Kuki Inpi Sadar Hills in Relief Annchang bag 600 ana homdoh

Kuki Inpi Sadar Hills (KISH) in mopohna dolla ana kiboipi DM Road lhangsunga Haosa ho a kon ngailut jalla kiphalna annchang kimu ho Saikul le Bungpi Inpi gamkai a annchang bag 300 cheh ana kithah lut in ahi.
Saikul gamkai sunga Saikul Inpi a akithahlut jou nungin Bungpi Inpi gamhop sunga Bungpi Inpi makaina'n agamsunga kithopina ngaichaho cheng akipo annchang ho hopdohna ana kineijin, tuni channa frontline dalha louva gamle nam a dia genthei hahsa tah a panlah sopi chengjong kithopina annchang ana kipen ahi.
Hiche ho jouse banna nimasa nikho a ana mollem Bungpi Inpi President pu jinu (L) Pi Lhingkipnei Haokip tompon sena kineina banna alhangsunga mopo lamkai hoto mabanna meetei gal a iti panlah khom a, Kuki Chate lungkhat-thakhat a maban isop thei teidiu ham ti lunggel seikhomna jong ana kineijin ahi.
Alangkhat a Saikul Inpi Block sunga Relief annchang kithahlut hi Saikul Inpi in phatle nikho kilem ahin vetphat uva, anikho kitup tengleh akigong bangle ahiding banga KISH jaona a Relief annchang hi hopdohna umding ahi ti jong Saikul Inpi to kithulhahna ahi.
Pathen in Kuki chate eipui jingjeng uhen.

[@Gills_Ginlen]

❤