Պահքի 3 տեսակները՝ սովորական պահք, սրբապահք և ծոմ

Ողջույն սիրելի բարեկամներ: Նախորդ ձայնագրություներում երբ որ խոսում էի Պահքի մասին և օգտագործում «Մեծ Պահք», «Պահք պահել» կամ «Պահոց Շրջան» արտահայտությունները, մարդիկ հարցնում են որ Աստվածաշնչում Ծոմի մասին կարդացել են, բայց Պահք արտայտութունը կամ Պահք բռնելու մասին չեն կարդացել: Այսօր եկեք խոսենք պահք և ծոմ բառերի իմաստի և հարաբերության մասին:
Հայ Առաքելական Եկեղեցում և ընդհանրապես բոլոր ուղղափառ եկեղեցիներում գոյություն ունի պահք պահելու 3 տեսակ՝ սովորական պահք, սրբապահք և ծոմ: Բայց նախքան այս երեքը բացատրելը եկեք տեսնենք թէ ինչ է պահքը: Պահեցողություն՝ գալիս է պահել բառից, որ նշանակում է անձը մի ինչ որ բանից պահել: Պահոց օրերին մենք ավելի խիստ ենք վարվում մեր անձի նկատմամբ այն հեռու պահելով ճոխ կերակուրներց ու չար կրքերից՝ լինեն դրանք մոլի սովորություններ, շատախոսություն, ինքնահավանություն, ստախոսություն թէ ատելություն: Պահք պահելու նպատակը սեփական անձը զսպել սովորել է, որպեսզի մենք կարողանանք կառավարել մեր կրքերն ու տիրապետենք մեր անձին: Որպեսզի չար կրքերը չկառավարեն մեզ, այլ մենք կառավարենք մեր անձին: Սա դժվար գործ է, դրա համար էլ Պահք ենք պահում: Նաև ասեմ, որ առանց Աստուծ անհնար է, ու Աստված օգնում է այս գործի մեջ:
Պահքը կարող է ունենալ խստության տարբեր աստիճաններ: Հայ Առաքելական և մյուս ուղղափառ եկեղեցիներում սովորությունն այն է, որ պահոց օրերին մենք հրաժարվում ենք կենդանական ծագման բոլոր կերակուրներից: Բայց այդ հրաժարումը կարող է ունենալ երեք տեսակներ, կամ խստության երեք աստիճաններ:
Առաջինը սովորական պահքն է: Սա այն է, երբ հրաժարվում ենք կենդանական ծագման բոլոր կերակուրներից, բացառությամբ մեղրից: Սովորական պահքի ժամանակ նաև հրաժարվում ենք ոգելից խմիչքներից: Ոմանք գինի օգտագործում են, ոմանք ոչ:
Երկրորդը Սրբապահքն է: Սրբապահքի ժամանակ խտրություն է դրվում նաև բուսական կերակուրների միջև: Բուսական ծագում ունեցող այն կերակուրները, որոնք պարարտացնում են մեր մարմինը, Սրբապահքի ժամանակ չեն օգտագործվում: Օրինակ՝ ձեթը, գինին և այն ամենը, ինչը սրանց նման է: Որովհետև, ըստ Սուրբ Գրքի, ձեթն ու յուղը նույնն են և պարարտացնում են մեր մարմինը, իսկ գինին հարբեցնում է և մեղսալից ցանկություններ բորբոքում: Սրբապահքի դեպքում սրանցից ևս պետք է հրաժարվել: Սրբապահքի ժամանակ Քրիստոնյաները ընդհուպ մինչև աղ ու հացով էին սնվում: Ի միջայլոց, Մեծ պահքի շրջանը կոչվում է նաև Աղուհացի շրջան:
Երրորդը ծոմն է: Ծոմապահության ժամանակ, մարդը միառժամանակ հրաժարվում է սննդից և անգամ ջրից: Ծոմ պահելով տկարացնում ու մաշում ենք մեր մարմինը ու այն դառնում է անընդունակ մեղքեր գործելու համար: Պահեցողության այս տեսակի՝ այսինքն ծոմապահության օրինակներն են, որոնց հաճախ հանդիպում ենք Աստվածաշնչում: Վարդապետներն ասում են, որ օգտակար են կարճ ծոմապահությունները: Ասենք մեկ կամ երկու օր: Դրանք օգտակար են ոչ միայն մեր հոգու այլ նաև առողջության համար:
Սիրելի բարեկամներ ահա և հարցի պատասխանը թէ ինչպիսի հարաբերություն կա պահք և ծոմ բառերի միջև: Կարճ ասած ծոմը պահքի ավելի խիստ տեսակն է: Լավ կլինի որ ամեն Քրիստոնյա մի հոգևոր խոստովանահայր ունենա և իր հետ խոսի թէ պահքի որ տեսակը և ինչքան ժամանակով օգտակար ու պտղաբեր կլինի իր անձի համար: Այս խոստովանահայրը կարող է լինել ձեր մոտակա եկեղեցու քահանան: Իր հետ խոսեք այս բաների մասին և իր օրհնությունը ստացեք: Աստված օրհնի բոլորիդ:
(Բաժանորդագրվեք առաջիկա զրույցների համար: Եկեք միասին տարածենք Ավետարանը: Եթե ցանկանաք օգնել, կարող էք նվիրաբերել այստեղ www.tinyurl.com... որպեսզի Աստուծո Խոսքը կարողանանք ավելի շատ մարդկանց հասցնել):
#MetsPahq, #ՄեծՊահք, #Ծոմապահություն

[@elkablog8419]

Աստված օրհնի քեզ ես միշտ լսում եմ ու տարածում եմ

[@user-jl6pv3hy5e]

Ամեն🙏

[@karineharutyunyan7126]

ԱՄԵՆ

[@gayanesahakyan3187]

Astvac orhni dzes xorhurdneri hamar 🙏

[@milenaavanesyan4351]

Աստված օրհնի Ձեզ,մեզ սովորեցնելու համար

[@garushmovsisyan3858]

ՏԵՐ ողորմեա բազմամեղիս🙏

[@avagyanmaya6683]

Աստված օրհնի ձեզ

[@hdhdhhhshhshhsjd2122]

ինչու չեք շարունակում ձեր այս հրաշալի ձրագիրը ես ամեն օր լսում եմ ձեզ և մեծ բավականություն եմ ստանում խնդրում եմ շարունակեք որովհտև շատ ընտանիքների կոքնեք

[@AYan-nn5sc]

AMEN🙏🏻🙏🏻🙏🏻

[@hdhdhhhshhshhsjd2122]

Բարև ձեզ մեր շատ սիրելի եղբայր

[@user-ti7kn3el5c]

Աստված պահապան ազգիս հայոց 🙏🙏🙏

[@aleqsanyanmanushak7427]

Shnorhakal em dez het shat hetaqrqir u shat baner enq sovorum

[@nellihakobyan5731]

Uteliki tesakic der pahq chem pahel...Bayc lezvi pahov arayjm sovorum em pahq pahel..Ev da inc maqura pahum, char xoskeric ev mtkeric !!!Park Tiroche !!!

[@karineapoyan1100]

Shat shnorhakalutyun

[@margaritamargarian9704]

Амен 🙏🙏🙏

[@lilsakarm]

Shattttt shnorhakalenk zezanic

[@nonateloyan837]

❤

[@marineqalashyan5291]

Astvac orhni dzez ev dzer @ntaniq@

[@user-qo6zl1mj5e]

Яехпаяр иск вор русаутанум енк апрум инч аненк аядписи банер ченк асканум баяц узум ем маснакцел

[@anushanusk3332]

Pahqin Astvacashncum cenq handipum.Pahqn meze hasel avandutjunneri shnoriv Esaji margareji micocov.

[@ahareyan]

Ծոմը հենց պահքի տեսակներից մեկն ա:

[@sonacharoyan1363]

Ոմանք կըսեն մեղրն ալ պահք է, իսկ ոմանք կըսեն ոչ, հիմա որն է ճիշտը?

[@markhachatryan.]

Isk kareli e menak jur xmel mi shabat?

[@user-wt6yw4nm7b]

Barev dzez ete es chem sxalvum pahq pahelu jamanak Chi karelia ashxatel kam fizikakan ashxatanqnner katarel?

[@hov8233]

Isk kanfet kareliya surchi het oktagortel

[@ARAMOarmyanin]

Եթե բաղադրության մեջ կաթ չկա,այո,կարելիէ-ինձ այդպես են պատասխանել։

[@ashcomedy7579]

Baic det erb orvabic chi kareli ogtagorcel?

[@ashcomedy7579]

Pasi skzbic te @ntacq goyutyun uni

[@margaritamargarian9704]

Амен 🙏🙏🙏