الراحل عبد الحسين الحلفي /شجاك اتسودنت يا وطن شنهي شبيك / القصيدة كاملة

هلآ بكم في قناة المصمم فصطول اشترك اليصلك كل ماهو جديد
#حملة_توصيل_فصطول_الى_20الف_وتحقيق_الحلم
حسابي ع النستقرام
/ bf_b1
قناتي ع التلجرام جميع تصاميمي بيها
t.me/joinchat/AAAAAFJybTN-Imd...
الراحل عبد الحسين الحلفي /شجاك اتسودنت يا وطن شنهي شبيك / القصيدة كاملة
الوطن
للراحل عبد الحسين الحلفي
... شجاك؟ اتسودنت يا وطن؟ شنهي شبيك؟
بيك اليمة كلهة وشعبك ايعاني
الطايح منذبح والوگف هم مذبوح!
ماتعرف المجني عليه والجاني؟
منصوبة الچوادر مارضت تنشال
إذا ينشال چادر ينصب ثاني
دفانة شكثر ما گاموا يلحكون
حتى العدل يصرخ وين دفاني؟
ومراجيح المدينة ماكو بيهة اطفال
واطفالك خطية لعيدك اتاني
كسروا باب گلبي لعيدك متانين
وطلبة هدومهم واحد من الثاني
وتدور السنة وراس السنة مگطوع
وما ينولد عيسى ومريم اتاني
وعيدك لابس اسود يمشي وي عاشور
إيد بأيد واحد كاض بالثاني!!
علگتك حرز برداني من الخوف
بعدني ما خفت عتيتلي رداني
وكتبت اسمك طلاسم تطرد الشيطان
ومشة الشيطان عني وصرت شيطاني
بنص خارطة گلبي انتة الك عنوان
بخارطتك ادور ماكو عنواني؟
إذن واجب علينة نغير الاسماء
تصير انتة المواطن والوطن آني
وخندوّر وطن ياوطن آنه وياك
مو الگة مجان و تاخذ مجاني
من گد ضيجتي اشكبرك وشوفك خيط
واصيرن ثقب ابرة وتغفة بحضاني
انته اكبر وطن واصغر سجن بالكون
والمسجون آنة وانتة سجاني
وينشدوني عليك شلونة وضعة وياك
واگلهم مو طبيعي اهواي داراني
وتطردني من ادگ بابك واگل للناس
طار من الفرح لمن تلگاني
شطبتني من سجللك وانه اگل للناس
نقلني من سجله الگلبه وداني
وبيني وبين نفسي گلت وطن مكروه
ماطلعت ثگيله وعوجت الساني
وگالو شلع گلبك كلت يعني شصار
كالو باك عمرك...
وكالوا عدم اهلك...
گلت يعني شصار؟
شكو بيهه اذا محبوبي شاقاني؟؟؟
وترس ذاني سمعتك گت علي مكروه
واگل لهلي الوطن محبوب سماني
وترس ذاني سمعتك گت علي جاسوس
وگلت بوية الوطن ناطور خلاني
وترس ذاني سمعتك گت علي مووو زين
سمعت الزين بس والمووو تعداني
وترس ذاني سمعتك گلت خائن هاذ
وگلت ماگال بس تسمع غلط ذاااااااني
انته لو وطن ليش انه ضايع بيك؟
افرض ضايع... المفروض تلگاني
وانته لو وطن ماجدّت النسوان
ولا لامس إديهة القاصي والداني
وانتة لو وطن چا ما كتلت حسين
وتطرد زينب البيت آل سفياني
وانتة لو وطن چا ضلّي بيك اخوان
ليش اتفرهدوا واحد ورى الثاني؟
اخواني باوسوك وطلع حلگك حوت
بيونس شبهت وبلعت خوووووواني

[@user-my5xo6dx2x]

حلووو .... يا فيلسوف الشعر وسياب البصره اللاعب عل الاوتار النسانيه يا عبد الحسين الحلفي

[@user-wq7rr3vs8y]

عبد الحسين الحلفي الف رحمه على روحة متنبي الشعر الشعبي

[@abdullahaladwani-rs7uq]

الله يرحمه برحمته الواسعة ويحسن إليه.

[@user-nd7qs8rs4q]

قصيدة رائعة وشاعر لم يأخذ حظه من الشهرة
ويستحق أن يأخذ مكانه بين الشعراء المتميزين

[@user-ir5vy3wv7o]

لله يرحمك ياعبدالحسين الحلفي واسكنك لله فسيح جناته انتة كنت مدرسةالشعر

[@rsly.10]

الف الف رحمه ونور على روحك تبقى بگلوبنة عايش طول العمر ❤❤❤😢😢

[@AbasAbas-fr6bq]

اوووف عليك ربي يخليك من اهل الجنان بحق محمد وال محمد

[@alaanaji7903]

عمت عين الموت

[@user-so1fq4il2v]

الف رحمه و نور تنزل على روحك

[@user-rx2de8qt9d]

الله يرحمك عبد الحسين كانت قصائدك هي محاكات لواقع عاشه العراق رحمك الله وأسكنك فسيح جناته

[@user-zs1bs1rr5y]

شاعر عظيم الف رحمه ونور على روحة

[@abdullahalobaidi1131]

الله مأساة شعبنا عظيمة نسأل الله الفرج

[@ALMAESTRO8]

ألف ألف رحمه على روحك شاعر كبير ما يتكرر القصيده رووعه وآلله تبچي 💔😥

[@AbasAbas-fr6bq]

ربي يجعلك من اهل الجنان بحق الحسين

[@Ma-bkc]

الله يرحمك. عبد شكد شاعر
والله لو بعدك عايش جان هسه انت مدرسه

[@abdulrhmanq88megbel72]

الله يرحمه عبدالحسين الحلفي لن يتكر يعاتب الوطن كأنه يهمس بأذنه

[@user-zr8di1vy2c]

الله يرحمك دائماً كلماتك كانت عالجرح

[@2a.r9]

صرت شاعر بسببك الف رحمه على روحك

[@user-dn5xn3or7k]

الله يرحمك عبد 💔😥

[@user-fx7lf7gy3s]

الله يرحمك يا عبد الحسين الحلفي🤲🤲🤲

[@user-pq3oo1ub9y]

والله والله ذهدي القصيدة اول من سمعتها مرتين اعيدها وأبكي

[@user-vf9ce2kc2i]

*-الله 💔-*

[@sajjadjabbar6853]

عدتها اكثر من ٧ مرات ، عبد الحسين الانسان

[@mhmdabuaianh]

الله يرحمه برحمته الواسعة ويسكنه فسيح جناته جميل افضل شاعر

[@ahmedal-obaidy7254]

يخبل

[@tommstommy3233]

أللهم صلِّ على محمد وآل بيت محمد

[@ahmedail8899]

الله يرحمه نشاءالله

[@abranchbasra1006]

رحمك الله فيلسوف الشعر

[@raghdath9836]

شكد مؤلمة وواقعية

[@user-xx7wk3jc3p]

الف رحمة علة روحك الطاهرة الزكية

[@maruomgwaer4532]

الله

[@user-sm9bz8im2n]

شاعر راقي الله يرحمه

[@zainalibdenqassm3010]

أنته لو وطن الله الله

[@user-lz4ou7it2h]

الله يرحمه

[@user-cc9xe6yo8m]

عبد الحسين الحلفي الله يرحمك

[@user-ko8jd8rj5x]

استمر بقوري💜

[@user-um9by7ub3c]

اللة يرحم جميع شهداة العراق برحمتة الواسعة ويجعل مثواهم الجنة انشالةيارب ويسكنهم فسيح جناتة انشالةيارب ويجعل قبورهم جميعن روضة من الجنة ولايجعلة حفرة من النار ويجعل قبورهم جميعن منورة انشالةيارب

[@user-fj8nv1pl3i]

والل ذائقتك حلوه

[@alex_black698]

انته لو وطن ليش انا ضايع بيك ؟
افرض ضايع .. المفروض تلقاني
قهر

[@user-rk6ir9mc2z]

الف رحمة على روحك

[@user-to6xz8oc6z]

الله يرحمك💔💔

[@aliwadiaa6401]

اوووووف عبد

[@user-bw1pw6tj3p]

الله يرحمك

[@user-cp4lh7sb8v]

لازم من اول بيت للأخير تكول الله

[@user-lr2oc3jo8s]

بس الحسين وطن ماكو غيرة وطن

[@user-ne2mk5zy7x]

بشرفك شنو اسم الموسيقى مال البداية

[@user-sr3gq8tc3m]

ابشرك نزار الفارس يسمونه شاعر 😭

[@ahmedfiras6036]

ممكن اسم البرنامج مال تصميم؟

[@bf_b1]

كيوت كات

[@user-pz7fp9eh9z]

عبد الحسين الحلفي يبعث من جديد
الشاعر فؤاد عادل على طريقة عبد الحسين الحلفي
ومضات غزلية
ua-cam.com/video/Z-quzTEXUN8/v-deo.html
ومضات وطنية
ua-cam.com/video/3QNFMg604s4/v-deo.html
قصيدة غزل
ua-cam.com/video/eaaeimzo6x8/v-deo.html
ابوذيات غزلية
ua-cam.com/video/7rUEdwBH6f8/v-deo.html
قصيدة الفلسفة
ua-cam.com/video/0Xq7m6ESyVs/v-deo.html
ادخل متخسر شي وشوفو عبد الجديد

[@user-xm5vy8ze6m]

الله يرحمه