الا واعذابي يوم قرب المغيب و حلّ و نقضّ جروحٍ داخل الجوف مرسومه توادعت انا واللي له القلب دار و خلّ وداعٍ يجض القلب و الكبد موسومه الا ليت لو يرجع علينا زمانٍ زلّ ما والله عيوني تسهر الليل مهمومه انا بيني وبين الهواجيس حط و شلّ همومٍ توّردني على الموت و سهومه الا واعذابي لا طرى لي حسين الدلّ نزيهٍ من المنقود و العيب و علومه الا كيف بحصّل سواته وجنسه جلّ عليه الحلا والزين كومه على كومه ابو رمش لا سلهم بعينه غدا له ظلّ و عينٍ كما عين اشقرٍ يكسر الحومه تقافت لياليّه وانا خافقي ما ملّ ردعني من وصاله التقاليد و سلومه من فراق محبوبي لا صاحي ولا مختلّ علي الطواري تعصر القلب و تلومه عسى صادق الوسمي على داره و ينهلّ و يستر عليه الله من الوقت و قسومه نقش حبه بقلبي كما نقش خاطي زلّ و خلا لي الذكرى على كل مزمومه انا استغفر الله من عنا خافقي و الغلّ عفا الله عن عينٍ سهيره و مهمومه . علي الزعيتر ✍🏻 .
الا واعذابي يوم قرب المغيب و حلّ
و نقضّ جروحٍ داخل الجوف مرسومه
توادعت انا واللي له القلب دار و خلّ
وداعٍ يجض القلب و الكبد موسومه
الا ليت لو يرجع علينا زمانٍ زلّ
ما والله عيوني تسهر الليل مهمومه
انا بيني وبين الهواجيس حط و شلّ
همومٍ توّردني على الموت و سهومه
الا واعذابي لا طرى لي حسين الدلّ
نزيهٍ من المنقود و العيب و علومه
الا كيف بحصّل سواته وجنسه جلّ
عليه الحلا والزين كومه على كومه
ابو رمش لا سلهم بعينه غدا له ظلّ
و عينٍ كما عين اشقرٍ يكسر الحومه
تقافت لياليّه وانا خافقي ما ملّ
ردعني من وصاله التقاليد و سلومه
من فراق محبوبي لا صاحي ولا مختلّ
علي الطواري تعصر القلب و تلومه
عسى صادق الوسمي على داره و ينهلّ
و يستر عليه الله من الوقت و قسومه
نقش حبه بقلبي كما نقش خاطي زلّ
و خلا لي الذكرى على كل مزمومه
انا استغفر الله من عنا خافقي و الغلّ
عفا الله عن عينٍ سهيره و مهمومه .
علي الزعيتر ✍🏻 .
صح الله لسانك/ش
❤@@Alhajri999
بري حالي برياه 💔💕
💔💛.