【無線創造畀李小龍嘅黃金機會】《青蜂俠》配音片集同上《歡樂今宵》表演奇功
Вставка
- Опубліковано 9 лют 2025
- #李小龍 #俞明 #歡樂今宵
自古唔少英雄豪傑懷才不遇，佢哋就係爭咗一個畀佢哋發揮嘅機會。一代巨星李小龍喺佢死之前兩年多，命運都似係咁。
1966年，因緣際會，武功高強嘅李小龍畀美國ABC電視台睇中，安排佢響《青蜂俠》飾演助手「加藤」，一個參與好多武打場面嘅角色。片集一出街，由於亮麗嘅身手，李小龍嘅鋒頭唔止蓋過主角，仲響美國觀眾嘅心目中留低咗一個好深刻嘅印象。可惜呢個契機並冇為佢嘅星途帶來咩突破。反而因為67年無線買咗《青蜂俠》返嚟配音，就令李小龍好打得嘅形象植入咗香港人嘅心裡頭。
上世紀60年代中期，粵語片進入低潮，唔少粵語片演員加盟無線，善演小人物嘅俞明就加入咗由第一代電視人蔡和平監製嘅《歡樂今宵》。
點解俞明同李小龍有咁多合照嘅？
原來佢係李小龍嘅堂姐夫，咁睇嚟兩個人關係匪淺！
由於《歡樂今宵》係當年全港市民茶餘飯後幾乎必睇嘅節目，所以有份演出嘅藝員甚至上過去嘅嘉賓都成功入屋，令知名度大大提升。市場觸覺超高嘅蔡和平知道要保持優勢，唯有推陳出新，於是透過俞明同李小龍嘅關係，邀請到當時已經有意向返嚟香港發展嘅佢上《歡樂今宵》亮相：
當晚佢除咗接受許冠文嘅訪問之外，仲即場表現幾乎冇人見過嘅二指壓，寸勁，同飛身側踢。唔好睇佢只係露咗兩手，呢次出位嘅表現已經進入咗啱啱脫離邵氏另起爐灶嘅嘉禾創辦人鄒文懷嘅視線範圍。其實在此之前，李小龍曾經透過童年摯友小麒麟同邵氏接觸過合作拍片嘅嘢，不過條件就傾唔埋。嘉禾馬上把握呢個千載難逢嘅機會，搵人走去美國同李小龍傾。由於嘉禾所提供嘅條件唔錯加上畀佢嘅自由度高，李小龍就一口應承，同嘉禾簽咗兩部戲。第一部戲係《唐山大兄》。部戲一上映就勢如破竹，三扒兩撥就打破全港票房最高紀錄，響東南亞亦都全面報捷。威成咁，除咗李小龍嘅武功令人耳目一新之外，唔好唔記得基於佢響《青蜂俠》同上《歡樂今宵》嘅表現已經同佢累積咗一大班潛在觀眾。咁睇，李小龍之所以前途一片光明，或多或少同佢老遠都走返嚟上《歡樂今宵》有關；當然，俞明嘅鋪橋搭路，功不可沒！
對五六十年代出生的香港人來說：
乜嘢集體回憶都返曬嚟😊❤🎉
珍貴的片段, 一代武打巨星及家傳滬曉的諧星, 盡在眼簾, 機會對每人都十分重要, 能珍惜發揮, 成功在望. 謝謝製作者的創意和細心編排, 你是最棒的❤🎉🎉
說得好對 70年我十三歲已經電視上注意到偶像的出現 所以給你100個👍
13歲已具慧眼
想必前途無可限量😊❤🎉
勁！
一個「勁」字就真係形容到李小龍有幾「勁」
😊❤🎉
係真真正正嘅一代武神
@thomaslai7369
「一代武神」絕對恰當
「功夫之王」就...🤓
可惜看不到以前早期欢乐今宵的视频
係無記不力😢
只係新聞方面有多少盡力😂
聽說俞明都係詠春高手！
佢唔係詠春派，以前我記得壹週刊曾經訪問過佢，當時佢已經上咗年紀，話會練鐵沙掌同掌上壓，上咗年紀都做到好多下，俞明叔仲話練鐵沙掌一定要練掌上壓
俞明嘅鋪橋搭路,造就小龍霸天下,歡樂今宵展傲氣,詠春拳腳快電,詠春標指彈報紙,令人讚嘆頌讚譽,飄洋過海築根基,雄心壯志回香江,翻江倒海李小龍,打片中外無敵手！💪👋👏👊🫴🫡🫡👍😀😀
那些踢腿速度非常快，無需特殊效果或攝影機特別的操作。
謝謝你！😊
你的無言謝謝
我哋無言感激❤🎉❤🎉
從李小龍的人生軌跡
如果他沒有了視頻中所提出的兩個可說是黃金機會
他留在美國的發展之路一定會很難行甚至走不下去
因當時的年代亞裔是很難出頭的
記憶中李小龍上《歡樂今宵》不是拍唐山大兄之前的事！更加不是鄒文懷睇咗李小龍上《歡樂今宵》而搵佢拍《唐山大兄》！
山草藥，噏得就噏，作故仔居多
1966连?????
透(过)字讲吾正.有懶音.
(愛)字有懶音.点愛广東话呢????????????????
两连多?????
弓起哂.比較少懶音一位. 将懶音粤语保育及传承????