ទំនៀមទម្លាប់បូជាសព អ្នកឃុំពាមបាង រស់លើបឹងទន្លេសាប

មានប្រវត្តិ ដ៏យូរលង់តកូនតចៅរៀងមក ដែលប្រជានេសាទរស់នៅ ក្នុងឃុំពាមបាង ស្រុកស្ទោង ខេត្តកំពង់ធំកណ្តាលបឹងទន្លេសាបមានទម្លាប់បញ្ចុះសពបុព្វបុរសរបស់ខ្លួន ដោយយកសាកសព ដែលបានស្លាប់លាចាកលោកទៅហើយទៅរក្សាសពទុកនៅលើចុងដើមរាំង ។ការបញ្ចុះសពបែបនេះ នៅតែមានរហូតដល់សព្វថ្ងៃនេះពិសេសគឺ នៅរដូវវស្សាតែម្តងដែលផ្ទៃដីឃុំនេះទាំងមូល សុទ្ធតែជាផ្ទៃទឹកល្ហល្ហេវ ប៉ុន្តែនៅរដូវប្រាំងវិញការបញ្ចុះ និង ការបូជាសព គេអាចធ្វើដូចអ្នក រស់លើដីគោកដែរ ព្រោះជាពេល ដែលទឹកបឹងទន្លេសាបបានស្រកចុះដីគោកក៏មានច្រើនដែរ ។