العبور على الطرق السريعة - حادث مروري تضمن عدة مركبات / جامع النداء بإتجاه سريع محمد القاسم

العبور على الطرق السريعة - حادث مروري تضمن عدة مركبات / جامع النداء بإتجاه سريع محمد القاسم
:الكروب على الفيسبوك , للإنضمام
/ 411004363101200
انستاكرام / trafficawareness.iq
تيك توك / ammaralkayyat
تيليكرام t.me/trafficaw...
من برنامج وقفة مرورية مع اللواء المتقاعد عمار وليد الخياط

[@alikamal11989]

يجب تغريم المشاة العابر لهذه الطرق السريعة . اخوان يجب العمل بالقانون يرحم والديكم

[@Paster_0]

اي ولله حقك

[@Zip___Zap]

استناداً لأحكام المادة (26) فأن مقدار الغرامة (25,000) خمسة وعشرون ألف دينار لكل من يعبر الشارع من غير المناطق المخصصة للعبور.
نسختها من الموقع الالكتروني للمرور العامه👍

[@ueueuyrhrueuue8439]

غفق

[@علوشالفور]

هههه خوب خل يسون جسر مشات لو يشيلون المستشفئ

[@banentei5020]

اتفق ❤

[@وسامعبدالرحمن-ع2ي]

لو مدعومين هاذي العائله جان هذا الي يئشر بيده كام يلطم ويبجي ويدور فصول فعلا بلدي بلد العجائب اللهم اكفنا شر الحوادث واحفض الجميع ♥️

[@kadem60emad74]

فعلا استاذ هي ثقافة مجتمع واحنا بعيدين كل البعد عنها للاسف الشديد

[@hassony-h]

لازم يكون الرصيف مسيج بي ار سي لمسافة طويلة بعض الدولة عاملة بهذا الشي وحتى تضطر الناس تمشي لجسر المشاة تقريبا ١٠ دقايق .

[@محمدربيع-ي6غ7غ]

هوه منو يبقي يشكو.....ويبوكو وره اسبوع اقصى حد احنه اغلبنه همج

[@M246M]

والله عين الصواب خويه ، فكرة جيده

[@bullitt2008]

عمي حمير نيموا حتى السياج بالشارع من ورا حوادثهم

[@Asaadalsamawe]

ما يحتاج بي ار سي هذا فقط لمن لا يفقه الطريق يعني اجلك الله اخي العزيز هذا للحيوانات..لكن يجب أن يفعل نظام الغرامة حتى على المواطن..لان بشكل عام نحن اذا وصل الأمر لدفع غرامة نصير حبابين لان يلتهب الجيب وتصير أزمة مالية وقلبية عند المواطن اللي يتغرم تحياتي لكم جميعا ودمتم سالمين

[@HayderWaleed]

البي ار سي للحيوانات مو للبشر

[@AhmadAhmad-dn2td]

أسعد الله مساءك بالخير

[@احمدالسلامي-ع3ب]

السلام عليكم عميد عمار التقصير واضح وضوح الشمس . والله المفروض العبروا يتحمدون هذا الحادث كله عليهم 100%

[@96w.]

احبك عميدنا ربي يحفظك

[@mustafamoney777]

من رأيي استاذ عمار ان تضعون كاميرات عاليه الدقه في هذا المكان حتئ نرئ الحوادث بكل بدقة
لان الظاهر هذا المكان راح يسجل رقم قياسي

[@هاشمالموسوي-ر5ص]

😅😂

[@ali_.2001]

فعلا

[@Krar_slmy]

هههه راح يدخل موسوعه جينيس

[@حسينهلال-م5ع]

يعني ما يسوون اشارة مرور مشان تخف الكوارث يركبولك كميرات مشان حضرتك تتفرج عل كوارس مو

[@abood_baiker]

التقصير بنسبة 80 % من عبور المشاة
وما تبقى 20 %
التقصير 10 % على اصحاب السيارات لعدم تركهم لمسافة الأمان ومفاجأة الطريق
والتقصير 10% على المرور لعدم محاسبة اصحاب السيارات المتوقفة على الخط السريع مقابل المستشفى
وشكرا ❤

[@Abbas_Hussein_Ali]

ابو السيارة البيضة الي كسر ع ابو الاوباما كاعد يخابر هم يتحمل مسؤلية اكثر من ابو الاوباما

[@يونسضياء-م5د]

كلام ذهب وراقي

[@9mk]

يابه لو ما عابرين چا ماصار هاذ الحادث

[@abood_baiker]

@@يونسضياء-م5د ❤❤اشكرك اخي

[@abood_baiker]

@@9mk صح ✅

[@عباسالعكيلي-ذ9س]

الله يحفضهم

[@Kazwan]

تسلم😊

[@AhmadAhmad-dn2td]

لا إله إلا الله محمد رسول الله

[@مرتضىالرافضي-ن7ر]

علي ولي الله

[@حسنينالاسدي-ث9ه]

علي ولي الله علي ولي الله علي ولي الله علي ولي الله علي ولي الله علي ولي الله علي ولي الله علي ولي الله علي ولي الله علي ولي الله .....

[@askod1127]

استمر حبيبي مقاطعك حلوه من

[@حسنالعراقي-ع1ض8ج]

استمر استاذ عمار حبيبي ❤❤

[@جوانهكوكوش]

فرحت فرحا شديدا عندما نجت العائلة ولم يصبها شيء، اما الحديد فكله يتعوض

[@zweengood7684]

غرامة تكسر الظهر..غرامة تكسر الظهر..هو الحل لمشكلة العبور من الخط السريع..العراقيون لن يلتزموا بالقانون بدون عقوبات رادعة تكسر الظهر ...يا اخونا لواء عمار هذا خامس تعليق ..اطلب منك مخابطة مدير المرور لرفع مشروع الى وزارة الداخلية بفرض غرامة لا تقل عن 100 الف دينار لكل مواطن يعبر على الخط السريع .. لقد بلغت..الهم فشهد..لقد بلغت..الهم فشهد

[@azizshogy2491]

تحية طيبة...
والله لا يوجد إي تقصير م رجال المرور لكن التقصير موجد ف وعي المواطن م يريد بناء
نظام و ثقافة فواجب كل مواطن إن يشارك و يعلم
نفسها ع ثقافة الطريق و أحترم حقوق الأخرين
بارك ألله فيك أستاذ عمار و كادرك

[@عمرألعنزي-س4ض]

لا المواطن مابيه اي قصور شلون؟؟!!! يعبر بهلكوبتر @ مديرية المرور وبتنسيق مع. مديرية الطرق والجسور وتسوي مجسر معلق للعبور المشاة!!!!!!

[@mohakkh5950]

@@عمرألعنزي-س4ض هيه الكامره الدتصور ؏ جسر عبور المشاة

[@قناةالصوتالحزين]

الحمدلله على السلامه

[@احمدالبغدادي-ع6ي]

والله انت وفيت وكفيت بشرح كللي ذكرته صح

[@SUN-js9vm]

يارب السلامه والعافيه استاذ منورنا يارب يحفظك مع تقديري واحترامي

[@bm_gt]

وقوف المركبات على الجهة اليمنى هذا احد اسباب حدوث الحادث.
سرعة سائق المركبة الاوباما.
عبور المشاة وهو السبب الرئيسي.

[@alsaqaralsqor5695]

والله استاذ عمار المحترم اني انطي مسافة امان تحسب لاي ظرف ، بس كل مره يچيتون السواق ياخذوها ، معارك تصير 😂😂

[@moamalamjed2228]

هيه هنا المشكلة حتى لو تترك مسافة امان راح يجي واحد ياخذ هاي المسافة ويخيلك لازگ بيه

[@fallward917]

والله صحيح، بالأخص جماعة التكاتك يكضوها بين الخطوط ويصعدون الضغط بس رغم ذلك احاول ابقي مسافة بالخطوط السريعة
السياقة بالعراق دمار نفسي والله

[@salmanman3771]

غير تصير جسر للطيبين

[@dffhtyyu882]

الله يحفض الجميع هم شي السلامه

[@abdulazizalsaati289]

ياريت ثقافة السير وحقوق الطرق تعلم في المدارس وتوعية السير تزاع وتعرض على التلفزيون

[@hashimshareefe5781]

حل المشكلة
-منع السيارات من التوقف وايجاد مكان توقف نظامي
-انشاء جسر لعبور المشاة
-تفعيل القانون وبالاخص الغرامات

[@bullitt2008]

اكو جسر بصف الحادث للعبور همة ميصعدون

[@hellobaby4720]

احبك عمار احبك

[@z3tr406]

اللة يبارك بيكم

[@محمدالحزين-ه7ت]

لا اله الا الله ثقافه السياقة نعدمت في بلدي

[@el-shesma3733]

فد مرة جنت امشي بالليل على سريع بغداد-كربلاء و لنهم نفس القطيع يعبرون كدامي و اني ما عندي ABS و لو لا فضل الله و انتباه السواق الي ورايه الله ينطيهم العافية و لو ما انتبهت عليهم بسرعة و سيطرت عالوضع جان صاروا بخبر كان لانه جانت سيارتنا على بعد شعره منهم... و السايق الورايه شحط لدرجة جنت مستعد انو يدعمني بس اخذ يمين بسيطرة بحيث ما ضربنا و لا ضرب اي شي الله يستر عليه

[@samdk5865]

العبور الخاطئ من الخط السريع وعدم وجود مسافه امان بين السيارات والتوقف الخاطئ للسيارات على جانب الخط السريع . كلها عوامل تساهم بالحوادث . تحياتي . متابعك الدائم من الدنمارك 🌹

[@User76033]

أني عراقي و عندي جنسية دنماركية

[@shakiralhussainy8797]

90% من السواق ماعدهم......ثقافه مرورية.....والسياقه فن وذوق وأخلاق

[@abomuslim8451]

الحجيه الاخيره طفرت😄 الحمدلله على السلامه

[@superuser87]

استاذي العزيز المفروض الحكومه تتخذ اجراءات وتخلي سياجات دايرمداير الخطوط السريعه. هوايه دول عدهم هالشي رغم وعي الشعب . هذا ضروره قصوى لتوعيه العراقي. اني صار ٢٢ سنه طالع، رجعت البغداد قبل ٣ اسابيع وانصدمت لا ترفك لايت يحترم ولا اكو قطع ولافتات مروريه لا اكو اشارات الشوارع وقوانين المرور ماشيه بالقدره استاذ. اللافتحه الوحيده الي شفتها بكل بغداد هيه يم المطار وخلف الله عله صدام لان جان شكلها قديم مال ذاك الوكت

[@بلادالرافدينالعراق-ي1م]

طريق مرور سريع و لايجوز عبور المشات بهذه الطريقة ممكن ياخذون تكس بالفين دينار يفتر بيهم من يم الجامع ويجيبهم بالسايد الثاني او يصعدون جسر العبور .. ثانيا ممنوع وقوف السيارات بهذا الشكل على الخط السريع و كذلك الانتباه مطلوب من اصحاب المركبات لان الوضع غير مسيطر علية في كل الشوارع والله يحفض الجميع

[@محمد-ح7ج9غ]

الله يسعدكم♥️

[@modermmmmm6790]

ضيم والله استاذ عمار

[@smilesmile392]

والله حوادث كلش هواي يما لقلمطوزه يحتاج نفتح محل سمكره بالقرب يم هذا المكان

[@TECH_PHONES]

لازم يتعاقبون المشاة ويتحملون تكاليف إصلاح هذي السيارات
كل التقصير منهم

[@M2.29]

اخيرا رجعت اسمائنا على اليوتيوب.. صار سنين عليها وغيروها وحاولنا نحصل الأسم لكن قمة الأزعاج.. همزين رجع 👍💋

[@mohammedmoayad1149]

نفس القطيع عبر كدامي قبل شهرين ع سريع الشعلة ولوما لطف لله وانتباهي جان نمردو بس وكفت وطخيت وحدة بيهم بس لحكت اوكف

[@arselnaliraqi3471]

يجب على المستشفى غلق الباب الي قريب على خط السريع وتنتهي المشكله

[@لحنالربيع-س9ب]

العقل زينة..

[@hussinadnan4660]

هاي سيارات الواكفة على طريق السريع شوكت تتحرك المرور وتحاسبهم تكول كراج مو طريق سريع

[@abas128]

4:45 استاذ عمار المقصر هم الي يعبرون ولازم محاسبتهم اسمة سريع يعني ما يستوعب يعني اقل شي ممكن تشوف سرعة 70-80 فما فوق تعبر ليش والمشكلة مو هنا المشكلة انو اكو جسر عبور مشاة هاي لمشكلة مرة علئ السريع الجديد جنة نمشي سرعة لان سريع يعني سرعة 100 تقريباً حرفياً جسر المشاة بصفة بعد عنة 20-30 متر يكدر يصعد وبس وراك يعبر اطيناه تنبيه واشرنالة علئ جسر المشاة. يعني لو مدعوم هم يصير سالفة علئ ابو السيارة وهوة الي ياكلهة معلسة ابو السيار بس شتحجي وية ناس هيج عمي لو حتة بعد عنك جسر المشاة 300 او 400 او امثر اصعد كية بخمسمية يعني تضحي بروحك وبنفسك علمود بعض من الدقايق امكن فرق دقيقة او ااقل يعني ميكدر يطول دقيقة بس يكدر يعبر سريع ونسبة عالية تصير حوادث وممكن هل حادث ينتج وفيات واصابات معرف شكول عن هيج بشر

[@gawad8653]

التقصير من صاحب السيارة المسرعة اولا
ومن العبور ثانياً
ومن الذين يقفون على جانب الطريق
ومن المرور

[@ابوميس-ل1غ]

يجب عمل جسور عبور مشاة

[@الشمري-ث9د]

الكل مقصرين

[@Zip___Zap]

اني شعليه؟

[@SamA-ho8uj]

بيا دولة اكو ناس تعبر السريع؟ بس المطايا بالعراق

[@سلامالظفيري-ن8خ]

صدك ابو المثل من كال (قهرنا ميخلص)
الحمد لله على سلامة الجميع

[@sajadbashir9961]

يجب وضع سياج لعدم عبور المشات ♈ وتغريم اصحاب التكاسي والتك توك♈ الي واكفين مقابل الدائرة

[@akmswf]

صح لسانك عزيزي ، ان شاء الله يسمع صوتك المسئولين .

[@mahmoodshaker357]

هههههه والله بس شفت الفيديو بالأشعارات وشفت المكان عرفته وكلت هذا حادث جديد 😂😂😂

[@haiderkreem-zq1px]

هم ذوله العماره والناصرية

[@mnefasd1539]

شكوه من اهلي النصريه التضحيه سريع مانكدر نعبراه الين بليه جسر مشات نتاني السريع المن يفرق من سيارت ونعبره ❤❤ تحياتي الك

[@mt_fyl]

والله حت مليت من الحجي بعد ما اعلق اكتفي بالمشاهده

[@abbashussein6453]

احسن شي ألغو السريع و خلو طريق للستوتات ولماطورات. ولسابلة

[@بہہرنہس]

والله يا عمي الله يساعدكم

[@Mutaaza]

دخلت بالشارع هذا وين بالضبط من اي تجاه إلى اين

[@ammar_1987]

سيادة العميد حفظكم الله يجب اولآ وضع مطب كبير ضمن هذه المنطقه وتفعيل مجسر عبور المشاة اجباري للمواطنين وذلك برفع السياج الامني ضمن الجزره الوسطيه لجبر المواطن على العبور على الجسر ومنع السيارات والتكاتك من الوقوف في هذه المنطقه وسلامتكم

[@abwoturab29]

0:26 مع الاسف اريد اظحك. ستاذ عمار اتمنى تحطون كامره تسجل الناس الي فوتون من خلال الجسر و كل ما يصير حادث بنفس المكان اتطلعون مجموعه الناسالي راحو لاهلهم سالمين

[@محمودعدنان-م8ط]

الله أكبر

[@احمدالعراقيالعراقي-غ8ط]

المقصر هي الفوضى التي تعم البلد من أقصاه إلى أقصاه المرور مقصر والمشاة يقع عليهم نسبه كبير من أسباب الحادث

[@mohammedabd5155]

المشاة هم المقصرين
بس هي المشكلة احنة عدنة مثل هيج افعال مراجل ونتفاخر بيها مع الاسف

[@watan6225]

ابو النترا الصفر من ندعم غير يوكف حته يشوف المرور التقصير منين حته يتعوض شو ضل ماشي وطبك براحته ميصير لازم بمكان لحادث يتوقف

[@kararali2165]

استاذ عمار يا مسافه امان من تعوف مسافه يجيك سايق راسه مربع يجتاز من اليمين ويصير بينك وبين السياره الكدامك

[@rasheedrasheed1238]

المفروض سياج بي ار سي ومزود بتيار كهربائي حت تمنع العبور لانه ناس ماعرف شنو بعقلهم ميفكرون بغيرهم تحياتي لجهودكم .

[@faridfaridhamed4424]

وازيدك . صديقي سوة حادث قبل سنتين ونسوان اثنين اندعمن بنفس المكان

[@ahmedosama7867]

هنا المشاة اذا دخل بالشارع الة اولوية؟؟لو لا؟؟

[@omarkhalid1980]

سيارات مال مداعمه صارت مثل مدينة العاب😮

[@55.555G]

يعني هاي العالم شوكت تتطور مو موجوده جسور مشاه اصعدو عليها ... ليش اعرض نفسي للخطر او للموت كلها 5 دقائق او اقل تصعد الجسر وتنزل شوكت البرلمان يفرضون قانون لهذا الشي !!

[@m.safaaalogaili7497]

استاذي العزيز الخطأ الاول من الناس الي عبروا خط السريع . الخطأ الثاني صاحب السيارة الاوباما لان ممنطي مسافة امان

[@عليابوتراب-ع9غ]

شسالفة كل الحوادث علا هذا الطريق شنو ساكنه جني

[@skyhop2007]

١-لا يجوز عبور المشاة خلال الطرق السريعة
٢- عدم وجود خطوط في الشوارع ليعرف كل سائق مسارات الطريق (شوارع هوسه)
٣- الله عليكم وين اكو واحد يخلي مستشفى على طريق سريع والله ما صايرة ولا دايره للاسف.
شكرا لكل ما تقدمه من نصائح وارشادات دمت بخير

[@tariqashour91]

والله العظيم يااستاذ عمار اليوم بنفس المكان اجه ورايه ابو لاندكروز طاير بين السما والكاع وهم جان صار حادث مدري شصاير وياهم

[@sad4941]

التقصير موجود من كل شخص تكلمت عنه واولهم وأكثرهم تقصير هم رجال المرور انعدامهم مسبب المشاكل

[@صديقالقمر]

استاذ ابو السيارة البيضاء الستيشن هوى الي شمر على ابو الاوباما

[@bahaafx50s58]

الحل جداً سهل وبسيط جسر مشاة صوب المستشفى والجسر نفسه ينعمل سلام اتوماتيكيه لانه في ناس كبيره بالعمر ما تقدر تصعد درج بعدين حتى ما يكون في اي عذر لاي شخص يعبر الشارع

[@nooraalwattar5765]

المشاة هم المقصرين 🙂 وابو الاوباما ديمشي بخط سريع ، ممنوع الوقوف ممنوع العبور

[@Quqpi]

اغلقوا سريع محمد القاسم رحمه للقاسم نفسة

[@SamA-ho8uj]

خلو دورية بهذا المكان متخلي اي سيارة توكف

[@DrMustafaHWareosh]

استاذي العزيز اكيد الناس اللي عبروا هم المقصرين لأن ديشوفوها هوسة وفوضى بس لا تزعل عليه منظومة المرور والياتها عاجزة عن تطبيق ادنى درجات النظام بالشوارع بالعراق, لازم نطور منظومة المرور بالكاميرات والغرامات الفورية والعمل بنظام رصيد نقدي بالأجازة اول ما يخالف مباشرة يستقطع منه. الشوارع بالعراق انتهت والسيارات جاي تمشي بالأتجاه المعاكس على الطريق السريع والدولي!!! ناقص بس افتح باب الهول وتدخل عليه سيارة!

[@ameendolan3977]

هههه

[@Mo.23jo]

صدك تحجي الصوج كله من العبرو عبالك مو بشر حيوانات تعبر لشارع

[@mh9md]

هم نفس المنطقه🤣

[@zaidalbazzaz]

استاذ عما حبيبي المشكلة هم بالسواق يمشون مثل قطيع الغنم واحد لازك بالثاني

[@OsamaKh-fi5gx]

بشرفك ابن عمي توفة عل سريع الغزالية قبل سبوع يوم الاحد تمنة تراجع وتنشر الوضع

[@حسونيحسوني-ر7ض2ج]

برابيك الي عبرن هنه المقصر

[@عبوديالكتلوني-ح9ط]

والله استاذ عمار اقتراح انو يكون السريع محمد القاسم سياجه يكون صبات مخصصه لسياجه مثل منشوفها بدول العالم هم تكون اكثر حمايه للسواق وسائق المركبه وهم تمنع عبر المشات من السريع لان تكون ارتفاعه بحدود المتر لان هواي دصير حواث بين تنعرض بين متنعرض بسبب عبور الخط السريع

[@روحيفداءالأرضالقاضرياتروحيفداء]

عميد عمار حسن شي نغير الشارع هذا الشارع مشووم

[@qm3y]

هاذي المنطقة عجيبة
السبب ابو اوباما لان ماستخدم بريك

[@كمالكاظم-ه2خ]

استاذي العزيز نريدك تجي على سريع الدولي يم مدخل بغداد سيطرة 75 اهل التكاسي عل دولي واكفين

[@laweenkhalat]

استاد عمار انت انسان طيب اطلبو من دائرة المرور ان يسوون جسر لعبور المشاة حتى لا يحدث هكذا حالات ... منو وياي سوولي اكسبلور للقناة مالتي مع العلم اني ساكن بألمانيا و سائق باص و شاحنة علوة لو قانون المرور مال عراق بيدي

[@بقاياانسان-ل8ج]

هههههههههه استاذ عمار ملينه من هذا المكان
نريد تغيير فدوه 🤣

[@samekkasss3226]

😂🤣🤣🤣

[@احمدبلاسم-ذ4ح]

استاذي الفاضل سبب الحادث اذبه علطرق والجسور انشاء جسرمشاة واحدوثنين و٣ جسوربهذه المنطقه

[@haiderkaram9896]

المشاة المقصر الاول
عدم ترك مسافة امان تقصير ثاني

[@nasrazeez1056]

المفروض يخلون بكل الطرق السريعة شبكة على اطراف الطريق طوليا لمنع عبور المشاة

[@sirjasim4469]

وحده من الغربان رجعت

[@mustafashams4224]

صحيح المشاة هم سبب الحادث في المقطع الفديو هذا لكن اغلب السائقين خصوصا في العراق لايضعون مسافة امان بينهم وهذه سبب اغلب الحوادث في العراق.

[@haneenkezwini1178]

المرة الخامسة وين؟

[@مهندابوصلاحالعراقي]

المقصر اخير عجوز ما لحكت تطفر بقت بنص الشارع عاصية هيه السبب 😂😂

[@AhmedMNoori]

هوووووش هووووووش

[@محمدعلاء-د5ي]

اولاً يبنون سياج عالي يمنع العبور
ثانياً تغريم اي شخص يعبر من الاماكن الغير مخصصه للعبور
ثالثاً نقل مكان المستشفى
رابعاً حجز اي مركبه تقف على الطريق السريع

[@The_Wonders_of_Earth]

الشارع يحتاج تخطيط، على الاقل كل سيارة تبقى في خطها عند السياقة. ويحتاج بناء سياج عالي بجانب منطقة العبور الغير قانوني هذة...