كل ما يخص كارت كليفر klivvr
Вставка
- Опубліковано 26 лип 2024
- فيزا كليفر (klivvr) شرح بالتفصيل مميزات وعيوب وازاى تطلبها
كل ما يخص كارت كليفر klivvr
الناس ال بتدور على فيزا تقدر تعملها من سن 15 سنه
لمجرد ان معاهم بطاقه شخصيه
ومش كارت عادى دا كارت من شركه اوراسكوم الماليه والبنك العربي الافريقى وشركة فيزا
المميز بقى ان الكارت نوعه بلاتنيوم ودى بصراحه اول مره اشوف كارت بريبيد يكون نوعه بلاتنيوم
انت اصلا علشان تطلع كارت بلاتنيوم من اى بنك
لو ديبيت لازم يكون عندك حساب وفيه مبلغ محترم
او ان يكون عندك شهادات بمبلغ محترم وتطلع كارت كريديت بضمانها
لكن الكارت دا ممكن تعمله من غير ما يكون عندك حساب فى اى بنك وتمنه 50 جم بس
كل ال عليك انك هتنزل التطبيق وتسجل عليه بياناتك
وتصور بطاقتك وتدفع 50 جم
وبعد كده هتروح تستلم الكارت من اقرب فرع
وممكن تعرف اقرب فرع ليك من التطبيق
بالنسبه بقى لمميزات الكارت فهى كتير
تقدر تستخدم الكارت فى انك تدفع تمن اعلانات على الانترنت
او تشتري بيه اى حاجه اونلاين سواء من جوه مصر او من بره مصر
وكمان تقدر تربطه على باى بال
كمان تقدر تسخدم الكارت لو مسافر بره مصر علشان هيسمحلك تشترى لغايه 100 الف جم فى الشهر
وعلى فكره دا مبلغ محترم جدا
علشان كل البنوك دلوقتى عاملين حدود استخدام على الكروت بتاعتهم خارج مصر
يعنى لو انت خارق وعامل احسن كارت فى احسن بنك هيطلب منك ان يكون عندك مبلغ خيالي
وفى الاخر هيديك 3 او 4 تلاف دولار بس
المميز بقى ان الكارت بيخصم منك عموله 8% بس على اى حاجه بتدفعها بالعمله الصعبه
على عكس باقى البنوك ال بتخصم عموله 10% على اى حاجه بتدفعها بعمله تانيه
ودى نسبه حلوه هتحس بيها لو بتدفع مبالغ كبيره
على اد ما كارت كليفر جو فى مميزات لكن برضو فيه عيوب
اكبر عيب حاليا ان الكارت مينفعش تعمل فيه ايداع من مكنه اى تى ام
ولا حتى ينفع تعمل ايداع من اى فرع
الطريقه المتاحه حاليا للايداع هى انك تعمل ايداع ب استخدام كارت بنكى تانى
فدا بالنسبه للناس ال اول مره تعمل كارت بنكى هيكون مشكله
علشان هيحتاجو يستلفو كارت حد تانى يشحنو بيه الكارت
كمان اماكن استلام الكارت ال قابلتنى كلها كانت فى القاهره
يعنى لو انت من محافظه تانيه هتحتاج تروح القاهره تستلمه ومفيش شحن
اول شهر بتستلم فيه الكارت مبيسمحلكش انك تسحب او تشترى منه غير ب 7500 جم فى اليوم
و25 الف جم فى الشهر بس من الشهر التاني الحدود دى بتزيد
وبتقدر تسحب او تشترى ب 30 الف جم فى اليوم واقصى حاجه 100 الف جم فى الشهر
شركة كليفر عامله كمان كارت تانى فيزا انفينت
تمنه 1500 جم ولو عايزه يبقى مصنوع من الميتال هيبقى ب 4500 جم لو حابين نتكلم عنه
#بنكنوت #كليفر #بنوك - Наука та технологія
والله العظيم بحبك بتبسط الحاجه وعارف اللى هسال فيه
احمد هشام انت شخص محترم
أنا سجلت بس قابل اى حاجه عشان ادفع الرسوم
ربنا يوفقك
حاليا شغال فى مصر بس بسبب البنك المركزي
بحب أحمد هشام فى الله كدا
في تغيير فحدود اسحب ف كليفر ولا لا
طيب لو لم استخدم الكارت خالص بعد استخراجه هل فيه اي خصومات وبرضه مش فاهم يعني ايه لا يمكن الايداع عليه واذي اسدد مشترياتي عليه ومدة المشتريات ادى ايه
هو ممكن يتبعت عليه بفيزا مشتريات واسحب منه نقدي بدون عموله
ممكن تشرح اكتر عن الكارت وعيوبه ومميزاته والكروت الي بتنافسه
مش شغال بره مصر لو دي حاجه تهمك
انت راجل محترم ❤️
انت الاحسن
انت الاحسن
طيب لو معنديش فيزا ثانيه ادفع بيها ال 50 جنيه ينفع اروح الفرع اشتريه من هنااك
بياخد كام عمولة لو بتشحنه من كريدت كارد او ديبيت كارد؟
هل ينفع احول منها ل حساب تاني
الكلام دا غلط لازم يكون عندك بالفعل حساب تدفع بيه ثمن الكارت اون لاين ...
كارت كليفر اسحب كاض من اى مكنة atm وكم العمولة؟
بس مشكله الكترت معايا مش بيقبل من كارت ميزا تقريبا ولا دى مشكله معايا انا
هو احنا ممكن نحط فيه فلوس من فيزة المشتريات ونسخبها عادي من فيزه كليفر وايه رسومها
طيب هل بقدر اني اشتري فيه داخل تطبيقات ???
من فضلك انا كنت عامله الشهادة يوم الخميس 26 /5 وبعدين كان يوم جمعه والسبت اجازه يبقى كده يوم الاستحقاق امتى الشهر دا
ثانى يوم عمل
هل ممكن استخدمه في حجز تذاكر الطيران ؟؟
بياخد كام في الميه علي الايداع بعد اذنك
هل لسه بيعمل لحد دلوقتي
يعني لو فيه موقع مش بيشتري الا عن طريق ال paybal يبقي ايه الحل ؟؟😊
كارت دولاري
انا دخلت بيناتي بس مش عارفه اعمل الكرت ازيي
الليمت للشراء من برا مصر كام
هل ممكن شحنه من الكريديت كارد ولا لازم يتشحن من ديبت كارد وهل في رسوم على إيداع اي فلوس فكارت كليفر واخيرا هل رسوم السحب على كارت جو 5 جنيه فقط اي كان مبلغ السحب
ممكن تشحن بكريديت عادي
ممكن يسحب من فيزا مشتريات وتتحسب العمليه فلوس ولا شراء @@ahmed.hisham.banknote
هوا معيا ينفع احط في فلوس من فوري
عادي لو اشتريت حاجه بالدولار
الموضوع حلوه بس العيوب كتيره
هل ينفع اشحنو بالفيزا الافتراضيه بتاعه فودافون كاش و اسحب الرصيد بالكارت
و ايه البنك اللى اسحب منه بكارت كليفر
ينفع عادى وبتسحب من اى مكنه
انت غلطان لازم يكون ١٦ سنه
لو سمحت ينفع افتح حسابين توفير ف نفس البنك ولا ده مش هينفع وشكرا مقدما لحضرتك
ينفع بس كل حساب هيكون بدوريه مختلفة
السلام عليكم
لو عاوز افتح online store ايه افضل bank card استخدمه في الوقت الحالي
في مصر ولا بره مصر
بحاول احول فلوس من بنك اديب علي كارت Go مابتتحولش !؟
ايه الحل لوسمحت
شوف بنك تانى مش كل البنوك بتتعامل مغاه
ممكن طريقة تفعيل بطاقة الخصم الفوري من مكنة بنك مصر
شرحتها قبل كده هتلاقي الفيديو عندي
كرت كليفر ف شحن داخل القاهره للبيت وينفع يطلع لسن ١٧
من اول ١٦ سنه عادي ومفيش شحن المنزل حتي الان
@@ahmed.hisham.banknote شكرا جدا لحضرتك طيب لو معرفتش انزل من البيت واستلمه يتصلو او كده
يعني مينفعش اشحن الكرت الي من كرت ثاني
بالظبط كده
بورسعيد فيها
هل ينفع يتعمله ايداع من كارت تاني بره مصر وهل هو شغال علي ابل باي؟
حاليا مش بيشتغل
حاول تساعدنا هل هو شغال بيبل ولالا عشان ناس تقول شغال وناس تقول لا وانا بقصد بيبل مش باي بال
شغال
ممكن تشوف الفيديو ال بعد دا
ممكن اعرف ازاي كرت بيشحن كرت ❤️❤️ ؟؟
من خلال التطبيق
يعني تسحب منه عادي واشتري وانا برة البلد بيه عادي ؟
حاليا مش شغال
لغاية دلوقتي محلوش مشكلة زيادة الليميت للأسف وعود وهمية.
بعد ٥٠ يوم
@@ahmed.hisham.banknote للأسف ده النهاردة اليوم رقم 52 ولسة نفس الموضوع ، يارب يحلوا الموضوع ده قريب لأن فعليا الليميت المحلي مربوط بالدولي فالفلوس محجوزة في الكارت دلوقتي لغاية الشهر الجاي بسبب الوصول لليمت الدولي ، والكارت غير قابل للاستخدام قبل بداية الشهر الجديد.
انا جبتو ببلاش ازاي ؟
الكارت لسه شغال ع النت برا مصر ب limit كام؟
مش شغال حاليا
هو بيقبل جوجل بلاي يعني ينفع اشحن بيه في العاب او شاهد او اي حاجه
بيطلع ف خلال قد ايه
ولو تاخرت ف استلام الكرت ايه الي هيحصل
بتستلمه في نفس الوقت عادي ولو اتاخرت مفيش مشكله
@@ahmed.hisham.banknote فهمت حضرتك ممكن اعمله هناك بدل من البرنامج وبعدين ابقي اربطه
اتمني من حضرتك تتطمنا لان منتشر ان بنك مصر اوقف تعامل مع باي بال ده حقيقي
اقدر احط رصيد في الكرت من ميزا؟
تقدر
عايز كارت اشحن بيه العاب
إيه أحسن كرت لغير المصريين ؟
كارت يلا
@@ahmed.hisham.banknote ياريت لو تكلمت عن الموضوع ده تبعتلي الرابط
أجيب تيلدا ولا كليفر ولا آلأتنين
معايا تلدا وهقدم ع كلفر
هو دي ليها مميزات وعيوب ودي ليها مميزات وعيوب بس بفكر أقدم علي الاتنين فعلا
هو نقدر نحول عليه من انستا باي
عادي
ممكن اماكن استيلام الكارت فورى داخل القاهره و ازاى تلاقى كارت go داخل التطبيق لان الموجود الكارت التانى ابو ١٥٠٠ فقط
انت بتختار عايز ايه انا استلمته من فرع التجمع
مشاكله كتيره جدا
اتكلمت عن الموضوع دا في شورتس قبل كده
الكارت لسة شغال فالتعامل الدولي ؟
عاوز اعرف انا كمان
لا خلاص كل كروت مسبقة الدفع ممنوعة من التعاملات الدولية
ينفع اشحن ببجي منو
خلاص اتوقفت كل الكروت للشراء الدولي نهائي
للاسف
خدمه العملا رقمها كام
ابعت للدعم على التطبيق
مقولتش الليمت الدولاري الشهري كام
عيونى حاضر ♥️
مين قاللك تقدر تشتري 100 الف خارج مصر!
حاليا مش بيشتغل
اقدر استلم عليه فلوس من بيابال
تقدر عادي
هوا بيدي كاش باك؟
خصومات
1500ج حضرتك مش 50ج!
هما عندهم كارتين
ممكن ارد معلش
حاضر 👍♥️
انا اخ
ته ببلاش
عندي استفسار. دلوقتي انا كلمت خدمة العملاء علي التطبيق بتقولي لازم عشان استلم الكارت يكون عمري 16 سنه وانا 15 هل فعلن لازم 16
ايوا لازم لأن ده الحد الأدنى من العمر اللي حدده البنك المركزي لأي تعامل بنكي
مشاكله كتيره جدا
ليه بس