النجع 2024 الحلقة 29 - السد - حسن مناع
Вставка
- Опубліковано 26 сер 2024
- 🟩الســـد 🌴 نجـع 2024
واتا القول أو واجب قوله
مال الدولـه
راح يعوض فيـه المـــولى
واتا القــــــول على ثروتنا
عــ المال وعــ الميـــزانية
حصة الأجيـــال وحصتنا
راحت بين ضحىٰ وعشية
ما نشعر لو ما همتنـــــــا
لا نكتب لو مـــــاي قضية
حرص وجــــــــابتنا غيرتنا
وطنيين على الوطنيـــــــة
لقمة في الفــم وذلتنــــــا
ملعـــــونة الثروة النفطية
مطمع للغــــــــازي خلتنا
صفـــــاقة نرحب بي جية
نجــــاروا وين كــــرامتنــا
ياسويدي ردوهـــــا ليــــا
ضاعت عـ الوطن سيادتنا
لا جــــوية لا بحــــــرية
والدولار كلىٰ عُملتنـــــــا
لإنقاذ مصــــــارف تركية
رسمي فلسنا بــ دولتنا
بين تمشيط ومديــــونية
راح ذهبنـــا وبنزينـتـنــا
مــــوش ليبية عثمــــانية
فــ المُجنــب يا عـــازتنــــا
حـــاصل في بنـوك أوربية
لانا بي صف عــــروبتنــــا
لا بالوحـــــدة الأفــــريقية
لا نحســــوا بي هم أُمتنــا
لا بي دم فلسطــينيــــــة
ننفجـــــــروا كــان تنهتنا
واللي تشوفوا فيــه شــوية
تمشي بــ راسين حكومتــنا
شنة بــ شنوارة وطـــــاقية
سوداء فيهـــــــا من رايتنا
وحمراء وبيضاء الشرقاوية
ما تنشدي عن حــٰـالتنــــا
لا تحـــرجني أتزر عليـــــــا
نكبة سوداء نودة جتنــــــا
حرفة جرفة عطبك جيــــة
لا بت تركــــــــح لا هفتنـا
جـــربة مطــــلية أبـ بومية
من جيتهـــــــا ما هنتنـــــا
جت في المال وفــ الذرية
وأطرطشنــــا وأشتتنــــــا
خشت بين الخـي وخيــه
صــٰـــالة من هيكل قضتنا
من مقشــــوطة لا مرخيـه
سنة إحداش بدت بـ الفتنه
نزف ومغص وسحن وليـــة
عن بــــر الولدين عمتنـــــا
فينا دعــــــوة وهي مدعية
عــ الشور الصــــالح ضلتنا
ما أنديـــــروا غير المـــربية
نكبـــــة جيعــــــانة وكلتنا
حصــــدت كم أرواح بريئة
في غـــــالي الكبــــاد رزتنا
وبي تهجير القــوى الحيـة
هــ اللي ما رينا ورتنــــــا
جبــــــــــٰــانة في كل ثنية
درجـــٰـــات مـــراتب رقتنا
رشـــوة ونفــــــاق وثورية
يوم خذينـــــا حُـــريتنـــــا
جددنا عقـــد التبعيــــــة
وأحســـن ما فيها عرتنــــا
ظهرت للنـــاس المخفيــة
فعـــــــلاً في هاذي ساوتنا
هيبة من مـــــــولاي عطية
نكبة بــ النــــــــــاتو ودتنا
بــ تدمير البُنيــــــة التحتية
لي حُقبـــة فـــــاشي ردتنا
لي العقيلة و الإيطــٰـــــالية
رحـــلنا ثــــــورة قــــــرتنا
عــ الهـــــاني والقرضــــابية
نشّفــوا في بوعيلتنـــــٰـــــــا
هو يهــــودي وأمـه يهــودية
لعنـــة عصـــرية صـــــادتنا
فـــرض وسُنة وتاريخيـــــــة
في العـــــٰــــالم تمت صنتنا
ريحـــة جيفـــه تمشي حية
يؤسفنا فــــــاحت ريحتنــا
حٰــــال عـــدوك زفــــرة كية
واللي يخطـٰـــــم من جيهتنا
يقـــــٰـول أهمّٰـــــــاه الليبية
بـــ ألفـاظ عــــــدوك ينعتنا
ما تنقال الفــــــــــاظ بذيئة
واقف قدام سفٰــــارتنــــــا
يلعـــن فينا [ عنبوك فيّـــه ]
للجـــــٰــــار العشرة خــانتنا
منبوذين وسمعــــة سيــــة
لفعـــــة بالوعة بلعتنـــــــا
خونة عـــــٰـــرب وصهيونية
نركـــــٰــــع يالاهم قبلتنـا
وإنطــاعت الأُمـٰـة العصية
رجل إبدل درنا مشيتنـــا
وخذينا خطـٰٰــــــوة رجعية
ونقــولوا يا ريتنا متنـــــــٰــا
هذا اللي عنده غيٰـــــــرية
جابوا شعـــــــارات أغـرتنا
حـــــٰــــرية وديمُقـراطيـة
حــــٰـاجة ماتفهم مسختنا
لا مضمــــون ولا شخصية
تحلف مسحـــورين سكتنا
سحـــر فــ جبــــانة منسية
مـوجة قــــلابة قلتنـــــــــا
هجرة غير إحنا شـٰـــــرعية
هــــــاجت فيسع ما قلبتنا
في ســـــٰـابع حفرة موطية
ياما بــ أمــــــاني منتنــــــا
تـــــو عرفنــــــاها وهمية
بلـــوة بــ النفــــــــاق بلتنا
واللي ينوض يقـول ضحية
في وين رزيلة صنعتنـــــــا
حلم وعلم وفعل ونية
نعجنا وطاحــــــت كلمتنا
رمـــــز وسيـــاسي أو وليـــة
فلقة حيشــــاكم فلقتنــا
قربتنا ما تقــِــــل أميّـــــة
في الظهٰـــــر النجمة ورتنا
قَمر صنـــــاعي بــ العبرية
من بعد الجمعة سبتنـــــا
تشـــريع و فتــــــوة دينية
قديش عــــــواصف هبتنا
من حــــزبية لا جهـــــوية
ما فيش بـــــلاوي فــــاتتنا
شلل ومــافيــــات وفئــوية
ما عــاد أردوا [صمّتنــــــــا]
فــم حليمة وفـــم أرقيـة
يا ستـــٰـار أستر عــــورتنـــا
عملتنا ماهي دونيــٰـــــــة
مفضـوحين ويا كشفتنـــــا
كشفنـــــٰــــا بــ الدستــورية
ورطة لـــــو نعلــــن ندمتنـ
افضل من يغني ف النجع حسن مناع
يا ودي الكيلاني عطاها حقها ره
مال وارجال سلمت يمناك وابدع فيها مناع اجعلكم الله ذخر للوطن
د
كل الشكر والتقدير والاحترام الي اللواء علي الكيلاني والراوي حسن مناع
بصراحة عمل اليوم مبهر وهذا التشبيه الرائع بين سد ليبيا قائدنا و سد درنة مايقدر ينظم شعره إلا شاعرنا الكبير علي الكيلاني ربّي يحفظه ويطول في عمره
الله ع الكلمات❤❤ حسن منّاع صاحب الحنجرة الذهبية
انهارت بعد انهار السد إعصار اشتد نقلها لاردت لارد
إي والله صح لسانك ياحر ابدعت والله
من موريتان نترحم على روح شهيد معمرالقذافي ❤
السنه اجايه بادن الله سيف رئيسنا يارب 🔥🔥
يارب يارب
انت أحلى فنان في العرب ربي يحفظه ❤
شي يحرق القلب من الظلم والعوج أعاننا الله من الخروج من هالمتاهة المظلمة طولت حسبنا الله ونعم الوكيل.
علي الكيلاني ينافس أساتذه ماده الكتابه العلميه اللي يدرسو فيها لطلبه الدكتوراه ف الجامعات الغربيه. ربي يحفضك، عيدكم مبروك.
ماشالله عليه حسن مناع صوت .وشخصيه وسماحه وذوق وأدب وأخلاق ولد عز ربي يحفظك
الإبداع في هذا النص متكامل شعر ولحن وأداء
الله لايغيبكم ياكبار الهمة
صح لسانك استاذ علي، بصراحه شرح و تحليل سليم للواقع بأسلوب رائع، ربي يفرج على لبلاد و العباد من الشلة الفاسدة اللي باعت البلاد بالدين، ربي ياخذ فيهم الحق،،،، و الله يبعد الشيطان.
تحية فخر واعزاز لشاعرنا على الكيلاني المتألق حسن مناع 💚💚💚💚💚💚💚💚💚💚
ربي يحفظكم عمي علي الكيلاني و استاذ حسن المناع
موفق حسن المناع ربي يحفظك ومن أحسن لأحسن إنشاء الله.
وآلله بكيتني لاحول ولاقوة الابالله العلي العظيم
كلام حقيقي للأسف😢
كلمات الإبداع فيها شوية
ملحمة سلمتم
كلمات في الصميم موفقين يارب للأحسن ضعنا في هالزمن الغدار .
ألله يبارك يااستاذ علي الكلايني
ربي يحفظك حسن مناع ❤❤ربي يحفظك علي الكيلاني ❤❤ الله اكبر 💚💚
ربي يحفظك علي الكيلاني وحسن
نجع 2025 في سـرت باذن الله 💚
يارب
بإذن الله تعالى ☝️💚💚💚💚💚
انشاالله ياربي
باذن الله و ترهونه. و عاش الفاتح.
فحوشكم
ربي يحفظكم ويرعاكم على الكيلاني وحسن مناع
اللهم امين الي الامان
عظمة علي عظمة ياسيد علي الكيلاني الله يحفظك
واقع وكلام يبكي
ربي يبارك ماشاء الله
انشاء الله
تحية لاخواننا الليبين
كل الشكر والتقدير لي حسن المناع ربي يحفظك ويسعدك يارب 😍
💚💚💚💚💚💚💚💚💚💚💚💚💚
عاش الفاتح
بعون الله في سرت النجع القادم
عمل رائع جدا يارب النصر
الله اكبر 💚💚💚💚✌🏻✌🏻✌🏻
لله اكبر❤❤❤❤❤❤❤❤❤
كل عام وانتم بخير اسرة النجع
حسن مناع سلمت من كل شر ❤
ختم جميل لهذا الموسم وأتمنى أن يطل علينا في العام القادم من هذا السلسل اللامتناهية من الجمال
الله يبارك فيك ماقصرت والله
لن يضيع الله بلاد فيها هكذا رجال كجبال راسية وكلمات صافيه
فنان العرب حسن منااع❤
حسن المناع ❤❤❤❤
تحيه عطره للشاعر علي الكيلاني على الكلمات الرائعة و تحيه للمبدع حسن مناع على هذا الصوت الجميل
ربي يحفظكم ويرعاكم فنانين حسان المناع مع علي الكيلاني ❤❤
عندما يرقص مناع.👌😄
روعة في الكلمات والالقاء حق انهارت بعد انهار السد ربي يفرج عليك ياليبيا
الف تحية للشاعر الاستاذ علي الكيلاني و الف تحيه للفنان حسن مشاء الله الله يبارك عليكم ربي يحفظكم
ياودي ابدددددداع❤
مشاءالله، ابداع.
ابداااااااااااااااااااااااااااع يا شاعرنا✊🏻💚✊🏻
منور ربي يحفظك
كل عام وانتم بخير ومن نصر إلي نصر 💚🌙
حي الله حيكم وبارك الله فيكم
اي والله ربي يفرج علينا حسبي الله ونعم الوكيل
كلام جميل جدا ويعطيك العافيه يا غالي ربي يحفظك وكل عام وانتم بخير وصحه وسلامه
اللع يرحمه ويغفر له ويسكنه فسيح جناته
كلام جميل واقعي و مؤلم
زيدكم عز❤
الى الامام💚🦅
أسلمت واعليت عمي علي طول عمرك صحه فطورك وكل عام وأنت طيب .
احلي اغني عند عمي علي كيلاني تحيه ليك ولي خونا حسن المناع❤❤
ربي بحفظه الكلاني بحر الشعر والله❤
فعلن واللة
يا فرج الله يا الله من عندك
ياودي بعد على الكيلانى يحرم نشهد بالله ابداع
في وقتها ولله ياعمي علي 💚
مشاء الله على الاداء كلمات الحان صوت
الفنان حسن مناع الشاعر علي الكلاني
صوت المقاومة
الله يرحمه فزاع الصولة و الجولة
ربي يحفظك
بارك الله فيكم ربي يحفظكم وانشاء الله كل سنه وانتم طيبين
منوررر ياعمي و جازك الله خير
كل عام وانت بالف خير وينعاد عليك وعلى أسرتك الكريمة بالخير والهناء والفرح والسعادة والصحة والعافية يارب العالمين والعقبة لداير ومعيدين فائزين ان شاء الله تعالى
تحياتنا ليك أستاذنا وشاعرنا الكبير علي الكيلاني هرم من أهرامات الفن الليبي ودرع المقاومة والنضال شكرا لك على كل ماتقدمه ونتمنالك كل التوفيق ونحنا معاك قلبا وقالبا والأن أستاذنا الفاضل علي الكيلاني نتمنا منك بكل أمانة في أغنية جديدة منشور جديد في من يجرأ يقول يحكي الواقع المرير الذي نعيشه الأن وخصوصا ان الأحداث متتالية وانت تعرف كيف تأخد كلماتك وشكرا هلبه ليك ولي صمودك وكفاحك استاذي الفاضل
تحيه ليك دكتور الشعر علي الكلاني من قبيلة الربايع ❤❤❤
زي العادة في الانتظار 🤺🤺🤺
😢 ربي يحفظكم الأستاذ علي الكيلاني وفنانا المخضرم حسن المناع
كل عام وانتم بالف خير وربي يحفظكم ❤🎉
منور الدنيا عمي علي الكيلاني القذافي والحن الله الله عيدك يا كبير 💚💚💚
ربي يحفظك علي الكيلاني ❤❤ربي يحفظك حسن مناع ❤❤ الله اكبر 💚
👏👏👏👏👏
ربي يحفظك يامبدع
هههههه قال الي في خاطرنا
جميل جميل جميل يعطيك الصحة💚💚💚
مبدع كالعادة الشاعر الكبير علي الكيلاني
صح لسانك أبدعت شاعرنا وفنانا❤
اي والله صح لسانك ابدع ابدع
منورين دائماً ف قمة ابداع من الأخير صح لسانك فنان مقاومة
ابداععع مشالله ربي يحفظه ويطول بعمره عمي علي
سمح القد نبو اعظامه ياقصر حمد…. ابدعت شاعرنا وباذن الله كل حق يرجع لاصحابه✊
رحمة الله عليه و على جميع المؤمنين
سيدها وكيالها اطال الله في عماركم
واللهي الكلام لين ايبكيك
عمل جميل وحسن مناع مبدع كالعادة👌
تحياتي لك كلمات في قمة الروعة و البلاغة 💜💜💜🥶
كاريزما عالية.
صحيت وصح لسانك عمي علي
يارب ترجع ليبيا ويرجعوا هلها 💚
وواجب قوله ❤❤❤❤❤❤
ردوها علي القافلة في في القافلة أغنيات سد ردوها يا كبدي تحيا أنجع
كل سنه وانت طيبه يا عمي علي الاغاني قويه يا عمي شاء الله ربي يطول في العمرك❤❤❤❤❤❤❤❤❤❤❤
كلمات روعه