《關注組系列》EP02 香港壽司刺身關注組版主現身 點睇迴轉壽司熱潮？點評爭鮮、壽司郎、鮮選三大排名

‪@boxchannel7957‬《關注組系列》「大家好，我叫阿Shawn，土生土長香港人！好鍾意食日本嘢，旅行都係去日本為主，因為疫情關係啦，我哋飛唔到日本，基本上都好掛住日本食物……」就係因為咁，Shawn去年成立香港壽司刺身關注組，短短一年粉絲人數已破16萬！
「喺香港，我去唔晒咁多地方吖嘛，所以就set up咗一個咁樣嘅群組囉！」本身超愛食日本嘢嘅Shawn話，「真係一個禮拜食幾次都完全唔厭囉！食材新鮮，完全唔肥膩，食完都唔會覺得好滯呀，一日食三餐可能會過分，但係一個禮拜食幾次，係完全冇問題囉！」
Shawn話最開心滿足嘅，係關注組可以分享多啲小店，「其實喺太子，佢唔係迴轉形式，係一啲小店，但係做得個效果係好好；或者大角咀都有啲壽司舖做得好好，面稹唔係好大，如果有興趣，可以去群組了解返！」
近年日本迴轉壽司店喺香港成為飲食熱潮，爭鮮、壽司郎同鮮選呢三大名店，Shawn有咩評價呢？「爭鮮相對地價錢定位低啲，水準其實都OK，以前可能會覺得啲三文魚冇咁新鮮，今時今日，你唔新鮮，其實好多人都會唾棄㗎喇；壽司郎係日本過江龍，香港一定好多人追捧啦，但係個問題就係輪候時間太長，變咗店員負責去整壽司都相對地忙，水準未必咁穩定！」
至於Donki嘅鮮選迴轉壽司，第一日開幕，Shawn已經率先品嚐，「我都係recommend大家，食一啲唔需要加熱嘅嘢啦！迴轉壽司都係嗌即刻order就最新鮮，如果你係喺迴轉帶經過嗰啲，可能唔知擺咗幾耐，盡量唔好攞喇！」
三選一決戰，Shawn話：「其實都好難揀㗎喎，如果真係要揀，揀壽司郎囉！因為本身佢種類比較多啲，成日都有更新，依家講緊三年祭三周年，又有新嘅食材或者優惠，呢啲係要讚嘅，marketing上面做得幾好囉！」
身為一個討論度高嘅關注組版主，唔少得惹來hater嘅關注，Shawn嘅親身經歷係點呢？繼迴轉壽司潮之後，下一個飲食熱潮又係咩？即刻去片睇埋Shawn點講！
訂閱盒子YT頻道同步睇片：bit.ly/3SWGpAy
#盒子 #boxchannel #關注組系列 #香港壽司刺身關注組 #日本 #小店 #迴轉壽司 #爭鮮 #壽司郎 #鮮選 #Donki #熱潮 #Omakase #香港 #飲食 #美食 #日本美食 #關注組
-----------------------
記得follow晒呀
FB：bit.ly/2WlzyYF
YT：bit.ly/3guXGz0
IG：bit.ly/3n0YIHg

[@boxchannel7957]

睇完片，記得comment，like & share！仲有快啲follow晒《盒子BOX channel》呀！
盒子FB：bit.ly/2WlzyYF
盒子IG：bit.ly/3n0YIHg
盒子YT：bit.ly/3BSWCx6