قصيدة الخيانة | الشاعر عبدالله الملحم

إشترك بقناة الشاعر عبدالله الملحم | Subscribe To Abdullah AlMulhim
/ ampm500
تواصل مع الشاعر #عبدالله_الملحم عبر القنوات الرسمية
Official Instagram :
/ abdullaalmulhim
Official Twitter :
/ abdullaalmulhim
_______________
شي طبيعي من يحب يغير .. معلومة قديمة
الجديد انك عليّ تغير في عز الخيانة !
خاين وحب التملّك فيك له معنى وقيمة
ياخي ارحم من يذوق بغيرتك طعم الإهانة
لو تجاملني وتسكت .. لا اتّمادى فالجريمة !
كافي اني كنت أخبّي عنْك أسرار الإدانة !
ليت حظك مثل حظي من ظلام اليا ظليمة
كان قلبك ماحرمني من غلاه ومن حنانه !
……………………………
كنت ما بيني وبيني .. طفل يهواني واهيمه
لين صرت الله عليك انسان يجرحني كيانه
من عشانه كنت اضحّي وانتصرله في الهزيمة
من عشانه يرحم أمك .. من عشانه ؟ من عشانه ؟!
أنت لو تحسب حساب الغدر في نيّة سليمة
خفت من ربّك لأني معتبر حبك أمانة !!
والله انّ الحب أسمى والقدر له والحشيمة
ماهو انت اللي تشوّه صورته وتهز شانه !
……………………………
علمتني ذكرياتي خَص لا صارت أليمة
أبتسم قدّام جرحي واطلق لصمتي عنانه
إبتسمت الين صارت بسمتي فيني مقيمة
يعني من كثرة جروحي بسمتي تحتل خانة
حاول اتفسّر غيابي صح من قبْل العزيمة
لجل اسهّلها تراني شمس وغيابي رزانة
وانسحاب الشمس عمره مايفسر بالهزيمة
إنسحاب الشمس قوة .. لا تفكّرها جبانة !
عبدالله الملحم