Annuntiatio Paschæ festorumque mobilium MMXVI

In Epiphania Domini, cantato Evangelio, diaconus vel cantor ex ambone, e vetusto Ecclesiæ sanctæ instituto, pronuntiat festa mobilia anni currentis iuxta infrascriptam formulam.
Noveritis, fratres carissimi, quod annuente Dei misericordia, sicut de Nativitate Domini nostri Iesu Christi gavisi sumus, ita et de Resurrectione eiusdem Salvatoris nostri gaudium vobis annuntiamus.
Die decima februarii erit dies Cinerum, et initium ieiunii sacratissimæ Quadragesimæ.
Die septima et vicesima martii sanctum Pascha Domini nostri Iesu Christi cum gaudio celebrabitis.
Die quinta maii erit Ascensio Domini nostri Iesu Christi.
Die quinta decima maii festum Pentecostes.
Die sexta et vicesima maii festum sanctissimi Corporis et Sanguinis Christi.
Die septima et vicesima novembris dominica prima Adventus Domini nostri Iesu Christi, cui sit honor et gloria, in sæcula sæculorum. Amen.