فندق دوم مارينا - العين السخنة Dome Marina Hotel - Ein El sokhna

فندق دوم مارينا - العين السخنة
Dome Marina Hotel - Ein El sokhna
مميزات الفندق
٤ نجوم
صف أول بحر
٢ حمام سباحة كبار و ٢ أطفال
مساج
منطقة لعب للأطفال
الوجبات فطار و عشاء
مشروبات داخل كل غرفة مع توافر زجاجة مياه معدنية يومية
الفندق على بعد ١٥٠ كيلو فقط من القاهرة
ملحوظة
الأسعار بتتغير كل اسبوع تقريبًا فلو حضرتك عايز تحجز ياريت تحدد تاريخ اليوم و عدد الغرف و عدد الأفراد و عدد الأيام مع العلم ان من أيام الخميس و الجمعة و السبت بيزيد سعر الغرفة ١٠٠ جنيه عن باقي الأيام
الڤيديو ده أنا مصوره للفندق يوم ٢٥ / ٧ / ٢٠٢٣ م يعني الأسبوع اللي فات
#مصيف_ورحلة_وخروجة

[@Mohammed8818]

ممكن سعر الغرفة ثلاثية ل 3 أشخاص بالغين وغرفة دبل لشخصين وطفلين اقل من 6 سنوات ، من بداية 20/6

[@SalwaAone]

انا لسه راجعه من فندق دوم بتاريخ ٣مايو٢٠٢٤ و كنت والده داي يوزد و تقدير له انه مايستهلش نجمه واحده لان المعامله و الخدمه و جوده الفندق و الشاطي صفر .... الفندق تشطيب تسعينات و لم يجدد كل حاجه فيه حتي المخدات و فرش السرير و الحمامات مفيش نظافه و لا صابون و لا مناديل و الغرفه بدون كاتيل و لا كوبيات و لا مياه صالحه للشرب لان مياه الفندق مالحه و غير صالحه للشرب و كاتبين كدا علي مرايات الحمام .... الاكل غير صحي و مش طايب يعني يادوب واخد نار لحمه و رز و مكرونه و باميه و بسله فقط مفيش سمك و الفروض انك رايح علي ساحل البحر الاحمر يعني تاكل سمك و انواع السلاطات : طحينه و سلطه خضرا و الدخول للمطعم كارنيه من الرسبشن و اللي يخرج يدخل مكانه و طبعا بالخناق لان الاكل لمدة نص ساعه فقط و اللي يخلص مفيش غيره و انت جوع براحتك و كل العاملين بيتعاملوا بقلة زوق و هما هما اللي في الفيديو ،،، الشاطي بعيد عن الفندق و كله زلط و صخور حتي جزمة البحر مش هتحميك من وجع رجلك و الازم تدي لعاملين علي الشاطي فلوس علشان يطلعوا ليك شمسيه و كراسي او شزلونج علي حسب فلوسك و دا اجبار يعني ادارة الفندق مش هتقف جنبك لو اشتكيت و لا يوجد منقذ يعني لو حد كان بيغرق مفيش انقاذ لان المنقذ قاعد في الضله في الكشك و البشكير بالبطاقه و بعد العصر يبدا الهاموش يعني مش هتقدر تقعد علي الشاطئ ا< انا هكتب الكلام دا في كل فيديو عن فندق دوم علشان لو اتكرر امامكم > و شكرا

[@hebaibrahim1232]

الأسعار ايه ؟

[@Masyafwrehlaw5roga]

حضرتك بتسألي على أسعار الغرف السنجل و لا الدبل و لا التربل ؟
و حضرتك عايزة الغرف على البحر مباشرة و لا بتشوف البحر من الجنب ؟
و حضرتك محتاجة تحجزي أيام من الأحد للأربعاء و لا من الخميس للسبت ؟
كل حاجة و ليها سعرها يا فندم

[@karemanehab4194]

لو سمحت لو غرفة دبل لمدة يومين الأحد والأثنين لأسرة مكونة من زوج وزوجة وطفلين واحد 9سنين وواحد 11سنة ويكون الڤيو عالبحر أو حمام السباحة