هـاي امـي الـربـتـني ولهذا الموقف رادتني | باسم الكربلائي
Вставка
- Опубліковано 2 сер 2023
- هـاي امـي الـربـتـني ولهذا الموقف رادتني | باسم الكربلائي
الحسينية الكربلائية في دولة الكويت
٨ محرم سنة ١٤١٧ هجرية
هـاي امـي الـربـتـني *** ولهذا الموقف رادتني
بـالـمـدمـع نـادتني *** وياك استشهد وصتني
حــان الـمـوعـد *** خـل اسـتـشـهـد
هـذي مـفـاوز كـربلا *** هاي الحرب ياعمي
وهـذي وصـيـه والـدي *** شجعتني نخوه امي
مـهـموم وادري التضحيه *** تكشف سحابه همي
تـتـنـاثـر ازهـار الفرح *** حين يتناثر جسمي
مو وكت شمعه ولا عرس *** وكت انتصاري وعزمي
وامـضـت الـصارم شمعتي *** والحنه تصبح دمي
مـن اوكـع بالمصرع *** اوفي بكل حقوق المرضع
والام الـرضـعـتـني *** وياك استشهد وصتني
حــان الـمـوعـد *** خـل اسـتـشـهـد
خـيـل وزلم من كل كتر *** وسط الحرب مجموعه
وادم اجـت لـلمعركه *** لاتعس هدف مدفوعه
بـيـض الهنادي ملوحه *** وهاي السمر مشروعه
يـاعـمـي ارخص لي اطب*** وخمد سعير اللوعه
هـالـسـاعه مو ساعه شمع*** للعرس طفوا شموعه
وجـفن امي عاهد لو متت *** يحبس مسيل دموعه
والـواعـي بـتـفكيره *** يتمسك باعراف الغيره
والـغـيـره الـدفعتني *** وياك استشهد وصتني
حــان الـمـوعـد *** خـل اسـتـشـهـد
يـحسين ياعمي واظن *** ترخص لي لو ردت اطلع
هـزتـنـي لاجلك غيرتي*** وللذبح نحري تطوع
لـهـساعه ذاخرني الحسن *** هذي وصيته وتسمع
نـادانـي لـو عمك يظل *** وحده ويشح المفزع
ضـحـي لـه يبني برقبتك *** وعن مبداك لاترجع
واعـدني يحضر والدي *** لو طحت وسط المصرع
عـاهـدتـه وعـاهـدني *** ابرز وبعينه يشاهدني
وعـهـوده الـشجعتني *** وياك استشهد وصتني
حــان الـمـوعـد *** خـل اسـتـشـهـد
يـحـسـيـن ياعمي وبعد *** شتنطر شنهو التالي
وحـدتـك بـالطف هدمت *** حيلي وتغير حالي
خـلـيـنـي ابرز للوغى *** ويصفر شعاع هلالي
لـو مـانـعـتني من الحرب *** تصدع ركن امالي
شـلـون اصبر وشبلك على *** طايح صريع قبالي
دم ابـنـك ارخـصته شتظن*** دم بن خوك الغالي
خـل ابـرز لـعـسـكر *** اخذ منهم تار لاكبر
والـحـالـه الـهظمتني *** وياك استشهد وصتني
حــان الـمـوعـد *** خـل اسـتـشـهـد
جـاوبـه حـسـين بدمعته *** غير ياجاسم فكرك
بـعـدك بزهره دنيتك *** شنهو الشفت من عمرك
بـأول شـبـابـك ماردت *** كربلا تغيب بدرك
بـيـك انـظر اوصاف الحسن ***لمن عيوني تنظرك
ارجـع يـاجـاسم للخيم *** وامك اظن تنتظرك
مـنـهـو اليصبر الوالده ***لو شاهدت دم نحرك
شـلـون ارجـع لخيامي*** والاكبر طايح جدامي
وامـي الـي بـعـقتني *** وياك استشهد وصتني
حــان الـمـوعـد*** خـل اسـتـشـهـد
جـاوبـه جـاسم يالقلت *** اقصد ياجاسم لمك
هـي ال دعـتني لنصرتك *** قالت لي انصر عمك
وقـالـت يـاجاسم لاترد *** خوض المنايه بعزمك
وخـليني انضر بالحرب *** يم جسم الاكبر جسمك
وقـالـت لي روح لقاطمه *** صوغه اخذ من دمك
والـزهـرا مـن دار الخلد *** ضلت تردد بسمك
هـاي الام تـتـمنه *** تشوف جفوفي بدم تتحنه
عـالـمـذبـح دلـتني *** وياك استشهد وصتني
حــان الـمـوعـد *** خـل اسـتـشـهـد
حـادي الـمـنـايـه بكربلا ***يردد بموتي ويحدي
يـا عمي ماظل كل امل *** بس هالامل ظل عندي
اسـتـشهد بسوح الحرب *** وامضي لمحمد جدي
وعالكوثر القى المرتضى *** ويطفي الجمر من جبدي
واعـتـني لمك فاطمه *** وتجلي الترب عن خدي
واقـصـد واقبل والدي *** واهتف وفيت بعهدي
الـوالـد يـسـألـني *** وعنك ينشدني ويسالني
هـالـرحـمـه الشملتني *** وياك استشهد وصتني
حــان لــمـوعـد ** خـل اسـتـشـهـد
للإشتراك في القناة : www.youtube.com/@BasimArchive...
#الأرشيف_الباسمي
#لطميات
#باسم_الكربلائي
#حسين
#محرم
من اجمل ما قرء الحاج باسم ربي يحفظة
الحاج
كاشان
الله يحفظة و يطول عمرة بحق محمد وال محمد
❤🎉❤لبيك 🎉❤🎉يا حسين ❤🎉 لبيك ❤🎉❤🎉لبيك ❤🎉يا حسين ❤🎉❤لبيك ❤🎉يا حسين ❤🎉❤🎉❤🎉❤🎉❤🎉
مو وكت شمعة ولا عرس
شاعر القصيدة. منو