Це відео не доступне.
Перепрошуємо.
جاسوسة الملابس الداخلية
Вставка
- Опубліковано 14 чер 2022
- سنة 1960.. يعنى بعد نهاية الحرب العالمية التانية تقريبا بـ 15 سنة.. فوجئت المخابرات الأمريكية بان دبلوماسي أمريكى شغال فى كندا.. خبطته عربية ومات.. حضرتك تقولى طيب وايه المشكلة يا أبو حميد.. بنى ادم عادى وخبطته عربيه.. الله يرحمه.. ايه الغريب فى الموضوع؟.. أقولك اتقل بس وأنا هشرحلك.. قبلها.. كانت هى هى المخابرات الأمريكية بتدور على مهندس كندى من أصل روسي.. اختفى فجأة من كندا.. فى الوقت اللى كان شغال فيه على تطوير جهاز تنصت جديد لسلاح الطيران والسفن الحربية.. راح فين المهندس؟.. محدش يعرف.. لكن مكنتش دى المشكلة.. المشكلة ان فى نفس وقت اختفاءه.. اتقتل مهندس كندى من أصل ألمانى.. وركز فى إن أصله ألمانى.. فى الوقت اللى كان شغال فيه على مشروع لتطوير أسلحة كيميائية تخص الجيش الأمريكي.. السلاح كان أمريكى لكن كان بيتصنع فى كندا.. كل ده سيدى المواطن حصل تقريبا كده فى كام شهر ورا بعض.. اللى هو المخابرات الأمريكية كانت هتتجنن.. شوفولنا ايه اللى بيحصل فى كندا.. الناس دى ماتت ازاى واللى اختفى ده راح فين؟..
المهم من هنا لهنا.. ظباط المخابرات الأمريكية.. اكتشفوا حاجه غريبة جدا.. اكتشفوا ان فى بنت بريطانيه.. كانت على علاقة بيهم كلهم.. خد بالك الـ 3 كل واحد فيهم كان شغال فى مجال مختلف عن التانى.. واحد فى الخارجية.. وواحد فى الاتصالات والتجسس.. وواحد فى تطوير السلاح الكيميائي.. فكان هنا السؤال.. ازاى البنت دى كانت على علاقه بيهم كلهم؟.. فى نفس الوقت اللى كانت فيه على علاقه بظابط مخابرات كندى؟.. وايه علاقة كل ده بالملابس الداخليه؟.. أقولك الله ينور عليك.. تعالا نبدأ من هنا..
سنة 1958.. يعنى قبل اللى حكيتهولك ده بسنتين بس.. وتحديدا الساعة 1 بعد نص الليل.. وهناك بعيد على الساحل الشرقى لانجلترا.. وفى قلب الظلمه.. تظهر غواصه مش رافعه أى أعلام.. وعلشان تبقى متخيل المشهد معايا بالظبط.. كل اللى ظهر منها بابها.. بابها بس اللى ظهر فوق سطح المايه.. وطلع منه 2 من الضفادع البشرية.. نزلوا المايه وفضلوا يعوموا لحد ما قربوا من الشط.. تقريبا كانوا على بعد 100 متر.. وهنا بالظبط.. فضلوا واقفين مستنيين إشاره من ورا الصخور اللى ماليه الشط.. لحد ما جت الإشارة.. كشاف فى وسط الظلمه نور 3 مرات ورا بعض.. وبعد ثوانى.. نور مرة رابعه.. شوية ونور بعدها مره واحده.. وبعد ثوانى.. نور 3 مرات ورا بعض.. اللى هو الإشارة وعكسها.. وهنا اتحرك ضفدع بشرى واحد ناحية الشط.. والضفدع البشرى التانى رجع تانى ناحيه الغواصه اللى بمجرد ما دخلها.. غطست فى المايه من جديد واختفت..
أما الضفدع البشرى التانى بمجرد ما وصل الشط.. وقابل العنصر اللى كان بينور له بالكشاف.. قلع بدلة الغطس.. وكانت المفاجأة.. الضفدع البشرى ما كان إلا بنت آيه فى الجمال.. كأن القمر نزل من السماء ومشى على الأرض.. لدرجة ان العنصر اللى قابلها انبهر بجمالها ونسي المهمة اللى متكلف بيها.. البنت لما شافته تايه.. صرخت فيه بكلمه واحده.. الطريق.. واضح انه كان متكلف باستلامها عند نقطه الإنزال.. وتوصيلها لنقطة التفعيل..
فعلا فاق لنفسه.. وخدها وصلها.. لكن هنا السؤال.. وصلها فين؟.. ومين دى أصلا؟.. والغواصه تابعه لأنهى جهاز مخابرات؟ والبنت نازله بريطانيا تعمل ايه إذا كانت حكايتنا عن كندا والمخابرات الأمريكية؟.. هقولك..
البنت الجميله دى.. هى الجاسوسة السوفيتية تانيا ماكوفنا راديونسكا.. واللى استخدمت اسم تانى خلال عمليتها ضد المخابرات الأمريكية فى كندا.. وهو اسم "إيلين ايستمان".. ايلين كانت بنت زى القمر.. اتدربت لفترة طويله فى مدارس المخابرات السوفيتية.. وهنا خلينى سيدى المواطن أقولك تفصيله مهمه عن مدارس المخابرات السوفيتية ممكن متكنش تعرفها.. وهى انهم بيهتموا شوية بنظام المحاكاة.. عارف انت مدينة الإنتاج الإعلامى عندنا فى مصر كده؟.. اللى بيصوروا فيها المسلسلات والبرامج.. عارفها؟.. تمام.. لو دخلت مدينة الإنتاج الإعلامى.. هتلاقيهم عاملين شوارع طبق الأصل من الشوارع الحقيقية فى كل أنحاء محافظات مصر.. يعنى مثلا عاوز تصور فى الأرياف.. مش لازم بقى تسافر لقرية من قرى مصر علشان تصور.. دلوقتى تقدر تروح مدينة الإنتاج هنا فى 6 أكتوبر.. وتدخل تصور فى الحى الريفي.. نسخه طبق الأصل من الأرياف.. وكذلك باقى الأحياء المصرية.. وهكذا..
نفس الحكاية فى مدارس المخابرات السوفيتية.. كان عندهم نظام المحاكاة ده.. يعنى بانيين أحياء كامله.. بالظبط زى الأحياء فى أمريكا وبريطانيا وكندا وغيرها من دول العالم.. طيب دى فايدتها ايه؟.. فايدتها انهم بييجوا على الجواسيس.. ويفرزوهم.. ده ملامحه انجليزيه.. يبقى يدخل يعيش فى الحى البريطاني.. الحى البريطانى اللى هو أصلا موجود عندهم فى مدارسهم جوه الاتحاد السوفيتى.. ده ملامحه تدى على جنوب أمريكا.. خدوه ع الحى الأمريكى.. وده شمسها فى سماره حتى لونه قمحى.. خدوه ع الحى المصرى.. وهكذا.. نظام المحاكاة فى المدارس السوفيتيه دى سيدى المواطن..صارم جدا.. ومنظم جدا.. التفاصيل فيه مهمه جدا.. لكن كل ده مش مهم.. أهم ما فيه.. هو ان الجاسوس لما بيدخله.. بينسوه جوه شوية.. بيعيش فتره حلوه.. تزيد أو تقصر حسب قدرة الجاسوس على التعايش مع الحى نفسه.. لأن كل اللى موجودين فى الحى من ظباط المخابرات السوفيتية.. بيتعاملوا مع الجاسوس كما لو كانوا مواطنين انجليز.. بنفس عادت وتقاليد الشعب الانجليزي.. بنفس لكنة الكلام.. حتى لو اللكنة مختلفة من جنوب بريطانيا لشمالها.. بيعلموه اللكنة اللى المفروض هيروح يعيش فيها.. كل ده علشان محدش يكشفه لما يزرعوه فى بريطانيا.. عملية معقده جدا.. ومتعبه جدا.. وممله جدا.. لكن نتايجها مضمونه جدا جدا.. زى ما هنشوف دلوقتى..
المصادر
كتاب قاتلة باردة الأعصاب للكاتب صالح مرسي
#المواطن_سعيد #جواسيس
هتتحمل الفضفضه ؟
الصورة بتقطع كتير اوي
ممكن حلقه رأفت الهجان
ممكن تعمل حلقات عن تسليح الجيش المصري والاسلحه اللي بنصنعها ف مصر واي خطه البلد لتطوير أسلحتها ف ظل التقدم الكبير اللي بيحصل فالمجال ده حول العالم
الصوره بتقطع كتير خلي بال حضرتك من الموضوع ده و الحلقه الي فاتت كان نفس الكلام برضو
الصورة بتقطع كتير في الفيديو يا استاذ احمد بس الصراحه الحلقة في منتهى الروعه والجمال
تسلم ايدك و ايد الاعداد و طاقم العمل كله و ربنا يوفقكم
يا سلاااام على النصائح في آخر الفيديو... وقع النصيحة بعد اي قصة واقعية يكون ابلغ و اكبر ..
حقيقة شكرا استاذ حلقة في غاية الروعة ..
صراحه قصة مشوقة عن الجواسيس. اسلوب في السرد ممتاز ويخش القلب تحياتي لك وتحياتي لشعب مصر من أرض الحرمين الشريفين
يا اخي والله انت راجل محترم جدا وموهوب جدا ومجتهد جدا ومبدع جدا وتستحق اكتر من اللي انت فيه بكتير والله دي حقيقه مش تطبيل زي ما فيه ناس عاوز تقول دلوقت 😀🖤💙
fgggG
Gh
يريت يا استاذ احمد تكتر من حلقات الجواسيس و المخابرات و شكرا 🖤✨️
السلام من المغرب للاخ المواطن، أحسن قناة عندي ، مزيد من التألق أحب مواضيع الجاسوسية
انا بحبك جدا و بعشق إلقائك و عجبني اوي شغل المخابرات قسم توعية علي ال youtube ده 😂😂❤️
على فكره إنت شرف لمصر ولكل شاب في مصر وأتمنا إنى أكون واحد من أصحابك المقربين ليك عاش الوطن وعاشت الأمه العربية كلها
"وماكان الله معذبهم وهم يستغفرون"
استغفرالله العظيم من كل ذنب اذنبتـــه
استغفرالله العظيم من كل فرض تركتـــه
استغفرالله العظيم من كل إنسان ظلمته
استغفرالله العظيم من كل صالح جفوتـه
استغفرالله العظيم من كل ظالم صاحبته
استغفرالله العظيم من كل بر أجلتـــــــــه
استغفرالله العظيم من كل ناصح اهنتـــه
استغفرالله العظيم من كل محمود سئمته
استغفرالله العظيم من كل زور نطقت بــه
استغفرالله العظيم من كل حق اضعتـــــه
استغفرالله العظيم من كل باطل إتبعتــــه
استغفرالله العظيم من كل وقت اهدرته
استغفرالله العظيم من كل ضمير قتلتــــه
استغفرالله العظيم من كل سر افشيتــــــه
استغفرالله العظيم من كل أمين خدعتـــه
استغفرالله العظيم من كل وعد اخلفتـــه
استغفرالله العظيم من كل عهد خنتـــــه
استغفرالله العظيم من كل امرئ خذلتــه
استغفرالله العظيم من كل صواب كتمته
استغفرالله العظيم من كل خطأ تفوهت به
استغفرالله العظيم من كل عرض هتكته
استغفرالله العظيم من كل سر فضحته
استغفرالله العظيم من كل لغو سمعته
استغفرالله العظيم من كل حرام نظرت اليه😍😍❤❤
بارك الله فيك ... استغفر الله العظيم رب العرش المتين ...استغفر الله العظيم على كل زنب ازنبته وخطيءة ارتكبتها استغفر الله على كل طاعة هجرتها او قصرت فى اداءها
ياستاذ نريد اكثر من حلقات على جواسيس في الحرب البردة وغيره من حرب الستخبارت 😇😇😇😇😇😇😇😇😇😇😇😇😇😇😇😇😇😇😇
"اتحمل فضفضة زوجتك بدل ما تدفع تمنها" 😂😂😂😂😂😂😂😂😂 لا حلوة 😂😂😂
🎈
اتحملها وامرك لله 😂
احسنت الاختيار والسرد المنسق الجميل. تحياتي
حلقة رائعة ومبهرة كعادتك دائما يا استاذ احمد ، مشتاق للمزيد من الحلقات من هذا النوع ، واتمنى لو حضرتك تعمل حلقة عن عملية المخابرات البريطانية في الحرب العالمية الثانية اللى بسببها امريكا دخلت الحرب بعد ما كانت على الحياد . وشكرا جزيلا
أحسن حاجه في فيديوهاتك انك من خلالها بتقدر توصل رساله مهمه للمواطن (حاجة كده بين السطور)وده اللي يميزك عن باقي مقدمين المحتوي تحياتي لحضرتك سيدي المواطن سعيد
الغلط انك تفضفض لاي مراءة خصوصاً في المواضيع الخطيرة لانها لا تستطيع حمل السر وهذي المعلومة معروفة تاريخياً وعلي اختلاف الاجيال والثقافات
حلقة ممتازة فعلاً ،تثير موضوع شائع جدا بين الناس ومحدش عارف أنه كل حرف ممكن يستخدم ضده بعدين أو لتنفيذ عرض معين،مشكور مجهودك استاذ سعيد بالتوفيق دايما
اكتر فيديوهات بتجنن.هي بتاع المخابرات والعمليات المخابراتيه
تقريباً من خلال متابعة حلقاتك الكثيرة والممتعة
هناك شيء مشترك فيها وهو
قوة جهاز المخابرات الروسي
بالفعل الروس عقول جبارة وبالذات في العمل المخابراتي
المخابرات النازية من اقوى المخابرات
تحية خاصة جدا لك من موريتانيا 🇲🇷👍🏽👍🏽👍🏽👍🏽
اول مرة استمع لحلقة طويلة كدة وماليش في السياسة والمخابرات لكن اسلوبك كلمة رائع فيه قليله ..واجمل حاجة الدرس الي بالنهاية قلته الي لازم ناخذ بالنا منه بالذات احنا الستات ..فعلا الفضفضة وحسن النية يودو الواحد في داهية
متتبعة وفية من المغرب.. اعشق الشعب المصري.. تحياتي لكم..
🎈
احلي مسا عليكي يا قمر 😊
انت جبتلي الجناااااان بمعلوماتك وطريقه سردك شي مش معقول تخلي الواحد منبهر ومركز معك 100٪ ؟ انت راااااااائع
اجمل كلمة في الفيديو هي النصائح الاخيرة . بصراحة ارفع لك القبعة يا استاذ احمد
راجل محترم اكتر حاجه بتبحبني فيه ان هو بيشرح ببسطه
اليك قبل ماسمع الحلقا لأن هتكون كل العادة بس محتجين حلقا عن قوتنا الي ف حفظ السلام وبنستفيد اي ولية مصر 🇪🇬نصيبها الاكبر ف القوات حفظ السلام وحلقا عن الجزيراة
+1
حلقة روعة مع بعض الدعابة
قصة جميلة تحس خيالية
انت محترم جدا وكلامك ممتاز ومعلوماتك ممتازه
وشكراً على مجهودك الكبير الواضح لتبين الحقائق
حلقة فيها عبرة عميقة ودرس للحياة الاسرية والمجتمع
معلومات قيمه جدا، شكرا على المجهود الرائع .
كل العادة. الإقاء مشوق و متكامل. شكرآ يا أستاذ.
ما شاء الله عليك .. مبدع جدا .. مش متخيل مدى المعاناه عشان تقدر تعمل حلقه بالجمال ده .. برافوا عليك والله
❤❤❤ اصبحت مدمن مواطن سعيد ...باركولي 😂😂...تحياتي من تونس
ونا😂❤
باركو لاخوكو ابو جبل 😂😂
الغالي علي قلوبنا احمد باشا ربنا يسعدك ويوفقك ف عملك مجهود جبار جزاك الله كل خير
ياخى انت مبدع
صوتك حلو وطريقه سردك جميله
وعندك ترتيب المواضيع بشكل ممتع
استمر.......ياغالي
رسالة نهاية الحلقة أكثر من رائعة
جزاك الله خيرا
عظمة علي عظمة اقسم بالله
ربنا يجزيك كل الخير ♥️
افضل محتوي عل اليوتيوب
اخيرا ي استاذ احمد♥ربنا يوفقك♥🙏
يااا عم بطير من الفرحه لما بتنزل حاجه جديده متغبش عننا والنبي
لايجوز الحلف بالنبي
مايجوز تحلف ب النبي اتق الله
اسلوبك فوووق الممتاز بتمكن كبير جدا
نصيحة ممتازة ولازم تتنفذ.شكرا لمجهودك ورسالتك وصلت.
🎈
فديو غني بالمعلومات والنصائح واخيرا شكرًا لك
قصه مشوقه واسلوبك بالطرح جميل👏🏻 الدرس المستفاد من هالقصه انه ما نفضفض لاشخاص ما نعرفهم والافضل انه ما نفضفض لأحد ابداً اشكي وفضفضي لله بس واسرار بيتك تبقى بينك وبين زوجك
صلوا على النبي صلى الله عليه وسلم وعلى آل بيته وصحبه أجمعين يآرب العالمين استجب
🤍🤲🕊
عااااااااااأااااااااااااااااااااالمي اقسم بالله♥️♥️♥️ استمر بجد حضرتك بقيت جزء اساسي في حياتي واتمني يبقا كل يوم في حلقة ♥️♥️♥️♥️♥️♥️
من افضل حلقات في تاريخ البرنامج
تقديم أكثر من رائع ومشوق جدًا، كامل الاحترام 👍🏻👏🏻👏🏻
تصدق بالله احلى استفاده مع القاء مبدع انت بتاخدنا لدنيا تانيه مع حكاياتك بالاضافه لكم المعلومات اللى بنطلع بيها مستنيين فديوهات اكتر ربنا يوفقك
🎈
من اجمل الحلقات بارك الله بك
قصة روعة تتعمل فيلم ملهيش حل
انت انسان محترم يا ابو احميد ولله
النصيحة الاخيرة تبين كده الا صل والاحترام والتربية ربنا يوفقك يا رب
عجبتني الحلقه جدا مفيدة تحياتي من المغرب الشقيق 🇲🇦🇲🇦🇲🇦 👍👍👍
شكراً للنصائح في الاخر وغاية في الاهمية
صلو علي رسول الله ♥
انا اخويا بالصدفة كان باعتلى فديو الشيبسي بتاعك و عجبنى ادائك و القاءك و من ساعتها بعشق فديوهاتك 💝
اللهم إني اخاف الموت علي غفلة واخاف الموت علي معصيه واخاف ظلمة القبر اللهم أهد قلبي واغفر لي واحسن خاتمتي واقبضني في ساعه رضا اللهم اهدني ثم اهدني ثم اهدني ثم خذني اليك "
محتواك فائق الروعة اتمنى المزيد
من قبل ما أسمع حلقه جميله جدا
بعد الحلقه دي عرفت قوه المخابرات السوفيتية ومفيش مقارنة بين المخابرات السوفيتية والأمريكية
شغل المخابرات تجيده بحترافية استمر بهذا المحتوى بالذات
اللهم صل وسلم على الحبيب المصطفى 💚
إستمر يابطل 💪🔥 أفضل يوتيوبر فالعالم في سرد القصص الجاسوسية والتاريخية💪💪💪💪
احلى حاجا في المقطع دا هو اخر كلمتين "اتحمل فضفضت زوجتك وامرك لله 🤣🤣"
هذه القصة تنفع يتعمل لها فيلم .. هذا لو ماتعملهاش فعلا .😁😁 لأن أحداثها شيقة وتستاهل يتعمل لها فيلم هوليودي عالمي
من افضل القنوات يااستاذ سعيد شكراً لك
يالهوي يا استاذ احمد داخل اتفرج علي مراجعات ثانوية عامة قومت دخلت اتفرجت علي ديه 😂
ما تدعيلي دعوة حلوة كدة انت و طقم العمل انا امتحاناتي يوم الاتنين الجي
و ربنا يوفقك و تكمل حلقات🥰❤️❤️
ربنا يكرمك باذن الله و يحققلك الي في بالك و تنجح و توصل للي انت عايزه و عقبالي م اتخرج انا كمان انا و زمايلي ندعي ربنا و نتفائل خير باذن الله و ربنا يحققلنا ♥️
معلومات و نصائح رائعة، و أسلوب سرد ذكي و جذاب جدا جدا.. من متابع جديد، تحياتي الحارة لكم، و ننتظر المزيد.
"إتحملها وأمرك لله" 😂😂😂😂😂😂
مدرسة الجواسيس السوفيتيه من ارقى واخطر المدارس العالمية اتمنى تفرد لنا حلقه عن عملية طيور السنونو التي اطلقتها المخابرات السوفيتية على قائد حلف الناتو والسفير الامريكي في موسكو
ياريت تعمل سلسلة عن التخابر و الجواسيس بس وتكتر من الفيديوهات دي كتير
🎈
اتمنى تكمل حلقة قطز لأني مستنيها من زمان
🌿
انت كنز كبير شكراً لك على كل حرف نطقته
تسلم الأيادي... جامدة يا ابو حميد
أحسنت النشر والكلام يا أستاذ أحمد
اجمل فائده بالنهاية .. ابدعت👍
الصوت مش زي الاول برضه ي استاذ احمد ف مشكله و الفيديو بيقطع🙂🙂
حلقة جميلة بها استفادة
🎈
حلقة جامدة جدا تسلم علي المجهود و الاسلوب الرائع
بجد اكتر حلقات بستناها هيه حلقات الجواسيس ❤️❤️❤️ ابداع
كلام مظبوط
وريميندر ليا ما بنت اخذ بالي بعد كدا ❤️
شكرا لرسائلك المحترمة
فين الجزء التاني من حلقه التتار . لاتكون فاكرنا نسينا 😂
معلوماتك ومحهودك رائع ودائما متميز
حلقة عظيمة 👏👏
انته حقيقي راجل محترم جايز انى انسان عادي بس ياريت انا وغيرى نستفاد ... شكرا
اسلوبك اكثر من رائع..شكرا
اللهم صل وسلم على نبينا محمد
عمل المخابرات معقد للغاية في التخطيط والتنفيذ.. حلقة مميزة ورائعة كالعادة .....
ربنا يكرمك ايه الروعة في عرض الاحداث ده ربنا يوفقك انا باستمتع جدا جدا
🎈
يا اجمل اشعار من اليوتيوب ❤️❤️
هل يوجد هنا شخص يدعم الشعراء ،!؛؛؛
جزاك الله خيرا 🤍❤️
كم انت رائع بانتظار الجزء التاني من التتار
محتوى رائع جدا وأسلوب مبهر 👍👍👍👍
تحياتي المبدع المثقف المحترم
ديما متألق
رووعه متألق كالعادة
حلقة رائعة عاش اوي والله👏🏻👏🏻👏🏻👏🏻♥️♥️♥️
قصة رائعة تنفع فيلم قوي. وسردك ودقة تفاصيلك حاجة تحفة
صحيح 🤙™️
حلقة جامدة جداااا....تحياتى لك....
حلقة جاامدة ♥️🔥🔥
حلقه ممتعه يا ابو حميد
اروع قناة على اليوتيوب . نبغى فيديو كل يوم
كالعادة مبدع و مشوق وممتع