بعدك تعب | فهد بن جازع (حصرياً) 2022
Вставка
- Опубліковано 3 жов 2024
- إشترك في قناة المنشد فهد بن جازع الرسمية للحصول على أحدث أصداراتة الفنية
www.youtube.co....
أداء : فهد بن جازع
لمتابعة فهد بن جازع عبر وسائل التواصل الإجتماعي:
/ fahad7_f7 : Snapchat
بعدك تعب
كلمات الشاعر : عبدالرحمن الكريمي
أداء : فهد بن جازع
توزيع ومكساج : أذواق الفن
ألحان : أحمد عبدالقادر
------------------------
الكلمات :
لو يزرعون الشوك والخوف واليأس
في دربي ودربك أنا عنك ما أتوب
الله زرعك بقلبي أغلى من الناس
وأنا بقلبك أغلى وأعز محبوب
نذرت لك عمري محبه واحساس
وأوفيت لك لو دونك الموت مكتوب
لك بالغلا عندي قدر ماله قياس
فدواك كلي دامك أعز مطلوب
لاجلك شربت الصبر كاسٍ ورى كأس
والصدر في بردك حطبته ومشبوب
حبك شرف تاجه لبسته على الرأس
ما فيه لا ذله ولا عيب وذنوب
مالك طرف عندي من الناس ينداس
والله لا أهين اللي يلفق بك عيوب
بعيوني خلك دام الأجفان حراس
حتى لو أن الوصل يا شوق مسلوب
ريانة العود العشق عندي أنفاس
لو ما اتنفس حبك أموت بشحوب
بعدك تعب والبال ضايق ومنحاس
كني من اللهفة على اللوح مصلوب
ذقت التعب علقم وأنا أقول لا بأس
يومي دريت إنك على البعد مغصوب
حبي وحبك شي نادر ونوماس
فيك؛الشرف معنى وبالطيب مصحوب
ماسرني هرج النمايم والانجاس
في شرعهم ميزان الأشراف مغلوب
دام الحقيقة طعن ودروبنا يباس
وأنا جناحيني تعبت وأنت محجوب
خلك معي فالقلب يا أغلى من الناس
شمس الوصل تشرق ولو طول غروب
