ŻAGĦŻUGĦA TMUT WARA LI NĠARRET MILL-MEWĠ TAL-BAĦAR

ONE.COM.MT •
ŻAGĦŻUGĦA TMUT WARA LI NĠARRET MILL-MEWĠ TAL-BAĦAR
Tfajla Filippina tilfet ħajjitha u tlieta oħra ġew salvati wara li spiċċaw f’diffikultà serja fil-baħar f’Tas-Sliema.
Il-każ seħħ għall-ħabta tas-sagħtejn u kwart ta’ waranofsinhar meta l-Pulizija ġew infurmati li xi persuni nġarrew mal-mewġ tal-baħar fl-inħawi tal-bajja ta’ Font Għadir f’Tas-Sliema.
Minn hawn skattat operazzjoni bis-sehem ta’ membri mid-Dipartiment tal-Protezzjoni Ċivili u mill-Forzi Armati ta’ Malta li bdew minnufih bit-tfittxijiet.
Dan sar ukoll permezz ta’ ħelikopter tal-Forzi Armati ta’ Malta u bil-lanċa tas-salvataġġ Melita II.
Preżenti fuq il-post kien hemm ukoll tim mediku u tabib tal-emerġenza flimkien ma’ Pulizija mir-Rapid Intervention Unit.
Mal-wasla tagħhom fuq il-post, il-Pulizija sabu tliet tfajliet li rnexxielhom jitilgħu waħedhom mill-baħar, iżda t-tfajla l-oħra kienet għadha ma nstabitx.
Wara tfittxija mill-Forzi Armati u l-Protezzjoni Ċivili, ittellgħet l-art tfajla ta’ nazzjonalità Filippina fl-inħawi tal-bakka ta’ Fond Għadir.
Hija ngħatat l-ewwel għajnuna fuq il-post, wara li nstabet mitlufa minn sensiha, qabel ittieħdet għall-kura fl-isptar Mater Dei.
It-tliet tfajliet l-oħra ttieħdu wkoll l-isptar permezz ta’ diversi ambulanzi. In-natura tal-ġrieħi tagħhom għadhom pendenti.
Dwar il-każ inħatret inkjesta Maġiterjali u l-investigazzjonijiet tal-Pulizija għadhom għaddejjin.

[@leonardsaffrinnowitz2684]

It sounds like a hybrid between Italian and Arabic together as a one language.

[@OmarOuiag]

Malta is the most beautiful language, as it is a mix between North Africa and Italian🙂

[@sanchoodell6789]

Its like *our* Tunisian *Arabic* dialect (but with Italian polution in it!)

[@lordnggamermtpoppy3829]

Rip😢