Шоқан Уәлиханов атындағы Әскери колледж оқуға шақырады.

Құрметті қазақстандықтар! Қазақстан Республикасы Қорғаныс министрлігінің Шоқан Уалиханов атындағы Әскери колледжі үміткерлерді оқуға шақырады. Табиғаты керемет, әдемі орман тауларымен көздің жауын алатын, Бурабай өлкесінің төрінде орналасқан біздің Әскери колледж, нағыз кәсіби сержанттарды дайындайтын бірегей оқу орын. Барша қазақстандықтар үшін жақсы жаңалықтың бірі енді біз үміткерлерді 9-шы және 11 сыныптан кейін қабылдайтынын хабарлаймыз.
Бізде оқытатын мамандықтар олар: мотоатқыш бөлімшесінің командирлерін, танк әскерлері бөлімшесінің командирлерін және артиллерия және ракета әскерлері бөлімшесінің командирлерін дайындау.
Барлықтарыңызды қызықтыратын сұрақ «Бұл қандай мамандық?»
Мотоатқыштар бөлімшесі, Қарулы күштеріміздің ең негізгі әскерлерінің бірі. Жауынгерлік тапсырмалардың негізгі бөліктерін құрлықта, жаяу тәртіпте орындайды. Бұл мамандық әскери қызметшінің дене дайындығы мен шыдамдылығын шыңдайды.
Осы мамандықта кадеттер барлық қару-жарақ түрлерінен жаттығулар орындап тәжірибелерін арттырады.
Келесі мамандық артиллерия бөлімшесі. Бұл әскери саланың қызметшілері ең маңызды тапсырмаларға жауапты. Бұл мамандық әскери қызметшілердің ойлау қабілеті мен математикалық білімін арттырады. Үлкен зеңбіректер мен минометтар негізгі қару жарақтары. Кішкентай бөлшек сандармен, қаншама шақырымдағы нысаналарды жоюға қабілетті.
Келесі мамандық баршаңызға белгілі танк бөлімшесі. Ерекше салмақтағы ауыр техникамен, ең қауіпті тапсырмаларды орындайды. Бар жоғы экипаждағы 3 адам, өте үлкен, маңызды істерге жауапты. Темір табанды, техниканың командирі болу, үлкен жауынгерлік жұмысқа жауапты деген сөз.
Біздің әскери колледжде жауынгерлік дайындыққа назар аударылған. Ал жауынгерлік дайындық дегеніміз ол кадеттердің жалпы оқып үйренетін пәндердің жиынтығы.
Онымен қоса Әскери колледжіміз мәдени демалысқада көңіл бөледі. Мерекелік күндерде немесе демалыс күндері әр түрлі концерттер ұйымдастырылып, оған қоса аудандық, облыстық өнер жарыстарына қатысып өздерін жан жақты дамыта алады.
Иә әрине спорт пен әскери мамандық егіз дүние. Әскери колледжіміздің күнделікті өмірінің өзі спортпен тығыз байланысты. Ұйқыдан тұрғаннан күніміз спортпен басталады.
Әскери колледжімізде спорт жарыстарының қарулы күштер деңгейінде де, Республикалық деңгейінде де жарыстар өтеді. Жігерлік танытып, намысты қолдан бермейтін кадеттеріміз қазіргі таңда әр түрлі спорт жарыстарында жүлдері орындарға ие болуды.
Құрметті үміткер біз сізге толыққанды ақпарат бердік дұрыс шешім қабылдайды деген сенімдеміз. Себебі сен біздің қатарда болуға лайықтысың!