ضياع حقوق الناس في حوادث السيارات في مصر
Вставка
- Опубліковано 7 бер 2024
- من حوالي ٣ سنين كتبت مقال عن ضياع حقوق الناس في حوادث السيارات في مصر، و أنك بتتعرض لتجربة سخيفة و مهينة و أنت بتشوف نفسك عاجز أنك تاخد حقك بالقانون.. و النهاردة أنا شخصياً عشت التجربة دي بحذافيرها لما اتعرضت لحادث مروري كبير عصر اليوم.
ميني باص خبطني من ورا بسرعته في شارع التسعين الجنوبي و أنا بهدي على المطب الصناعي فلبسني في العربية اللي قدامي، اللي يشاء القدر أنها ميني باص برضه، ولما السواق ينزل يقول لي معلش ملقتش فرامل تحت رجلي 🤷🏻♂️
و طبعاً سواق الميني باص التاني اللي كان قدامي نزل شاف المنظر كده قام ماشي لأن أكيد مكانش معاه رخص أو يمكن أنا صعبت عليه.
الكوميدي اني قعدت قرابة ال٤٥ دقيقة بحاول أوصل للنجدة ومش عارف. و بعد ما وصلتلهم و بعت اللوكيشن لأمين الشرطة جالي يقول لي إحنا في أيام مفترجة ولو عملت محضر مش هتاخد حاجة.. ولو عملت محضر هنروح القسم كلنا و أنتو و العربيات تتحجزوا لحين العرض على النيابة 🙂
ولما قلتله نعمل محضر كتب المذكرة اللي بيكتبها دي غلط و كتب وقائع الحادث غلط و خليته يعيدها.. و لما رحنا قسم التجمع الخامس و أنا محمل عربيتي على ونش قعدنا ييجي ٣ ساعات تانيين عشان في الآخر أعمل محضر يتقيد برقم "مخالفة" و يتقالي تابع المحضر في النيابة.
ولولا ان الميني باص رخصته منتهية كانوا سابوه يمشي هو كمان 😐
و الجميل ان المحضر ده آخره هياخد غرامة ٥٠ جنيه مثلاً ولو عايز بعد كده ترفع دعوى تعويض عيش مع نفسك.. فمتشكرين.. حقنا عند ربنا هو معوض مخلف و حسبنا الله ونعم الوكيل.
قدر الله وما شاء فعل و أنا بخير الحمد لله، و شكراً لكل حد اتصل أو بعت رسالة يطمن عليا فيها بعد ما شاف الستوري 🙏🏼🤍
ربنا يحفظكم جميعاً من كل شر و سوء و يصلح أحوالنا جميعاً في هذه الأيام الثقال 🤲🏻
ده لينك المقال السابق لعل و عسى يفيد حد:
share/p/tx2g...
#الحوادث #المرور #طرق_مصر #النجدة #القانون - Авто та транспорт
لا حياه في مصر للمحترمين والبسطاء
احلي تعليق وللاسف دي الحقيقة
الله يفتح عليك من الاخر
"المحترمين" بغض النظر عن مستواهم عشان الكلمتين بتوع "بسطاء" و "اصل ده غلبان" و "اصله بياكل عيش عليها" و "هو انت هتقبل العوض" دول الودونا في داهيه اصلا.
لو الايه مقلوبه و هو الدخل في الباص مكنش التاني عتقه و كان خد اكتر من حق الاصلاح.
و اي حد ماشي في حاله و اتخبط زي الراجل ده بيتبصله على ان معاه حنفيه فلوس و هيعرف يجيب و يصلح و انه جايبها يتمرقع بيها على اساس ان مبيروحش بيها لشغله و بيدب الارض يبجيب فلوس من غير شغل و ان طلب "حقه" يبقا مفتري و ظالم و بيجي عالغلبان
@@user-jy9en6vo6h
بس يحبيبي بلا غيرها مش اي كلام وخلاص برة يحبيبي العربية بتتاخد منك ترجعلك جديده بلا مصر وغيرها برة يحبيبي الناس عايشة بكرامة زي البني ادمين فا اسكت يحبيبي بلا مصر وغيرها تقدر تقولي اي دليلك على كلامك لو ساكن فامريكا او السعودية او دولة من دول اوروبا مثلا
فعلا
احنا عايشين فى زريبه كبيره ربنا يطلعنا منها على خير
اخيرا حد نطق بأهم موضوع غائب عن العقول في مصر ، مصر في الحوادث البقاء فيها للأقوى وقت الحادث ، غابة حرفيا في حوادث المرور
حوادث المرور معظمها مابتجيش غير من شويه سوقين واسف اني بقول سواقين بتوع الملاكي الي مفكر نفسه لواحده ف الشارع بيلعب ع فيس واتس بايد والثانيه بيسوق بيها ومش شغله الناس الي ماشيه وراه ولا جنبه افهمو بقي انتو ماشين ع هواء والستر بتاع ربنا خالي بالكم من طريقكم ربنا يستر طريقنا وطريقكم
اغلب المتهورين في مصر
الميكروباص والنص نقل كبوت
والنقل بشكل عام
اصحاب الملاكي رايحين في الرجلين غالبا
@@dsultan2009 هقولك ع حاجه بس الناس الي بتتكلم عليهم دول كلهم بتوع اكل عيش انما بتوع الملاكي واخدنها منظره بس يمشي يلاعب ع الواتس فيس ولا الي اكنه ماشي لواحده ممكن حضرتك تشوف واتس وفيس لما تنزل من عربيتك او اركن ع جنب مش زنب الناس الي جنبك ان حضرتك ترغي مع الي جنبك او فيس يا واتس وحد يتزي بسببك وفي الاخر طلع تجري بعربيتك لمجرد رميت ع حد وانت مش واخد بالك وتجبها ف الي بياكلو عيش
مصر دي هتفضل كده بلد للأسف الشديد رجعي جدا جدا
كلام سليم.."انت هتقبل عوض:؟؟ أفكار مجتمعية مشوهة
اصعب شئ ان تاخد حقك بالقانون
عرضت مشاكل الناس الطيبين
ربنا يخلف عليك
وحسبنا الله ونعم الوكيل
للاسف لا حياة لمن تنادي الفشل والتخلف والعشوائية هى عنوان مصر ومجلس النواب الذي يضم محمود بانجو لا تنتظر منه شيء
التأمين الاجباري ده جباية و ملوش لازمة حتي التأمين الخاص مع شركات التأمين بمبالغ كبيرة عشان النسبة من القيمة السوقية للعربية كبيرة
الكلام ده فى الدول المحترمه واحنا فى زيل الامم ربنا يسترها معاك ويعوض عليك ويخلف عليك خير ان شاء الله
بتتكلم في ايه ياستاذ مصر اصبحت خارج التاريخ علي مدي ٧٠ عاما
دايما بقول للناس طول ما الموضوع ده موجود في مصر . يبقي البلد لسه علي وضعها وعمر ما هيتصلح حالها
انا من السعودية
صار معي حادث وجاني تعويض من شركة التامين 6000 الاف ريال والاصلاح تم ب 1300 ريال والله احنا في نعمه
كان الله في عونكم ي شعب مصر
للأسف الحقوق ضائعه في مصر وهي تعتبر من البلاد الوحيده اللي لما الواحد تتخبط عربيته فيها لا يستطيع ان يأخذ حقه، هذا يعتبر في حد ذاته قهر
فعلا حسبنا الله ونعم الوكيل ، منظومة عك فى عك ، ربنا يعوضك خير يا رب
والله العظيم يا اخي الكريم حصل معايا نفس الموقف كنت واقف في بنزينة و جد سيدة خبطت العربية طلبت النجدة و فضلت مستني نفس الوقت ساعة لقيت عربية جيش جت لحد السيدة و قالها أمشي انتي وانا أتفاهم معاة و نزل منها مقدم من الجيش و قالي اعلى مافي خيرك اعملو و الامين كان وقف معايا و سامع الكلام …بختصار احنا مش في دولة قانون والله يعوض عليك بخير
للاسف لايوجد قانون في مصر نهائي، الله يعوضك يارب😢😢
ياااااه أخيرًا حد اتكلم في موضوع تأمين حوادث السيارات انا لما جيت السعودية جديد وشوفت إنهم لما بتحصل حادثة بينزلوا يسلموا على بعض حسيت ساعتها إني كنت عايش في غابة والبقاء فيها للأقوى.
الحمد لله ع السلامه . شتان ما بين النظام في مصر والدول المجاورة للاسف لذلك قررت عدم شراء سيارة في مصر رغم مقدرتي على شراءها ولله الحمد . لكن منظومة القوانين في مصر وخاصة حوادث السيارات والغلبة للبلطجي والصوت العالي . لا تشجع ع شراء سياره . فخللينا ف المواصلات العادية ولله الامر من قبل ومن بعد
الناس المحترمه اللي لسه ف مصر لازم تهاجر
مش عارفين نخرج، مصر سجن واتسجنا فيه
وهو الهجرة سهلة اوي كدة؟؟؟!!!🤔
المراكب كتير وما اكترها@@matefegypt1561
رآي متطرف متخلف
الخازوق فى الهجرة ان مناهج المدارس الكى جى و الابتدائى بقى فيها قرف ف موضوع انك تحمى اولادك من القرف الى عايزين ينشروه مش سهل بالاضافة للعنصرية الطافحة ضد العرب و المسلمين بشكل فج
إنت راجل محترم وبتتكلم فى موضوع مهم جدا وخصوصا بعد زيادة اسعار السيارات وقطع الغيار .. لكن المشكلة هنا مشكلة تشريع القوانين لازم تتناقش فى مجلس الشعب .. فمن غير قانون يضمن للناس حقوقها مش هنوصل لحاجة .. حاول تتواصل مع عضو مجلس شعب يطرح المشكلة للمناقشة داخل مجلس الشعب
دا مجلس البلح انت في غيبوبه يامعلم كلهم معرضين تبع البلح 😂
هههههههههههههههههههههههههههههههههههههههههههههههههههههههههههههههههههههههههههههههههههههههههههههه
لا والله على اساس ان الموضوع مش معروف ليهم يعنى ماهم عارفين ان فيه اوسخ من كده كمان دى دوله كلها وساخه
😂😅😂😅
لسه واقع ف نفس المشكله من يومين وحسبنا الله ونعم الوكيل ربنا يعوض علينا
شخص مثلك محترم حرام يضيع حقه الله يعوضك وحنا برمضان مايضيع حق عند الله .
حصل معايا من زمااان حادث مشابه والعربية اتحجزت وخلصنا الموضع بالصلح عشان نخلص والا اتحجز يومين لحد النيابة😅
نجم في السعوديه كويسه جدا صراحه
بلد تحكمها الجباية و الجزية مع اهدار حق و خدمات المواطن لا تستحق ان تعيش فيها تحيا الغربة تحيا الغربة تحيا الغربة
لأن مفيش سيستم زي السعوديه والخليج والدول المحترمه سيستم كامل كل واحد عارف يعمل ايه وياخد حقه ازاي لو حصل حادث سير , هنا في السعوديه فيه نظام خارج المرور والشرطه اسمه نجم , ونظام التأمين متكامل هنا كل واحد عارف اللي ليه واللي عليه
يعني واحد يخبط سيارتي واتحبس أنا والسيارة واتعرض علي النيابة وبردوا مفيش حل هاخده 😅 عظيمه يامصو
ربنا يخلف عليك يا صديقي ويعوضك بالخير ، معلش فدا اولادك
القوانين محبطة بالنسبة للحوادث- اول حاجة بييجى الشرطة تقولك حنسحب العربيتين للقسم كتهديد لو ما اتصالحتوش - ضد مبادىء الادمية - ضياع حق و ضياع نفسيتك انك مش عارف تاخد حقك === سمعت درون فى كلامك -- دة حلم حتى لو جة درون حيشغلة عم شعبان اللى قاعد بيكلم صحابة و بيشرب شاى و لا يهمة و فى خلال يومين تلاتة الدرون حتبوظ او تتكسر او تتسرق --- نرجو من المسئولين فى تشريع القوانين ان يهتموا بالقوانين الخاصة بحوادث السيارات خصوصا ان مصر لا يوجد فيها مرور الا علشان الرخص و يديك مخالفة فقط
كلامك مظبوط جدا....ومفيش حل نهائي متتعبش نفسك والتأمين اكبر عملية نصب
لا حول ولا قوة إلا بالله. قصة حزينة ضمن قائمة القصص الكتير المؤلمة واللي حلها لا يحتاج الا شيء من التنظيم وعقول حريصة على مصلحة المواطنين.
ربنا يصبرك يا هندسة واعلم انه تكفير ذنوب ورفع درجات وربنا هايعوضك على صبرك ان شاء الله
من الرئيس الى آخر موظف الى القوانين .. الى ثقافة المجتمع .. الكل لازم يتغير
لازم نزيل الغمه ونركز في اصلاح بلادنا
هو دة الصح👍
😂😂😂🤣🤣🤣😅😅😅انت عايش فى الوهم لن يحدث تغيير الا عندما يكون للناس شرف و كرامه و تطرد العصابات الحاكمه لمصر من 1952
وداعش وحماس وعصابات الاسلام السياسي؟؟؟؟!!!!!!؛!🤔
خلاص نجيب الاخوانجيه الاضل سبيلا
عشان ياباشا مفبش قانون رادع لااسف الحل ان كل حد يدفع تامين اجبارى على عربيته كل سنة وغصب عنه والعربية ميتجددلهاش ترخيص غير بالتامين دة عشان التامين دة هيغطى تكلفة الحادثة لا قدر الله لو اتخبطت ذى كل دول الخليج وامريكا اما نظام الفوضى الى حاصل عندنا دة مش نافع
😂 لو اتحط مين تأمين المسئولين الحرامية هيشفطوه فى كرشهم و برضو مش هتستفاد حاجة ...
كنا شفنا حاجة مالضرايب ؟ 😂
كنت فاكرة ان مصر متطورة بما ان في شوارع كويسة وتامينات للسيارات والحوداث لكن انصدمت والله العظيم بلذي حصلك
كل الناس اتقدمت الا مصر من سيء الي اسوء.والله انت عندك حق
الله يعوضك بما هو افضل عنده بمشية الله في الدنيا والاخرة..بصراحة تفأجئة أن يحدث ذلك في مصر!!
تحياتي لك 🇸🇦السعودية
واسوا من ذلك يا عزيزي المصري في بلده عبارة عن دافع جزية ويوم تخلص فلوسه البعيد يتحول لشخص من العوام تعطف عليه منظمة حياة كريمة او يعمل بالسخرة داخل السجن احنا بلد من العصور الوسطى و الله
أنا عملت حادثة فى المانيا بالدراجة الكهربائية بتاعتى كنت ماشى بسرعة سايق بسرعة ٢٦ كم وعربية واقفة جنب الرصيف الموازى وفتح الباب فجاة نزلت علي الارض حصلي شرخ فى ركبتى كلمت الشرطة والإسعاف مفيش ١٠ دقايق كانوا عندى, سواق العربية اتعملتلوا قضية وانا طلعلي تعويض والحمدالله رجلي كويسة بأمانة فى البلاد المحترمة بتاخد حقك أما فى مصر حسبي الله ونعم الوكيل فى جميع المسئولين بتبنوا طرق جديدة من غير نظام أنا بتمني نظام المرور فى يبقى زى هنا بس دة مش حيحصل علشان الفساد. وربنا معانا
مهمتمين بس يخدو منا فلوس مليار ردار في كل حتا بشكل مستفز و ترخيص بي مبلغ و قدرو و اجباري طفايه جديده و مثلث و زفت حتا الي بيشتري عربيه مستعمله مسبهوش فب حالو و عقد الملكيه بقي غالي جدا هما دا الي شطرين في حسبي الله ونعم الوكيل
قانون المرور الجديد
غلظ المخالفات وخلاص
انما تيجى للحوادث وتعويض الناس فى ظل الظروف الصعبه ماتلاقيش
حمدلله على سلامتك
والله ما حسيت بالفرق الرهيب في المواضيع دي الا لما اشتغلت باحد الدول الخليجية
القانون ياخذ مجراه بسلاسلة وكل شيء واضح ومنظم وشركات التامين تعوض بدون العك الي عندنا
ونادر جدا جدا الخناقات وقت الحوادث الطرفين ينتظروا وصول الدورية وبعد وصولها بدقائق يتم رسم مخطط للحادث وبعد كده المتابعة كلها اون لاين على تطبيق حكومي ينظم العلاقة بين السائق وشركات التامين
عشان تعرف قيمة الدول الخليجيه
مصر ليست مكان صالح للعيش ،،، حقيقه مؤلمه
والله العظيم كلامك صح . لما تشوف دول الخليج ونظام التأمين الإجباري وسرعة الفصل بين الطرفين ..تعرف ان إحنا في دوله متخلفه
انا عشت في مصر سنة كاملة ، في عام ٢٠٠٧، وللأسف شرطة المرور كانت غائبة عن اي مشكلة تحصل ، وكل شيء ممكن حلّه بالرشاوي . مع ان الناس طيبة والبلد جميل ولكنه للأسف جحيم على الفقراء.
الله يعين اهلنا في مصر يجعل ما اصابهم في بلادهم كفاره لهم ، اعظم الله اجركم في هذا البلاء العظيم الي عايشين فيه . اي والله.
طول مافيه انا الظابط او الرتبة كذا ووكيل النيابة ومستشار ومفيش مواطنة هنفضل في الدايرة المؤرفة دي ومحدش هيطلعنا منها
ربنا يخرجنا منها بسلام.
فعلا تضييع وقت لكل حاجه.
الحمدلله على السلامة والله يعينك ويعوضك
صعب شعور ضياع الحق وخاصة الضرر مو بسيط.
وبشأن شركة "نجم" في السعودية تجربة ناجحة خاصة في المدن الكبيرة والمزدحمة.
حتى الحوادث التى تسبب فى إصابات للأشخاص تصل إلى العاهات تكون نفس المعاناة وضياع الحقوق ..!! الشرطة لا يشغلها هذا الأمر وإجراءات التقاضى تجبرك على عدم الخوض فيها ..!! والدولة ليست معنية بتحقيق العدل ..!!
الحمدلله ان حضرتك بخير ولايسعنا الا نقول قدر الله وماشاء فعل، وحسبنا الله ونعم الوكيل.
انا عارف مدى الزعل على مضيعه الوقت والمجهود والمال لكن لنا الله.
متزعلش وربنا فداك من حاجه اكبر .
صح لسانك ، وكلام موزون ، ويارب مصر توصل لمنظومة قوانين المرور وتنفيذها في دول الخليج وكذلك تنفيذ التأمين الإجباري ضد الغير أو التأمين الشامل على السيارات كما تقوم بها شركات التأمين المحترمة في قطر ودول الخليج
ربنا يعوض عليك فداك و فدا ولادك
انا قرأت كل التعليقات و الواضح فيها جدا حب الناس ليك . ولعله خير و دعاء الناس ليك في ظهر الغيب أحسن من مليون عربية
شكرا جزيلا اتكلمت في موضوع مهم ان ما كان الأهم.
الخلاصه مفيش نظام عشان كدا الناس ماشيه بالبركه
بلد ملهاش كتالوج
فعلا الموضوع ده لازم يكون له حل عشان ضياع الحقوق.
للاسف اهم عنصر عشان دا يتحقق المسؤل والموظف واي مقدم خدمة للمواطن الي ملوش تلاين لازمه لا هو ولا عربيته
هى دى مصر... البلد مش متخلفة من قليل
شكرا لك ، اول مره اسمع حد بتكلم في هذا الموضوع ، هذه فوضي ، بسبب عدم تطبيق القانون و عدم التواجد الامني و المروري في الشارع ، افضل نظام في المملكه العربيه السعوديه منذ ثلاثون عاما ، زياده علي ذلك هو نظام التامين الفاشل في مصر ، حاجه تقرف
معك كل الحق ، لكن نقطة المهمة ان شركات التامين سبوبة بس يعني مأمن زي مش مأمن
وكمان لو موضوع غلطان ده هيتحمل المصاريف لو بيطبق صح كان هيبقي ليه نتيجتين ممتازين جدا اولا كل السواقين هيضطروا يكونوا معاهم رخصة وتامين وثانيا الناس هتكون اكثر حرصا في سواقة واقل استهتارا
لان السواق هيكون عارف انه لو غلطان اما تامينه هييزيد عليه او هيتحبس لو مدفعش
لكن نقول ايه ، هو ايه في اليلد ماشي عدل
والبني ادم ملوش اي قيمة للاسف
مشكله فعلا بجد والاهم من ده ازاى الناس بتسوق فى مصر. فى معظم دول العالم كل شخص بيلتزم بحارته وده بيقلل من الزحام والحوادث انما فى مصر ممكن تلاقى ٥ عربيات فى حارتين على الطريق وده البيعمل زحمه وخنقه للمرور.
@@howtosus6128 اتفق معك!!
دي للاسف مش دولة. انا مريت بالتجربة في السعودية و في مصر. المرور سايب الدنيا بايظة تكاتك و موتوسيكلات و تريسكلات ماشية عكس و مطبات اختراعات مصرية فريدة من نوعها و المرور و بلطجة من السواقين و نقل في اليمين و كاميرات رادار ثابتة محفوظ مكانها للكل و طرق زفت و كل دا و المرور يتلكك للعربيات و خاصة الملاكي الا لو معاك واسطة
مرتبات شرطة المرور فعلا اهدار للمال العام
حسبي الله و نعم الوكيل
لاحول ولا قوة الا بالله الله يسهل اموركم ويحفظكم يا اهل مصر من كل شر
المنظومة كلها لازم تتغير ويتعملها احلال من قوانيين لرجال مرور طول مامفيش عدالة وحقوق من لهم اي سلطة فقط هي المحفوظة يبقى انسى ياوديع، ليه احنا الدولة الوحيدة اللي ممنوع فيها الفاميه مع ان اي حد شغال في وزارة او له اي سلطة ليه الحق انه يغيم ويوقف في الممنوع ويخالف ويمشي كمان عكس السير
ربنا يعوضك و يحافظ عليك و لكن للاسف السواقة في مصر صعبة جدا
كل اللى نفسنا فيه هيحصل بإذن الله بس لما نبقى دولة الأول بس .. لأن دي زريبة مش دولة
يعوض عليك ربنا و يتوب عليك و علينا من العيشة في الزريبة دي
ضياغ حقوق الناس أكتر شيء يخلي الناس تكره العيشة في البلد. ياريت السادة النواب "المحترمين" يكون في حد منهم عنده الشجاعة لمناقشة الموضوع و اقتراح قوانين تخلي عند الناس ثقة في النظام.
الله يكون في عونكم صراحة شي محزن الي يصير عندكم وهذا احنا نشتكي انه تطول عندنا الاجرائات ايام او اسابيع و انتم سنوات
في الخليج كل شي ع التامين تعمل حادث تاخذ مخالفه . وبعتدين التامين يصلح ومفيش اي مشكله
انت مش واخد بالك بان الخليج ماعندهم ٧٠٠٠ سنة حضاره 😊
@@user-hp2hs1sx2hنحن احفاد اسماعيل عليه السلام ياشركسي🤣
@@user-hp2hs1sx2h مش واخد بالك ان اول بيت وضع للناس مكة؟ ادم عليه السلام نزل في جده ابو البشرية انتو ماعندكم غير الفراعنه ومزعجينا فيها : {إِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ مُبَارَكًا وَهُدًى لِلْعَالَمِينَ}
@@user-hp2hs1sx2h من سنوات قريبه كان اللي ماعنده تامين وقت الحادث بيتسجن فرا يعني متظيطش بروح امك
اولا ربنا يعوض عليك و اهم حاجة سلامتك. ثانيا زي ماذكرت علاج الموضوع هي منظومة التأمين ضد النفس و الغير لازم تكون اجيارية علي كل السيارات عشان الامور تتلم بسلاسة من غير مشاحنات و قلة ادب…
ربنا يعوض،عليك ويخلف عليك خيرا انا معاك في كل حرف وتعرضت كذه مرة للموقف ده ولا حياة لمن تنادي علي مدار ٣٠ سنة سواقة ، مش عارف المشكلة فين بس،هي،كده من ساعة ما العربيات دخلت مصر من ١٠٠ سنة واكتر ملكية جمهورية خزعبلية هي ماشية كده بالسيستم الفحولئى اللي مالوش كتالوج
مفروض التأمين الاجباري علي السيارات يغطي على تكلفة الإصلاح زي ما بيحصل في كل مكان
هاتلاقى باشوات كتير سباراتتهم مش مرخصة اصلا ولا هتاخد منهم حق ولا باطل
الله يعوض عليك وفعلا الموضوع الي حضرتك بتتكلم فيه في غاية الاهمية والخطورة
الاجابه هي أن بلد سايبة ملهاش حاكم ولاقانون والمنظومة كلها فساد ورشوة ومحسوبيةوبلطج= وحقوق ضائعة حتى المواطن رخيص وملهوش دية 🙃
حسبنا الله ونعم الوكيل في اللي مش بيتقى ربنا
عند حضرتك حق جداااا.. أنا كنت عايشة في الإمارات من حوالي ٢٤ سنة وكان زي ما حضرتك بتقول بالظبط ..التأمين بيتحمل كل حاجة وبتتصل بالشرطة في ٥ دقايق بتكون موجودة وبتحدد من غلطان ومين لا والتأمين اللي بيدفع للأتنين علشان كدة لو عملت حادثة لا قدر الله الاتنين بينزلوا يطمنوا علي بعض مش يتخانقوا !! .. عموما انا لو عملت حادثة في مصر بالرغم من إني مببقاش غلطانة بسيب اللي خبطني وأمشي بقول كفاية عليه تصليح عربيته 😂
سبها على الله...انت هتقبل عوض..... تخلف. مجتمع يعيش بقانون الغابه.
الموضوع اللي حضرتك بتتكلم في دا موضوع فعلا مهم جدا لدرجة أن السواقة في مصر بقت أسوء بلد ممكن تسوق فيها لأن الناس اللي بتسوق أولا معندهمش ثقافة المرور وثانيا يوجد إهمال وتسيب وعدم محاسبة من الجهات المختصة ودا سبب اللا مبالاة اللي عند الناس في الشارع، وأكثر ناس متسببه في الحوادث وأزمة مرور في الشارع المصري هي الميكروباص، الأتوبيس الجماعي زي اللي خبط حضرتك والتوكتوك والموتوسيكلات، المشكلة الأساسية غياب الرقابة
يعني أصبح الشرطي يخوفك انك تكمل اجرائات الحادث😂لاحول ولا قوة الا بالله العلي العظيم يجب على النظام ان يكون فعال لو إدراة المرور في مصر لا يوجد عندها أفراد يغطون المدن والمحافظات في مصر فيجب ان يتعاقدوا مع شركه هي من تستقبل الحوادث فتكون هنا اسرع ف الاستجابه وعلى شركات التأمين السرعه في اتخاذ الإجراءات بعد تخطيط الحادث من الشركه المشغله مع المرور وإرسال اوراق الحادث في أسرع وقت ويتم تسليم الأموال بناء على تخطيط المرور.. تحياتي من بلد الحرمين الشريفين .. بالتوفيق
مصر بلد ماشية بالبركة و الناس للاسف سلبية لابعد الحدود الا طبعا لو تم استفزازهم بس اقصد فى مواقف اليومية كله بيمعلش كله و للاسف ما بتجيش فعلا الا على الضعيف
كل دول العالم حلت المشكلة دي ماعدا في مصر 😡
مشاكل الناس فوائد لهم و جباية رسوم و غرامات و مخالفات و محاكمات و محاميين و غيره
لاحول ولا قوة الا بالله..ربنا يعوضك خير
ربنا يعوضك و يخلف عليك من فضله ، و يسهل و يهون عليك اصلاحها
قدر الله و ما شاء فعل
لنا الله
تنفيذ الاحكام ما بتنفذ احكام اكبر سبب في ضياع الحقوق احكام القضاء بتبقا علي ورق وكزالك وضع مده لسقوط الاحكام
حفظكم الله سالمين وعوض عليكم !
ربنا يعوضك خير والف سلامة
موضوع مهم جدا ان حضرتك طرحتة واتمنى ان يصل صوتك لحد مسؤول ويحد من هذة المشكلة الكبيرة
الله يخلف عليك ويعوضك خير ، للأسف لازم يطرحوا القضية عن طريق مسلسلين تلاتة علشان يتحرك مجلس الشعب ويطلع قانون.
لاحياه لمن تنادي..... ظلم في ظلم...
كل شيء ضايع في مصر اعانكم الله
ربنا يعوض عليك الخير … و الله هو ده الخير … ربنا منع عنك حاجه تانيه اسوء و قول دايما الحمد لله
حسبي الله ونعم الوكيل،
في السعودي مهما كنت فين تلاقي ظابط طلعلك من تحت الارض متعرفش منين حتى لو على طريق سفر، يعاين الموقف ويقولك مثلا المسئولية تتقسم على الطرفين 30% مقابل 70%
والكلام ده من 20 سنة
انما هنا في موتوسيكل دخل في عربيتي جامد والراجل طار من على الموتوسيكل وعربيتي خربت، وبعدين جه واحد ركبه وراه وهرب. وبعدين جه ٣ جدعان كدة صعبت عليهم قامو مربطين الحاجات اللي وقعت وغيرولي العجلة عشان اعرف اروح بيها وخلاص على كدة. مطلبتش النجدة اساسا لأن عندي فقدان ثقة رهيب في الناس اللي المفروض تحمينا وبخاف على نفسي منهم اساسا.
كنت لسه بفكر في الموضوع ده من كام يوم ، فعلا عندنا قصور رهيب في المنظومة دي ، و ربنا يعوض عليك ، و احساسك بالظلم و القرف باين و واصل ، اتمني حد من المسؤلين يشوف الفيديو ده و ياخدو اي خطوات إيجابية في الموضوع
ربنا يعوضك والف حمدا لله على سلامتك 🙏🙏
التأمين الإجباري الي حضرتك بتدفعه علي السياره ..ما هوا الا جبايه وسرقه من حكومتك وش ! ولا له تلاتين لازمه ..هوا ده تمن انك تعيش بين اهلك وناسك وحبابيك في مصر ..كرامتك وحقوحقك تحطهم تحت المخده ..الا اذا كنت منهم وواكلها والعه
انا من لبنان و لو حصل اي حادث تبقى السيارات مكانها لحد ما يجي الخبير و يصور الحادثة و يحقق فيها و يحكم فيها و كل واحد ياخد حقه
المشكلة مش كده بس المشكلة ان الدولة كمان عدلت قانون المرور بأن انت لو رخصتك انتهت او رخصة عربيتك الدولة من حقها انها تاخدك تحبسك فى القسم مع المجرمين ليلة لحد اما تتعرض على النيابة تانى يوم متكلبش انا مش فاهم ليه المعاملة بالطريقة دى وليه احنا مهدور كرامتنا بالشكل ده
في الدول العربية في تأمين علي السيارة لما بيحصل حادث الناس تنزل تطمن علي بعضها وبتيجي الشرطة في أقل وقت
المخطئ بيصلح سيارة الثاني وشركة التأمين بتشيل جزء والمخطئ بيصلح لنفسه
ربنا بعوضك خير ويجعله ف ميزان حسناتك
للأسف مصر مركزها حوالى ١٣٦ من ١٤٢ دولة بمؤشر تطبيق القانون