សំបុកកំសត់ របស់ខ្ញុំអេីយ លំនាំបទ "ដំរីយោលដៃ"
Вставка
- Опубліковано 26 кві 2024
- ១-អស់ឱ!វត្តម្រោម ខ្ញុំផ្ញើវាសនា
បួសរៀនសិក្សា ក្រេបយកវិជ្ជា (2ដង)
សងគុណម្ដាយថ្លៃ ដែលប្រឹងពុះពារ
ចិញ្ចឹមបុត្រភ្ងា លក់នំបញ្ចុក។(2ដង)
២-ពីរពាន់ប្រាំបួន អង្រួនចិត្តកូន
ម៉ែថ្លែងប្រាប់ស្ងួន ថាម៉ែមានទុក្ខ(2ដង)
កូនពិបាកក្រៃ ធ្វើម្ដេចទើបសុខ
សំណាងនាំមុខ ជាប់បាក់ឌុបថ្មី។(2ដង)
៣-សម្ដេចនន្ទ-ង៉ែត សណ្ដោសមេត្តា
ឱ្យស្នាក់សិក្សា វត្តបុទុមវតី(2ដង)
២០១៤ សែនត្រេកអរក្រៃ
សម្ដេចពុទ្ធជ័យមុនី ឃឹម-សន ផ្ដល់ម្លប់។(2ដង)
៤-អកព្រាត់ទ្រនំ ផ្សារងំក្នុងចិត្ត
ពុកបែកបាក់ម្ដាយពិត ឆ្ងាយទាំងថ្ងៃយប់(2ដង)
២០១៧ ជំងឺសង្រ្គប់
ទាំងម្ដាយទាំងកូន ស្ទើរសូន្យសង្ខារ។
(2ដង)
៥-សម្ដេចឃឹម-សន ព្រះទ័យសង្រ្គោះ
ស្រោចស្រង់បានរស់ ជីវិតជីវ៉ា(2ដង)
ប្រៀបពុកទីពីរ ជួយយកអសារ
ម្ដាយកូននេះណា រស់រានជាថ្មី។(2ដង)
៦-ព្រះគុណសម្ដេច អនន្តអនេក
ធំធេងក្រៃពេក ពុំអាចប្រៀបអ្វី(2ដង)
កូនសូមចងចាំ គំរូថ្លាថ្លៃ
នៅក្នុងលោកិយ ប្រសើរកន្លង។(2ដង)
៧-បណ្ដាំអ្នកម៉ែ កូនចាំជានិច្ច
ប្រសាសន៍ពាក្យពេចន៍ មើលថែប្អូនបង(2ដង)
កូនរៀនចប់ហើយ ដូចអ្វីម៉ែប៉ង
បានដូចបំណង ព្រោះសម្ដេចពុទ្ធជ័យ៕(2ដង)
19-04-2024