Chingiz Aytmatov. Jamila (to‘liq)

Chingiz Aytmatovga shuhrat keltirgan asar, uning “Jamila” nomli qissasi bo’lgan edi. U tez orada shuhrat qozondi. Uni mashhur yozuvchi Lui Aragon fransuz tiliga tarjima qildi. Tarjimaga o’zi so’z boshi yozib, uni “Muhabbat haqida yozilgan jahondagi eng ajoyib qissa” deb baholadi. Ikki yil ichida bu asar 30 ta chet tillariga tarjima qilindi. Bunday hodisa jahon adabiyoti tarixida birinchi marta sodir bo’lishi edi. Asar voqealari ikkinchi jahon urushi davrida bo’lib o’tadi. Urushdan yarador bo’lib qaytib kelgan Doniyor bilan eri urushga ketgan kelinchak Jamila o’rtasidagi muhabbat katta mahorat bilan berilgan. Marhamat, audiomutolaadan zavqlaning.