مع هيكل الحلقة الأولى عن الأمن القومي

محمد حسنين هيكل (23 سبتمبر 1923 - 17 فبراير 2016) صحفى و مؤرخ مصرى ، بدا حياته الصحفيه ايام لما كانت مصر مملكه . بعد ثورة 23 يوليه بقت ليه علاقه بالظباط الاحرار و جمال عبد الناصر و يقى مطلع على الاحوال السياسيه فى مصر لمده أكتر من خمسين سنه . و كان رئيس جورنال الاهرام.
دوره فى الحياه السياسيه
بعد ثورة يوليه و قرب هيكل من مواقع الاحداث فى خمسينات و ستينات القرن العشرين محمد حسنين هيكل بقا له دور مهم فى الحياه السياسيه المصريه داخلى و خارجى ، و فى فترة السبعينات مع تغيير نظام الحكم فى مصر فضل قريب من الرئيس انور السادات لحد ما اختلف معاه و بعد عن نظام الحكم.
معاهدة السلام
بعد ما عقد الرئيس السادات معاهدة السلام المصريه الاسرائيليه بعد اتفاقيات كامب ديفيد مع اسرائيل و قدر يسترد بقية سينا ، انضم هيكل للكتاب و الصحفيين اللى هاجمو الاتفاقيه و صوروها بطريقه سلبيه ساعات بدعم من الانظمه العربيه اللى رفضت الاتفاقيه، فإتقبض عليه هو و عدد كبير من الكتاب و الصحفيين فى عمليه اتسمت " اعتقالات سبتمبر ". بعد إغتيال الرئيس السادات فى اكتوبر 1981 افرج الرئيس الجديد حسنى مبارك عن هيكل و المعتقلين. بعد الافراج عن هيكل الف كتاب سماه " خريف الغضب " انتقد فيه الرئيس السادات و سياسته من وجهة نظره.