حناي ناس لنّا العز في ماضينا ** حناي من يرد الظّلم لا يقسينا **** حناي ناس لنّا عزّه ** حناي من وقفنا الكل وقت الكزّه حناي من يهدّوا كي تصير الحزّه ** و لا نرضخوا للذّل لا يرضينا حناي ال نكنّوا للعزيز معزّه ** حناي نفرحوا بالضّيف كيف يجينا **** حناي ناس لّنّا همّه ** و ما ناش من هاضاك الّي يبيع الذّمّه حناي أصلنا شامخ ثبت في القمّة ** مثاليث ما نعيشوا حياة غبينه والّي نظم قولا عليه يتمّه ** و لا نعقلوا و لا نعرفوا تركينه **** حناي ناس أهل شهامه ** على عناتيت في صف العدو لطّامه حناي نفرحوا يوم البلي و ادحامه ** حناي نصدموا ع الصّهد و نوارينه حناي نرجعوا قامتين فوق القامه ** و متوحدين الكل فرد سفينه **** حناي ناس أهل معاطي ** و لا نتزوروا و لا نخدمو زمياطي حناي نطمعوا كان في الكريم العاطي ** وشكواك لغير الله كان غبينه و يقعد الواطي طول عمره واطي ** منعوت ما بين العباد رهينه **** حناي ناس لنّا عفّه ** و موحال ما نروموا الذليل و صفّه حناي سور عالي صعيب منه يصفّا ** يرجع يولّي ذليل راخي عينا حناي نعدلوا وقت ال تميح الكفّه ** و لا نرقصوا لا ايسرى لا يمينا **** حناي جدودنا قدّاده ** و ما ثمشي منه يبيع بلاده الله أكبر طالبين شهاده ** عدوهم يموت بغصته و غبينه و خزيت علّي يخدموا قوّاده ** لا عهد لا ميثاق لا تحصينه **** خزيت عل ملّتهم ** ناس ال يبيعوا في الخفاء ذمّتهم قلبوا الدبش و بدلوا هيّتهم ** صبغوا الوجوه و نقطوا بالزّينه و كانك تحب نوضحوا صورتهم ** تاريخهم مرسوم بين يدينا **** تاريخنا يا جماعة ** شامخ علي حتّى ليوم السّاعة عفاف نفس ماناش مالبيّاعة ** ها كال ولّوا على أصلهم بايعينا خليفة الدريدي جدودنا فزّاعة ** و ما ثمشي منهو حنث يمينا
أرحي يافلاح ❤❤
حناي ناس لنّا العز في ماضينا ** حناي من يرد الظّلم لا يقسينا ****
حناي ناس لنّا عزّه ** حناي من وقفنا الكل وقت الكزّه
حناي من يهدّوا كي تصير الحزّه ** و لا نرضخوا للذّل لا يرضينا
حناي ال نكنّوا للعزيز معزّه ** حناي نفرحوا بالضّيف كيف يجينا
****
حناي ناس لّنّا همّه ** و ما ناش من هاضاك الّي يبيع الذّمّه
حناي أصلنا شامخ ثبت في القمّة ** مثاليث ما نعيشوا حياة غبينه
والّي نظم قولا عليه يتمّه ** و لا نعقلوا و لا نعرفوا تركينه
****
حناي ناس أهل شهامه ** على عناتيت في صف العدو لطّامه
حناي نفرحوا يوم البلي و ادحامه ** حناي نصدموا ع الصّهد و نوارينه
حناي نرجعوا قامتين فوق القامه ** و متوحدين الكل فرد سفينه
****
حناي ناس أهل معاطي ** و لا نتزوروا و لا نخدمو زمياطي
حناي نطمعوا كان في الكريم العاطي ** وشكواك لغير الله كان غبينه
و يقعد الواطي طول عمره واطي ** منعوت ما بين العباد رهينه
****
حناي ناس لنّا عفّه ** و موحال ما نروموا الذليل و صفّه
حناي سور عالي صعيب منه يصفّا ** يرجع يولّي ذليل راخي عينا
حناي نعدلوا وقت ال تميح الكفّه ** و لا نرقصوا لا ايسرى لا يمينا
****
حناي جدودنا قدّاده ** و ما ثمشي منه يبيع بلاده
الله أكبر طالبين شهاده ** عدوهم يموت بغصته و غبينه
و خزيت علّي يخدموا قوّاده ** لا عهد لا ميثاق لا تحصينه
****
خزيت عل ملّتهم ** ناس ال يبيعوا في الخفاء ذمّتهم
قلبوا الدبش و بدلوا هيّتهم ** صبغوا الوجوه و نقطوا بالزّينه
و كانك تحب نوضحوا صورتهم ** تاريخهم مرسوم بين يدينا
****
تاريخنا يا جماعة ** شامخ علي حتّى ليوم السّاعة
عفاف نفس ماناش مالبيّاعة ** ها كال ولّوا على أصلهم بايعينا
خليفة الدريدي جدودنا فزّاعة ** و ما ثمشي منهو حنث يمينا