تستحق الفوز 🏆 هجن المشاغب | محمد خالد العطيه | كلمات عبدالهادي بن قنيفذ | اداء ناصر الطويل
Вставка
- Опубліковано 5 лют 2025
- إشترك في القناة وفعل التنبيهات ليصلك كل جديد وحصري .
-
للتواصل وطلب التصاميم والمونتاج :
WhatsApp : 009666506782011
رابط الدخول على الواتس بشكل اسرع :
wa.me/96650678...
رابط قناة التلقرام :
t.me/Hadi0arja
-
استقرام : / hadi_arja
سناب : / hadi_arja
تويتر : / hadi_arja
الـقـصـيـدة
ابتدا الموسم على اكبار الهقاوي
كل شهم (ن) ناره للامجاد حيه
والصداره تبغي الراس الحماوي
ماتبي رجل (ن) طموحاته دنيه
والاوايل ماتبي راي (ن) دناوي
والرجل عزه لا عاش بواقعيه
ياهل الهجن النصر ماهو حكاوي
والتحدي كنه النار اللضيه
كلكم عنده طموحات ومناوي
وده اسمه مع لاسامي العالميه
بس دون اشفوفكم ياهل العزاوي
وقف اللي هيبه افعوله قويه
ولد خالد مزبن الدرك الجلاوي
ذا محمد راعي النفس الرضيه
ارجح (ن) في كل فزعه ما يراوي
صامل وقت القسا حيك وحيه
يرجع بفزعاته الوادي السناوي
مرجله واخلاق وايدي حاتميه
ابلج يدجر على صوت النخاوي
كل ما قيل اله تكفى يالعطيه
المدايح سيلها صوبه نحاوي
ويدفعه للطيب والطاله حميه
لاحضر ضاعت علوم الدعاوي
والتراشيح الكبار الفوضويه
هجنه لكل الهجن نجم سماوي
تخلف ظنون الاعادي فضحويه
الشلافي جابها بسبق رهاوي
والخناجر والرموز الموسميه
مايكيف راسه قناد القهاوي
كيف راسه سيف ولا بندقيه
صامل في هدته ماهوب ياوي
كم صويب وكم جريح وكم ضحيه
مايقدم كود موقفت اللغاوي
كل اصيل ظبي في صوره مطيه
شوطها منه تغيب اهل الملاوي
مابه الا امات الاسماء الجوهريه
لارتفع لاستار ياكافي البلاوي
تقلع اقلاع ام جنحان (ن) سويه
خلفها تبطي هل السبق ثعاوي
كلبوهم في غبار المهمهيه
ركضها مع لاربعه حومه نداوي
بس يمسكها تراب الجاذبيه
وعند كيلو واحد وذيك الحراوي
مثل ظبي (ن) ذيروه بوارديه
سدها راهي وفي دبره افداوي
مايعرف الا الرموز ولاولويه
وانتهت ذيب ثعا له في شواوي
ذاعره بعض الطلق قبل العشيه
لخبطت تفكير بعض اهل الاداوي
وابغضو دكتورهم والصيدليه
زعفروها عود كمبودي وجاوي
زعفران ايران حاجه عايديه
ولحفوها بعده ببشت حساوي
مثلها الها حق والها مقدريه
تستحق الفوز يازبن الجلا
يافخر كل الشعوب اليعربيه
