Це відео не доступне.
Перепрошуємо.
حامد زيد - غدر الخناجر
Вставка
- Опубліковано 27 гру 2019
- ㅤㅤ
ㅤㅤ
ㅤㅤ
عفا الله عن خطا غدر الخناجر والضلوع ابطال
بسامح واتركك تحت الظلام الحالك لحالك
دخيلك وفر دموعك ترى هدر الدموع اذلال
وترى ما فيه أحد يصبر مثل صبري بغربالك
انا عيب علي أنقض كلامي والرجال افعال
واذا قلت اقطع احبالك تراني بقطع حبالك
عشان اكسب هدب عينك تجرعت العذاب اشكال
وليتك ترأف بحالي علشان ارأف بحالك
مسوي في حياتي شي ما يذكر ولا ينقال
حشا حتى العدو وهو العدو ما يعمل اعمالك
تمسيني على الهم وتصبحني على الغربال
تقلطني فناجيلك وتقصر عني دلالك
تحملت التعب لجلك وانا حملي يهد جبال
رحلت من العذاب وما وقفت الا على جالك
علامك كل ما جيك متواضع جيتني تختال
معاك اليا متى بصبر وصبري معك يحلالك
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى لك
أنا محدٍ بجابرني أساير معك هالمنوال
ترى لاني تبيعٍ لك ولا ني باصغر عيالك
أنا جيت اعشقك نبض ومشاعر ما اعشقك تمثال
أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال
أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال
أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال
أخاف اخطي على طيفك وادوس برجلي ظلالك
تبعتك والعرب تتبع رعود البارق الهمال
وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك واقبالك
أبي قلبك يحس انه فقد بمحبته رجال
ملكته من هدب عين وخسرت رضاه باهمالك
صحيح ان الفراق اقسى ولكن الوصال محال
وانا صعبٍ علي أرضي غرورك واضعف قبالك
بعد ما حققت عيني فبعدك للرقاد امال
أعود للسهر ؟ يا خوي فال الله ولا فالك
ببدل نظرتك فيني واجي لك كل يوم بحال
بكون اقرب من ثيابك عليك ولا تهيا لك
بلمك وانثرك واجمعك وارجع وانثرك باهمال
بخونك وازعلك وارضيك وازعل منك وارضى لك
أبرسم بالثرى وجهك وابدفن صورتك برمال
أبشكي للعرب فرقاك واضحك عند عذالك
أبهديك الوصال فراق واهديك الفراق وصال
بسوي مثل ما شوفك تسوي وافعل افعالك
عشان تعرف من فينا الزعول ومن وسيع البال
أبيك تذوق فنجالي وانا بذوق فنجالك
نصيحة واحتفظ فيها قصر معك الزمن أو طال
أبي تسمع كلامي زين وتحطه على بالك
اذا حبك هبال اطفال لك عندي هبال اطفال
ولا وابشر بعد بهبال حبٍ ما هو بهبالك
واذا قصدك تهين اسمي عشان تشمت العذال
حشا لا انته ولا غيرك ولا عشرة من اشكالك
ㅤㅤ
#حامد_زيد 🎤
ㅤㅤ
ㅤㅤ
UA-cam : 7maid98
Instagram : @7maid98
ㅤㅤ
[ #حمد_العامري ] [ #عيضة_المنهالي ] [ #عيضه_المنهالي ] [ #حربي_العامري ] [ #شعر ] [ #فتكات ] [ #تصميم ] [ #ناصر_المنصوري ] [ #مصمم ] [ #فزاع ] [ #ابوظبي ] [ #دبي ] [ #الامارات ] [ #السعودية ] [ #قصايد ] [ #عمر_سهيل ] [ #عبيد_بن_صويلح ] [ #قصيد ] [ #شيلات ] [ #شيلات ] [ #بن_فطيس ] [ #الشارقة ][ #سلطان_ال_شريد ][ #خلف_بن_هذال ][ #سعد_علوش ][ #عبدالله_السميري ][ #حمد_السعيد ]
يمه ذي قصيده ولا بركان عاطفه❤
أعتقد بأنّ الغفران قد يشمل كل شيء ، إلا الشيء الذي أثار شفقتك على نفسك.
بالفعل
🖤👌.
عشان اكسب هدب عينك تجرعت العذاب اشكال و ليتك ترأف بحالي عشان ارأف بحالك مسوي في حياتي شي ما يذكر ولا ينقال حشى حتى العدو و هو العد ما يعمل اعمالك تمسيني على الهم و تصبحني على غربال تقلطني فناجيلك و تقصر عني دلالك تحملت التعب لاجلك و انا حملي يهد جبال رحلت من العذاب و ما وقفت الا على جالك
وش دوا
اللي كل البشر حواليه
وهو حاس حاله وحيد 😢
وش دوا اللي
اللي حاس بغربته
وهو بوطنه
وش دوا
اللي حاس بظلمة
وهو بعز النهار
اول مره بحياتي احب قصيده 😭
هو ينحب كمان شاعر كبير والله صح لسانك بو عبد العزيز
حتى انا ما احب الشعر الا هذا الادمي دليل ماشاء الله على قوة مشاعره
الله يهدي الكل
احسنت قصيده رائعه وشاعر متمرس بل عملاق، صح لسانك، 🌹 🌹 🌹
اول مره اسمعها تقريباً 2002 او 2003 ما اذكر
بس اللي اذكره كنت صغييير ورع توني متعلم ادخل على الانترنت 💔..
حبيتها رغم اني ما اسمع شعر خليجي
بس ذي حفظتها
وتذكرتها اليوم بعد 20 سنة
عساه طيب واموره تمام
دخلت دورته ع تويتر مالقيته
نفس وضعي والله 🥹
مش طبيييعي انت ! يعني وصفت وحكيت كل المراحل بقصيده ! ❤❤❤ابدعت
صح لسانك ياعازمي
ي الله تعبت ادور شي يوصف هالقصيده 💔😔
كنت اسمع هالقصيدة وأبكي ما زلت أقول حامد زيد شاعر سافر عبر الزمن جانا من عصر فصاحة اللسان وملكة الشعر
تبعتك و العرب تتبع رعود البارق الهمال أختصرت كل شي
تخيل من كثر ما اخاف تلقى لزعل مدخال
اخاف اخطي على طيفك وادوس برجلي ظلالك 🤍.
من اروع القصايد سمعتها قبل سنيييين ومازلت اعشقها ❤
من مر من هنا اتمنى ان تدعي لي اتخرج ..وشكرنً ❤
ما انظفك ياحامد زيد❤️🥺
ببدل نظرتك فيني و اجي لك كل يوم بحال ...
يتضح من كل هالسنين كل العايلة تشوفني نفس النظرة
واذا..!
مو مهم نظرتهم لك ِ..،المهم والاهم نظرتك لنفسك حبيبتي جور .. اذا كان فيه خطأ مصير الخطأ يتصلح وينغفر..اذا مو منهم منك انت خلك راضيه مع نفسك مهما كان .
اووووووف ياحامد زيد من أجمل القصائد ❤
كلام رائع جدا جدا جدا. فعلا مبدع. تحياتي
تميز في كل إلقاء
❤
ابداع شاعر متالق من اجمل ماسمعت ابدااااااااااااع
فهمها يافهيم أفتهم كلام رجل حليم
الله عليك
روعه شعر حامد زيد
صح لسانك
روعة صح لسانك
عفى الله ياجوجو
محمد الجازي 💔اشتقتلك 💔💔ولا راح احب بعدك قسم بالله
بكره تتغير العواطف🤍.
ماشاء الله عليك اسطوره يارب يسمعها الى على بالي احسن رد واخر رد
💔🥀
لحالي يا حامد اتمنى تكتب قصيده باسم ام حمدان مقطوعه من شجره مطلقه
لقليين الاصل
ايش اسم الموسيقى
مشاركة
اذا قصدك تهين اسمي عشان تشمت العذال حشا لا انت ولا غيرك ولا عشره من اشكالك.
حلق الشاعر ( عفا الله عن خطا غدر الخناجر ..... ) ثم اقلع بقلوبنا حين بداية البيت ( ابي قلبك يحس انه فقد بمحبته رجال(
😥
الله لا يوفقهم ... ضروني
صح لسانك
صح لسانك