفيا ودا سبب فراغات كتير من قدام والجنب وكمان هايش وجاف على طول مع انه مكانش كدا كان ناعم وفيه قشرة بس بلاحظها في الشتا بس ممكن تقوليلي أعمل اي وجزاكي الله كل خير❤
وعليكم السلام ورحمة الله وبركاته اعملي تحاليل (فيتامين د ، مخزون الحديد ، الأنيميا ) ضروري يا حبيبتي ولو عندك نقص ف حاجة فيهم لازم تاخدي جرعة العلاج المناسبة من الفيتامينات وتمشي على منتجات ضد التساقط زي مجموعة twist & go أو hairoots واختاري حمام زيت حبة البركة مع زيت جوز الهند بنفس الطريقة اللي شرحتها ف الفيديو ..... شعرك هيتحول تماما لو التزمتي بالتعليمات دي ، اللهم آمين وجزاكِ مثله يا جميلة❤️
شكرا جدا يا دكتور❤❤ بالفعل عملت التحاليل وطلع عندي فيتامين د ٩ ومخزون الحديد ٢٠ ، والبخاخات دي لو وقفتها هيرجع يتساقط تاني؟ وممكن ترشحيلي حاجات استخدمها من شامبو لحمام كريم وحاجة اسرح بيها وكدا وجزاكي الله كل خير ❤@@drrababmandour
@@drrababmandour غيرت حاجات كتير ورحت لدكاترة كتير بعض علاجتهم جابت نتيجة بس بطيئة ومشكلة شعري لها سنين وعايزة حاجة تظهر نتيجتها بسرعة عشان أعرف أكمل فيها بس معرفش نوع فروة راسي
@@zainabaltayb9079 طيب حاولي الفترة دي توقفي استخدام اي شامبو فيه سلفات وتستخدمي إما شامبوهات الأطفال زي تولا مثلاً أو شامبو ايفا بزبدة الشيا ....... واستخدمي بلسم تولا أو ايڤا بردو ...... حمام زيت ميكس بين بذور العنب وزيت جوز الهند بكميات متساوية لمدة ساعة ونص قبل الشامبو + حمام كريم biosoft بالأرجان أو لو ف امكانياتك تجيبي ماسك clary ( والخطوة دي مرتين ف الأسبوع) ...... وللعناية اليومية ليڤ إن bless أو aloe eva بالأرجان ( استخدام مرتين ف اليوم قبل تسريح شعرك)
@@drrababmandour حاجة العناية اليومية زيت ولا كريم والماسك بديل حمام الكريم ولا معاه واستخدام الماسك نفس فكرة حمام الكريم بعد غسل الشعر بالشامبو ولا طريقة مختلفة
السلام عليكم شكرا لزوقك ومعلوماتك الجميلة انا اول مرة اشوفك وفهمت كتير واستفدت من حضرتك وعند سؤال لو سمحتى ابنى شاب بس كان بيعمل فرد لشعره وحاليا عنده فراغات من الامام تنصحينا بايه ولكى جزيل الشكر❤❤❤
وعليكم السلام ورحمة الله وبركاته ، العفو دة من ذوق حضرتك ❤️ خليه يوقف الفرد فورا دة من أكتر الحاجات اللي بتسبب تساقط شعر ...ويستخدم شامبو Aloekita ds ع فروة الراس مرتين في الاسبوع ويسيبه خمس دقايق قبل ما يشطفه ، وقبل الشامبو يعمل ماسك الروزماري مع زيت جوز الهند أو الأرجان بالطريقة اللي قولتها ف الفيديو مرتين في الأسبوع....هيستمر ع الروتين دة لحد ما يحصل إنبات شعر في الفراغات دي
السلام عليكم ممكن يا جماعه تستفيدى منه بدل الزيوت بتاعته استفيدى منه فى العشبه بتاعته تنقع فى ميه مغليه ويصفى وترشى بيه على الاماكن ممكن كمان مع كركديه حلو لتنبيت بردهمع حبه البركه ورشى بيه هيبقى اخف من الزيوت
@@drrababmandour تمام تسلمى يارب جزاكى الله عنا خير حبيبتي واعرف منين حبيبتي انى الزيوت ده كويسه افضل انواع الزيوت من شركات ايه حضرتك ترشحالى وهل شركه الكابتن كويسه ولا افضل اعمله وفى منزل الزيت اجيب العشبه وانقعها فى اى زيت زى جوز الهند مثلا مع زيت تانى يخفف بيه واسيبه ١٥ يوم مثلا ايه راى حضرتك وشكرا ليكى على ردك والاهتمام بكومينتات ♥♥
@@minhallah1014 اللهم آمين وإياكِ حبيبتي ❤️ ، أنا بحب أوي زيوت شركة امتنان ونفرتاري والمركز القومي للبحوث و Now ... لا مش بفضل الكابتن ، ومش بفضل بردو نعمل الزيوت ف البيت لأنك بتضطري تسخني الزيت اللي هتحطي فيه العشبه لكن الشركات الكويسة بتستخلص الزيوت بالعصر ع البارد
مساء الخير يا دكتوره ... أنا عندي مشكله نادره و هي ان فروة رأسي تؤلمني جداً من سنوات طويله لدرجه اني ما كنت اقدر أغسل شعري بشكل عادي او لما عاوزه أنام ما اقدرش احط راسي على المخده أنام و أنا قاعده 😢😢😢😢 شفت دكاتره كتير اختصاص جلديه و تبع الشعر و ماحدش قدر يعرف السبب و يساعدني في حل المشكله ...يا ترى حضرتك ممكن يكون عندك فكره عن سبب الألم في فروة رأسي 😢😢😢 شكراً كتير سلف ❤
سلامتك يا حبيبتي ♥️ بالعكس مشكلة شائعة جداً وأسبابها كتير أهمها ان يكون عندك تساقط شعر بسبب نقص فيتامينات ومعادن زي الحديد وڤيتامين د والزنك (دة كافي أوي يسببلك ألم رهيب) ، ممكن كمان يكون عندك التهاب ف بصيلات الشعر أو اكزيما أو تينيا ، وممكن يكون بسبب مشاكل ف الغدة الدرقية ، وممكن التهاب الأعصاب الموجودة ف فروة الراس وممكن قشرة دهنية ....فعاوزاكي تروحي لاستشاري جلدية ويطلب منك تحاليل غدة درقية ومخزون حديد وزنك وفيتامين د ضروري ويكشف ع فروة راسك لو في اي التهابات أو تحسس .... ومجرد ما نعرف السبب العلاج هيبقى سهل اوي ....لحد ما تروحيله عاوزاكي تعملي تدليك لفروة راسك بزيت جوز الهند ع اد ما تستحملي وبعدين تغسلي شعرك بشامبو طبي خالي من السلفات ... وتعملي كمادات ميه دافية يومياً ع فروة راسك دة هيريحك كتير اوي لحد ما تروحي للدكتور وألف سلامة عليكي♥️
وعليكم السلام ورحمة الله وبركاته ، اللهم آمين وإياكي يا جميلة 🌸 لا خالص اتأكدي بس انه أصلي ومعصور ع البارد ولازم يتخفف بالطريقة اللي اتكلمت عنها ف الڤيديو
عزيزتي زيت حبة البركه اللي تكلمتي عنه عطري ولا عادي لاني بحثت في ايهرب وكلها عضويه وماهي عطريه مالقيته عطري ذا الشي خلاني اسأل هل قصدتي انه يكون عطري ولا عادي اذا تعرفين ماركه معينه في ايهرب علميني توفرين علي بحث😢
السلام عليكم. يا دكتور لو سمحتي انا عندي تساقط شديد وفراغات كتير من قدام والجنب وشعري خفيف خالص وانا طبيعة شعري ناعم بس من كام شهر كدا بقا ويفي او كيرلي كدا معرفش من ايه ومش عايز يرجع لطبيعته تاني.. وانا لما عملت تحليل انيميا ومخزون حديد وفيتامين د طلعوا قليلين عندي اوي ... ممكن تقوليلي على حل وجزاكي الله كل خير
@@drrababmandour جزاكي الله كل خير يا دكتور♥️ طيب يا دكتور حل مشكلة تغير طبيعة الشعر دا ايه كان ناعم وبقا قالب على كيرلي كتير وفيه تموجات وبقا هايش وجاف
@@amalosama1937 اللهم آمين وجزاكِ مثله يا حبيبتي ♥️ نقص الڤيتامينات والمنتجات الغلط وسوء الحالة النفسية والحر الشديد والرطوبة بيحولوا الشعر من ناعم وصحي لهايش وجاف ...الحل هيبقى اهتمامك ب روتين ترطيب قوي زي المنتجات اللي رشحتهالك وتحاولي تظبطي أكلك وڤيتاميناتك وتحافظي ع نضافة فروة الراس باستمرار وهيرجع أحسن من الأول بإذن الله
حبيبتي متتأسفيش اسألي براحتك 🌸 لا بلاش وقت التسريح تحطي اي زي ع شعرك ...الزيوت بنستخدمها ك حمام زيت فقط ... الأنسب ف التصفيف هو كريم الشعر ... لو متاح عندك كريم فاتيكا بالحبة السوداء ممتاز جداا ..بالنسبة لماركة الزيوت أفضل الأنواع (امتنان ونفرتاري ) وفي نوع كمان اسمه الهداية موجودين عند أي عطار ، ولو ف السعودية ماركة Now
شكرا علي النصائح يا دكتور ما شاء الله عليكي ممكن أسألك أنا عندي حساسيه من زيت الروزماري وانا عايزه زيت يساعد علي انبات الشعر لأن انا شعري خفيف ممكن تنصحيني بنوع زيت تاني غيره
وجزاكِ مثله يا جميلة 🌸 تغذيتك من حيث البروتين والفيتامينات أكيد فيها مشكلة ، محتاجة تظبطي التغذية زي ما شرحت ف الفيديو وقوليلي نوع فروة راسك وهرشحلك الماسك المناسب معاها
@@drrababmandour شكرا جدا أول دكتورة تتفاعل معايا ع اليوتيوب شكرا لذوقك وروحك الطيبه، فروة رأسي دهنية وجافه بنفس الوقت لو نشفتها بتعمل قشور ولو ترتكها بتزيت حتى كنت أعاني من إلتهاب فروة الرأس فطريات الرأس والحمد لله تعالجت تماما منه وأخذت برفكتيل بلاس هير مع أوميجا 3 شهر واحد بس للتكثيف ومافرقش معايا
@@فيف-ت3ن العفو حبيبتي دة من ذوقك تسلميلي 🌸 طيب أولاً عاوزاكي تستخدمي شامبو مخصص للالتهابات الفطرية زي Selenocare مرتين ف الأسبوع لمدة شهر مع تدليك خمس دقايق قبل ما تشطفيه ، وبعد الشهر هتستخدميه مرة كل أسبوعين عشان العدوى متتكررش تاني .... وممكن بعد كدة تستخدمي شامبو ريجو مع حمام كريم biosoft بالأرجان (ع الشعر فقط ) بعد ما تعالجي القشرة ... وحمام زيت الزعتر مع بذور العنب ، أو اللافندر مع الجوجوبا بالطريقة اللي شرحتها ف الفيديو بالظبط مرتين ف الأسبوع ...اخر حاجة فيتامينات الشعر زي بيرفكتيل وغيره بتحتاجي تستمري عليها 6 شهور عشان تشوفي نتيجة ...وسرحي شعرك مرتين ف اليوم وسيبيه يتهوى بلاش تربطيه معظم الوقت واهتمي بأكلك جداً
العفو تسلمي يا جميلة ❤️ أولاً هاتيه من مصدر موثوق... واعمليله اختبار حساسية الأول ..نقطة او نقطتين منه على دراعك قريب من الكوع مثلاً..وشوفيه هيعملك تحسس ولا لأ ... لو عمل اوعي تستخدميه ...لو معملش تحسس هتخلطي منه خمس نقط على كمية من زيت جوز الهند أو الزيتون مناسبة لفروة راسك ممكن معلقتين كبار مثلاً... وتدلكي فروة الراس لمدة 10 دقايق بالمكس دة وتسيبيه ع فروة راسك لمدة نص ساعة وتغسلي شعرك بشامبو مخفف .... التكرار مرتين ف الأسبوع
@@Najla369 تمام هو بس في ناس بتمل من ريتم الڤيديو لو بطيء فأنا بفضل انه يكون متوازن لا سريع ولا بطيء ... وعشان كدة مقسمة الفيديو ف صندوق الوصف عشان اللي حابب يرجع لجزئية معينة يرجعلها ف أي وقت ويفهمها بالراحة
أولاً استمري على ڤيتاميناتك اللي كنتي بتاخديها وقت الحمل يا حبيبتي (الحديد ، الكالسيوم ، فيتامين د ) ...دول كدة أساسي ... واعملي ماسك زيت حبة البركة أو اللاڤندر بنفس الطريقة اللي شرحتها ف الفيديو ... واستخدمي شامبو مضاد للتساقط زي ألوكيتا مثلاً أو ريجو وسرحي شعرك مرتين ف اليوم عشان تحفزي الدورة الدموية واهتمي بأكلك جداً
السلام و عليكم دكتورة أنا مشتركة جديدة من المغرب ابنتي تعاني من تساقط الشعر وهي عندها انيميا عمرها 9 سنوات اعجبني كثيرا صراحتك وطريقة شرحك شكرا جزيلا جزاك الله خيرا
وعليكم السلام ورحمة الله وبركاته ، حبيبتي اتشرفت بوجودك ❤️ ، خليها تاخد ڤيتامين د ضروري 6 نقط يومياً و للأنيميا خليها تاخد حديد بالجرعة اللي الدكتور يحددهالها وامشي ع ماسك زيت جوز الهند مع زيت بذور العنب قبل كل مرة غسيل شامبو لمدة ساعة واستخدمي شامبو مخصص لعمرها خالي من السلفات وان شاء الله النصايح دي هتفرق معاها جداً وشعرها هيبقى كثيف وصحي 🌸 العفو حبيبتي وجزاكي مثله اللهم آمين وتسلميلي على كلامك الجميل أوي دة ❤️
دكتور بالله عليكي ردي عليا انا كنت بستخدم خلطة روزماري مع قرفة لمدة 6 شهور والله كان شعري ناعم لدرجة فظيعة وبعدها بقا متقصف وهايش وشعري وناشف جداا وبقا بيبيض من تحت بس قوليلي اعمل اي😭😭
طيب حبيبتي تقصدي شعرك كان ناعم ف الأساس قبل استخدامك للخلطة ولا كان ناعم مع استخدامك ليها ف الأول؟ وضحيلي الجزئية دي .. وكنتي بتستخدمي الخلطة دي وبتحضريها ازاي ؟
لا كان ناعم قبل الاستخدام كنت بحط معلقة قرفة ومعلقة روزماري على كوب ماء مغلي وكنت بسيبه لمدة يوم وبعد كده استخدمه وفضلت كده لمدة 6 شهور هو فعلا قللي التساقط جدا وعمل انبات لكن والله شعري كان ناعم لدرجة لا تتخيل بقى خشن جداااا وبقى وانا بسرح ينزل شعر صغير متكسر ولاقي شعري من تحت لون كله متغير وباهت وبقى بيبض من تحت بس
الحديد لمدة 6 شهور يا حبيبتي اوميجا 3 والزنك 3 شهور ...فيتامين د روتين دائم 6 نقط عشان لو جسمك مش بيصنع القدر الكافي منه عن طريق الشمس .... عادة مش بنحتاج نعيد الفيتامينات الا لو لسة في نقص لما نيجي نعمل تحاليل
الشامبو اللي بتستخدميه للعناية بشعرك بعد البروتين ضروري جداً تغسلي بيه فروة الراس كويس جداا وتدلكي بيه الفروة مش أقل من خمس دقايق ، محستيش بتحسن اخلطي كمية بسيطة من بيكربونات الصوديوم مع الشامبو ودلكي بيها فروة الراس بردو خمس دقايق وبعدين تشطفيه ... اخر حل انك تروحي لطبيب جلدية يوصفلك محلول لعلاج القشرة مناسب للبروتين اللي استخدمتيه ف فرد الشعر وعادة بيكون محلول كيريلا ، بالنسبة للتساقط هتستخدمي فيتامينات بانتوجار لو مش عاملة ليزر عشان هو بيزود الشعر شوية ف باقي الجسم ، ومعاه اسبراي للتساقط من Aloekita أو Top hair ، وكل منتجات العناية بشعرك بعد البروتين سواء بلسم او سيروم او حمام كريم ممنوع تماما تيجي ع فروة الراس
أنا ضد ترشيح مكملات الفيتامينات طول ما احنا معملناش فحص وتحاليل توضح نقص الفيتامينات ف الجسم ، الأفضل حضرتك تكشفي تحديداً على العظام ، وبالنسبة للأنيميا لو حضرتك متأكدة إنها عندك يبقى هناخد أقراص feroglobin أو ferrotron قرص يومياً ع معدة فاضية ، والتساقط والعظام أكيد هيكون في نقص فيتامين د فلازم هناخد أقراص ڤيتامين د ( بعد الفطار أو وجبة فيها دهون ) بس بالجرعة اللي يحددها الدكتور بعد الفحص ، وأساسي تظبيط الأكل طبعاً
لا خالص بالعكس بيحافظ ع نمو الشعر وبيغذيه حتى لو توقفتي عن استخدامه شعرك بيفضل زي ما هو ، وموضوع الشيب دة مش حقيقي نهائي بالعكس بيعالج الشيب لو عندك ...أهم حاجة بس تجيبيه من مصدر موثوق ومعصور ع البارد وتستخدميه بالطريقة الصحيحة زي ما شرحت ف الفيديو بالظبط
@@fatmhsrk3646 ممكن يكونوا استخدموا أنواع مغشوشة ودي موجودة بشكل كبير جداً للأسف ، وممكن يكونوا استخدموه بطريقة غلط لأن استخدامه بطريقة غلط هيضعف البصيلات وهيعمل تحسس وبالتالي الشعر هيتساقط ... ورغم قناعتي وثقتي الكبيرة ف زيت الروزماري قولتلكوا بردو ع اختيارات زيوت تانية ف الفيديو فعاليتها قوية جداا ف التكثيف والإطالة اختاري منها اللي تحبيه بس بالطريقة اللي شرحتها
دكتوره انا شخصت حالي عندي صلع وراثي واسخدمت بخاخ منوكسديل ورجعت استخدمت بخاخ نيو هير مجاب نتيجة فيني تساقط مرررره رحت لدكتوره كلمتني ان صلع وراثي يستمر غلى منوكسديل مدى الحياة هل هذا صيح
للأسف حبيبتي هو فعلاً فعالية المينوكسيديل بتستمر طول ما انتي بتستخدميه اول ما بتوقفي بيرجع الشعر يتساقط تاني ...فهتحتاجي فعلا تستمري عليه حتى بعد ما التساقط يقف ..وعشان نتيجته تبان أفضل لازم الدكتورة تكتبلك ع علاج هرموني مضاد لهرمون الصلع الوراثي
العلم والذوق والأداء والرقي والمعلومات في أبهى صورهم، حقيقي أنا مدمنة فيديوهاتك يا دكتورة وبفتح عشان أشوفك ❤😘🥰😍😍😍😍
يا حياتي انتي 🙈💜💜💜 شرف ليا إنك بتحبي فيديوهاتي يا سوسو والله 💜💜 بعدين أنا اللي مدمنة كل قصايدك يا قلبي وبشوفك شاعرة مش هتتكرري بجد ربنا ما يحرمني منك أبداً 💜💜💜🙈
@@drrababmandour
فعلا محترمة وزوق جدا أن ترد بنفسها ربنا يصلح حالها ويجبر بخاطرها ويجازيها خير
@@maimagdy3553 يا حبيبتي يا مي دة جمال قلبك ❤️🌸 ودة واجبي نحيتكوا إني أحترم أسألتكوا وأرد عليها ربنا يقدرني مقصرش ف دة .. اللهم آمين يارب يا حبيبتي ويرزقك أضعاف دعواتك الحلوة أوي دي❤️
@@drrababmandourمعلوماتك تجنننننن
سؤال
دكتورة بدي اكثف حواجبي شو الحل 😢 اخط زيت حبة بركة
دكتوره والله العظيم مش مجرد كلام انتى انسانه صادقه ف كل شىء اسلوبك جميل جدا حتى اخلاقك الجميله واضحه ف طريقتك صدقينى لو اقدر اخلى جميع الليكات ليكى لانكً تستحقى
يا حبيبتي تسلميلي والله دة من ذوقك ربنا يحفظك انتي الأجمل ، شكراً جداً والله على كلامك الجميل دة فرحتيني جداً♥️♥️🌷
+ ماسك خاص بالتساقط :
+ زيت الخروع ١ ملعقه كبيره .
+ زيت حبة البركه ٢ ملعقه كبيره .
+ نخلطهم وندفئهم لمدة دقيقه .
+ ندلك بهم فروة الرأس بعمل مساج خفيف مع التركيز على أماكن الفراغات .
+ يترك على فروة الرأس لمدة ساعه ثم يغسل بالشامبو والبلسم .
+ يستعمل مره واحده في الاسبوع .
+ شكراا لشرحك ومعلوماتك دكتوره رباب 🌺🌹🌺
العفو يا حبيبتي 💜🌸💜
بنات انصحكم ببذور الشيا غنيه اوميجا 3 طريقه الاستخدام معلقه من بذور الشيا على كوبايه مياه تتنقع لمده نص ساعه مفيده جدا للشعر
ربنا يكرمك .. والله والله انتي عندك قبول ومصداقية عالية جدا جدا ..ومش زي الباقيين اللي الواحد اتخدع فيهم بيروجوا لمنتجات لمصلحتهم ..ربنا يزيدك علم ويحفظك يااااارب 💚
يا حبيبة قلبي تسلميلي والله على كلامك الحلو أوي دة ربنا يسعد قلبك ولكِ مثل دعواتك الحلوة دي وأكثر 💜🌸
فعلا يادكتورة الاستماع لكي ممتع من كثرة بساطتك متتبعة جديدة من 🇩🇿🎉🎉❤❤
يا حبيبتي يسلملي قلبك دة من ذوقك نورتي القناة و شرفتيني بمتابعتك ❤️❤️❤️🌸
هل من مصلين على سيدنا 🌼محمد 🌺
عليه أفضل الصلاة وأذكى السلام
اللهم صل وسلم وبارك على سيدنا محمد صلى الله عليه وسلم عليه افضل الصلاه والسلام
تسلمى يا دكتوره والله انا بستفاد منك بشكل متتخيلهوش❤❤❤❤❤❤
بس كنت عايزه اسأل علىى نوع البرند عادى اجيب الزيوت العطريه من الحواج ولا امتنان ولا حراز
وهل الحواج براند مش مضمون وحضرتك بتستخدمى اى نوع
يا حبيبتي الله يسلمك💜 الحمد لله والله مش متخيلة دة بيسعدني أد إيه 💜💜💜🌸
نفرتاري ، شركة نيجيلا ، امتنان ، الحواج كويس ف الزيوت الناقلة لكن مش برشحه ف الزيوت العطرية الأساسية ، وفي كمان صفحة بيت الزيت (زيوتها أصلية ).... وأنا بستخدم ماركة Now و Disaar لأني برة مصر
@@drrababmandour شكرا يادكتوره
انا لسه عارفه قناتك من يومين وحقيقى استفدت جدا وبقولك استمرى فيه بنات كتيرر بتبقى عايزه حد بالمصدقيه والعلم ده أن شاء الله هبعت قناتك على جروبات بنات كتير علشان يستفيدوا وان شاء الله حضرتك فى يوم من الايام هتكوني مشهوره جدا
@@user-yoya12 يا حبيبتي يسلملي قلبك والله فرحتيني جداً بكلامك
متحرمش منك يا جميلة ❤️❤️❤️🌸
ربنا يبارك فيكي ينفع اعمل مجموعة من الزيوت حبه البركه والروز ماري والزعتر مع بعض
اللهم آمين وإياكِ يا جميلة ، اه بس نقط من كل حاجة فيهم قصاد 3 معالق كبار من أي زيت ناقل تختاريه مناسب لنوع فروة راسك
دكتوره حضرتك تستحقى تكون
رقم ١ ف كل شىء فعلا انسانه صادقه ف معلوماتك ف كل شىء
يا حبيبتي ربنا يعزك ياارب دة من ذوقك وجمال قلبك 🌸♥️ مش متخيلة فرحتيني أد ايه بكومنتاتك السكر دي تسلميلي والله ربنا يحفظك ♥️
اسلوبك ماشاء الله تحفه ربنا يجازيكي خير يارب
عندي سؤال ازاي احط كميه منساويه بين الزيت الاساسي والناقل احط قد اي من وقد اي من ده في قزازه مثلا وشكرا ❤
تسلميلي يا جميلة دة من ذوقك🌸 ، اللهم آمين وجزاكِ مثله ياارب ❤️ ...لا بنحط من الزيت الأساسي نقط ، والزيت الناقل بيكون المقدار بالمعلقة .. وانا ف كل نوع زيت ف الفيديو قولت الكميات بالظبط ، اختاري النوع اللي تفضليه هتلاقيني موضحالك كميته وازاي تستخدميه
تحية لحضرتك ع لفة الحجاب المحترمة يا ريت تعليمهالنا يا دكتور لو تقدري ❤وشكرا
حبيبتي تسلمي دة من ذوقك ❤️ عيوني ❤️
هل ينفع اعمل خليط سنتي من كل نوع من الزيوت
الروزماري
الخردل
الخروع
الجوجوبا
بزور العنب
السمسم
اللافندر
زيت الحلبه
جنين القمح
زيت اللوز
زيت حبه البركه
زيت شجره الشاي
وآدفيهم واستعملهم
هل ينفع هذا الخليط ولا يضر الشعر
محتاجه راي حضرتك
حسب نوع فروة راسك يا حبيبتي يعني لو جافة هينفع تخلطي سم من كل نوع من الزيوت الناقلة ولكن الزيوت الأساسية زي الروزماري وشجرة الشاي واللاڤندر وحبة البركة والخردل هتبقى نقط يعني تلات نقط مثلاً من كل نوع ...لو فروة راسك دهنية يبقى هتلغي من الخلطة دي الأنواع التقيلة زي الخروع مثلاً .....والخلطة دي هتستخدميها ك حمام زيت فقط قبل الشامبو مش دهان لتسريح الشعر
الذي لفت انتباهي غير المعلومات القيمة هو ردك علي الأسئلة جعلها الله في ميزان حسناتك عندي سؤال من فضلك انا صبغت شعري بالحنة الانديكو وبدأ شعري يضعف هل بسبب الحناء او بسبب فصل الخريف مع العلم اني كنت اصبغ بالصباغة الكميائية
حبيبتي أنا موجودة عشان أساعدكوا دايماً دة واجبي 🌸 اللهم آمين يارب تسلميلي 🌸 لا حنة الانديجو نفسها بتعمل تقصف وتساقط للشعر للأسف وكمان الصبغات الكيميائية بتعمل نفس الأضرار وجفاف للشعر مع الوقت ... الأفضل استخدام الحنة الطبيعية العادية أو لو في شعر أبيض أنصحك تشوفي الڤيديو دة ❤️
ua-cam.com/video/HoVzxPr0fCw/v-deo.htmlsi=C7wMFHe_hO54ox1k
شكرا على الرد ذكتورة جزاك الله خيرا فعلا عندي شعر ابيض🌹🌹
@@fatihasidki3741 العفو وجزاكِ مثله حبيبتي ❤️ خلاص ان شاء الله الفيديو يفيدك جداً ❤️
شكرا دكتورة على هذا الفيديو الجميل والمفيد.
اتمنى ان تتكلمي على موضوع الصدفية في فروة الرأس وطريقة التعامل معها
العفو حبيبتي دة من ذوقك 🌸 ، قريب جداً هعمل عنها فيديو ان شاء الله
حضرتك ماشاء الله عليكى تبارك الله عليكى فيكى هدوء ووجهك مريح غير أن الفيديو جاب من الاخر أصول العلاج فعلا ربنا يكرمك ❤❤
حبيبتي يسلملي قلبك والله ع كلامك الجميل أوي دة ودعوتك الحلوة دة من ذوقك وجمال قلبك ولكي بالمثل ياارب يا جميلة ❤️❤️🌸
هو لازم زيت اساسي واحد اخففه ب زيت ناقل واحد ؟
مينفعش مثلا احط زيت اساسي واخففه ب نوعين او تلاته من الزيوت الناقله
لا ينفع عادي ان الزيت الأساسي الواحد يتخفف بكذا زيت ناقل
هل يمكن اجيب زيت عنب معصور واخمر فيه اعشاب اكليل جبل، خزامه، بذور بقدونس، سدر، زعتر مورينجا، قرنفل، حبه بركه، ورق غار وبذور بصل
اسخنهم على حمام مائيّ ثلاثه ساعات ثم اخبيه اسبوع واصفيه واضيف فيتامين e وزبت جوز 6% هند و زيت خروع 10% وزيت بذور كتان 5% زيت خردل 5%وimp
اسفة على الاطاله وتحيه ليكي من الجزائر 🇩🇿
حبيبتي أبداً ولا يهمك تحياتي لكل أهل الجزائر الطيبين 🌸 اعملي كل اللي تحبيه انتوا أصل وصفات الشعر ربنا يبارك ف أعماركوا ♥️ أنا بس لو قولت كل المكونات دي ف فيديو محدش هيعمل الوصفة 😅 فبحاول دايماً أسهل ع الناس بالحاجات الفعالة اللي نتايجها سريعة ونفس الوقت ميتعبوش عشان يدوروا ع المكونات 🌸
وعاوزة بس أقولك القرنفل بالذات متكتريش منه في الوصفة
مشتركة جديدة من الاردن واول فيديو بحضره من فيديوهاتك كلامك مقنع وبينفهم وإسلوبك بيجنن ربي يرضى عليكي دنيا وآخرة ويجزيكي الفردوس الأعلى من الجنة ❤❤❤
يا حبيبتي نورتيني تسلميلي ياارب على دعواتك الحلوة ربنا يرزقك مثلها وأكتر ويسعد قلبك أكتر ما فرحتيني بكلامك دة 💜💜💜🌸
باحب شرحك وطريقتك جدااا.. ربنا يحفظك 😘
أنا اللي بحبك وبحب كومنتاتك أوي والله تسلميلي حبيبتي 😍
السلام عليكم اول مره اشوف حضرتك وسعيده جدا. بس عندي معلومه ان يجب استعمال نقط صغيره من زيت حبه البركه مع اي زيت حامل لانه حامي جداعلى فروه الشعر
وعليكم السلام ورحمة الله وبركاته 🌸 حبيبتي تسلميلي دة من ذوقك 🌸 لا بصي حبيبتي هو آمن جداً ع فروة الراس وتخيلي آمن كمان انه يتاخد عن طريق الفم ...والقاعدة ف تخفيفه نسبة 1:1 يعني كميات متساوية متقلقيش عمري ما اقولكوا حاجة تضركوا انتوا أمانة هتحاسب عليها ... امتى الحالات اللي ممكن نحط منه فيها نقط (من 5 -10 ) لما تكوني عملتيله اختبار حساسية ع فروة الراس ولاحظتي احمرار او تحسس ساعتها ليكي حرية الاختيار اما تستخدمي زيت غيره او تستخدمي منه نقط فقط
بجد انتي كلامك علمي وصادق جدا ومتزنه في كلامك وده اللي بيجعل اي واحد يثق في كل كلمه ونصيحه قدمتيها اشكرك علي صدقك في المعلومه
الحمد لله يا حبيبتي شكراً جداً تسلميلي ياارب على كلامك الجميل دة فرحتيني جداً 💜
لو سمحتي ي دكتوره لما اجي استعمل هستعمل كل الوصفات بتاع الزيتوت ولا هختار وصفه واحد من الخمسه
وصفة وحدة بس يا حبيبتي حسب نوع فروة راسك
اول مره اسمعك ربنا يباركلك ويزيدك فهم❤❤❤
تسلميلي يا جميلة نورتيني اللهم آمين وإياكِ ياارب 💜🌸💜
السلام عليكم يا دكتور .
انا شعري خفيف خالص وفيه فراغات ونسبه منه وراثه وفيه نسبة قشرة وبتزيد في الشتا ومتقصف وهايش🙂 ممكن تقوليلي على روتين كامل ليه لاني استخدمت حاجات كتير ومفيش فايده
وعليكم السلام ورحمة الله وبركاته
عالجي القشرة الاول يا حبيبتي بشامبو زي selengena ( مرتين ف الاسبوع مع التدليك لمدة خمس دقايق ع فروة الراس وتشطفيه وهتكملي كدة لمدة شهر )
بعدها الروتين هيكون :
شامبو Aloekita أو Rego مرتين ف الاسبوع
بلسم أو ماسك ترطيب بعد الشامبو زي biosoft او bonabella
وحمام زيت مرتين ف الأسبوع قبل الشامبو
( اختاري ميكس زيت الزعتر أو زيت حبة البركة مع الزيوت الناقلة زي ما وضحت ف الفيديو )
وقت التسريح استخدمي بديل زيت Aloe eva وسرحي شعرك مرتين ف اليوم
جزاكي الله كل خير يا دكتور ♥️♥️
طب اي رأي حضرتك في المنتجات الهنديه زي كيش كينج وزيوت مهابهارينج و ٨سم كويسين وبيجيبوا نتيجه في تكثيف الشعر؟
@@amalosama1937 اللهم آمين وإياكِ حبيبتي ❤️🌸
بصي هي اولاً مقاطعة ، وانا من تجربتي معاها يعتبر أفضل منتج فيها هو زيت ال 8 سم لما بيتعمل حمام زيت ...لكن كيش كينج والباقي لأ مش أفضل حاجة
حبيبتي والله من وجهك عرفت انك انسانة طيبة لانك تجيبي على كل الاسئلة بليز اريد جواب على سوالي انا شعري تعبان يتساقط كثيرا ايضا انا اشرب دواء للصرع مرضت به من3سنوات الحمد لله صحتي جيدة لاكن شعري تعبان يتساقط كثيرا والقشرة اكثر حتى اني اصبحت اغسله كل عشرة ايام او اكثر لكي لا يتساقط وانا امراة متزوجة بليز ساعديني بليز
يا حبيبة قلبي سلامتك شفاكِ الله وعافاكِ ♥️ هو للأسف كل أدوية الصرع بتسبب تساقط شعر بسبب تأثيرها ع مستوى الفيتامينات المهمة لصحة الشعر ف الجسم واللي اهمها فيتامين د والحديد والزنك بس عاوزاكي تروحي لدكتور جلدية عشان يطلب منك تحاليل للفيتامينات دي ويقدر يوصفلك مكمل فيتامينات مناسب لحالتك ميتعارضش مع دواء الصرع ... ولازم هيوصفلك دوا القشرة بردو لأنك مينفعش تسيبيها وممكن يوصفلك بخاخ ... وغسيل شعرك يكون بانتظام بالعكس عدم غسيله هيخليه يتساقط أكتر
@@drrababmandour مشكورة حبيبتي كم اغسلو مرة في الاسبوع وايه الشانبو لاغسل بيه بليز مع انو الغسيل بخلي شعري يتساقط
@@الأمل-ص7ل معلش حبيبتي لحد بس تروحي لدكتور يشوف نسبة الفيتامينات واول ما تبتدي تاخدي جرعات ليها هتشوفي تحسن كبير ان شاء الله...
شامبو Nizoral أو Selenocare للقشرة مرتين في الأسبوع بتسيبيه ع شعرك خمس دقايق قبل ما تشطفيه وروحي للدكتور ف اقرب وقت عشان هيوصفلك بخاخ يساعد مع الشامبو كمان وعشان موضوع الفيتامينات
@@drrababmandour شكرا حبيبتي ربي يعطيك حتى يرضيك يارب
@@الأمل-ص7ل اللهم آمين يارب يا حبيبتي وإياكي تسلميلي ع دعوتك الحلوة أوي دي♥️🌸
تحية ليك من المغرب يا دكتورة شكرا لك على مجهوداتك القيمة
العفو يا جميلة 🌸سلامي لكل أهل المغرب الطيبين ❤️
مميزه ...لطيفه ... معلومات سريعه وعميقه ...ربنا يسعدك ويعطيكي ليرضيكي
يا حبيبة قلبي تسلميلي دة جمال قلبك ، اللهم آمين يارب وإياكِ ويرزقك من الخير والفرحة أضعاف ما تتمني♥️🌸
ماشاءالله عليك بارك الله فيك تعجبني المقاطع المختصرة والمفييييدة
عندي سؤال /اقدر اخلط زيت الروز ماري مع زيت النعناع! بالإضافة إلى الزيوت الناقلة
يعني عادي الواحد يخلط كذا زيت أساسي مع كذا زيت ناقل!!
اتمنى الرد ولك كل الشكر 🌹
شكراً جداً لحضرتك ، اللهم آمين يارب وإياكم
لا بلاش خلط كذا زيت أساسي... ممكن بمعدل كل أسبوعين تغير نوع الزيت الأساسي وتغير كمان أنواع الزيوت الناقلة اللي هتخففه بيها عشان شعرك يستفيد من كل الأنواع من غير ما تأذي فروة الراس بخلطهم مرة واحدة وعادي الزيت الأساسي الواحد تخلطه مع كذا نوع زيت ناقل دي مفيهاش مشكلة
اجمل حد ع الاطلاق ربنا يبارك في حضرتك🥺❤❤❤
يا حبيبتي يسلملي قلبك والله ♥️♥️🌸
بجد اول مره اشوفك وحبيتك جدا سبحان الله القبول ده نعمه
يا حبيبة قلبي تسلميلي 🌸 أحبكِ الذي أحببتيني فيه يا جميلة انتي دة جمال قلبك وعيونك♥️
عندي غده درقيه و نقص فيتامين دا باخد الدواء و شعري زفت باخد بايوتين مش عامل حاجه الشعر سمكه خفيف و هو نفسه شعرتين كده عايزه بخاخ للانباء و الطول حتي لو غالي بدل للمينوكسديل خايف منه و لو عملت بلازما كل اسبوع مره هيفرق
جربي تبدلي البيوتين ب hair tonic أو pantogar بس بعد استشارة طبيب الغدة إن كانوا أمان انك تاخدي أي حاجة فيهم مع علاجك أو لأ ....
وبدل المينوكسيديل زيت الروزماري أو حبة البركة أو النعناع أو الزعتر أقوى ف الانبات وطرق استخدامهم الصحيحة ف الفيديو المهم انها تكون زيوت أصلية معصورة ع البارد ، وفي كمان زيت golden crown من elena cosmetics هتلاقي صفحتهم ع الفيس دة هايل جدا ف الانبات
دكتورة ممكن تقوليلي سبب أن يطلعلي حبوب من بعض أدوية الشعر في حين أن مثلا ممكن حد تستخدم نفس المكملات دي ومتتأثرش
زي مثلا مادة الليسين خدته في حبوب تومكس بلس ومتبهدله حبوب ويتوجه جدا وكل يوم بلاقي كذا حباية جديده 😢
المفروض حبيبتي ان حبوب تومكس تعمل العكس يعني تكافح ظهور الحبوب ، فأنا عاوزة أسألك دي الحبوب الوحيدة اللي عملت معاكي كدة ؟ وانتي نظام أكلك بتاكلي fast food أو مقليات كتير أو سكريات كتير ؟
@@drrababmandour انا ايوة لما خدت تومكس عملي حبوب جامده في كل جسمي وكمان كنت خدت حبوب من زمان مش فاكراها كدا كانت طلعتلي حبوب بردو وبطلتهاوكان وشي راق
بس لما خدت التومكس بلس اتلقيت حبوب كتير نطرت في وشي ودراعاتي ورقبتي وقفايا وضهري وبعض أماكن تانيه
@@drrababmandour باكل الاكل العادي اللي كنت باكله قبل الحبوب دي مكنش بطلع حبوب غير فترة البريود لكن دلوقتي هي كل يوم يطلع لي حبوب حتى في فروة راسي
@@yousraaa7026
لو على كلامك وانتي مش بتاخدي حالياً أي أدوية تانية ولا ف العادي بشرتك معرضة للحبوب ... يبقى اللي حصلك دة نتيجة رد فعل تحسسي من مادة ال Allicin أو الثوم عموماً... ف وقفي الحبوب دي فوراً وتابعي مع طبيبة جلدية تفحص نوع الحبوب اللي ظهرتلك وتوصفلك كورس العلاج الأنسب ليها لأن مش كل أنواع حب الشباب بتتعالج بنفس الطريقة لازم فحص وأنا وضحت دة ف سلسلة حب الشباب هنا ع القناة لو حابة تشوفيها
@@drrababmandour تمام يا دكتور تسلمي يارب جزاكي الله كل خير
دكتوره ممتازه فوق الوصف كل التقدير والتوفيق باذن الله
يا حبيبتي يسلملي قلبك الجميل دة ♥️ ، اللهم آمين وإياكِ يارب ♥️
أول فيديو اشوفو ليكي وأسلوبك راقي وهادي وواضح اوي انك فاهمه ماشاء الله عليكي ❤ ربنا يجازيكي خير على المعلومات القيمه دي بس عندي سؤال من فضلك يا دكتورة تجاوبيني انا من سنه ونص صبغت شعري بحنه نوبار واستعملت مجموعة الفيف طول الاحلام لأن كان شعري طويل جدا وتقيل وناعم بس كان فيه تشابك فخفت اصبغه بالكيماويات واستعملت حنه ومن بعدها شعري بيقع بالخصله والبصيله وعملت تحاليل للحديد كويس وفيتامين دال بردو كويس قوليلي اعمل ايه الله يرضى عليكي شعري وصل لغاية كتفي وبقا هايش جدا وخفيف ومتدمر حرفيا اسفه على الاطاله
حبيبتي دة من ذوقك تسلميلي يارب❤️ اللهم آمين واياكي يا جميلة🌸 بصي حبيبتي أولا خديها قاعدة ..أي ماركة حنة مهما اتكلموا عن مكوناتها انها طبيعية فدة مش حقيقي وبتكون مخلوطة بمواد كيميائية بتسبب ضعف الشعر والتساقط ... ف الأفضل الحنة العادية خالص اللي من عند العطار ويكون موثوق فيه ، ثانياً منتجات إلڤيف مليانة SLS أو سلفات ودي مادة لوحدها بتسبب تساقط ....امشي ع الروتين اللي هقولك عليه دة واحكيلي عن النتيجة بعد تلات شهور ❤️
1- شامبو Aloekita DS أو شامبو ريجو ...مرتين في الأسبوع وسيبيه ع شعرك خمس دقايق قبل ما تشطفيه وبعدين اشطفي شعرك عادي بتستخدميه ع فروة الراس فقط
2- قبل كل مرة هتغسلي فيها بالشامبو اعملي حمام زيت الروزماري مع زيت بذور العنب بالطريقة اللي اتكلمت عنها في الڤيديو
3- حمام كريم biosoft بعد الشامبو ع شعرك فقط متقربيش لفروة الراس... لمدة 15 دقيقة وتشطفيه كويس
4- وقت تسريح شعرك يكون بمشط واسع وكريم ڤاتيكا بالحبة السوداء وهتسرحي مرتين في اليوم 🌸
وأبداً مطولتيش والله اسأليني ف كل اللي محتاجاه❤️
@@drrababmandour الله يرضى عليكي ويجبر بخاطرك ❤ انا هاعمل اللي حضرتك قولتي عليه بالظبط وهارجع اقولك على النتيجه ويارب الشفاء يكون على ايديك يا اجمل دكتورة
@@احلىحاجهفكلحاجه اللهم آمين واياكي يا حبيبتي تسلميلي ❤️ إن شاء الله تشوفي نتيجة تحففة أوعدك وهستنى تفرحيني إن شعرك بقى أحلى من الأول ❤️🌸
ممكن يا دكتوره نوع شامبو للشعر الجاف
@@MarwanMahmoued-bh9kk دي أفضل شامبوهات الشعر الجاف بالأسعار وخالية من البارابين والسلفات
ua-cam.com/video/uewzrNvB7uk/v-deo.htmlsi=Ar68qz4TunisJAd2
والله يادكتورة الفيديو مفيد جدا لكن من كثرة الزيوت الي ذكرتيها صعب عليا ان استوعب ياريت تعملي لنا فيديو لي الشعر الجاف وتفهمينا بهدوء متسرعيش في الكلام انا مشتركة جديدة شعري جاف وعندي فرغات رهيبة عمري 58 سنة نتمنى نستفيد من قناتك شكرا على المجهود الرائع الذي تقومين به 🇩🇿👍🌻❤
حبيبتي حضرتك ع راسي تحت أمرك طبعاً ربنا يبارك ف عمرك ياارب ❤️❤️ المناسب لحضرتك زيت حبة البركة مع زيت جوز الهند (تخلطيهم بكميات متساوية حسب ما يكفي فروة راسك ) تدفيهم ع ايدك أو على نار هادية خالص حاجة بسيطة وتدلكي بيهم فروة الراس لمدة 10 دقايق وبعدين تسيبي الماسك دة ع فروة الراس والشعر لمدة ساعة فقط وبعدين تغسلي بشامبو Aloekita ....وتكرار الماسك دة مرتين ف الأسبوع قبل الشامبو ... وقت تسريح الشعر استخدمي كريم فاتيكا بالحبة السوداء تحففة ف ترطيب الشعر ولو احتاجتي حاجة أي وقت اسأليني أنا معاكي أي وقت ♥️🌹
دكتوره ممكن حضرتك تجاوبيني شعري جاف جدا وهايش وخفيف من الاسفل حتى لوقصيته وعايزه حاجه للشعر الابيض وبشكر حضرتك والحنان ياريت تتكلمي عن الطريقه الصحيحه لاستعمالها وايه ممكن اضيف ليها واغمق لون الشعر
@@AliAhmed-sx3fi اتأخرت عليكي ف الرد لأن للأسف الكومنتات اللي بتكون ع كومنتات حد تاني مش دايماً بتظهرلي ... القص مش هيتقله ، هو فقط بيحافظ على باقي الشعر من الأطراف المقصفة ، لازم تغذية بالزيوت الطبيعية زي جوز الهند مع حبة البركة أو اللافندر أو الروزماري بالطريقة اللي شرحتها ف الفيديو بالظبط + روتين عناية بمنتجات مناسبة للشعر الجاف
شوفي سلسلة الشعر الجاف دي هتفيدك جداً
ua-cam.com/play/PLXJXS4zj_wzewabdf9Ye_3c659q4OVcEY.html&si=qLMHA3cFZHFhc8aa
وشوفي الفيديو دة لعلاج الشعر الأبيض نهائياً
ua-cam.com/video/HoVzxPr0fCw/v-deo.htmlsi=qNv3gCgKL4iSvP0L
شكرا على المعلومات القيمه يا احلى دكتورة لوسمحتي انا عندي ذئبة حمراء وخمول فى الغدة الدرقية وباخد العلاج بانتظام بس شعري على طول خفيف وهايش وقصير جدا مع ان فى الاصل شعري كان طويل جدا وجربت كل الوصفات فياريت حضرتك تفديني
حبيبتي العفو وسلامتك شفاكِ الله وعافاكِ ♥️ للأسف دي أعراض طبيعية للذئبة الحمراء وقصور نشاط الغدة الدرقية ، فاستمري ع العلاج بانتظام زي ما انتي ، واشتغلي دايماً ع الترطيب لشعرك خارجياً والفيتامينات لصحة شعرك داخلياً ( تحديدا أوميجا 3 والزنك وفيتامن د) بس خلي الدكتور المتابع لحالتك يحددلك الجرعات المناسبة بحيث متتعارضش مع علاجك الأساسي ، بالنسبة للترطيب ( مرتين ف الاسبوع حمام كريم ع الشعر فقط مش الفروة بعد الشامبو ويكون الشامبو خالي من السلفات زي ( ريجو أو ألوكيتا Ds ) ....وقبل الشامبو مرتين ف الأسبوع حمام زيت ع فروة الراس لمدة ساعة فقط ( زيت جوز الهند مع زيت بذور العنب أو الجوجوبا ) كميات متساوية ...شعرك هيبقى رطب وصحي جداا ودول أأمن حاجة ع فروة راسك ف الوقت الحالي
@@drrababmandour متحرمش من ذوق حضرتك انا بشكرا حضرتك جدا
@@نورالهدى-ش4ح1ث حبيبتي تسلمي دة من ذوقك العفو ❤️🌸
الي عندها تساقط انصحها بذور الكتان
والي تجرب ويفيدها امانه تذكرني بدعوه بضهر الغيب
كيف يعني نغليه وناخذ الجل ؟
نوزتينا يا عسل ،،،، عندي سؤال عايزة اسم شامبو من غير صلفيت وبربن
تسلمي يا جميلة
أفضل انواع شامبو خالية من السلفات والبارابين
ua-cam.com/video/uewzrNvB7uk/v-deo.htmlsi=Z3uR31nqX1cYWHOd
السلام عليك أن استخدم زيت الزيتون بعد الاستحمام بعدد ساعات ويبقى في شعري 3 ايام اعتقادا مني الاستفاده اكثر واقتدي بيقول النبي صلى لم يحضرني حفظ قوله وممكن ذكر ضرر هذه الطريقه. مع التقدير
وعليكم السلام ورحمة الله وبركاته ، عليه أفضل الصلاة وأذكى السلام
....
ضرر الطريقة دي إن لو فروة راسك دهنية فكدة هتزودي دهون الشعر أكتر ويبقى معرض لظهور القشرة ومع الوقت الشعراية ممكن تقع من تراكم الدهون وانها مش عارفة تتنفس + استفادة الشعر من الزيوت عامة بتكون عن طريق حمامات الزيوت ع الفروة مش ع الشعر نفسه
يارب يخليكي يا دكتوره وتفيدي الناس بمعلوماتك القيمه
ياارب يا بابا اللهم آمين ويبارك ف عمرك ياارب❤️❤️
عليه افضل الصلاه والسلام ياحبيبي يارسول الله
صلى الله عليه وسلم
اسمك متل اسمي❤
استعملت زيت الروزماري وتساقط شعري كتييييييير عندي قشرة
عاشت الأسامي يا حبيبتي 😍
ممنوع تستخدميه لوحده لازم يتخفف بالطريقة اللي قولت عليها ف الفيديو بالظبط👌🏻 ، واستخدمي شامبو مناسب لنوع شعرك خالي من السلفات دايما ، وطول فترة علاجك للتساقط ممكن تستخدمي شامبو ريجو أو Aloekita ds ....(البلسم ، حمام الكريم ، السيروم) ممنوع تماما حاجة منهم تيجي ع فروة الراس ، ودة فيديو لأفضل شامبوهات علاج القشرة
ua-cam.com/video/2PMf43ftdvo/v-deo.htmlsi=4W5CG9J1xNJSbW_K
ربنا يبارك فيكي واشوف بنتي مثلك ياارب ممكن نوع زيت او كريم للتصفيف للشعر الناعم وطويل بس متهالك مقصف وبيتساقط غير الحمام زيت اللي حضرتك قولتي عليهم عاوزه حاجه بقي بعد الغسيل وشكرا ليكي حبيبتي
اللهم آمين ياارب ويبارك ف عمر حضرتك وتشوفيها أحسن مني ياارب ❤️ كريم بندولين بزيت المورينجا ممتاز جداً للشعر التالف المتقصف واتكلمت عن روتين كامل لشعر الأطفال في الفيديو دة هيفيد حضرتك
ua-cam.com/video/ryJTHr_vUpA/v-deo.htmlsi=Zv7wYgouNBoXLNDn
@@drrababmandour ده ليا أنا حبيبتي
@@صافيمحمد-ف1ر تمام افتكرت لبنت حضرتك ، هو ينفع جداً بردو للكبار مش بس للأطفال وأرشح لحضرتك كمان كريم فاتيكا بالحبة السوداء تحفة للشعر الضعيف المتقصف وترطيبه حلو أوي
دكتور انا بنتي ٣ سنين ونص شعرها خفيف اوي وقصير نموه بطئ اما بستعملها زيوت بحس ان هيا بتنشف شعرها هيا شعرها ويفي وشويه يقلب لكيري اما ينشف استعملها كريمات احسن ولا حضرتك تفضلي شامبو وكريم ايه للاطفال فالسن ده انا حاليا بجربلها كريم بندولين بزبده الشيا ورطب شعرها شويه بس عوزه حاجه تطوله
دة روتين كامل للعناية بشعرها يا حبيبتي وأفضل المنتجات اللي تستخدميهالها وازاي تتعاملي معاها وقت تسريح شعرها لو في تشابك وطريقة استخدام الزيوت الصحيحة المناسبة لعمرها 🌸
اسمعيه من اول الدقيقة 5.25 هتلاقيني مقسمة الدقايق ف صندوق الوصف
ua-cam.com/video/ryJTHr_vUpA/v-deo.htmlsi=dn_O8Jq5XDXohCx0
حلو المقطع شكرررا ع النصايح ما شاء الله موسوعه كاملة الله يعطيكي العافية ..حبيت فكره اني اشرب كاستين وقت كل صلاه يعني انا اكثر وحده اعاني من قلة شرب الموية مااحب اشربها كثير 😅 وانسى كمان
حبيبتي العفو تسلميلي ياارب الله يعافيكي ♥️، الحمد لله الطريقة دي هتكون مناسبة ليكي اوي وهتخليكي تفتكري شربتي كام كوباية مياه بالظبط ومش هتنسي ان شاء الله
دكتورة لو سمحتي لو القشره دهنيه معني كده الفروة دهنيه مع العلم ان الشعر جاف @@drrababmandour
@@alaafayz-kk1pm اه حبيبتي كدة الفروة دهنية وطالما شعرك جاف يبقى كدة نوع شعرك مختلط
@@drrababmandour شكرا يادكتورة جزاكي الله كل خير يارب ♥بالنسبه للشامبو هاستخدم ايه كده حاجه للفروة الدهنيه ولا الجافه 😢
@@alaafayz-kk1pm العفو حبيبتي وجزاكِ مثله اللهم آمين 🌸 شامبو للفروة الدهنية فيه نسبة سلفات ضروري بس
عالجي القشرة الدهنية الأول ب شامبو Selenocare
مرتين ف الأسبوع لمدة شهر ...وشعرك نفسه اعمليله حمام كريم مرتين ف الأسبوع بعد الشامبو
سبحان الله ربنا من عليكي بالقبول في الوجه واسلوبك الراقي ومصداقيتك في الشرح زادك الله من فضله وجزاك عنا كل خير عندي سؤال ممكن تقوليلي على نوع كريم لتصفيف الشعر يكون مغذي للشعر وينعمه وليس له أضرار
حبيبتي يا آلاء ايه الكلام السكر دة ❤️🌸 يسعدلي قلبك يا جميلة ع ذوقك ودعواتك الحلوة ولكي بمثلها وأكثر اللهم آمين ❤️ أنا بحب أوي تأثير كريم فاتيكا بالحبة السوداء ، رخيص وامتصاصه خفيف ع الشعر وبيرطبه جدآ ولمعته تحففة وبيسيبه يتنفس كدة ( متجيبيش اي نوع فاتيكا غير دة) ...وسرحي بيه شعرك مرة الصبح ومرة بالليل يومياً حتى ف الأيام اللي مش هتغسلي فيها بشامبو ، هتدعيلي أكتر ♥️
@@drrababmandour تستاهلي كل خير ودعوات العالم الحلوه كلها لذوقك وكفاية اهتمامك وردودك على متابعينك ومش انا بس اللي شايفه انك فعلا جميله ده كل الناس بتحبك وتدعيلك ربنا يحبب فيكي خلقه اللهم امين يارب العالمين وشكرا على ردك يا قمر ❤
@@Alaa7856. حبيبتي دة من ذوقك اللهم آمين يارب وإياكِ ويسلملي قلبك ♥️♥️♥️🌹
ماشاءالله على الشرح /دكتوره شعري ميمتص الزيوت اشو اعمل اختكم من العراق
هعمل فيديو قريب جداً ان شاء الله يا حبيبتي للناس اللي شعرها مش بيتقبل الزيوت
@@drrababmandour 🌹
لو سمحتي يا دكتوره .بنتي عندها فراغات من الجوانب (جلح) وشعرها خفيف وبطول ببطء شديد ومن تحت جاف جدا (من فوق عادي ) .تنصحيني بايه (زيوت او كريم .وشامبو ) .وحاجه كمان للتسريح اليومي
أفضل روتين للعناية بشعرها فيه الاجابة عن كل أسئلتك
اسمعيه من أول الدقيقة 5.25 هتلاقيني مقسمة الفيديو بالدقايق ف صندوق الوصف
ua-cam.com/video/ryJTHr_vUpA/v-deo.htmlsi=WGafMXmQGvOIcyIA
@@drrababmandour اوكي ❤❤
@@امجوريطاهر 💜💜
دكتوره بعد اذنك
انا عندي تساقط في شعري هل لو استخدمت فيروجلوبين مع اوميجا ثري وفيتامين دال كويس كدا
ولا هحتاج حاجه زياده زي البيوتين و البانتوجار
ردي عليا معلش 😢
لا كفاية أوي يا حبيبتي دول أهم تلات عناصر ... بيوتين وبانتوجار فيتامينات شعر ممتازة بس نسب الحديد واوميجا 3 فيهم وڤيتامين د أقل من الجرعات المركزة الموجودة في الفيتامينات لوحدها وكمان من آثارهم الجانبية انهم بيزودوا الشعر ف باقي مناطق الجسم
جزاك الله خير الجزاء لو سمحتي هل منع الحمل يسبب تساقط لشعر انا بديت فيه من شهر ونص ولان شعري يتساقط بشكل فضيع لو سمحتي ردي عليا باقرب وقت ممكن
وجزاكِ مثله حبيبتي 🌸 اه للأسف حبوب منع الحمل بتسبب تساقط كبير للشعر
@@drrababmandour هل في منع الحمل مايضر شعر متوفر في اليمن محبتك ومتابعتك ام البراءه
@@أحمدثابت-ش2ظ نورتيني يا حبيبتي 🌸
وسائل منع الحمل الغير هرمونية هي اللي مش بتسبب تساقط الشعر ، ف حضرتك شوفي مع الدكتور /الدكتورة المتابعة لحالتك الوسيلة الأنسب ليكي منهم
طيب انا عامله اربع زيوت معا بعض بعمل بيهم حمام زيت للشعر زيت زيتون على زيت روزميرى على زيت سمسم على زيت جوز الهند وانا شعرى جاف كده تمام ولا ايه 😊
زي الفل جداً بس خلي الروزماري 5 أو 6 نقط بس وباقي كميات الزيوت متساوية حسب فروة راسك وطول شعرك...ممكن معلقة من كل نوع مثلاً ...ودفيهم حاجة بسيطة قبل الاستخدام ولفي شعرك بكيس أو بونيه حراري ومدة الماسك متزيدش عن ساعة
@@drrababmandour ربنا يخليكى يارب شكرا على اهتمامك ربنا يسعدك
@@hodaelraman9690 تسلميلي يا جميلة اللهم آمين وإياكي يارب 🌸
افضل زيوت عطريه
1-روزماري
2-النعناع
3-الافندر
افضل زيت ناقل الجوجوبا
افضل اداه تساعد على تنبيت الشعر
الديرمارولر
الزيوت دي للشعر
@@MayarMïræLĕ
صحيح
@@احمدالغامدي-ن6ن متشكرة حبيبتي بصراحة أنا أصلن عايزة اشتري ديرمرولر لشعري مفيدة كثير
اللهم صل وسلم وبارك على سيدنا ونبينا و حبيبنا وشفيعنا وتاج رؤسنا سيدنا محمد وعلى آله وصحبه أجمعين
عليه أفضل الصلاة وأذكى السلام
ماشاء الله عليكى يا دكتور ❤
هل الفيتامينات بتاعت الشعر بتزيد فى الوزن 😮
تسلمي حبيبتي ♥️
لا خالص مش بتزود الوزن ، الفكرة ان أحياناً الجسم بيبقى فاقد للشهية بسبب نقص فيتامينات معينة ، فلما بتعوضي النقص دة بتتفتح الشهية تاني وتبدأي تنظمي أكلك فبتلاحظي ان الوزن بيزيد زيادة بسيطة بس مبيكونش بسبب الفيتامينات ، بيبقى بسبب أكلك العادي ...ف دايما خلي في توازن ف أكلك ..وزنك هيكون مظبوط
رأي حضرتك في زيت الجنسنج عندي فراغات جامده وانا برضع
هو ممتاز بس يفضل عدم استخدامه أثناء الرضاعة ، ممكن تستخدمي زيت اللاڤندر مع الخروع واللوز بالطريقة اللي شرحتها ف الڤيديو
بارك الله فيك ياحبيبتي وزادك معلومات بابا
اللهم آمين يارب تسلملي يا بابا ويبارك ف عمرك ياارب
دكتوره بعمل القرنفل مع روز ماري بنقعه في كميه من المايه وبستخدمه بخاخ يومي ده ينفع ليا ولبناتي ؟؟؟
لا مش بخاخ يومي يا حبيبتي ولو بناتك أطفال بلاش تستخدميه ليهم.... في زيوت كتير أأمن ع شعرهم (زي الأرجان ، الزيتون ، جوز الهند ، السمسم ، بذور العنب، اللوز) ....
هقولك طريقة التحضير الصحيحة اللي تمشي عليها ليكي انتي
٢ كوب ماء يغلي ع النار
وبعدين تحطي معلقة واحدة من القرنفل ومعلقتين من الروزماري (المجفف) مش الفريش
وتسيبيهم مع المياه 10 دقايق فقط ع نار هادية جداا ...ولما يبردوا خاالص تصفيهم وتحطيهم ف زجاجة بخاخ نضيفة ...وتستخدميها لجذور الشعر لمدة 20 دقيقة او 30 دقيقة فقط وبعدين تغسلي شعرك بشامبو مخفف مضاد للتساقط ...الكلام دة مرة او مرتين ف الأسبوع فقط
نشتري الزيوت منين او نوع ايه ال نشتريه عشان يكون مضمون ❤
لو ف القاهرة وقدرتي تروحي المركز القومي للبحوث زيوتهم أصليه ، أو صفحة بيت الزيت ع فيسبوك ، أو زيوت نفرتاري وامتنان و Now
لو سمحتي ياريت تردي عليا ضروري فرحي قريب وجربت كل حاجه للفراغات مفيش نتيجه وجبت روز ماري اصلي وخففته بجوز هند حطيت نص الكميه من ده ومن ده بس وقع شعري جدا ...كده ارميه ولا اخففه اكتر وهو غالي جدا
يا حبيبتي زيت الروزماري قوي جداً ع فروة الراس مينفعش خالص تحطي نص الكمية ...
هو بالكتير 5 نقط على معلقة كبيرة زيت جوز هند لو فروة راسك جافة أو زيت بذور العنب أو الأرجان لو فروة راسك دهنية ... وتدليك 10 دقايق وتسيبيه ع فروة راسك لمدة نص ساعة او ساعة بالكتير وتغسلي شعرك بشامبو مخفف ودة ماسك مرتين ف الأسبوع فقط ... واستخدمي الشامبو طبي مضاد للتساقط زي Aloekita أو ريجو
دكتورة انا نباتية وباكل البيض والحليب والاجبان كمصدى حيواني ايه بتنصحيني كبروتين نباتي ونقلك انت اروع واجمل دكتورة❤❤
حبيبتي تسلميلي دة من ذوقك ❤️🌸
العدس ، الفول ، الحمص ، البسلة ، الفول السوداني ، الكاجو ، الفستق ، اللوز ، بذور الكتان ، بذور الشيا ، السبانخ ، البروكلي والقرنبيط ، الفاصوليا الخضراء ، الشوفان
لو سمحتى يادكتوره حضرتك تبقى فعلا خدمتينا ولو قولتلنا نقدر نجيب الزيوت الاصليه منين
بصي يا حبيبتي لو انتي ف القاهرة أشرحلك جداً المركز القومي للبحوث ..الزيوت بتاعتهم أصلية ما شاء الله
لو موجودة ف محافظات تانية ...روحي للعطارين الموثوق فيهم وهاتي ماركة امتنان أو نفرتاري أو الهداية إو الحواج
لو ف السعودية هاتي ماركة Now
ياريت يادكتوره تتكلمي عن زيت الحلبة لشعر وكيفيه الاستعمال
حاضر يا حبيبتي هعمله ڤيديو قريب إن شاء الله
@@drrababmandourتسلميلي ❤
@@rabiabelhaj1995 الله يسلمك يا جميلة ❤️
السلام عليكم يا دكتورة ، انا شعري فيه تساقط شديد الشعراية بتنزل بطولها حرفيا ودا سبب فراغات كتير من قدام والجنب وكمان هايش وجاف على طول مع انه مكانش كدا كان ناعم وفيه قشرة بس بلاحظها في الشتا بس
ممكن تقوليلي أعمل اي وجزاكي الله كل خير❤
وعليكم السلام ورحمة الله وبركاته
اعملي تحاليل (فيتامين د ، مخزون الحديد ، الأنيميا ) ضروري يا حبيبتي ولو عندك نقص ف حاجة فيهم لازم تاخدي جرعة العلاج المناسبة من الفيتامينات
وتمشي على منتجات ضد التساقط زي
مجموعة twist & go أو hairoots
واختاري حمام زيت حبة البركة مع زيت جوز الهند بنفس الطريقة اللي شرحتها ف الفيديو
.....
شعرك هيتحول تماما لو التزمتي بالتعليمات دي ، اللهم آمين وجزاكِ مثله يا جميلة❤️
شكرا جدا يا دكتور❤❤
بالفعل عملت التحاليل وطلع عندي فيتامين د ٩ ومخزون الحديد ٢٠ ، والبخاخات دي لو وقفتها هيرجع يتساقط تاني؟
وممكن ترشحيلي حاجات استخدمها من شامبو لحمام كريم وحاجة اسرح بيها وكدا
وجزاكي الله كل خير ❤@@drrababmandour
من فضلك يادكتور شعري كان ناعم بس بقى جاف جداً وهايش بشكل فظيع إيه أفضل ماسك أعمله وأفضل كريم أو زيت استخدمه كعناية يومية
غيرتي روتين عنايتك بالشعر يا حبيبتي أو استخدمتي مننتجات مش مناسبة ؟ ونوع فروة راسك ايه ؟
@@drrababmandour غيرت حاجات كتير ورحت لدكاترة كتير بعض علاجتهم جابت نتيجة بس بطيئة ومشكلة شعري لها سنين وعايزة حاجة تظهر نتيجتها بسرعة عشان أعرف أكمل فيها بس معرفش نوع فروة راسي
@@zainabaltayb9079 طيب حاولي الفترة دي توقفي استخدام اي شامبو فيه سلفات وتستخدمي إما شامبوهات الأطفال زي تولا مثلاً أو شامبو ايفا بزبدة الشيا
.......
واستخدمي بلسم تولا أو ايڤا بردو
......
حمام زيت ميكس بين بذور العنب وزيت جوز الهند بكميات متساوية لمدة ساعة ونص قبل الشامبو
+ حمام كريم biosoft بالأرجان أو لو ف امكانياتك تجيبي ماسك clary
( والخطوة دي مرتين ف الأسبوع)
......
وللعناية اليومية ليڤ إن bless أو aloe eva بالأرجان ( استخدام مرتين ف اليوم قبل تسريح شعرك)
@@drrababmandour جزاكم الله خيرا وربنا يحفظك ويرزقك من حيث لا تحتسبي بكل ما هو خير
@@drrababmandour حاجة العناية اليومية زيت ولا كريم والماسك بديل حمام الكريم ولا معاه واستخدام الماسك نفس فكرة حمام الكريم بعد غسل الشعر بالشامبو ولا طريقة مختلفة
السلام عليكم شكرا لزوقك ومعلوماتك الجميلة انا اول مرة اشوفك وفهمت كتير واستفدت من حضرتك وعند سؤال لو سمحتى ابنى شاب بس كان بيعمل فرد لشعره وحاليا عنده فراغات من الامام تنصحينا بايه ولكى جزيل الشكر❤❤❤
وعليكم السلام ورحمة الله وبركاته ، العفو دة من ذوق حضرتك ❤️ خليه يوقف الفرد فورا دة من أكتر الحاجات اللي بتسبب تساقط شعر ...ويستخدم شامبو Aloekita ds ع فروة الراس مرتين في الاسبوع ويسيبه خمس دقايق قبل ما يشطفه ، وقبل الشامبو يعمل ماسك الروزماري مع زيت جوز الهند أو الأرجان بالطريقة اللي قولتها ف الفيديو مرتين في الأسبوع....هيستمر ع الروتين دة لحد ما يحصل إنبات شعر في الفراغات دي
الف شكر لزوقك ولاخلاقك الجميلة وربنا يجعله ف ميزان حسناتك يا دكتور
@@OmmohamedMamdouh-d1x العفو دة من ذوق حضرتك وكرم أخلاقك اللهم آمين يارب العالمين 💜
السلام عليكم ممكن يا جماعه تستفيدى منه بدل الزيوت بتاعته استفيدى منه فى العشبه بتاعته تنقع فى ميه مغليه ويصفى وترشى بيه على الاماكن ممكن كمان مع كركديه حلو لتنبيت بردهمع حبه البركه ورشى بيه هيبقى اخف من الزيوت
الزيوت أأمن وأفضل لو معصورة ع البارد ...ومع ذلك أحياناً الطريقة دي بتناسب ناس لو شعرها مش بيتقبل الزيوت
@@drrababmandour تمام تسلمى يارب جزاكى الله عنا خير حبيبتي واعرف منين حبيبتي انى الزيوت ده كويسه افضل انواع الزيوت من شركات ايه حضرتك ترشحالى وهل شركه الكابتن كويسه ولا افضل اعمله وفى منزل الزيت اجيب العشبه وانقعها فى اى زيت زى جوز الهند مثلا مع زيت تانى يخفف بيه واسيبه ١٥ يوم مثلا ايه راى حضرتك وشكرا ليكى على ردك والاهتمام بكومينتات ♥♥
@@minhallah1014
اللهم آمين وإياكِ حبيبتي ❤️ ، أنا بحب أوي زيوت شركة امتنان ونفرتاري والمركز القومي للبحوث و Now ... لا مش بفضل الكابتن ، ومش بفضل بردو نعمل الزيوت ف البيت لأنك بتضطري تسخني الزيت اللي هتحطي فيه العشبه لكن الشركات الكويسة بتستخلص الزيوت بالعصر ع البارد
ياريت فييديو ب التفاصيل الحلوه دي عن ازاله الشعر من الجسم عدا الليزر لانه حرام وشكرا.
عيوني ...بجهزه يا جميلة 🌸
من افتى بهذا الحكم؟ لابد يكون ثقة
@@user-bd6fd1ul5b ابحثي ي حبيتي كلفي نفسك وابحثي الاول وبعدين قولي حد ثقه اكتر من خد قال حرام
مساء الخير يا دكتوره ... أنا عندي مشكله نادره و هي ان فروة رأسي تؤلمني جداً من سنوات طويله لدرجه اني ما كنت اقدر أغسل شعري بشكل عادي او لما عاوزه أنام ما اقدرش احط راسي على المخده أنام و أنا قاعده 😢😢😢😢 شفت دكاتره كتير اختصاص جلديه و تبع الشعر و ماحدش قدر يعرف السبب و يساعدني في حل المشكله ...يا ترى حضرتك ممكن يكون عندك فكره عن سبب الألم في فروة رأسي 😢😢😢 شكراً كتير سلف ❤
السلام عليكم انا حابه اساعدك والله في دكتورة اسمها فرح محسن اتكلمت عن النقطه دي وعندها فيديو كيف نعالجها شوفيها وان شاللع تستفيدي
سلامتك يا حبيبتي ♥️ بالعكس مشكلة شائعة جداً وأسبابها كتير أهمها ان يكون عندك تساقط شعر بسبب نقص فيتامينات ومعادن زي الحديد وڤيتامين د والزنك (دة كافي أوي يسببلك ألم رهيب) ، ممكن كمان يكون عندك التهاب ف بصيلات الشعر أو اكزيما أو تينيا ، وممكن يكون بسبب مشاكل ف الغدة الدرقية ، وممكن التهاب الأعصاب الموجودة ف فروة الراس وممكن قشرة دهنية ....فعاوزاكي تروحي لاستشاري جلدية ويطلب منك تحاليل غدة درقية ومخزون حديد وزنك وفيتامين د ضروري ويكشف ع فروة راسك لو في اي التهابات أو تحسس .... ومجرد ما نعرف السبب العلاج هيبقى سهل اوي ....لحد ما تروحيله عاوزاكي تعملي تدليك لفروة راسك بزيت جوز الهند ع اد ما تستحملي وبعدين تغسلي شعرك بشامبو طبي خالي من السلفات ... وتعملي كمادات ميه دافية يومياً ع فروة راسك دة هيريحك كتير اوي لحد ما تروحي للدكتور وألف سلامة عليكي♥️
@@الوردةالجورية-ض2ض مشكوره جداً على اهتمامك بمشكلتي ❤️❤️❤️
@@drrababmandour
طيب انشالله هاعمل التحاليل و أشوف دكتور اختصاصي ... شكراً كتير كتير دكتوره و ربنا يوفقك في شغلك و حياتك ❤️❤️❤️😘😘😘
@@granadaalkhach9121 إن شاء الله ع خير يا حبيبتي وهتابع معاكي هنا ف الكومنتات لو احتاجتي أي حاجة ♥️ اللهم آمين يارب وإياكي يا جميلة 😍♥️♥️
السلام عليكم ورحمة الله وبركاته جزاكي الله خيرا يادكتورة حبيت اسألك علا رز ماري بيقولو بيطلع شيب هل صحيح املا والف شكر ليك حبيبتي
وعليكم السلام ورحمة الله وبركاته ، اللهم آمين وإياكي يا جميلة 🌸 لا خالص اتأكدي بس انه أصلي ومعصور ع البارد ولازم يتخفف بالطريقة اللي اتكلمت عنها ف الڤيديو
عزيزتي زيت حبة البركه اللي تكلمتي عنه عطري ولا عادي لاني بحثت في ايهرب وكلها عضويه وماهي عطريه مالقيته عطري ذا الشي خلاني اسأل هل قصدتي انه يكون عطري ولا عادي
اذا تعرفين ماركه معينه في ايهرب علميني توفرين علي بحث😢
لا يا روحي زيت حبة البركة أساسي عضوي اطمني
@@drrababmandour ايه للاسف مالقيته اساسي عطري فهمتيني
@@fatmhsrk3646 أيوة حبيبتي فاهماكي عادي متقلقيش المهم عندي يكون مكتوب عليه أساسي ، عضوي ، معصور ع البارد ، وتكون العبوة غامقة ، ومن ماركة نضيفة
@@drrababmandour اوك
شكرا على الفيديو المهم بارك الله فيك
العفو ، اللهم آمين ياارب وإياكم
السلام عليكم. يا دكتور لو سمحتي انا عندي تساقط شديد وفراغات كتير من قدام والجنب وشعري خفيف خالص وانا طبيعة شعري ناعم بس من كام شهر كدا بقا ويفي او كيرلي كدا معرفش من ايه ومش عايز يرجع لطبيعته تاني.. وانا لما عملت تحليل انيميا ومخزون حديد وفيتامين د طلعوا قليلين عندي اوي ... ممكن تقوليلي على حل وجزاكي الله كل خير
@@amalosama1937 وعليكم السلام ورحمة الله وبركاته ، طيب حبيبتي التساقط الشديد ناتج عن نقص الحديد وڤيتامين د عندك ف ضروري تتابعي مع طبيب جلدية يشوف نسبتهم عندك ويوصفلك جرعة الفيتامينات المناسبة ، وبالنسبة لروتين العناية عندك حلين ....
يإما تستخدمي وصفة الروزماري أو الزعتر زي ما شرحتها ف الفيديو بالظبط مرتين ف الأسبوع قبل الشامبو ( ويكون مخصص لعلاج التساقط زي ألوكيتا أو hairoots مثلاً)
أو الحل التاني انك تستخدمي حاجة سريعة زي لوشن hairoots ... ( ٦ بخات يومياً صباحاً ومساءً ) مع الشامبو بردو وكريم التصفيف CaFa أو hairoots بردو ....اللهم آمين وجزاكِ مثله يا جميلة 🌸
@@drrababmandour جزاكي الله كل خير يا دكتور♥️
طيب يا دكتور حل مشكلة تغير طبيعة الشعر دا ايه كان ناعم وبقا قالب على كيرلي كتير وفيه تموجات وبقا هايش وجاف
@@amalosama1937 اللهم آمين وجزاكِ مثله يا حبيبتي ♥️ نقص الڤيتامينات والمنتجات الغلط وسوء الحالة النفسية والحر الشديد والرطوبة بيحولوا الشعر من ناعم وصحي لهايش وجاف ...الحل هيبقى اهتمامك ب روتين ترطيب قوي زي المنتجات اللي رشحتهالك وتحاولي تظبطي أكلك وڤيتاميناتك وتحافظي ع نضافة فروة الراس باستمرار وهيرجع أحسن من الأول بإذن الله
لو سمحتي ممكن حلقة عند الثعلبة في مقدمه الجبهة للحريم وشو العلاج وجزاك الله خير الجزاء
حاضر هنزلها قريب إن شاء الله ، اللهم آمين ياارب وإياكم
دكتوره اى رايك ف كبسولات بيرفكتيل للشعر كل يوم ؟❤
جميلة بس استخدمي النوع المكتوب عليه Perfectil plus
@@drrababmandour
شكرا جدا يا دكتوره
@@الحمدلله-ط3م1ذ العفو يا جميلة
معلش انا اسفه ممكن تردي عليا بعد الروتين الا حضرتك قولتلي عليا بعد ام اغسيل شعري استخدام زيت ايه وما هي ماركه الزيوت
حبيبتي متتأسفيش اسألي براحتك 🌸 لا بلاش وقت التسريح تحطي اي زي ع شعرك ...الزيوت بنستخدمها ك حمام زيت فقط ... الأنسب ف التصفيف هو كريم الشعر ... لو متاح عندك كريم فاتيكا بالحبة السوداء ممتاز جداا ..بالنسبة لماركة الزيوت أفضل الأنواع (امتنان ونفرتاري ) وفي نوع كمان اسمه الهداية موجودين عند أي عطار ، ولو ف السعودية ماركة Now
شكرا علي النصائح يا دكتور ما شاء الله عليكي ممكن أسألك أنا عندي حساسيه من زيت الروزماري وانا عايزه زيت يساعد علي انبات الشعر لأن انا شعري خفيف ممكن تنصحيني بنوع زيت تاني غيره
العفو حبيبتي تسلميلي ، استخدمي زيت حبة البركة قوي جداً ف الإنبات مع زيت ناقل من اختيارك حسب نوع فروة راسك زي ما شرحت ف الفيديو بالظبط
@@drrababmandour شكرا ي دكتور
بعد اذنك ي دكتور هل حمام الزيت ينفع يستخدم مع وجود قشره ولا لازم تتعالج الأول
@@ضوءالقمر-ب6ص2ظ العفو حبيبتي ، لو قشرة دهنية نعالجها الأول ، لو قشرة جافة ف الزيوت زي زيت شجرة الشاي واللاڤندر وحبة البركة وجوز الهند بيعالجوها ومعاها نغسل فروة الراس كويس جداً بالشامبو
@@drrababmandour ي دكتور زيت الخروع ثقيل لو استخدمته
المفروض يتخفف الأول ولا لا
@@ضوءالقمر-ب6ص2ظ هو من الزيوت الناقلة بس تقيل يا حبيبتي فيفضل نعمله ميكس مع زيت خفيف زي اللوز أو السمسم أو الأرجان أو الجوجوبا وبذور العنب
راي حضرتك في زيت الجنسنج وبذور اليقطين؟
الاتنين ممتازين ف منع تساقط الشعر وزيادة كثافته ...بس زيت الجينسنج بنحتاج نخففة ..يعني نقطتين أو تلاتة منه مع اي زيت ناقل حضرتك تحبيه ، زيت بذور اليقطتين ناقل وخفيف ف ممكن نستخدمه لوحده ع الشعر او نخلطه عادي بردو بزيوت ناقلة تانية
السلام عليكم❤.
دكتورة أنا بعاني من تقصيف شعري عطول ناشف وطاير في حل لهيك شي
سؤال ثاني شعري ما بيطول لغير لنص الضهر ايش سبب
اتمنى تفيديني💕.
وعليكم السلام ورحمة الله وبركاته ❤️
ناقصه ترطيب قوي يا أماني
ومش بيطول عشان محتاج تغذية داخلية للبصيلات
نوع فروة راسك ايه ؟
@@drrababmandour ترطيب قوي مثل ايش
قالوا زيت السمسم مليح الانبات الشعر صحيح؟
فروة راسي دهنية
ممكن اكلمك خاص؟
الله يسعدك ❤.
جزاك الخير دكتورة، أنا عندي مشكلة شعري مره خفيف الشعره بحد ذاتها خفيفه ماتستحمل، بسرعه ما تتساقط.
وجزاكِ مثله يا جميلة 🌸 تغذيتك من حيث البروتين والفيتامينات أكيد فيها مشكلة ، محتاجة تظبطي التغذية زي ما شرحت ف الفيديو وقوليلي نوع فروة راسك وهرشحلك الماسك المناسب معاها
@@drrababmandour شكرا جدا أول دكتورة تتفاعل معايا ع اليوتيوب شكرا لذوقك وروحك الطيبه، فروة رأسي دهنية وجافه بنفس الوقت لو نشفتها بتعمل قشور ولو ترتكها بتزيت حتى كنت أعاني من إلتهاب فروة الرأس فطريات الرأس والحمد لله تعالجت تماما منه وأخذت برفكتيل بلاس هير مع أوميجا 3 شهر واحد بس للتكثيف ومافرقش معايا
@@فيف-ت3ن
العفو حبيبتي دة من ذوقك تسلميلي 🌸 طيب أولاً عاوزاكي تستخدمي شامبو مخصص للالتهابات الفطرية زي Selenocare مرتين ف الأسبوع لمدة شهر مع تدليك خمس دقايق قبل ما تشطفيه ، وبعد الشهر هتستخدميه مرة كل أسبوعين عشان العدوى متتكررش تاني .... وممكن بعد كدة تستخدمي شامبو ريجو مع حمام كريم biosoft بالأرجان (ع الشعر فقط ) بعد ما تعالجي القشرة ... وحمام زيت الزعتر مع بذور العنب ، أو اللافندر مع الجوجوبا بالطريقة اللي شرحتها ف الفيديو بالظبط مرتين ف الأسبوع ...اخر حاجة فيتامينات الشعر زي بيرفكتيل وغيره بتحتاجي تستمري عليها 6 شهور عشان تشوفي نتيجة ...وسرحي شعرك مرتين ف اليوم وسيبيه يتهوى بلاش تربطيه معظم الوقت واهتمي بأكلك جداً
بتشكرك كتير بس لو سمحتي اي نوع زيت بدي حطو ع شعري لازم يكون دافي
العفو يا جميلة ، النتيجة مع التدفئة بتكون أفضل ف قدرة الزيت ع التغلغل للبصيلات ... ممكن حتى تدفئة ع ايدك عادي
ماشاء الله عليكي قمة في الذوق ربي يسعدك🥰🤩
@@وردةالقرآن-ش9ظ تسلميلي يا حبيبة قلبي دة من ذوقك ويسعدلي قلبك ياارب ☺️💜🌸
استخدام زيت الثوم أرجوكي شكرا لك كلام حلو❤ونصائح
العفو تسلمي يا جميلة ❤️ أولاً هاتيه من مصدر موثوق... واعمليله اختبار حساسية الأول ..نقطة او نقطتين منه على دراعك قريب من الكوع مثلاً..وشوفيه هيعملك تحسس ولا لأ ... لو عمل اوعي تستخدميه ...لو معملش تحسس هتخلطي منه خمس نقط على كمية من زيت جوز الهند أو الزيتون مناسبة لفروة راسك ممكن معلقتين كبار مثلاً... وتدلكي فروة الراس لمدة 10 دقايق بالمكس دة وتسيبيه ع فروة راسك لمدة نص ساعة وتغسلي شعرك بشامبو مخفف .... التكرار مرتين ف الأسبوع
بارك الله فيكي ياحبيبتي با وأدعو الله أن يزيدك معلومات
يااارب يا بابا اللهم آمين ويبارك ف عمرك ياارب ♥️
بنتي عمرها ست سنوات شعرها بيقع من الجذور لو حد شدة
بتستخدمي ليها منتجات ايه ؟ وشوفتي نسبة الحديد وڤيتامين د ف جسمها ؟
كلامك صحيح ساحاول تطبيق كل شيء بالحدافير وشكرا جزيلا❤
بإذن الله يا حبيبتي تشوفي أفضل نتيجة هستناكي تقوليلي تأثير الروتين دة معاكي♥️
باشكرك كثير على جوابك انا خلاص هعمل الوصفات دول وهاشوف بإذن الله وهاجوبك
@@MaryamMaryam-wr7sk العفو يا جميلة🌸 على خير بإذن الله
والله يادكتورة خرجت اليوم واشتريت زيت اساسي خزامى وزيت اساسي روز ماري وكمان حبة السوداء وهاعمل زي ماصرحت في الفيديو
@@MaryamMaryam-wr7sk الحمد لله يا حبيبتي مبسوطة أوي إنك هتطبقي اللي في الفيديو هستناكي تقوليلي النتيجة بعد شهر من تطبيق الوصفات ❤️
دكتوره اول مره اشوف هذه القناة حلوه وعجبتني بس مروتج ليش سريعه كلشي منفتهم
شكراً جداً والله بس أنا مش فاهمة قصدك بالظبط لو ممكن توضحيلي
@@drrababmandourتقصد انه هي موفاهمه عليكي لان كلامك سريع تتكلمي بسرعه
@@Najla369 تمام هو بس في ناس بتمل من ريتم الڤيديو لو بطيء فأنا بفضل انه يكون متوازن لا سريع ولا بطيء ... وعشان كدة مقسمة الفيديو ف صندوق الوصف عشان اللي حابب يرجع لجزئية معينة يرجعلها ف أي وقت ويفهمها بالراحة
دكتورة انا من الحمل والرضاعه شعرى خف جدا وبيتساقط حضرتك تنصحينى بايه
أولاً استمري على ڤيتاميناتك اللي كنتي بتاخديها وقت الحمل يا حبيبتي (الحديد ، الكالسيوم ، فيتامين د ) ...دول كدة أساسي ... واعملي ماسك زيت حبة البركة أو اللاڤندر بنفس الطريقة اللي شرحتها ف الفيديو ... واستخدمي شامبو مضاد للتساقط زي ألوكيتا مثلاً أو ريجو وسرحي شعرك مرتين ف اليوم عشان تحفزي الدورة الدموية واهتمي بأكلك جداً
السلام و عليكم دكتورة أنا مشتركة جديدة من المغرب ابنتي تعاني من تساقط الشعر وهي عندها انيميا عمرها 9 سنوات اعجبني كثيرا صراحتك وطريقة شرحك شكرا جزيلا جزاك الله خيرا
وعليكم السلام ورحمة الله وبركاته ، حبيبتي اتشرفت بوجودك ❤️ ، خليها تاخد ڤيتامين د ضروري 6 نقط يومياً و للأنيميا خليها تاخد حديد بالجرعة اللي الدكتور يحددهالها وامشي ع ماسك زيت جوز الهند مع زيت بذور العنب قبل كل مرة غسيل شامبو لمدة ساعة واستخدمي شامبو مخصص لعمرها خالي من السلفات وان شاء الله النصايح دي هتفرق معاها جداً وشعرها هيبقى كثيف وصحي 🌸 العفو حبيبتي وجزاكي مثله اللهم آمين وتسلميلي على كلامك الجميل أوي دة ❤️
شكرا جزيلا دكتورة على كل هذه النصائح راح اعمل بها جزاك الله خيرا 🤲❤
@@habibirachida4263 العفو حبيبتي وجزاكي مثله اللهم آمين يارب ❤️❤️ ودة فيديو للعناية بشعر الأطفال فيه كل حاجة ممكن تحتاجيها عشان تخلي شعرها كثيف وطويل
ua-cam.com/video/ryJTHr_vUpA/v-deo.htmlsi=8-SyC2gAfVP0GdXq
ي دكتوره الله يحفظك لو اخلط زيت الزيتون مع زيت السمسم كم الكميات ؟
وإياكي ياارب يا حبيبتي 🌸... اخلطي منهم كميات متساوية
هي الزيوت دي بتتجاب منين .. في مكان موثوق ممكن نجيبها منه ؟
أي عطار موثوق فيه حواليكي بيكون عنده ماركات مختلفة للزيوت ...زي امتنان ، الهداية ، الحواج ، جرين فارماسي ، Now
دكتور بالله عليكي ردي عليا انا كنت بستخدم خلطة روزماري مع قرفة لمدة 6 شهور والله كان شعري ناعم لدرجة فظيعة وبعدها بقا متقصف وهايش وشعري وناشف جداا وبقا بيبيض من تحت بس قوليلي اعمل اي😭😭
ارفعو التعليق يا جماعة بالله
طيب حبيبتي تقصدي شعرك كان ناعم ف الأساس قبل استخدامك للخلطة ولا كان ناعم مع استخدامك ليها ف الأول؟ وضحيلي الجزئية دي ..
وكنتي بتستخدمي الخلطة دي وبتحضريها ازاي ؟
لا كان ناعم قبل الاستخدام
كنت بحط معلقة قرفة ومعلقة روزماري على كوب ماء مغلي وكنت بسيبه لمدة يوم وبعد كده استخدمه وفضلت كده لمدة 6 شهور هو فعلا قللي التساقط جدا وعمل انبات لكن والله شعري كان ناعم لدرجة لا تتخيل بقى خشن جداااا وبقى وانا بسرح ينزل شعر صغير متكسر ولاقي شعري من تحت لون كله متغير وباهت وبقى بيبض من تحت بس
دكتور معلش لو هتقوليلي يبقى حاجة طبيعية او حاجة سعرها قليل عشان بصراحة الدنيا بقت غلى اوي
شكرا جدا ي دكتور انك حضرتك رديتي عليا انا والله عمالة اعيط وخايفة احسن شعري ميرجعش تاني زي الاول انا مش عايزة حاجة انا عايزة شعري يبقى ناعم زي الاول ويبقى لونه زي الاول وميبيضش بالطريقة البشعة دي
هل استطيع صنع زيت روزماري بالمنزل اجيبيني وماطريقة
اه هنزل فيديو بأفضل طريقة لتحضيره قريب إن شاء الله
ايه راي حضرتك فى منتج جروث فورميلا
كويس انه بيساعد ع زيادة الوزن بس لازم معاه اهتمام بالعناصر الغذائية ف الأكل الأساسي زي البروتين والنشويات والدهون والخضار والفاكهة
ما اجمل حديثك .. اسلوبك هادئ و جميل
شكراً جداً لحضرتك دة من ذوقِك
طب حضرتك نستخدم الفيتامينات دي لمده اد اي وهل هنعيدها تاني
الحديد لمدة 6 شهور يا حبيبتي
اوميجا 3 والزنك 3 شهور ...فيتامين د روتين دائم 6 نقط عشان لو جسمك مش بيصنع القدر الكافي منه عن طريق الشمس .... عادة مش بنحتاج نعيد الفيتامينات الا لو لسة في نقص لما نيجي نعمل تحاليل
@@drrababmandour طب اعمل تحاليل اي عشان اتاكد أن مش هعيد الفيتامينات تاني
@@suhailatarek6445 تحليل هيموجلوبين عشان نشوف الأنيميا وتحليل مخزون الحديد (ferritin) ، وتحليل ڤيتامين د عشان نشوف نسبته وتحليل نسبة الزنك ف الدم أو البول وتحليل أوميجا 3
عندي قشره كتيره جدا ف شعري وبتساقط بطوله كتيرر بينزل
وعامله شعري بروتين
ممكن تقوليلي اعمل ايه ارجو الرد بالله ضروري
الشامبو اللي بتستخدميه للعناية بشعرك بعد البروتين ضروري جداً تغسلي بيه فروة الراس كويس جداا وتدلكي بيه الفروة مش أقل من خمس دقايق ، محستيش بتحسن اخلطي كمية بسيطة من بيكربونات الصوديوم مع الشامبو ودلكي بيها فروة الراس بردو خمس دقايق وبعدين تشطفيه ... اخر حل انك تروحي لطبيب جلدية يوصفلك محلول لعلاج القشرة مناسب للبروتين اللي استخدمتيه ف فرد الشعر وعادة بيكون محلول كيريلا ، بالنسبة للتساقط هتستخدمي فيتامينات بانتوجار لو مش عاملة ليزر عشان هو بيزود الشعر شوية ف باقي الجسم ، ومعاه اسبراي للتساقط من Aloekita أو Top hair ، وكل منتجات العناية بشعرك بعد البروتين سواء بلسم او سيروم او حمام كريم ممنوع تماما تيجي ع فروة الراس
هو فعلا يا دكتور زيت الروزمارى بيطلع شعر ابيض ؟
لا خالص يا حبيبتي زيت الروزماري الأصلي المعصور ع البارد مش بيعمل كدة نهائي
عايزين يادكتور مالتي فايتمين لفوق 40سنه الانيميا والتساقط والعظم ويكون اقتصادي لو سمحتي
أنا ضد ترشيح مكملات الفيتامينات طول ما احنا معملناش فحص وتحاليل توضح نقص الفيتامينات ف الجسم ، الأفضل حضرتك تكشفي تحديداً على العظام ، وبالنسبة للأنيميا لو حضرتك متأكدة إنها عندك يبقى هناخد أقراص feroglobin أو ferrotron قرص يومياً ع معدة فاضية ، والتساقط والعظام أكيد هيكون في نقص فيتامين د فلازم هناخد أقراص ڤيتامين د ( بعد الفطار أو وجبة فيها دهون ) بس بالجرعة اللي يحددها الدكتور بعد الفحص ، وأساسي تظبيط الأكل طبعاً
يش رايك باكليل الجبل
وهل فعلا له نتائج عكسيه مثل ماذكرو الناس
انه بسبب تساقط شعر اذا توقفنا عن استعماله
وانه يزيد الشيب
لا خالص بالعكس بيحافظ ع نمو الشعر وبيغذيه حتى لو توقفتي عن استخدامه شعرك بيفضل زي ما هو ، وموضوع الشيب دة مش حقيقي نهائي بالعكس بيعالج الشيب لو عندك ...أهم حاجة بس تجيبيه من مصدر موثوق ومعصور ع البارد وتستخدميه بالطريقة الصحيحة زي ما شرحت ف الفيديو بالظبط
@@drrababmandour ايه سمعت عن فوائده بس جدا خايفه كثير من تجارب الناس كلها تشتكي من أنه يساقط بعدين
@@fatmhsrk3646 ممكن يكونوا استخدموا أنواع مغشوشة ودي موجودة بشكل كبير جداً للأسف ، وممكن يكونوا استخدموه بطريقة غلط لأن استخدامه بطريقة غلط هيضعف البصيلات وهيعمل تحسس وبالتالي الشعر هيتساقط ... ورغم قناعتي وثقتي الكبيرة ف زيت الروزماري قولتلكوا بردو ع اختيارات زيوت تانية ف الفيديو فعاليتها قوية جداا ف التكثيف والإطالة اختاري منها اللي تحبيه بس بالطريقة اللي شرحتها
دكتوره انا شخصت حالي عندي صلع وراثي واسخدمت بخاخ منوكسديل ورجعت استخدمت بخاخ نيو هير مجاب نتيجة فيني تساقط مرررره رحت لدكتوره كلمتني ان صلع وراثي يستمر غلى منوكسديل مدى الحياة هل هذا صيح
للأسف حبيبتي هو فعلاً فعالية المينوكسيديل بتستمر طول ما انتي بتستخدميه اول ما بتوقفي بيرجع الشعر يتساقط تاني ...فهتحتاجي فعلا تستمري عليه حتى بعد ما التساقط يقف ..وعشان نتيجته تبان أفضل لازم الدكتورة تكتبلك ع علاج هرموني مضاد لهرمون الصلع الوراثي