Uşaqlıq boynu eroziyası

Növbəti videomuzun mövzusu simptomsuz xəstəliklərdən biri olan uşaqlıq boynu eroziyası ilə bağlıdır.
İzləməyi və suallarınızı qeyd etməyi unutmayın.
Ünvan:Ege Hospital, Ak. Həsən Əliyev küçəsi, 38
Aşağıdakı linklərə daxil olaraq məni digər sosial şəbəkələrdən də izləyə bilərsiniz.
Facebook: / drsevincmehtiyeva
İnstagram: / drsevincmehtiyeva
Mən sizə uşaqlıq boynunun eroziyası haqqında məlumat vermək istəyirəm. Bəzi qadın xəstəlikləri simptomsuz keçir, yəni ağrısız və menstrual tsikl pozulmadan. Belə halda xəstəliyi təyin etmək çətin olur. Ona görə belə xəstəliklər ancaq həkim müayinəsi zamanı təyin oluna bilər. Uşaqlıq boynunun eroziyası da həmin xəstəliklər siyahısındadır. Uşaqlığın boynunda eroziyanın olmasını heç kəs təxmin edə bilməz. Çünki o simptomsuz keçir, heç bir əlaməti yoxdur. Uşaqlıq boynunun eroziyası uşaqlıq boynu epitelinin defekti deməkdir. Əslində, eroziyanın mənası latın dilində “yeyilmə” deməkdir. Tibdə isə bu uşaqlıq səthinin zədələnməsi kimi qəbul olunmuşdur. Ona gətirən səbəblər nədir? Müxtəlif iltihabi xəstəliklər, cinsi yolla keçən infeksiyalar, hormonal və immun pozğunluqlar, müxtəlif travmalar, məsələn, çoxsaylı abortlar, doğuş travmaları, kimyəvi təsirlər, şüa təsirləri nəticəsində və hətta immun və hormonal pozğunluqlar da uşaqlıq boynunun eroziyasını əmələ gətirə bilir. Eroziyanın ilk simptomları hansılardır? Diskomfort, axıntının artması, əlaqə vaxtı qanlı ifrazatın və ağrının olması, hətta tsikl pozğunluğu və onu ilk əlamətlərindən ola bilər. Həkim müayinəsi zamanı bunlar hamısı aşkarlanır və müəyyən olunur. Eroziya nə ilə təhlükəlidir? Uşaqlıq boynunun eroziyası daha dərin qatlara keçərək onkoloji problemlər törədə bilər. Bunun da müxtəlif yollarla, üsullarla qarşısını almaq olar. Birinci növbədə düzgün diaqnoz qoyulmalıdır. Diaqnoz isə bu üsullarla olur: Birinci növbədə geniş kolposkopiya, histoloji müayinə, sitoloji müayinə, gizli infeksiyaların təyini, məsələn, xlamidiya, ureplazma, mikoplazma və insanın papilloma virusu təyin etməklə. Həmçinin, yumurtalığın hormonlarının qanda təyini və utrasəs müayinəsi ilə. Əgər qadında eroziya təyin olunubsa, mütləq müalicə başlanılmalıdır. Müalicə də kompleks aparılmalıdır. Birinci növbədə uşaqlıq boynu iltihabı və hormonal pozğunluq aradan götürülməlidir. Sonra oradakı patoloji toxuma ləğv olunmalıdır və yeni, sağlam toxumanın inkişaf etməsi üçün stimulyasiya başlanılmalıdır ki həmin nayihə sağlam toxuma ilə örtülsün. Patoloji toxumanın ləğvi isə müxtəlif üsullarla aparılır. Bu həm kriodestruksiya ola bilər, həm
elektrokoaqulyasiya ola bilər, həm lazer koaqulyasiyası ola bilər və həmçinin, cərrahi yolla həmin toxumanın ləğvi ola bilər. Bu üsulları elə ehtiyatla etmək lazımdır ki, çox səliqə ilə, ehtiyatla həmin prosedurlar aparılmalıdır ki, yeni sağlam toxuma inkişaf edib həmin sahəni örtsün. Əgər eroziyalı qadında histoloji müayinə zamanı onkotoxuma, onkohüceyrə, yəni atipik hüceyrə aşkarlanıbsa, o mütləq onkoloqun müalicəsinə göndərilməlidir. Yetər ki, gecikdirilməsin. Əgər qadında eroziya təyin olunubsa, həmin nayihə kolposkopiya, sitoloji müayinə, yəni pap-smear götürməklə, histoloji müayinə, yəni toxumanı kəsib, onkologiyaya göndərib cavabı alınmalıdır ki, bu nə cür toxumadır? Əgər orada onkoloji toxuma hüceyrə aşkarlanmayıbsa, həmin patoloji toxuma, eroziya toxuması ləğv olunmalıdır. Ləğv də müxtəlif yollarla olar. Həm kriogen təsirlə, həm koaqulyasiya ilə, həm lazer koaqulyasiyası ilə və həm də cərrahi yolla - bunların 4-ü də düzgündür. Onkoloji bir hüceyrə aşkar olunursa, onda o qadın onkoloqun müalicəsinə göndərilməlidir. Yetər ki, Həmin toxuma oradan götürülməlidir. Hansı 4 yoldan biri olursa olsun, hamısı düzgündür. Müxtəlif həkimlər müxtəlif yollardan istifadə edirlər. Kim istəyir koaqulyasiya edir, kimə daha rahatdır kreoterapiya ilə məşğuldur. Kim isə lazer terapiyası ilə, kim isə cərrahi yolla həmin toxumanı götürüb qırağa qoyur. O toxuma götürüldükdən sonra həmin nayihə sağalır və sağlam toxuma ilə əvəz olunur. Yox, əgər qadında onkoloji toxuma hüceyrə aşkarlanıbsa, buna atipik hüceyrə deyilir,onda ginekoloqun onunla işi yoxdur. O ancaq onkoloqa göndərilir və onkoloq lazım gələrsə, şüa terapiyası, kimyəvi terapiya və yaxud cərrahi müdaxilə ilə həmin onkoloji prosesi aradan götürür. Əgər sadə toxuma çatışmazlığı, yəni sadə eroziyadırsa, onu ginekoloqlar müalicə edirlər.