العيب الخفى . اسباب ضعف البور وطرق علاجها

مشاكل منظومه التوجيه (الباور سترينج_رعشه الدريكسون)
الباور او الباور ستيرنج
الباور ستيرنج هو جزء متصل بالموتور
الهدف منه المساعدة في التحكم بشكل اسهل في عجلة القيادة خصوصا في حالة التوقف عن الحركة او السرعات المنخفضة
واكيد اي حد جرب يسوق عربية قديمة زي الفيات او اللادا هيحس بالفرق
الباور ينقسم الي نوعين باور كهربا وباور هيدروليكي هنتلكم هنا عن مشاكل الباور الهيدروليكي اللي موجود في اغلب العربيات القديمة نسبيا وبعض العربيات الجديدة كتير مننا مر بموقف تسريب زيت الباور
اسبابه
١- تلف خراطيم الباور (ضغط عالى او واطى)
٢- تلف سكاترا الدركسيون او احد اويل سيهات الاسكاترا
٣- شرخ بخزنه زيت الباور
٤- تلف الاويل سيل الحاكم بين الخزنه و طلمبه الباور
طبعا الأعراض معرفه و هو تقل الدركسيون فى اللف
وطبعا صوت ونه صادرة من طلمبه الباور
لو عندك نقص مستمر كبير و سريع فى زيت الباور يبقى الارجح خرطوم الباور باظ
كمان نخلى بالنا ان التحرك بدون زيت باور بيؤدى حتما وفورى لتلف كل من طلمبه الباور لانها بتسخن لان حركتها من حركة الموتور و طبعا من غير زيت للتلين
ثانيا تلف اسكاترا الدركسيون لان بسبب الحركة تتم داخله بدون زيت
عشان كده لازم نراجع مستوى زيت الباور باستمرار زي مراجعة مياة التبريد وزيت الموتوروزيت الفرامل
خاصه ان عمليه تركيب الاسكاترا مش سهله و صعب تلاقى واحده استيراد سليمه
مشاكل الباور الكهربائي
1-لا يعتمد على المحرك وبياخد قوتة من البطارية
2- استفاد من احدث التقنيات الخاصة بالسينسورز فى الباور العادى ومدمج فيه سينسورز اكثر دقة للتحكم فيه
3- مدمج الكترونيا بوحدة التحكم بالمحرك ECU واحيانا مدمج نظم الامان الاخرى ESP مثلا للعمل كمنظومة مدارة برمجيا وبالتالى اكثر دقة ويمكن اعادة ظبطها او برمجتها واحيانا ممكن تتظبط او حتى تتقفل خالص للاغراض الرياضية
فعلشان كده تلاقى ان الباور الكهرباء انعم وادق ومش محتاج صيانة خالص تقريبا بس طبعا اكثر تعقيدا ومكوناتة اكثر كلفة
فعلشان كده تلاقى ان الباور الكهرباء انعم وادق ومش محتاج صيانة خالص تقريبا بس طبعا اكثر تعقيدا ومكوناتة اكثر كلفة
عيوبه تتلخص ان لازم يكون كهربا العربيه مظبوطه جدا وتكون برمجه كنترول السياره صح وعلي مايرام
كيفيه الحفاظ علي منظومه الباور استريتج
1- الضغط يمينا ويسارا على عجلة القيادة للوصول الى الحد القصى للدوران .
2- المحافظة على درجة ضغط هواء الكاوتش بانتظام وتساويه للعجلتين الاماميتين.
3- دوام متابعة واجراء الصيانة مثل التاكد من عدم جود اى ترشيحات زيوت على اى جزء من اجزاء وحدة البور ستيرنج ، ثبات منسوب الزيت داخل وعاء زيت الباور مع الاخذ فى الاعتبار اختلاف قياسه اذا كان باردا اوساخنا وتاثيره على مقياس الزيت ، ملاحظه دورية للتاكد من عدم وجود تسريب فى الدوره الموضحة فى صورة الموضوع بالاعلى.
4- مراجعة اى ارتفاع فى صوت مضخه زيت الباور عند لف عجله القياده .
5- عدم لف ( كسر ) الدريكسيون حتى آخره تماماً سواء يميناً أو يساراً وتركه لمدة تزيد عن 10 ثواني سواء كانت السيارة متحركه أو ثابته .
6- عدم لف الدركسيون يميناً و يساراً بدون داعي أثناء وقوف السيارة أو أثناء الضغط على دواسة الفرامل .
7- عدم تشغيل السيارة والدريكسيون في مكسور في أحد الاتجاهين .
8ـ المراجعة الدوريه لمستوى زيت الباور شهرياً .
9- متابعة (سير) الباور إن كان مرتخي أو متسخ والذهاب لمحطه الوقود لتنظيفه مع حوض الموتور .
ملحوظه هامة جداً 1 : لابد أن يكون مستوى زيت الباور في الخزان ( القربه ) مابين علامتي (MIN) و (MAX) التي تكون مكتوبه على المؤشر ..
ملحوظه هامه جداً 2: عدم زيادة زيت الباور إلى علامة (MAX) و عدم نقصه إلى علامة (MIN) لأن ذلك يعرض طلمبة الباور للتلف .
خطوات هامه للحفاظ على الباور ستيرينج
1 - المحافظه على منسوب الزيت داخل وعاء زيت الباور ويختلف قياسه اذا كان باردا اوساخنا وذلك مبين على مقياس الزيت .
2 - ملاحظه وجود اى ترشيحات زيوت على اى جزء من اجزاء الدوره وذلك يعنى تسريب فى الدوره .
3 - عدم الضغط على عجله القياده بعد نهايه مشوار الدورن لان ذلك يرفع الضغط داخل الدوره بشكل كبير مما يتسبب احيانا فى تلف خراطيم الضغط او حواجز الزيوت (اويل سيل)
ملحوظه: ارتفاع صوت مضخه زيت الباور عند لف عجله القياده ينذر بوجود مشكله فى الدوره
==============================
رعشة الدركسيون ليها اسباب كتير منها
وجود مشكلة في الكاوتش
وجود مشكلة في الجنوط
وجود مشكلة في بيض المقصات
وجود مشكلة في الكبالن الداخلية
وجود مشكلة في الطنابير الخاصة بالفرامل
وعشان تعرف السبب يجب المراجعة بالترتيب علي
اولا الكاوتش ان مفيش فرده فيها رفه او لوحة او خارج منها سلك او وجود بالونة في الكاوتش لأن ده بيعمل رعشة في الطارة
ثانيا الترصيص لو الرعشة في الطارة بتظهر قبل ال 80 يبقي ترصيص عجل امامي لو بعد ال 100 يبقي ترصيص خلفي
لو رصصت وراجعت عالكاوتش والجنوط وظبط الزوايا ولسه في رعشه الطارة موجوده يبقي محتاج تروح لعفشجي
يشوف جلب المقصات او بيض المقصات ويشوف الاسكاترا ويراجع علي الكبالن الداخلية
لو عملت كل ده ولسه في رعشة في الطارة او لو الرعشة بتظهر بشكل اكبر مع الفرامل يبقي انت محتاج تكشف عالطنابير لأن غالبا بقي فيها اعوجاج
او لوحة او ريجه حسب لغة الصنايعي
ودي بتكون بسبب انك غسلت العربية بعد مشوار او دخلت في ماية وانت ماشي والطنابير سخنة وبيكون حلها انك تمسح الطنابير في مخرطة او تغيرها ويفضل تغييرها جديد
مرتضى الشاذلى

[@yousefmostafa7024]

معلومات قيمه جداال

[@user-lg2io9es9d]

شكرا

[@fstt9736]

الله ينور عليك شغلك على العموم ممتاز

[@user-lg2io9es9d]

تسلم

[@user-if6ie2mg3p]

السلام عليكم انا عملت عمره للعربيه جيلي بعد العمره العربيه مفيهاش سحب اخرها 120 بالعافيه ده موضوع تقسيمه

[@user-if6ie2mg3p]

❤

[@user-fi4hd3wc8e]

السلام عليكم ورحمة الله وبركاته .
من فضلك عندي قربة البور الزيت بيخرج من الفواران من الثقبان ( الخرمين) اللي علي جانين غطاء قربة الباور
ومن الغطاء نفسة بتاع قربة الباور
وكمان أنا لاحظت إن الچوان بتاع غطاء قربة الباور كبير وواسع علي الغطاء
وكل ده عملي مشاكل ومش عارف أعمل أيه؟ وطرمبة الباور سعرها غالي وخاصة هذه الايام
طالب نصيحة حضرتك
چزاك الله خيراً

[@user-bm8fn9te1t]

العنوان والفون

[@Robertgaming777]

مكان حضرتك فين

[@user-lg2io9es9d]

كفرالشيخ

[@mishealsameh1212]

سلام عليكم ، عندي عيب خبيث و هو ان الدركسيون بيتقل مع السخونة و غيرنا ٣ طرمبات و ٣ علب دركسيون و قطمة الدركسيون هل خرطوم الضغط له علاقة ؟

[@user-lg2io9es9d]

نوع السيارة ايه

[@user-lg2io9es9d]

كشفة على زراع الدركسيون
انت كابس خرطوم بور لو كابس النوع مش كويس بيعمل مثل الشفط بيقلل الزيت يعمل اختناق فى الديرة