نورا والحلم المدردح حُميد
Вставка
- Опубліковано 9 лют 2025
- شاعر الغلابة الراحل المقيم محمد الحسن سالم حميد
ﻧﻮﺭﺓ ﻭﺍﻟﺤﻠﻢ ﺍﻟﻤﺪﺭﺩﺡ
ﻫﻲ .. ﺃﻗﻴﻔﻦ .. ﻧﻮﺭﺓ ﻓﻴﻜﻦ
ﻧﻮﺭﺓ ﻧﻘﺎﺣﺔ ﺍﻟﺠﺮﻭﻑ
ﻧﻮﺭﺓ ﺣﻼﺑﺔ ﺍﻟﻠﺒﻴﻨﻲ .. ﻟﻠﺼﻐﻴﺮﻳﻦ
ﻭﺍﻟﻀﻴﻮﻑ
ﻧﻮﺭﺓ ﺳﺎﻋﺔ ﺍﻟﺤﺮ ﻳﻮﻟﻊ .. ﺗﻨﻘﻠﺐ
ﻧﺴﻤﺔ ﻭﺗﻄﻮﻑ
ﺗﺪﻱ ﻟﻠﺠﻴﻌﺎﻥ ﻟﻘﻴﻤﺔ
ﻭﺗﺪﻱ ﻟﻠﻌﻄﺸﺎﻥ ﺟﻐﻴﻤﺔ
ﻭﺍﻟﻤﺨﻠﻲ ﺍﻟﺤﺎﻝ ﻣﺼﻨﻘﺮ
ﻓﻲ ﺗﻘﺎﺓ ﺍﻟﻠﻴﻞ ﺗﻨﺪﻗﺮ .. ﺗﺪﻱ ﻟﻲ
ﺑﺎﻛﺮ ﺑﺴﻴﻤﺔ
ﺗﻜﺴﻲ ﻟﻠﻤﺎﺷﻴﻦ ﻋﺮﺍﻳﺎ ﻭﻓﻮﻗﺎ
ﺇﻧﻘﻄﻊ ﻫﺪﻳﻤﺎ
ﻣﺎ ﻋﺮﻓﺘﻦ ﻧﻮﺭﺓ ﺇﻧﺘﻦ .. ﻗﻮﻟﻦ
ﺇﻧﺘﻦ ﺷﻦ ﻋﺮﻓﺘﻦ
ﻧﻮﺭﺓ ﺑﺖ ﺍﻟﻮﺍﻃﺔ ﺃﺧﻴﺘﻲ .. ﻧﻮﺭﺓ
ﺍﺧﺖ ﻛﻞ ﺍﻟﻐﻼﺑﺔ
ﻧﻮﺭﺓ ﺣﺎﺣﺎﻳﺔ ﺍﻟﺸﻘﺎﻭﺓ .. ﻧﻮﺭﺓ
ﻫﺪﺍﻳﺔ ﺍﻟﻀﻬﺎﺑﺔ
ﺍﻻﺭﺍﺿﻲ ﺍﻟﻴﺎﻣﺎ ﺃﺩﺕ .. ﻧﻮﺭﺓ
ﺑﻘﺖ ﻣﻦ ﺗﺮﺍﺑﺎ
ﻭﻣﺎﺷﻲ ﻓﻲ ﺍﻷﻋﻤﺎﻕ ﺳﺤﺎﺑﺎ
ﻣﺸﺘﻬﻨﻬﺎ .. ﻭﺍﻟﻠﻪ ﺟﺎﺑﺎ
ﻟﻠﺠﻨﻮﺏ ﻃﺒﻼً ﻳﻬﺪﻫﺪ .. ﻟﻲ
ﻣﺸﺎﻋﺮ ﻧﺎﺱ ﺗﻌﺎﺑﺔ
ﻭﻟﻠﺸﻤﺎﻝ ﻃﻨﺒﻮﺭ ﻳﺴﻜﺖ
ﺩﻣﻌﺔ ﺍﻟﻤﻴﺘﻴﻦ ﻛﺂﺑﺔ
ﻣﺎ ﻋﺮﻓﺘﻦ ﻧﻮﺭﺓ ﺇﻧﺘﻦ .. ﻗﻮﻟﻦ
ﺇﻧﺘﻦ ﺷﻦ ﻋﺮﻓﺘﻦ
ﻧﻮﺭﺓ ﻋﺎﻳﺰ ﺗﻘﺮﺃ ﻗﺎﻟﺖ
ﻓﻮﻗﺎ ﺣﻴﻄﺔ ﺍﻟﺪﻧﻴﺎ ﻣﺎﻟﺖ
ﺧﺘﺖ ﺍﻟﻜﺮﺍﺱ ﻭﺷﺎﻟﺖ
ﻣﻨﺠﻼً ﺻﺎﻟﺖ ﺑﻪ ﺟﺎﻟﺖ
ﻻﻣﻦ ﺇﻧﺠﺮﺣﺖ ﺑﻪ ﺷﺎﻟﺖ
ﻟﻠﺘﺮﺍﺏ ﻓﻮﻕ ﺇﻳﺪﺍ ﻛﺎﻟﺖ
ﻭﻣﺮﺓ ﻳﻮﻡ ﻓﻲ ﺍﻟﺪﻭﻧﻜﻲ ﻟﺪﻏﺖ
ﺟﺎﺀ ﺍﻟﻔﻘﻴﺮ ﺑﺎﻟﻠﻴﻞ ﺣﻮﺍﻫﺎ
ﻭﻳﻮﻡ ﻣﻼﻫﺎ ﺍﻟﻬﻢ ﻗﻄﺎﻳﻊ .. ﺟﺎﺀ
ﺍﻟﺒﺼﻴﺮ ﺑﺎﻟﻨﺎﺭ ﻛﻮﺍﻫﺎ
ﻭﻧﻮﺭﺓ ﻣﺎ ﻗﺪﺭﺕ ﺗﻤﺎﻧﻊ .. ﺗﻘﻨﻊ
ﺍﻟﻨﺎﺱ ﺍﻟﻤﻌﺎﻫﺎ
ﻭﻣﺮﺓ ﺷﺎﻓﺖ ﻓﻲ ﺭﺅﺍﻫﺎ ﻃﻴﺮﺓ
ﺗﺎﻛﻞ ﻓﻲ ﺟﻨﺎﻫﺎ
ﺣﻴﻄﺔ ﺗﻨﻤﻐﻰ ﻭﺗﻔﻠﻊ .. ﻓﻲ ﻗﻔﺎ
ﺍﻟﺰﻭﻝ ﺍﻟﺒﻨﺎﻫﺎ
ﻓﻲ ﺟﻨﻴﻨﺔ ﺳﻴﺪﻱ ﺳﻤﻌﺖ
ﺗﻤﺮﺓ ﺗﺼﻘﻊ ﻟﻠﻮﺭﺍﻫﺎ
ﺍﻷﺭﺽ ﻻﺑﺪ ﺗﺮﺟﻊ ﻟﻠﺘﻌﺐ ﻓﻮﻗﺎ
ﻭﺭﻋﺎﻫﺎ
ﺷﺎﻓﺖ ﺍﻟﻨﻴﻞ ﻣﻮﺟﻮ ﻻﻫﺎ
ﺍﻟﺨﻠﻴﻘﺔ ﺑﻘﺖ ﺇﻻﻫﺎ
ﺍﻟﺸﻤﺲ ﻃﺒﻘﺖ ﺿﺤﺎﻫﺎ
ﻭﺿﻮ ﻣﻦ ﺍﻟﻠﻪ .. ﺭﻫﺎﺏ ﻣﻜﺘﻒ
ﻓﻲ ﻭﺗﻴﺪ ﺍﻟﻠﻴﻞ ﻣﻌﺎﻫﺎ
ﺑﻴﻦ ﺣﻀﺮ ﺑﻠﺪﺍ ﻭﺧﻼﻫﺎ
ﻓﺴﺮﺕ ﻟﻠﻨﺎﺱ ﺭﺅﺍﻫﺎ
ﻭﻗﺎﻟﻮﺍ ﺟﻨﺖ ﻭﻣﻮ ﺑﺮﺍﻫﺎ
ﻭﻧﻮﺭﺓ ﺯﺍﺩﺕ ﻓﻮﻕ ﺷﻘﺎﻫﺎ
ﻭﺻﺪﺕ ﺍﻷﻳﺎﻡ ﺗﺨﺶ
ﺗﺒﻨﻲ ﻟﻲ ﻋﺼﻔﻮﺭﺓ ﻋﺶ
ﻓﻲ ﺍﻟﺴﻮﺍﻗﻲ ﺗﺸﻮﻑ ﻋﺰﺍﻫﺎ
ﻟﻤﺎ ﺷﻮﻗﺎ ﻳﺴﻮﻱ .. ﻭﺵ
ﺗﺴﻘﻲ ﺗﺰﺭﻉ
ﺗﺴﻌﻰ ﺗﺼﻨﻊ
ﻟﻠﻨﻬﺎﺭ ﻓﻲ ﺍﻟﻠﻴﻞ ﺗﺨﺶ
ﻋﺮﻓﺖ ﺍﻟﺸﻘﺎ ﻭﺍﻟﺸﻘﺎﻭﺓ ﺇﻻ ﻣﺎ
ﻋﺮﻓﺖ ﺗﻐﺶ
ﺷﺎﻳﻠﺔ ﻃﻮﻟﺔ ﺍﻟﺒﺎﻝ ﻣﻦ ﺍﻟﻠﻪ
ﻭﻣﻦ ﺃﺭﺍﺿﻴﻨﺎ ﺍﻹﺛﺎﺭﺓ
ﻭﻣﺎﺷﻲ ﺗﻜﺪﺡ ﻃﻮﻝ ﻧﻬﺎﺭﺍ
ﻭﺗﺮﺟﻰ ﻟﻤﺎ ﺍﻟﻠﻴﻞ ﻳﻔﻠﻞ
ﺗﺴﺮﻕ ﺃﻟﻤﻲ ﻋﺸﺎﻥ ﺧﺪﺍﺭﺍ
ﻋﺸﺎﻥ ﺻﻐﺎﺭﺍ
ﻭﻟﻤﺎ ﺗﺮﺟﻊ ﻟﻲ ﺩﻳﺎﺭﺍ
ﺗﻨﺰﻑ ﺃﺣﻼﻡ ﺍﻟﻔﻘﺎﺭﻯ
ﻣﻦ ﻋﻮﻳﻨﺎﺗﺎ ﺍﻟﺤﻴﺎﺭﻯ
ﻟﻲ ﻏﺒﺎﺭ ﺍﻟﺤﺎﻝ ﺗﻘﺶ
ﻓﻮﻗﻮ ﻟﻶﻣﺎﻝ ﺗﺮﺵ
ﻧﻮﺭﺓ ﺗﻘﻌﺪ ﺻﺎﺣﻲ ﺗﺤﻠﻢ .. ﺑﻲ
ﺑﻴﻮﺕ ﺑﻲ ﻧﻮﺭ ﻭﺩﺵ
ﻭﺑﺎﻟﻤﺤﺒﺔ ﺗﺸﻖ ﺩﺭﻭﺑﺎ .. ﻭﻟﻲ
ﻗﻠﻮﺏ ﺍﻟﻜﻞ ﺗﺨﺶ
ﻧﻮﺭﺓ ﺗﺤﻠﻢ ﺑﻲ ﻭﺟﻮﺩ
ﻣﺎ ﻣﺸﺖ ﺑﻴﻨﻮ ﺍﻟﻘﻴﻮﺩ
ﺃﻓﻀﻞ ﺃﻓﻀﻞ ﺑﻲ ﻛﺘﻴﺮ .. ﺑﻲ
ﻭﻃﻦ ﻣﻦ ﻏﻴﺮ ﺣﺪﻭﺩ
ﻧﻮﺭﺓ ﺗﺤﻠﻢ ﺑﻲ ﻋﻮﺍﻟﻢ
ﺯﻱ ﺭﺅﻯ ﺍﻷﻃﻔﺎﻝ ﺣﻮﺍﻟﻢ
ﻻ ﺩﺭﺍﺩﺭ .. ﻻ ﻋﺴﺎﻛﺮ .. ﻻ
ﻣﻈﺎﻟﻴﻢ ﻻ ﻣﻈﺎﻟﻢ
ﻧﻮﺭﺓ ﺗﺤﻠﻢ .. ﻭﻟﻤﺎ ﺗﺤﻠﻢ ﻧﻮﺭﺓ
ﺗﺮﺟﻒ
ﻭﻟﻤﺎ ﺗﺮﺟﻒ ﻧﻮﺭﺓ ﺗﺤﻠﻢ
ﻭﻟﻤﺎ ﺭﻳﺢ ﺍﻟﻮﺍﻗﻊ ﺍﻟﻤﺮ .. ﻟﻲ
ﻋﺸﻴﺶ ﺃﺣﻼﻣﺎ ﻳﻨﺴﻒ
ﻧﻮﺭﺓ ﺗﻨﺰﻑ
ﻭﻟﻤﺎ ﺗﻨﺰﻑ ﺑﺎﻻ ﻳﻬﺘﻒ .. ﻳﻮﻡ ﺣﺎ
ﺗﻨﺼﻒ ﻳﻮﻡ ﺣﺎﺗﻨﺼﻒ
ﻭﺗﺒﺪﺃ ﺗﺤﻠﻢ .. ﻭﻟﻤﺎ ﺗﺤﻠﻢ ﻧﻮﺭﺓ
ﺗﺮﺟﻒ
ﻭﻟﻤﺎ ﺗﺮﺟﻒ ﻧﻮﺭﺓ ﺗﺤﻠﻢ
ﺻﺎﺣﻲ ﺗﺤﻠﻢ.. ﻭﺻﺎﺡ ﺑﺘﺤﻠﻢ
ﺻﺎﺡ ﺑﺘﺤﻠﻢ
لمتابعة القناة / @abomarya_2016
حمييييييييد وطن حميييييد كل الوطن
حميد وططططن .. لك الرحمه و المغفره
هي .. أقيفن .. نورة فيكن
نورة نقاحة الجروف ..
نورة حلابة اللبيني .. للصغيرين والضيوف
نورة ساعة الحر يولع .. تنقلب نسمة وتطوف
تدي للجيعان لقيمة
وتدي للعطشان جغيمة
والمخلي الحال مصنقر ..
في تقاة الليل تندقر .. تدي لي باكر بسيمة
تكسي للماشين عرايا وفوقا إنقطع هديما
ما عرفتن نورة إنتن .. قولن إنتن شن عرفتن
نورة بت الواطة أخيتي .. نورة اخت كل الغلابة
نورة حاحاية الشقاوة .. نورة هداية الضهابة
الاراضي الياما أدت .. نورة بقت من ترابا
وماشي في الأعماق سحابا
مشتهنها .. والله جابا
للجنوب طبلاً يهدهد .. لي مشاعر ناس تعابة
وللشمال طنبور يسكت .. دمعة الميتين كآبة
ما عرفتن نورة إنتن .. قولن إنتن شن عرفتن
نورة عايز تقرأ قالت
فوقا حيطة الدنيا مالت
ختت الكراس وشالت
منجلاً صالتبو جالت
لامن إنجرحتبو شالت
للتراب فوق إيدا كالت
ومرة يوم في الدونكا لدغت
جاء الفقير بالليل حواها
ويوم ملاها الهم قطايع .. جاء البصير بالنار كواها
ونورة ما قدرت تمانع .. تقنع الناس المعاها
ومرة شافت في رؤاها طيرة تاكل في جناها
حيطة تنمغى وتفلع .. في قفا الزول البناها
في جنينة سيدي سمعت .. تمرة تصقع للوراها
الأرض لابد ترجع للتعب فوقا ورعاها
شافت النيل موجو لاها
الخليقة بقت إلاها
الشمس طبقت ضحاها
نار عقاب إنساب مكسر .. فوق تكليات متاهة
وضو من الله .. رهاب مكتف في وتيد الليل معاها
بين حضر بلدا وخلاها
فسرت للناس رؤاها
وقالوا جنت ومو براها
ونورة زادت فوق شقاها
وصدت الأيام تخش
تبني لي عصفورة عش
في السواقي تشوف عزاها
لما شوقا يسوي .. وش
تسقي تزرع
تسعى تصنع
للنهار في الليل تخش
عرفت الشقا والشقاوة إلا ما عرفت تغش
شايلة طولة البال من الله .. ومن أراضينا الإثارة
وماشي تكدح طول نهارا
وترجى لما الليل يفلل .. تسرق ألمي عشان خدارا
عشان صغارا
ولما ترجع لي ديارا
تنزف أحلام الفقارى
من عويناتا الحيارى
لي غبار الحال تقش
فوقو للآمال ترش
نورة تقعد صاحي تحلم .. بي بيوت بي نور ودش
وبالمحبة تشق دروبا .. ولي قلوب الكل تخش
نورة تحلم بي وجود
ما مشت بينو القيود
أفضل أفضل بي كتير .. بي وطن من غير حدود
نورة تحلم بي عوالم
زي رؤى الأطفال حوالم
لا درادر .. لا عساكر .. لا مظاليم لا مظالم
نورة تحلم .. ولما تحلم نورة ترجف
ولما ترجف نورة تحلم ..
ولما ريح الواقع المر .. لي عشيش أحلاما ينسف
نورة تنزف
ولما تنزف بالا يهتف .. يوم حا تنصف يوم حاتنصف
وتبدأ تحلم .. ولما تحلم نورة ترجف
ولما ترجف نورة تحلم
صاحي تحلم.. وصاح بتحلم.
محمد الحسن سالم حميد ...
الله يرحمك ياحميد قامه سودانيه لا تتكرر
نورة والحلم المدردَح
كلمات :الحاضر دائماً محمد الحسن حسن سالم حميد
النص:-
هيْ .. أقيفِنْ .. نورا فِيكِنْ ؟
نورا نقّاحة الجِّروفْ
نورا حَلاّبة اللِّبيني
للصغيرين والضِّيوفْ
نورا ساعة الحَرْ يولِّعْ
تنقلِبْ نسمة وتطوفْ
تَدِّي للجيعان لقيمة
وتَدِّي للعطشان جغيمة
والمَخَلِّي الحال مَصَنقِرْ
في تَقَاة اللّيل تَندْقِرْ
تدِّي لي باكر بسيمة
تَكْسي للماشين عَرَايا
وفوقا ينقطّعْ هديمه
ما عِرفتِنْ نورا إنْتِنْ ..؟
قولِنْ إنتن شِنْ عِرفْتِنْ ؟
نورا بِتْ الواطة أخيتي
نورا اخُتْ كُلّ الغلابة
نورا حاحاية الشّقاوة
نورا هَدّاية الضّهابة
الأراضي ال يَاما أدّتْ
نورا بقّتْ من تُرابه
وماشي في الأعماق سحابه
مشتهينِّها .. والله جابه
الله جابه
الله جابه
للجنوب طبلاً يَهَدْهِدْ
ليل مشاعر ناس تعابة
وللشّمال طنبور يَسَكِّتْ
دمعة الميتين كآبة
ما عِرِفْتِنْ نورا إنتِنْ ؟
قولِنْ إنتن شِنْ عِرِفْتِنْ ؟
نورا عايز تقرأ قالتْ
فوقا حيطة الدِّنيا مَالتْ
خَتّتْ الكرّاس وشَالتْ
منجلاً صَالَتْ بو جَالَتْ
لامِنْ إنجرحت بو شالَتْ
لي التراب فوق إيدا كَالَتْ
ومَرّة يوم في الدُّونْكَا لِدْغَتْ
جاء الفقير بالليل حَوَاهَا
ويوم ملاها الهم قطايع
جاء البصير بالنّار كَوَاهَا
ونورا ما قِدْرَتْ تمانع
تقنع النّاس المعاها
مرة شافت في رؤاها
طيرة تاكل في جناها
حيطة تِتمغّى وتفلّعْ
في قَفَا الزّول البناها
في جنينة سيدي سِمْعَتْ
تمرة تصقع لي الوَرَاها
الأرض لابُدَّ ترجع
للتِّعِب فوقا ورعاها
شافت لنِّيل موجو لاها
والعطش شقّقْ شفاها
الشّمس طَبَقت ضُحَاهَا
الخليقة لقت إلاها
نار عقاب إنسان مكسّر
فوق تَلَكِّيات متاهة
ضَوْ من الله رهاب مكتّفْ
في وتيد اللّيل معاها
بين حَضَر بلدها وخلاها
فَسّرَتْ لي النّاس رُؤاها
وقالوا جَنّت ومو براها
ونورا زادت فوق شقاها
وصَدّتْ الأيام تحُشْ
تبني لي عصفورة عُشْ
في السّواقي تشوف عزاها
لما شوقها يسوِّي أُشْ
تسقي تزرعْ
تسعى تصنع
للنهار في الليل تخُشْ
عِرْفَتْ الشّقَا والشّقَاوة
إلاّ .. ما عرفت تغُشْ !!!
........
شايلة طولة البال من الله
ومن أراضينا الإثارة
وماشي تكدح طول نهارا
وترجى لما الليل يَفلِّلْ
تسرِق ألمي عشان خدارا
تسرق ألمي عشان صغارا
عشان خدارا
عشان صغارا
ولما ترجع لي ديارا
تنزف أحلام الفقارى
من عويناته الحيارى
لي غُبار الحال تقُشْ
فوقو لي الآمال ترُشْ
نورا تقعد
صاحيي تحلم
تحلم بي بيوت بي نور ودُشْ
وبالمحبة تشُق دروبا
ولي قلوب الكل تخُشْ
نورا تحلم بي وجود
ما مشت بينو القيود
أفضل أفضل بي الكتير
بي وطن من غير حدود
نورا تحلم بي عوالم
زي رؤى الأطفال حوالم
لا درادر
لا عساكر
لا مظاليم
لا مظالم
نورا تحلم ...!!
ولما تحلم نورا ترجِفْ
ولما ترجف نورا تحلم
ولما ريح الواقع المُرْ
لي عشيش أحلاما ينسِفْ
نورا تنزِفْ
وفي الوجود وجدانه يهتفْ
حالة تقرِفْ
حالة تكسِفْ
حالة تكسِفْ
حالة تقرِفْ
وتبدا تقضِفْ
ولما تقضِفْ
بالا يهتِفْ
وتملا بالها أحلام بتلصِفْ
يوم حا تنصِفْ
يوم حا تنصِفْ
نورا لسّه بعيد هناكَ
وتبدأ تحلم
ولما تحلم نورا ترجِفْ
ولما ترجف نورا تحلم
صاحيي تحلم
وصَاحْ بتحلَمْ
صاح بتحلَمْ
بتحلم صاحْ
حميد وطن
مرة شافت فى رؤاها
طيرة تأكل فى جناها
وفسرت للناس رؤاها
قالوا جنت وما براها