الحلقة 6 | هل طارق العلي بريء أو مُدان ؟
Вставка
- Опубліковано 9 лип 2024
- تكلمنا بهالحلقة عن طارق العلي
وبداياته وإستمراريته وسبب نجاحه
وسلّطنا الضوء على أبرز أعماله والإتهامات التي توجّه له من بعض الجماهير
ملاحظة : جميع ما تم تداوله فهو حسب راينا الشخصي فقط
فكرة وإعداد وتقديم
سلطان مبارك
صالح العسك
المقدمة 0:00
افضل فنانين الكوميديا في تاريخ الكويت 3:05
شنو اللي يميز طارق العلي عن غيره من الفنانين ؟ 8:39
أبرز أعمال طارق العلي 10:20
هل يُوجد منافس لطارق العلي على مسرحه ؟ 15:20
الخروج عن النص 22:45
الجرأة في المسرح 26:21
دور المرأة في مسرح طارق العلي وضرب الفنانين 30:09
كاركترات طارق العلي وأسباب تدني مستوى مسرحه 40:16
الختام 48:06
إستيديو
٧٢٠
تصوير ومكس الصوت وتصميم الثومبنيل
صالح العسك
مونتاج
هشام أحمد
لا تنسونا بالدعم من خلال الإشتراك بالقناة وإرسال المقطع لأكبر عدد ممكن
فيكم راح تكبر القناة ونوعدكم بتقديم حلقات مميزة ومتنوعة وإستضافة فنانين تحبونهم
وحساباتنا على مواقع التواصل الإجتماعي تلاقونها تحت .. وشاكرين لكم
#طارق_العلي #فروغي #مسرح_طارق #مسرحيات #الفن_الكويتي #الفن_الخليجي #مسرحيات_كويتية #مسرحيات_خليجية #عبدالعزيز_المسلم #عبدالرحمن_العقل #حسن_البلام #احمد_العونان #خالد_المظفر #داوود_حسين #مبارك_المانع #عبدالعزيز_النصار #عبدالحسين_عبدالرضا #سعد_الفرج #جمال_الردهان #غانم_الصالح #خالد_العبيد #سعاد_عبدالله #حياة_الفهد #مريم_الغضبان #انتصار_الشراح #صح_لسانك #البيت_بيتك #اللي_يدري_يدري #الطرطنقي #بخيت_وبخيته #الصيده_بلندن #لن_اعيش_في_جلباب_زوجتي #زهرة_الخرجي #منى_شداد #سليمان_الطيب
انستقرام

seventwenty...
تويتر

x.com/seventwentyst?s=21 - Розваги
اذا ضعفت اعماله فتره مو مبرر للهجوم عليه بالعكس نحترمه لانه حافظ على القمه فترة طويلة وعرفنا على المسرح وحببنا فيه وصنع كل النجوم الموجودين حاليا ورغم كذا يهاجمونه بدال مايكرمونه
بالعكس أحنا مو مهاجمينه وله كل التحية والإحترام على ما قدّمه من أعمال طوال تاريخه ويُشكَر على هالشي .. ولكن انتقادنا على مستوى بعض أعماله الأخيرة وليش شخصه
طارق العلي أسطورة 🌹
ما ينمل منكم صراحة أسلوبكم جميل وثقافة فنية عالية وودي توسعون النقاش وتدخلون لاعمال خليجية وعربية
مشكور على هذا الكلام والإطراء الجميل ♥️
بإذن الله بنقدّم كل ما يحوز على رضاكم
من يوم طلعت على الدنيا وانا اعرف طارق وهو سبب حبي للكويت وشعبها رغم اني ما زرتها الا مره وان شاءالله اكرر الزياره ❤
وأحنا كـ شعب نحبك ونحب كل أخوانا وتشرفونا بديرتنا ومكانكم على الراس والعين وبقلوبنا 💚🤍
بَرّدتوا چبدي والله بهالحلقة! مو طبيعي من سنييييين احس اني الوحيده بالعالم اقول ان مسرح البلام "اعْبَر" من مسرح طارق بالاسقاطات والأيحاءات!!! طارق مو بريء من هذي التُهمة بالذات خصوصاً لمن كبرت وعدت اغلب مسرحياته اللي شفتها وانا صغيره انصدم من كمية الاشياء اللي مرت علينا ولا فهمناها بس كنت احس ان في شي مُريب بالجو قاعد ينقال، لكن يغفر له (للاسف) وصج للأسف ان خفة الدم تغفر ل(بعض) القطّات اهي خفة دم اهو ذكاء بصياغة النكته اهي احترافية ترابك الله! عكس مسرح البلام والله! وقتها انا تركت حتى مسرح طارق لأن حرفياً كان كله تهريج واكتفيت بمسرح الحملي بس ومسرح الطفل. آخر مسرحية شفتها لطارق كانت تحت الصفر بعدها بسنة على طول بدا مسرح البلام وتوقعت انهم نفس الشي ولا فكرت اشوف اي مسرحية للبلام ابداً يمكن لي سنة ٢٠١٧ شفت لقاء البلّام مع علي نجم واقدر اقول انقَصّ عليّ صراحة😊 قام يحلف ويتكفّر ان (انا مسرحي مو مثل باجي المسارح وانا قطعت على نفسي عهد ووعد ما اكسر الحاجز اللي بيني وبين الجمهور -واضح منو المقصود- ولا عندي اي اسفاف ولا قلة حيا ولا نتعرّض للحريم بمسرحنا!!!) وقال وقال وقال بمسرحه وانا صدّقت الصراحة لان طول اللقاء كلامه مقنع واساساً وقتها كان الكل متجه لمسرح البلام بس انا الوحيده اللي نافره منه قلت يمكن عندي وجهة نظر غلط! وابداً ابحث عن مسرحياته واعتقد سمعت راي احس الاشخاص ماذكر منو قال ان مسرحيات البلام نظيييفه وعكس مسرح طارق ومبروك علينا بالكويت المسارح الهادفه النظيفه انا تعجبت قلت ليش حارمه نفسي من هالاعمال لازم اشوف! وبيوم من الايام جمعت اخواني وشغلت وحده من المسرحيات😊 والمصيبة وغلطتي قبل لا اشغلها قلت لهم يمذحون المسرحية وترى مافيها اسفاف ولا قلة ادب اخيراً بنضحك على شي يسوى وطيرت المسرحية على المدح اللي سمعته وعلى كلام البلّام المستشرف (للأسف) لأن الكل يشهد له بالاخلاق الطيبة بس للأسف اعماله وكلام لسانه مايدل على ولا شي طيّب! كانت اكبر فشله لي جدام نفسي وجدام اخواني واعتذرت منهم! حرفياً قمت احس أي احد يمدح أعمال البلام يا يكون غبي او مصدق التلميع اللي يصير أو أنه يكره طارق أو أنه اساسا يحب هذه النوعية من الأعمال لأن مو طبيعي حلال على البلام حرام على طارق! كوميديا طارق أصلا عفوية ورجاله يخرّع! البلام صفر كوميديا حرفياً، الكوميديا الوحيدة اللي قدمها هي السوالف والاستهزاء بل والتحقير من البنات والأمهات والحريم العلاقات!!!! خمر وسكر وخيانهة ازواج وأشياء واجد تفشل بكللل مسرحياته موطبيعي هذي الصورة اللي تصدرها عن نفسك واهلك بالخليج العربي كله!! تفتر عليهم لين يصدقون ان هذي بيئتنا! مادري وين الرقابه اللي حيلها بس على الاشياء السياسية والدينية بالاعمال تشيلهم تخلي اسفاف البلّام بحق كل بنت!
عكس طارق اللي ما شاء الله عليه يرضع كوميديا ويقدر يطلع من كل موقف نكتة قوية مو أي نكتة بعد! نكته من قوتها تقدر تعفر له زلّاته وتضحك بدون احساس
البلام محظوظ باللي حوله الشباب، اهو أبرزهم فقط
ماصنعهم! لأنه مايملك اي مقومات الكوميديا (حالياً) مع اني احب البلام ايام قرقيعان وشبابيك وبرامج المنوعات، إلا انه أفلَس كوميدياً مايقدر يقايش حتى الشباب اللي وياه النصار والمظفر والمانع ومحمد رمضان!
عكس طارق العلي (صناعة نجوم من الصفر) وصقل مواهب والوقوف قدامه بال مسرح يعتبر كورس تمثيل، وما أنجحوا إلا اللي قدروا إيجارنا مثل العونان والمظفر والحملي وغيرهم
الله عليج الله عليج الله عليج .. مشكورة على هذا التعليق الجميل ووجهة نظرج تُحترَم جداااااً وكلامج فيه واااااايد إيجابيات تؤخَذ بعين الإعتبار و واضح إنج مُتابعه جيدة جداً للمسرح وهذا شي وايد حلو لما نسمع آراء تتوافق مع بعض من آرائنا .. ومشكورة مرة ثانية على جهدج بالكتابة ووقتج / وما ننحرم من مشاركتج ودعمج ان شاء الله 🌹♥️
@@720street قواكم الله وانتوا والمشكورين وهالراي لازم ينسمع يوصل للناس وللمقصودين خصوصاً لما اعرفت ان غيري كثير عنده وجهة هالنظر ومو بس انا، والبركة فيكم احنا اللي علينا نكتب بس انتوا الخير والبركة وباجي الشباب استانست لهم ان كلولحد فيهم صار له مسرحه الخاص عقبال ما تطلعون وتعَدّلون المايل ومستقبل الفن انظف واحلى ان شاءالله👏🏼👏🏼👏🏼
اتفق انا سعودي و اشوف بالكويت حمله قويه على طارق العلي من مممثلين وجمهور وما اعرف ليه ، واذا جا السعودية مسرحه يفلل على فكره . لكن البلام لمعوه وكذلك مسرحه غير خالي من الاسقاطات و قلة الادب لكن الى الان ماعرف سبب التركيز على طارق والهجوم عليه يمكن لانه سيطر ٢٠ سنه والناس حسوده
@@user-mi7bo6ku9b بسبب ان طارق فعلاً ماقدر يطوّر من نفسه ليلحين + طارق يحب يكون THE ONE بالعرض ومحد ياكل الجو غيره وهذي سلبية وممكن ماتخلي الشباب اللي حوله يتطورون لأنه مو دايم يعطيهم مساحه يحب يستعرض بروحه مايقدر عليه إلا قِلّة من الشباب، عكس البلام اللي الكوميديا طايحه عنده بس يملك روح الguru والقائد الملهم راحوا له وجمعهم واتفق انه قدر يظهرهم على خشبته لكن مافادهم من ناحية كوميديا بشي بالعكس اهم اللي يرفعونه اهو وجوده بينهم يعطيهم ثقل وثقة ان ممثل كبير وعنده خبره لايُستهان فيها بالتمثيل والمسرح وله اسم.. اثنينهم لهم سلبياتهم، بس طارق حسناته اكثر وطارق كوميديان صحيح
افضل فنان بالكويت حاليا طارق العلي بلا منازع واحترامي للفنانين الاخرين
طارق العلي فنان لا يُضاهيه أحد على المسرح أسطورة إستثنائية وله تاريخه المُشرّف 💯
لكن حسب راينا الشخصي للأسف أعماله تدنّت بالسنوات الأخيرة 😔
طارق العلي مداااان ٢٠٠٪..…….لكن الصراحه كان اقوى وافضل مسرح كوميدي بالخليج لمدة ١٥ سنة والفرق شاسع بينه وبين اي مسرح اخر …… لكن سقط سقووط كبير وماحسب حساب هالشي ولا عارف يطلع من هالحفره ويستاهل بسبب تعامله وتجاوزاته على الفنانين والفنانات ونقدر نقول حسن البلام استغل وتعلم واستفاد من اخطاء طارق العلي وكسب الفنانين الشباب كلهم في مسرحه
رأي يُحترَم 👍🏼
مبدعيييين 😍😍
أنت المُبدع ومشكور على مشاركتك 🌹♥️
الحلقة وموضوعها خيال والتقديم خفيف وممتع وياليت تستمر مدة الحلقات نفس هالوقت واطول لانه ما نزهق من حلقاتكم 🤣❤️
شُكراً على هالذوق واللُطف بالمدح .. وبإذن الله القادم اجمل ونكون عند حسن ظنكم 🤲🏼♥️
اقوى مقابله سولفو عن كل الي بقلبي وكل الي ابي اقوله وزود تكلمو عنه استمرو
مستمرين ان شاء الله بدعمكم ومشكورين ♥️
حلقة مميزه والعفويه داخل المواضيع تشتت المشاهد ولكن بنفس الوقت جميله ❤❤
شكراً على هالرأي وبإذن الله راح نتدارك هالشي والقادم افضل ♥️
اكثر واحد يقط هو افضل عندكم ولا شنو ترى الدور يلزم طارق فنان بس شرحكم حطيتو في ايطار معين القطات بس
محد يختلف ان طارق العلي فنان قوي جدااااً وغول عالمسرح ولكن الناس أذواق وكل فنان يمر بفترات في مسيرته من صعود ونزول بالمستوى .. وأحنا انصفناه وتكلمنا بالإيجابيات والسلبيات
ونرجع نقول إن لا يوجد مثل طارق العلي عالمسرح 👏🏼
وشكراً على المُشاركة ♥️
بالنسبة لي مشكلة طارق العلي هي كالتالي
١ اختيار الفنانين .. صاير يختار ناس مو معروفين ولا يقدمون آداءات قوية نفس اختياراته قبل
٢ تكرار انماط قديمة للكوميديا مثل رجل يسوي ادوار نسائية او ينكت على الخوال ونفس النكت تتكرر هذي بعض الامثلة
٣ ماصار ينزل اعماله باليوتيوب اول بأول نفس قبل ياخي انا واحد مو بالكويت وحتى ما اقدر احضر الجولات اللي يسويها ماعندي غير اليوتيوب اشوف اعماله فيها وش فايدة التصوير اذا اخر ٤ اعمال ماشفناها ومادري هل راح نشوفها ولا لا
اتوقع فيه اسباب زيادة بس هذا اللي ببالي الحين وشكراً 🤍
نتّفق معاك في بعض النقاط مثل 1 ، 2 👍🏼
ولكن بالنسبة لأعماله فـ طارق العلي الوحيد اللي سنوياً تنزل أعماله على اليوتيوب وشاهد ومستمر في هالشي الله يعطيه العافية
ومشكور على مشاركتك 🌹♥️
@@720street
معاك حق توني انتبه ان آخر المسرحيات صارت تنزل على شاهد لكن استغربت الطمباخية ماحصلتها ولا بأي مكان والصراحة كنت انتظرها خصوصاً انه معاهم أحمد الفرج
يعطيكم العافية انتم على هالمحتوى الممتع والصراحة حبيتكم كثير 🤍
طحت على برودكاستكم بالصدفه مشالله عليكم عيال الديره موفقين ❤️ حلو طرحكم
وياك يارب .. وما ننحرم من دعمكم والله ♥️
استمتعت كأني جالس اسولف معاكم والله
والله تشرّفنا بمتابعتك .. وان شاء الله نقدم شي يمتعك بالفترة القادمة 🌹♥️
يعطيكم العافيه على الكلام والصراحه والنقد الطيب واتمنى اشوفكم اعلى واعلى وبالتوفيق يارب 🙏🏻🌹
الله يعافيك يا غالي الناس وانت الطيب 💙
من النجوم اللي ما طلع ابداعاتهم الا في مسرح طارق العلي عبدالناصر درويش زهره عرفات محمد الاحملي
اي نعم مسرح طارق العلي أبرَز الكثير من النجوم وأبدعوا في حينها .. وفي من استمر إلى الآن بالنجومية وفي من خَفَت بريقه
انا من أشد المعجبين بالفنان طارق العلي
طارق فعلا ومثل ماقال فهد البناي ماراح يطلع مثله فنان والكثير انتقد كلامه ولكن الناس مافهمت المعنى ..
بالنسبة لدور المراه بمسرح طارق .. الكل عارف نظام مسرح طارق .. وقبل ١٠ سنين كانوا الناس يتقبلون اللي يسويه طارق ولكن الحين ملوا الناس وانا واحد منهم .. وضيفوا عليها ان الممثله راضية بأي دور وهذي مصيبه والمصيبه اكثر ان طارق راضي ..
وكذلك بالنسبة لنجوم الشباك فعلا .. المسرحيات الاخيره كنت احضر فقط لطارق باجي الممثلين ننطر المشهد بس يخلص بس طارق يشوف ان هذول نجوم بطلعهم على حساب شركته وسمعتها والدليل المسرحية مالت الكرة نسيت اسمها قبل شقة لندن .. فشلت فشل ذريع وماكو حضور رغم كثرة الممثلين على المسرح انا حضرتها وفكرة المسرحية جميله ولكن النجوم الشباب خربوها
بالاضافة الى مجاملاته مع محمد الوزير وفيصل السعد وسعود الشويعي .. اسلوب الكوميديا مالتهم ما تركب مع كوميديا طارق ..
طارق العلي بحاجة لنجوم شباك .. والتركيز على نفسه اول شي
شوفوا مسرحياته التلفزيونية بشاهد .. مسرحية هلوسه كانت جميلة جدا وكانوا فيها نجوم لو انعرضت بالعيد جان شفت عروضها مطولة
نتمنى من بوحمود الغالي الالتفات لنفسه وعدم الظهور في لقاءات هالفتره لأن البعض قاعد يستغلك ويطلعك بصورة مو حلوة
راح اضل احضر للفنان الكبير طارق العلي 🌹 انتقاد من محب
وبالنسبة لبرنامجكم مميز جدا وقواكم الله بس عندي اقتراح بسيط .. ياليت تزيدون ضيف ثالث عشان تتنوع الحوارات والاراء من وجهة نظري وقواكم الله
شكراً على هالمشاركة الاكثر من رااااااااااائعة وشكراً على وقتك ومجهودك في الكتابة وفعلاً أغلب ما كتبته صحيح .. وبالنسبة للتنوّع بوجهات النظر ووجود شخص ثالث فـ هذا الشي قاعد نشتغل عليه عشان نقدم لكم افضل محتوى مُمكن بإذن الله 🙏🏼💙
شنو قدم طارق من مسرحيات و اعمال حتى يصنف ضمن افضل للفنانين الكويتيين
مسرحه كله اسفاف و استصغار في حق زملائه الفنانين
حتى الفنان داوود حسين لازم تسووله حلقه اهو من الفنانين المسرحً عنده ااعمال قويهً من مسرحيات و برامج و دراما يا ريت
بإذن الله يستاهل داوود حسين " أيقونه " في الفن يستحق الثناء ولا يمكن أن ننساه بأي وقت .. عايش معانا كل هالعمر وصار جزء من تاريخنا من كنا أطفال إلى يومنا هذا ♥️
حلقه عظيمه فنان عظيم
ومُشاركة عظيمة تُشكَر عليها 🌹♥️
انا احب مسرحيات المسلم كلهم ليش لانه فيها قصه و ضحك اغاني وً تطلع بشي حلو مستفيد ما كو شي يخجل الحيا صج فنان ما عليه كلام بس حتى طارق العلي يبيله ياخذ بريك يسوي نفس مسرحياته قبل مو غلط الفنان ينزل مستواى هذا شي طبيعي الكل يصير معاه ياريت يرجع قوي نفس قبل
ياريت يرجع نفس قبل .. وبالنسبة للمسلم فـ نعم مسرحه جمييل ومُلم بأدق التفاصيل من قصة وإخراج وديكور وإضاءة وموسيقى وكوميديا فعلاً مسرح شامل وجميل
ولكن بالنسبة للكوميديا غير مُحببه للبعض في مسرح المسلم لأن مو من ضمن أجواء أعماله ولا توجد العناصر اللي تقدر تمثّل الجو الكوميدي في مسرح السلام
ولكن الاستاذ عبدالعزيز المسلم جبار بشكل عام ♥️
صراحه ملك وغول المسرح طارق العلي لن يتكرر
فعلاً لن يتكرر 👌🏼
انا بالنسبة لي : حسن البلام الاول.
والباقي كلهم يضحكون ومبدعين ❤
الناس أذواق وذوقك جميل ويُحترَم ♥️
أهلاً أهلاً welcome back
أهلين وسهلين 🌹
مستغربه شلون ماذكروا المرحوم غانم الصالح رحمة الله عليه
غانم الصالح محفور بالقلب .. وأهوا اشمل وأقوى فنان في الكويت حسب وجهة نظرنا / فـ موضوع الحلقة كان على الكوميديا وغانم الصالح دمه خفيف وقوي ولكن ما يُصنّف كـ افضل فنان كوميدي
غانم الصالح بمعنى الكلمة " فنّاااااااااااااااااااان " مهما طال الشرح والمدح لا يُمكن إن نوفيه بالكلمات ♥️
الجوكر
انا اللي اشوفه مسرحيات طارق قبل وايد احلى يعني مسرحيه صح السانك قويه و مسرحيه لن اعيش في جلبات زوجتي و اللي يدري يدري و مسرحيات ٢٠٠٠ و بخيت و بخيته و و عنتر المفتر و مسرحيات الي مع المظفر قويه و في عنده مسرحيات حرام ما تسوى ياريت ياخذ بريك وً يفكر يسوي شي جبار نفس قبل
وجهة نظر جميلة .. وفعلاً أعماله القديمة اسطورية بشهادة الكل ونتمنى يقدم أعمال بنفس قوّتها الحين 🙏🏼
مبدعين كالعاده ، نبي حلقة حق عبدالحسين عبدالرضا
بإذن الله بنحاول نحضّر لها بيوم .. لان تاريخ عبد الحسين كبييييير ويحتاج تفاصيل كثيرة نتكلم فيها ولا ننسى أي شي بتغطية مسيرته .. واحنا يشرّفنا نقدم حلقة عن الأسطورة بو عدنان ♥️
49:25
وين وصلتو منو طلع يحبه🤣
نحبه نحبه طارق العلي تااااااريخ مُشرّف ♥️
والله يوفقه بأعماله اليديدة
حسين رضا و الفرج و النفيسي و غانم الصالح كل اعمالهم كوميديا القصة و الموقف اما طارق العلي نظام قطات بدون قصة
وجهة نظر تُحترم ، ومشكور عالمشاركة 🌹
جواب سؤالك ان طارق يطق الفنانين بشكل مفاجئ ولا له علاقه بالمشهد ولا يخدم المشهد لكن النفيسي يطق الصبي ويطق اخوانه اذا غلطوا او فنانه تطق ولدها او رئيس دولة كيف يتعامل مع شعبه واستمروا ارائكم مشابهه لارائنا كجمهور
وجهة نظر جميلة جداً 👏🏼
فعلاً الضرب ضمن إطار القصة بشكل عفوي وكوميدي مقبول ولكن الضرب دون سبب وإهانة الفنان هذا شي غير مقبول حسب ما ذكرنا بالحلقة .. وإن شاء الله مستمرين بدعمكم 🌹♥️
تصنيفك لطارق العلي في المركز الثلني دليل على انكم عاطفيين و تفقدون المصداقيه
عبدالحسين ، النفيسي ، غانم ، سعد ، النمش ، العقل ، داوود ،
والنعم فيهم كلهم هذول إهراماتنا وأعمدة الفن الكويتي .. ولا أحد يقدر ينكر هالشي لكن أحنا قاعد نتكلم عن المسرح الكوميدي فقط والكل يشهد لـ طارق العلي إستمراريته في المسرح من التسعينات إلى يومنا هذا وبالنسبة لأعماله مو كلها بمستوى عالي وعنده تخبط بالإختيارات لكن يظل غول عالمسرح ووجوده عالخشبة بروحه شي مو عادي ويُحسب له سواء نحب أعماله أو لأ
وبالنهاية هذي آراء شخصية
ورايك يُحترم جداً جداً جداً ♥️
ومشكور عالمشاركة 🌹
فيصل بوغازي الله يرحمه حتى ما سلم بالاسكافي منه 😂
الله يرحمه محد سَلَم منه حتى على كُبُر بمسرحية عودة التجنيد 😂
قناة بطلة ❤
أنت البطل ولا خلا ولا عدم من مشاركتك ودعمك لها ♥️🌹
يعطيكم العافية يا شباب ✋
الله يعافيك ويقوّيك 🌹
ي جماعه عبدالله الحبيل شلون نسيتوه 😐😮
لا يُمكن ننسى عبدالله الحبيل .. من افضل الفنانين عندنا ونحب أعماله جداً جداً ونظراً لوقت الحلقة وكمية المحاور ماكان عندنا وقت نسلّط الضوء على القدير عبدالله الحبيل / لكن أحنا ما ننسى مُبدعينا وأبطالنا وسيُذكر حتماً في أحد الحلقات القادمة 🌹
اتفق ان مسرح طارق كان مصنع للنجوم بس هالفتره النجم محمد عاشور اشتغل بمسرح ؟
محمد عاشور انظلم فنيّاً واختار بسرعة إن يكون مُنفرد ومو محسوب على أحد / والفن الحين صعب فأنت لازم تبني قاعدة جماهيرية لك ومن ثم تبدي بخط بروحك .. يمكن هذا الشي اللي ما سواه عاشور وانظلم فيه لأن هالفنان عنده كل الأدوات اللي تخليه مُبدع وقوي بالفن 🌹
مالكوم وش يسوي هنا
😂♥️
طارق العلي محد يقدر يسويه الي هو يسويه يجيب فنانين جدد خريجين لازال في القمة اما المسلم او البلام مايقدرون
طارق العلي فنان قوي جداً ومدرسة للنجوم .. دون تقليل من بقية الفنانين فـ كل فنان ساهم بإبراز غيره من الفنّانين 🌹
وكل فنان له جمهوره ويُحترَم ♥️
وايد برنامجكم بس اسمحولي بس انقد نقطه مادري اذا مقصوده احس وايد خايفين تنقدون احد ومرات احس تمدحون ناس ما تستاهل
شكراً على مشاركتك ووقتك 🌹
وبالنسبة للإنتقاد فـ أحنا الحمدلله ما نخاف من أحد لأن مو قاعد نسيء لأحد .. انتقادنا مُجرد فنّي لـ عمل أو دور مُعيّن وهذا الشي المفروض إن ما يزعّل أحد لأن أحنا بالنهاية الجمهور ولازم الفنان يحترم ويقدّر راي الجمهور ويكسبهم .. للأمانة وايد ناس تستاهل عالأقل يُشكَرون على المجهود اللي قاموا فيه حتى لو ماكان العمل مُقنع لبعض الناس / لأن اهيا بالنهاية أذواق ووجهات نظر
كلمة " يخرّع " مسوية سبونسر عندكم؟
إهيا عبارة عن " وصف قوي " للمشهد أو الفنان أو الدور .. بس فعلاً تكررت وايد دون قصد ولاحظنا هالشي قبلكم وبإذن الله راح نحاول نقلل من الكلام المُتكرّر ونتفاداه عشان نكون لطيفين على مسامعكم
ولكم جزيل الشكر والإمتنان على مُتابعتكم ووقتكم 🌹♥️
ولد الديرة اقوى فنان
وجهة نظر تُحترَم 🌹
الوحيد الي يقدر يطيح طارق العلي عالمسرح اهو واحد بس
ولد الديرة يطق طارق العلي عشره صفر عالمسرح شوفو المسرحيات الي صادفو بعض فيها وراح تفهمون معنى كلامي بس الي هد حيل ولد الديرة المرض الله يشفيه ويقومه بالسلامه
الله يشافيه ويعافيه يارب 🤲🏼
@@720street امين يارب
ارجع حق المسرحيات الي اجتمعو فيها طارق العلي وولد الديره وعبدالعزيز المسلم
راح تشوف الفروقات الصجيه عالمسرح ولد الديرة ياكل طارق العلي على المسرح والي ياكلهم اثنينهم ترى بس محد مركز ولا منتبه عبدالعزيز المسلم بس المسلم مشكلته اتجه حق مسرح الرعب وركز عليه بشكل كبير
شوف مسرحيات المسلم القديمه الي معاه ولد الديره وطارق العلي وبتفهم انا شقصد
طبعا احنا نتكلم ك قطات مثل مانقول بالكويتي
لكن بره القطات وبره التمثيل ف كلهم ربع واخوان كلامي كله عن القطات والكوميديا عالمسرح ولو ان انا ذوقي الشخصي ضد هالنوع من الكوميديا كانو يسمونها ضغاط وبعدين سموها قطات وللاسف انتهت الحين بإسم تنمر وسببت مشاكل وايد نفسيه ووصلت لي الجرايم وغيره وغيره
انا ك مدرس يوميا اعاني من هالنوع من المشاكل بين الطلاب تلقاهم حافظينلهم قطتين من هالمسرحيات وايوون ثاني يوم يقطون على بعض واخذ مشاكل بينهم وتوصل لي اولياء الامور ولويه
ف ياريت الفنانين من اكبر فنان لي اصغر فنان وتحديدا فنانين المسرح ان ينتبهون لهالنقطه قبل لايفكرون ب (مسرحيتي تنجح)
النجاح الحقيقي انك توعي شعبك وتخفف من الأزمات الي ديرتك تمر فيها سواءا ازمات سياسيه قبليه طائفيه عنصريه خل فنك يكون هادف بعيد عن السخريه
راح ايي واحد ويقول كا عبدالحسين الله يرحمه كان يتنمر
اول شي الكوميديا الي كانو يقدمونها الفنانين الكبار تعتمد على كوميديا الموقف مو الشخصنه بالموقف بإني اضحك الناس على شخص
ثاني شي ياخي الناس كانت ممكن تتقبل هالكوميديا من هالفنان قبل خمسين سنه الحين مو بالضروره تتقبلها منك !
ثالث شي من متى الضرب على مؤخرة الممثلات على المسرح وعلى صدورهم وتخلي الممثله شمتنها تتقلب عالمسرح هذي كوميديا ؟ خلنا الحين من احترام المرأه
وين العيب ؟ وين الحرام والحلال؟
شوي بس الفنانين ينتبهون لهالامور لان وايد غلط الحاصل
واسف عالاطاله
حسن البلام والعونان والله تاريخ
جداً جداً فنانين كبار وتاريخهم حافل بالنجاحات 👏🏼
دور المراه شهد السلمان اثبتت نفسها
ماكانت على قد التطلُّعات مع طارق ولكن عندها فرصة تعوّض بأعمال قادمة 👏🏼
نزلووووو حلقه لقروب البلام لاتذمون فيه ياويلكم
حاضر لخاطر عيونكم بإذن الله الحلقة اليايه البلام 😎
😂 قوايا
أنت القوي ومتشرفين فيك ♥️🌹
سعد الفرج الثالث و طارق العلي الثاني!!!
خلهم على جوهم
اعمار الشباب هو دليل على طريقة اختيارهم للنجوم اللي يحبونهم،
كوميديا نعم
سعد الفرج ياخذ دور السنيد مع عبدالحسين وهذا الشيء ما يستنقص منه بالعكس الموضوع اصعب لانك لازم تكون فاهم الي قدامك صح عشان تعطيه البناء الصحيح للنكته
@@teed4688 كم مسرحية تابعت لسعد الفرج عشان تحكم انه سنيد فقط
@@teed4688 عبالك الكوميديا بالقطات بس ولا شل وضع؟..الكوميديا اكبر من جذي..ولذلك مافي مقارنة بين الفرج و طارق
طارق العلي انتهى من سنة 2004
وجهة نظر تُحترَم 🌹
@@720street مو قصدي انتهى يعني صار تجاري اكثر من قبل اعماله جميله وله بصمه كبيره عكس الي نشوفه في سنوات الاخيره مسلسلات عاديه ومسرح هزيل مايتقارن بتسعينات وسنة الفين
فعلاً في تاريخ الفن الكويتي هناك فنان اسمه طارق العلي عمل مع الفنان عبدالحسين ولفت الانتباه و عمل مع سعد الفرج في مسرحية عالمكشوف وكان هو الفنان رقم واحد فالكوميديا فيها و عمل مع عبدالله الحبيل في مسرحية فضيحه وكان هو رقم واحد فيها و عمل مع مسرح الرشود و كان رقم واحد فيها وعمل مع احمد جوهر وكان هو رقم واحد ايضاً ف ليش مستغربين الناس ان هو الفنان الثاني بعد عبدالحسين في تاريخ الفن ، بينما الفنانين الاخرين الي اقدم منه ما شالو عمل مسرحي بطل رئيسي فالعمل و ضرب مثل ما شالوه هذيلي الاثنين ، دائماً يشيلون ادوار السنيده اي البطل الثاني فالعمل انا عن نفسي اتفق مع رايهم الي اهو عبدالحسين و بعده طارق العلي ، وبعد هالتاريخ من العطاء ، لا نجد سو النكران والتذمر و الحقد والحسد ، والله عيب الرجل فعلاً يستاهل كل خير
كلام جميييل جداً 👏🏼♥️
فعلا طارق العلي غول وملك المسرح
اي محد يختلف على هالشي طبعاً 👏🏼
فعلا اتفق ( مسرحيات مسرح ) طارق العلي غول وخطير ويشيل مسرح لحاله وبدون قروب هذي فقط عبدالحسين عبدالرضا و طارق العلي غير انه خرج اجيال
بالضبط 👌🏼
سحب ع ممثلين السعودية .. المشكلة سعد الفرج وخالد النفيسي من السعودية
مسرحياً ياجبيبي
وش اخر مسرحيه سعودية شفتها
الذيب بالقليب ؟ ولا محمد ومحيميد
مسرحياً الفن السعودي ميت
وبعد طاش مافيه عمل كوميدي يرقى لمستوى عمل جيد حتى
المفروض التعليق يصير نسوا عادل امام ولا محمد هنيدي 😂
سعد الفرج وخالد النفيسي كويتين وحتى حليب السعودية كويتي
@@y7aya الكويت كلها محطة ورى الخفجي
@@teed4688 لما تذكر ممثل كوميدي اذكر الابرز في الخليج .. خل الذيب في القليب فنانينك هذول وانت عارف محد يحضر لهم في الكويت كل ما قدمو شي طلعو النقاد ف الاعلام قالو اسفاف جايبين هذا يلمع لطارق العلي
@@SEMOHAMMEDC شل الي حارك انت..على الي نقدمه الحين نضل بالمرتبة الاولى خليجيا
طارق افلس
وجهة نظر تُحترَم .. لكن الناس أذواق 🌹
الموضوع خايس بس الاخيس انهم مبزره
شكراً 🌹