وحتى لا يكون الندم وقت لا ينفع الندم لكل الشباب، واعذروني خرجوا وانا باغلي
Вставка
- Опубліковано 12 вер 2024
- هل تتساءل عن أهمية التقدير الجامعي وتأثيره على مستقبلك المهني؟ 🎓🤔 هل سمعت أن التقدير "مالوش لازمة" وتريد أن تعرف الحقيقة؟ في هذا الفيديو، نتحدث بوضوح عن الدور الحاسم للتقدير الجامعي في فتح الأبواب للفرص البحثية والمهنية حول العالم. 🌍💼
ستكتشف كيف أن الشركات الكبرى والجامعات العالمية تضع التقدير في مقدمة معايير الاختيار، ولماذا يجب عليك الالتزام والاجتهاد لتحقيق درجات عالية. إذا كنت طالبًا في الثانوية أو الجامعة، فهذا الفيديو سيساعدك على فهم أهمية التقدير وكيف يمكن أن يحدد مسارك الأكاديمي والمهني.
استثمر في مستقبلك! 💪📚 انضم إلينا واكتشف كيف يمكنك بناء مسار مهني ناجح من خلال التفوق الأكاديمي والتعلم العميق.
#التعليم #التقدير_الجامعي #التفوق_الأكاديمي #النجاح #الطلاب #الفرص_العالمية #التعلم_العميق #مستقبل_أفضل #سوق_العمل
كلام صحيح 100% مثلا كان يقولون البرمجة ليس مهم التقدير ثم تتفجأ بعد التخرج ان شركات واغلبها ليست كلها تطلب تقدير جيد جيدا الى ممتاز حتى تسمح بقبولك لامتحان التدريب
بوركت أخي الكريم. .هذا ما يجب أن نوعي به طلاب الجامعات 🌼
الحمدلله كنت في تحدي إني أغلب وقتي كان قي المحاضرات والمذاكرة وكتير قال مش مهمة ولكني التزمت والحمدلله هتخرج السنة دي من لغة عربية جامعة الأزهر كل سنة امتياز
وقدرت اتطور نفسي في المجال بجانب المحاضرات
ما شاء الله ...بارك الله فيكم و نفع بكم 🌻
بصراحة شكراً لحضرتك على التوعية دي انا طالبة جامعية وبحضر ديما كل محاضراتي وملتزمه بس مكنتش حاطه الاهمية اوي للتقدير يعني كنت بقول اجيب جيد جدا كويس لاني من ساعة مادخلت وكل اللي حواليا واكبر مني في الجامعة كانوا بيقولولي ملهوش اي لازمة خصوصاً اني لغات واهم حاجه تطوري نفسك في اللغة ولكن مع الوقت ابتديت فعلاً اسمع اني الشركات اول حاجه بتبص على التقدير فقولت إذاً يبقى مهم حتى لو بنسبة قليلة يبقى يبقى احط في بالي أعلى مقفش على حد معين، وبجد شكراً حضرتك وعتني وفهمتني اكتر.
أعانك الله و بارك فيكي يا شهد 🌻
كل من ينصح ويحب الخير للناس هو على طريق الانبياء فحزاك الله خير حبيبنا
شكراً جزيلاً جزاك الله خيراً و نفع بكم 🌼
كلام حضرتك صح 100%
أنا لسه أولى طب الأزهر
وابن عني خريج قالي أهم حاجه التقدير قالي التقدير نفسه أهم من الخبرة
قال ممكن واحد جايب جيد جدا
وعند خبرة أكتر من واحد جايب إمتياز
خدوا الي جايب إمتياز🤦♂️
يجب التوازن بين الاثنين التقدير فى المقام الأول لكن الخبرات العمليه مهمه جدا لسوق العمل ...وفقك الله 🌻
@@ramzyabdelaziz7050 صح جزاكم الله خيرا
ولكن كما حضرتك قولت رقم واحد التقدير بعد كدا الخبرة مهمة أيضا
الكلام دا فترة الكلية
صراحة الانسان عليه ان يفعل كل مابوسعه كي لا يندم عادلى ما فاته انا الحمد لم احصل على تقدير و هو تقصير مني نوعا ما والان انتهيت من المرحلة جامعية بدون تقدير وهذا ما يجعلني لا ادفع المنح
أشكرك على مشاركه نصيحتك الغاليه و التأكيد على ما نريد إيصاله للطلاب 🍁🍁 و اتمنى أن تتمكن من الحصول على منحه يمكنك التقديم فى الصين ..تابع حلقات توجيه مع د.محمود الدماصي شرح ما عليك فعله 🌷
دكتور رمزي وحضرتك في مصر خلي عينك علي الشباب الصغير كده وشوف ما وصلنا اليه من انحدار للاخلاق وافتقاد الشباب الصغير القيم احنا بنجاهد معاهم لكي نعلمهم للاسف الشباب بقي مش عاوز يتعلم
دورنا أننا منفقدش فيهم الأمل و نحاول معاهم 🌻
بعض الشباب الصغير مش فاهم خالص أهمية التعليم وعندهم استهتار بمستقبلهم ومش عارفين نوعيهم ازاى
دورنا أننا نفهمهم ببساطة كل حاجه بيعملوها و كل مجهود بيوفروه دلوقتى هيأثر عليهم بعدين🌼
دكتور بم تنصح من وصل 27 سنة ولا يتقن اي شيء ولا يعرف اي مهنة ولا يحسن اي شيء يريد بداية حياة جديدة فقط الإنجاز الوحيد حفظ القرءان وشهادة جامعية في الشريعة لكن المستوى ضعيف جدا !!!!@@ramzyabdelaziz7050
طالما تريد التغير كل ما عليك هو أن تبدأ فقط ابدا ولا عليك بما فات المهم هو القادم 🌻
@@ramzyabdelaziz7050 جزاك الله خير الجزاء ممكن تدلني على المهارات التي لا بد ان أتعلمها او أبدأ بها
نصائح قيمة ومن مخلص محب الخير لشباب الأمة، نحسبكم كذلك...
جزاكم الله خيرا دكتور رمزي،
متع الله بكم وأحسن إليكم
شكرا لكم على كلماتكم الطيبة 🌻
دكتور رمزي نورت مصر وكلامك ذو قيمه كعادتك جزاك الله خير الجزاء علي كل هذه الدفعه الحماسيه للشباب واسمحلي اقتبسها لشبابي الطلبه الصغيرين اعدادي وثانوي
كل دا هري اللي بيفرق شخص عن شخص بعد توفيق ربنا طبعا اللغات اولا ثم الكورسات و شهادات الخبره و طبعا لازم تبقي معتمده
و يأتي معهم تقدير الجامعة 🌻
مع حضرتك حق جدا
والحمد لله أنا طبقت كدة بالفعل في مجالي
والتقدير فرق فعلا معايا الحمد لله
بارك الله فيك 👌
أعانكم الله و نفع بكم 🌻
طب انا شاب وهفهمك حاجه وفي مرحله جامعيه
انا دلوقتي لمه اروح اي شركه هيقولي ورني التقدير بتاعك ومواد الكليه الي ملهاش صله اصلا بسوق العمل ؟
ولا هيقولي ورني شغللك وخبرتك في مجال اي يكن اي هو !!
انته رايح الشركه هو عايز يكسب منك مش هيجيب واحد يخسره وملوش لزمه
اه ال Gpa مهم بالنسبه لدولا لاجنبيه ومش معظمهم اقوللك مهمه بنسبه 50%
هقوللك حاجه والله العظيم والله شاهد علي كلامي انا اعرف شخص شغال في ميكروسوفت وكان متخرج جيد !
بس ممكن اكون غلط او انا عندي معتقد غلط
انا مش بقلقق من ال gpa , ولا كلام ده لاه بالعكس والله
أخي الكريم احنا متفقين فى نفس النقطة الGPA مش كل حاجه لكن برضو يظل على الطالب الجامعي الاجتهاد و محاوله الحصول على أعلى تقدير ممكن لانه بيكون نقطه إضافية ولا يمكن تعويضه فى السنين التاليه...لكن الكورسات و التدريبات يمكن أن يحصل عليها اما بالتوازي مع الدراسه إذا كان مستطيع أو بعد الدراسه ليحصل على فرص أفضل🌻
ده صحيح بس وجب التحديد وضبط الكلام إن ده بالنسبة للي هيكمل في سلك بحثي او أكاديمي خارج مصر غير كده قدامك حملة الدكتوراة اللي كانوا بيحتجوا على عدم تعيينهم
للاسف اللى حضرتك ممكن مش اخد بالك منه حتى فى المجال المهني و الصناعي التقدير من عوامل تقييم الأشخاص المتقدمين
كلام سليم و نورت مصر 🇪🇬 🇫🇮
شكراً جزيلاً 🌼 مصر منوره بأهلها
بس مو الجميع قادر يحب تقدير كل واحد فينا يمتلك قدرات خاصة به وفي واحد مهما درس واجتهد مس قادر يجب تقدير عقولنا مختلفة
كل ما علينا أن نبذل قصارى جهدنا و الله الموفق و المستعان 🌻
صلاح ابو المجد هو اللي افتي الفتيه دي ، و بصراحة دكتور رمزي عنده حق
لازم نناقش الفكر بالفكر مش أى حاجه تتقال نصدقها 🍁
كلام جي في وقته ،انا طالب وللاسف كنت بدءت افكر فكدا لان كل ما ابحث بمجال يقولوا مفيش شغل وقبض قليل واللي بيقولوا كدا اصلا مش ناجحين بالمجال...لكن الحمدلله بعد فيديو حضرتك افتكرت قصتك وان الرزق بأيد ربنا والله هيديني علي قد مجهودي وانا اللي بختارر استسلم ولا اتعب ...جزاك الله خيرا حضرتك قدوتي والله ♥
بارك الله فيك و أعانك و نفع بك 🍁
طيب هل جامعه جنوب الوادي في قنا معترف بها خارج مصر . ياريت تجاوبني في اسرع وقت ممكن ❤
يمكنك مراسله الجامعة التى ترغب بالالتحاق بها على الايميل المخصص الاستفسارات و ستجيبك إن شاء الله 🌻
جزاكم الله خيرا على النصائح، لو سمحت إيه رأيك عن أكاديمية إبن سينا للتعلم وهي بتوفر كورسات اونلاين
جزاك الله كل خير يا دكتور انا متابعك بقالى فتره كبيرة واتعلمنا منك كتير وكلام حضرتك مظبوط بس فى كذا نقطه عايز اقولها
اهم شئ زى ما حضرتك بتقول ان
اولا
الشخص يكون له مينتور اهم شئ الشخص الى هيوجه هيوفر عليك كتير والنقط الى عايز اقولها
ثانيا
اللغه من اهم العوامل وحاجه اساسيه طبعا سواء فى مصر او الخارج
•ثالثا
لو شخص عايز بعد مايتخرج يشتغل شغل عملى يركز فى فترة الكليه اوى على المجال الى هيشتغل في وياخد فيه كورسات معتمده ولو متاح له ينزل يشتغل فى المجال وهو طالب ينزل ولو مش يعرف يوازن بين انه يجيب تقدير او الشغل لا يشتغل وكتسبةخبرة وبعدها هيطلب فى الشغل من خلال خبرته وشغله الى عمله وهيبسق زمايله ويحاول يعافر فى اقصى تقدير يقدر يوصله
•رابعا
لو ناوى يكمل فى مجال الاكاديمي او المنح انا شايف ان اهم شئ ياخد كورسات فى الكتابه البحثيه ويركز اوى اوى على مجال معين ويعمل ابحاث واو يكتب اسمه فى ابحاث يشوف دكاترة فى الكليه ويتواصل معاهم وينزل شغل عملى فى الابحاث ودا لو هيأثر على التقدير ومش يعرف يعمل توازن يشوف دا احسن هيفرق معاه كتير لو عمل بحث واتنشر فى مجله عالميه وهو طالب او شارك دكتور
النقطه الجوهريه: فى كلامى هى ان سواء اكاديمي ام شغل التركيز على مجال واحد والتمكن منه جدا جدا
اما الى احنا بندرسه احنا بنتعلم ازاى نحل امتحانات وننجح فيها او نقفل الماده انما كعلم لا مفيش علم
وشكرا جدا ❤
جزاك الله خيرا اخي الكريم...تظل أول دفعة للتميز تكون بتحصيل أعلى GPA لأنه لوقت محدد إذا فات لا يمكن تداركه 🌻
حضرتك انا خلصت سنه أولي كلية تمريض ومتاح ليا احول طب بشري خاص احول ولا اكمل تمريض واسافر المانيا
استخير الله فى امرك و فكر جيدا و استشير من حولك ....وفقك الله فى امرك 🍁
عاش يا بطل عندك الف حق : دي نصيحة تخرج من قلبك وتصل الى قلوب متابعيك من ابناء الجيل الحالي .....
شكرا جزيلاً أخي الكريم..أعانكم الله و نفع بكم 🌻
انا خلصت اولى صيدلة وطالعه بتقدير، جيد كنت افتكر ملهوش لازمة اوى 💔💔
امامك الفرصه كبيرة لتدارك هذا الخطأ و التعويض عنه و التركيز فى الأعوام المقبلة 🌸
ياريتك جيت بدري بأربعة سنوات 😢
الخير فيما اختاره الله 🌸
أنا ليه مفتحتش الفيديو ده أول ما نزل🥲🥲
خلصت امتحانات يارب بقى التراكمي بتاعي يكون جيد جداً🥺🤲🏾
إن شاء الله 🌻
ي دكتور لو سمحت يمكن حضرتك تعمل فيديو عن ازاى كطالب جامعي استفيد من الاجازه في تطوير نفسي ومهاراتى مستناش لما اتخرج يعنى
ويمكن لو حضرتك تعرف مصادر لكورسات إنجليزي أو برمجه بشهادات معتمده
مع العلم أنا كلية علوم فرقه تانيه قسم كيميا وعايزه اتفوق فى مجال البحث العلمى بس مش عارفه ابدأ منين
وجزاك الله خيراً
جزانا الله و إياكم كل خير...يمكنك متابعة بودكاست توجيه و ستعلم من أين تبدأ إن شاء الله 🍁
احنا دخلنا دكتور قسم الأناتومي وأقسم لينا أن ال GPA مش مهم لأي حاجة ولا لأي حد غير للشخص ال عاوز يتعين معيد
غير كدا ملهوش اي لازمة وانما المهارات التانية أهم مليون مرة
الاتنين مهمين ...لو عايز تكون متميز لازم تهتم بالاتنين سوى و تعمل توازن بينهم علشان يوم ما تيجي تتقارن بغيرك فى سوق العمل يبقى الموضوع فى صالحك 🌻
@@ramzyabdelaziz7050
لو سمحت كان عندي سؤال مهم جدا
انا حاليا في كلية طب بيطري جامعة القاهرة وجاتلي منحة في روسيا لدراسة information since and computer engineering وانا مش حابب المجال الطبي اصلا
ايه رأي حضرتك ومع العلم انا لو روحت المنحة هخلص في نفس السنة ال دفعتي هتخلص فيها
جزاك الله خيرا كفيت ووفيت
جزانا الله و إياكم كل خير 🍁
انا طالب في كلية العلوم كيمياء جامعة الأزهر في سنه أولى وتقديري ( مقبول ) ومش حابب الكليه خالص .... هل أكمل في الكليه ولا أحول .
مع العلم إني مش حاببها خالص .
و ما المانع من التحويل ؟!
طب ازاي أوفق بين التعلم خارج الكلية و الشغل و الحفاظ على التقدير , بالذات إن بعض الكليات و الدكاترة بيجربوا نظم جديدة في الطلبة و الي بتؤدي لحتمية انخفاض التقدير و أنا تعبت نفسيا من الحوار ده , لأني بفضل أحارب عشان كل درجة و يجي دكتور يضيع مني تعب السنة بتقيمه ليا في الشفوي و الموضوع بقا صعب جدا و لا يمت لمستوى الطالب و انضباطه بسبب تعقيد الدكاترة و عدم مراعاتهم , بعض الدكاترة عندنا بيقولوا احنا بنحط امتحانات لمستوى النجاح فقط و ده بالنسبة لي كافي لتقييم الطالب و ده طبعا بيدمرنا نفسيا طول السنة بالإضافية إن مفيش تقديرعالي في الاخر
ما يهم هو انك تفعل كل ما تستطيع ...لا تيأس إن الله لا يضيع اجر من احسن عملا🍁
انا جايب تقدير جيد جداً كلية تمريض وبحاول اجيب امتياز بس مهتم باللغه اوي علشان عارف ان اللغه دي اول حاجه هيبصوا عليها حضرتك التقدير دا ينفع لكليات تجارة او حقوق او اداب علشان دول اللي هيقدموا في الشركات وكدا
التقدير مهم لل الكليات و ربنا يبارك تقديرك جيد جداً يعنى برضو مهتم بالكلية و هو ده المطلوب.....أعانكم الله و نفع بكم 🌻
@@ramzyabdelaziz7050 والله بستفاد من حضرتك كتير انا اوقات يبقا عليا امتحانات وبتفرج عل حضرتك واستفدت كتير لما جبت ناس تتكلم عل ادوات الذكاء الاصطناعي بجد فيدوهاتك عظمه وياريت حضرتك تعلمنا كورس كتابه المحتوي من الصفر اتمني بجد وربنا يباركلك وبسعدك في حياتك
جامعه ايه
طيب لو 84% جيد جدا مرتفع كويس ولا لازم امتياز
ماشاء الله
المهم انك عملت اللي عليك و قدم وان شاء الله تتقبل
يا دكتور طيب انا داخله رابعه جامعه و تقديري مكنش حلو فى السنين اللى فاتت
حاول قدر المستطاع تحسينه هذا العام 🍁
@@ramzyabdelaziz7050 فخورين ان حضرتك خريج جامعه الازهر و انا كذالك فى الازهر ادتني امل كبير ان ممكن الواحد يعمل حاجه كويسه
سلام عليكم ورحمه الله وبركاته الي تقدير متوسط بس ما غشش في حياتو خالص ممكن يلاقي خدمة
بالتأكيد لأن التوفيق من عند الله تعالى 🌻
2:34 أنا في كلية أصول الدين والدعوة بطنطا جامعة الأزهر 😊😊
لسة مخلص امتحان انهاردة، كان آخر يوم
بالتوفيق إن شاء الله 🌻
صحيح.
صح الله لسانك 🍁
❤❤❤❤❤❤❤❤. صحيح كلام حضرتك صحيح جدا
شكراً جزيلاً 🌻
انا ان شاء الله داخله سنه تانيه كليه تجاره جامعه الازهر بس حاسه اني ضايعه ومش عارفه اعمل وخايفه ميكونش ليا فرصه شغل كويسه بعد التخرج وعايزه اكمل تعليمي بعد التخرج
حضرتك تنصحني بأي ؟
استغلي فرصة الصيف في تطوير نفسك سواءا لغة أو مهارات التواصل
حاولي تدوري على شركات تقبل انك تدربي فيها ولو على سبيل التطوع و ده هيوسع دائرة معارفك و هيفرق معاك
بالتوفيق
دكتور رمزي
انا محتاج و بحب وعاوز ادخل مجال التجاره
وسوق العمل انا ف ثانويه عامه الوقتي
و الصراحه مش فارق معايا الجامعه على اساس سمعت شخص ما مشهور جدا بالمناسبه بيقول انها مش مهمه ايه رأيك
محتاج رأي حصرتك عشان بجد انا الخطوه دي فيها تحديد مستقبلي❤
أعتقد إن رأيي كان واضح فى الفديو و إن الطلبة المفروض ميستسهلوش لأن في الاخر هم اللى بيدفعو التمن ...فكر شويه الاراء أمامك و أنت اللى هتقرر مستقبلك بايدك 🌻
@@ramzyabdelaziz7050 ❤️🤍❤️🤍
شكرا لاستماته حضرتك في إيصال النصيحه. بس استازنك جامعه عين شمس حقوق مقبول بس كملت ماجستير ف الحقوق تخصص تجاره دوليه بعد التخرج ع طول بتقدر جيد. اقدر استفيد ازاي من نصيحه حضرتك للتطور
وازاي اقدر اقدم كمحاضر او مدرس مساعد خارج مصر
تابع معانا بودكاست توجيه كل جمعة الساعه 10 و ستجد ما تريد🍁
@@ramzyabdelaziz7050 شكرا دكتور رمزي 🙏
دكتور رمزي من فضلك تجاوبني ضروري،، حتى لو الطالب تربية قسم لغة عربية التقدير هام أيضا؟؟
فاللغة العربية ليس لها مجالات عمل متعددة كاللغات الأجنبية الأخرى!
أرجو من حضرتك تجاوبني،وربنا يبارك في حضرتك.
نعم حتى قسم اللغة العربية....هناك مجالات للغه العربية مثل تعليم غير الناطقين بها اونلاين و العديد من المجالات الأخري. اللغه العربيه لغه غنية و مهمه و التقدير الجامعية هي المهمه الأساسية المطلوبه من الطلاب الجامعيين 🌼
@@ramzyabdelaziz7050 معلش يا دكتور رمزي آخر سؤال وهل ممكن تعلم اللغة الانجليزية واتقانها والعمل بها حتى لو لم أكن أملك شهادة لها؟؟
بالطبع يمكنك المجالات الان مفتوحه ...أعانكم الله و نفع بكم 🌻
انا علوم و جايب جيد جدا ومش لاقى شغل شبه محترم
هو مهم فى حاله واحده لو هتكمل اكاديمى او وظائف حكوميه
التقدير بوابة فقط ولا يجب الإعتماد عليه وحده🌼
جزاكم الله خيراً 🌹
شكرا أخي الكريم..جزانا الله و إياكم كل خير 🌼
طيب لو تكرمت ياغالي هل الكلام دا ينطبق علي الكليات الخاصة برضو ولا بس الكليات الحكومية
بالتأكيد لكل الكليات ....أعانك الله و وفقك 🍁
ميتحرمش منك ابدا ياحبيب قلبي وربنا يباركلنا فيك وينفع بك الامة
@@ramzyabdelaziz7050
شكرا يا دكتور .. طب و اللي اتخرج و مش معاه تقدير ايه العمل ؟
اتقان اللغة الإنجليزية و العمل على الحصول على المهارات المناسبة لطبيعة عمله و تخصصة
طب لو واحد عنده الان ٤١ و كان مش احسن حاجة في حياته في الدراسة تنصحه بايه لعد اذنك
انصحه بالسعي أى أن مكان مجالة أسعى لتكون افضل نسحة منك 🍁
شكرا لك وكل عام وانتم بخير
و انتم بالف خير و عيدكم مبارك 🌻
بارك الله فيكم. احسنت
أشكرك و فيكم بارك الله 🍁
انا في معهد خاص فنون تطبيقية بس حاسس انه التقدير فيها غريب علشان معندناش gpa وساعات معتمدة وكده
عندنا تقديرات بس مفيش ارقام فهل كده اهتم بردو ؟
أكيد حاول دائما تعمل اللى عليك و تكون الافضل متوفرش مجهود 🌼
بس فيه غش رهيب يا دكتور في الثانوية والجامعة. تجد مهندسين وتربويين وغيرهم غاشين في الكلية! يضيعون مجهودنا
اولا
مفيش حاجه اسمها غش في الجامعه
ثانيا دا مش مبرر انت بتعمل الي عليك وربك عمره ما هيضيع تعبك
اتعامل مع ربنا واخلص له العمل ولا شك ستري الثمره
صدقت يا أخي
نعم اخي الكريم نحن نفعل ما علينا و الأرزاق بيد الله 🌻
لا فيه غش بيدفعو فلوس عشان يعرفو الاسئله ويجهزوها عشان يعرفو يحلو فى الامتحان
واللى مش بيدفع فلوس بيمشو معاه ميرى وعلى اقل غلطه يخسر حبه درجات حلوه
حسبى الله ونعم الوكيل @@malektarek3508
ليا واحد جاري طالع الأول على دفعته و ما اتعينش بس هو حالياً شغال فري لانسر كمترجم و بيعمل فلوس كويسة جداً فأعتقد و الله أعلم إن أهم شيء للطالب الجامعي تطوير مهاراته و للأسف ما بيدرسش الحاجات دي في الكلية فحتى لو جايب تقدير كويس بيضطر يروح يتعلم تاني عشان يدخل سوق العمل بغض النظر عن تقديره لإن المهارات و الخبرة أهم من التقدير يعني ممكن يجيب مقبول او جيد و يشتغل عادي طالما بيطور من نفسه
كل ميسر لما خلق له ...يظل أيضاً الاجتهاد فى سنين الجامعة لتحصيل أعلى مستوى ممكن هو ما على طلاب الجامعات أن يفعلوه 🌻
طيب يادكتور لو الكلية مالهاش أي علاقة أصلا بالمجال اللي هشتغل فيه
يعني أنا بصراحه مهمل في كليتي تربية نوعيه عين شمس بسبب إن أنا أصلا ناوي أشتغل في مجال البرمجة وحاسس انها مابتفيدنيش باي حاجه مجرد شهادة وخلاص
ولا أنا عندي أي إهتمام بالمواد اللي بييدرسهولنا ولا بحبها
الكلية حتى و إن كانت فى مجال مختلف عن اللى عايز تكمل فيه برضو هتفضل مهمه و هيفضل مهمه طلاب الجامعة أنهم يطلعوا منها بأعلى التقديرات الممكنه 🍁
@@ramzyabdelaziz7050
طيب يادكتور أنا دلوقتي رايح سنة 3
هل شرط إن أنا أتفوق في السنتين الجايين ولا ممكن أجتهد في سنة التخرج بس
عشان برضك الموضوع ده هيأثر على الشغل بتاعي وكده وممكن أضطر أسيب الشغل أصلا ذائد هيكلفني فلوس أكتر بسب العملي بتاع الكلية
سنة التخرج بس و استخير الأول@@abdoeldeeb1628
جزاك الله خير استاذ، ولكن اخالفك في الرأي، اني خريج من ليبيا، حاولت قدر المستطاع اني اجيب تقدير عالي فالجامعة ولكن مايحدث في داخل الجامعة كان عبثية وقمة ضياع الامانة، ممكن ناس تنجح امتياز بس لأنه علاقاتها مع الدكاترة قوية، فيه مادة جبت اخري فيها وبالاخر الدكتور حط درجة ضعيفة ورفض يراجعلي ورقتي وماحضرش وقت المراجعة، فا التقدير الجامعي فقد اهميته بالنسبالي.
هناك العديد من التجارب المريرة داخل الجامعات لكن و للاسف يظل التقدير الجامعي له أهمية و إلا لماذا قد يفعل أحد ما ذرت إلا إذا كان التقدير مهم ؟؟
لأن التعليم عندنا في ليبيا ضايع للأسف في المدارس و الجامعات اعنقد ان من أسوء البلاد في التعليم
انا ف هندسه وشيلت مواد ولكن لما عدت المواد تاني جبت اعلي جريد هل ده هيأثر ؟ ان ممكن ف الشغل بعدين يبصوا انا شيلت ماده ايه او ف المنح بردو حتي لو التقدير النهائي امتياز؟
أهم شئ هو أن تفعل كل ما تسطيع و لا تتهاون فى هذه المرحلة و القادم هو رزق من عند الله 🌻
@@ramzyabdelaziz7050 موافقه مع حضرتك.. بس حضرتك مجاوبتنيش
كلام غلط بالمرة وعار علي الصحه الاهم اللغات اللي معاك وشهايدك بلاش هطل انا جايب امتياز مش شغال صديقي كان هيحب علي يدي عشان اخد شهايد ولا خدت اي شهايد هو الان شغال في افضل بنك وانا مش شغال عارف ليه لاني اقسم بالله اللي خدته في الجامعه هطل وهبل
محاولتش تاخد كورسات في مجالك ، لأن الكليات مش بتحدث و دي مشكلو عالمية في التعليم الأكاديمي زي حاسبات و معلومات مثلا لازم تاخد كورسات و لا تكتفي بالكلية ولن تشتغل بيه
التقدير الجامعي هو المفتاح الاول و بداية الطريق لتحقيق التميز و لكن اتفق معك تماما هو ليس العامل الأوحد عند التوجه للحياة العملية🍁
كلامك صحيح و عن تجربة ناس اعرفها شخصيا
مش معنى انك تجيب امتياز، انك متاخدش كورسات وشهادات في مجالك دا لا يتنافى مع دا اطلاقا، حضرتك الي فهمت غلط، الفكرة كلها في أن أول أولوياتك التقدير التراكمي بعدها المهارات والكورسات والشهادات وتحاول توازن بس كدا
انا معنديش خبره في في الي حضرتك بتقوله بس كان نفسي اسمع كلام زي ده قبل ما ادخل تالته ثانوي انا دلوقتي بخلصها بس والحمدلله كنت بحاول اعمل الي اقدر عليه بس كانت دماغي ممليه افكار ان دي ميش مهمه والي معاهم شهاده قاعدين في البيت وعلى القهوه الفكره ان الكلام ممكن كانت نيته كوسه بس كان متوجه في طريق واحد الي هو الدراسه دي ميش مهمه بس الفكره ان لازم يكون فيه اعتدال في الكلام يعني بردوا بنسمع حوادث عن ناس قتلوا نفسهم بسبب تالته ثانوي وكده فالموضوع لازم يكون فيه حذر وبنكون فكر مراهقين وشباب ان هي مهمه بس مطلوب منك تسعى ايا كان الحال وربنا ميش بيضيع جهد ان سان صادق
للاسف في ناس بتاخد تقدير بالغش والله العظيم
فعلاً لكن و لكل مجتهد نصيب 🌸
شكلى ههتم بالطب بعد الكلمتين دول يا ويلكم يا دحيحة الكلية 😂😂
أعانك الله 👏🌼
❤❤❤
ده بره مش هنا والواقع اللى حوالينا يثبت ده
الواقع يثبت أن التقدير وحده لا يكفي لكن هو البوابة الاولى للتميز. لكل طلاب الجامعات عليهم التركيز على الحصول على أفضل تقدير ممكن مع اخد كورسات تؤهله للسباق فى سوق العمل و تحسين مستوى اللغة الإنجليزية 🌻
بالنسبة لشخص كان معهد فنى تمريض ثم أخذت سنتين دبلومة كمعادلة تعادل درجة البكالريوس ، علما بأنها معترف بها من المجلس الاعلى للجامعات والمسمى هو بكالريوس تقنى تمريض ، هل أقدر التحق بمنحة خارجية ؟؟ وما هى أنسب منحة اذا كان من الممكن ذلك؟
أنصحك تتابع قناة 'الدكتور' محمد منصور من بريطانيا ، عنده قناة خاصة للأطباء فقط يمكن يفيدك يا أخي
يمكن متابعة بودكاست توجيه كل جمعة الساعه 10 بتوقيت مصر لتعرف كل ما يهمك عن المنح🌻
كان فين الكلمتين دول من تلت سنين
انا داخل على رابعه دلوقتي
و تقديري بين الجيد و الجيد مرتفع
انا علي كلامك معدش ليا تعليم خلاص انا هسيب الكلية
كدا كدا خربانه
لا طبعا دائما هناك امل و أمامك سنه كامله لتدرك ما فاتك و تستطيع التطوير بإضافة بعض المهارات و اللغة الإنجليزية لتقويه ما فاتك 🌼
@@ramzyabdelaziz7050 يعني اقدر اكون كويس ...انتا اكيد عارف التحديات شكلها ايه خصوصا قدام طالب ضعيف زيي
@user-bk3rl4ep5n كليهايه
السلام عليكم أستاذ ,انا متابع لقناتكم من فترة على اليوتيوب و التيليغرام و عندي ملاحظة بدون قصد إساءة, أنا أحترم جهودك في تطوير الشباب العربي, لكن الترويج الزائد لتخصصات علوم الحاسب خاصة البرمجة و علوم البيانات مثلا و القول بأن هناك نقص في اليد العاملة هذا نصب, هذه المجالات حرفيا من أكثر المجالات لي سوقها متشبع و المنافسة فيها مميتة من طرف طلاب هذه التخصصات أصلا و أشخاص من مجالات أخرى قرروا الإنتقال الى هذا المجال بسبب هذا التطبيل , أعرف أشخاص قامو بتطوير أنفسهم في المجال و تعبوا عليه و في النهاية لم يجدو نتيجة لهذا التعب الذي لو إستثمروه في مجالات أخرى لنجحوا .
لا أقول أنك تبيع الوهم لكن صناع المحتوى عليهم التوقف عن هذا التطبيل و تظليل الشباب أو على الأفل التكلم في مختلف المجالات بشكل متساو و شكرا
أشكرك على مشاركة رايك و تجربتك و لكن التوضيح أن هناك وظائف ستنقرض و وظائف تحل محلها هذه سنه الحياة و هذا ما سيحدث فى القريب العاجل فى مجالات البرمجيات🌻
اعتقد الشخص الوحيد المش عايز يشتغل بشهادته وهو كاره التخصصه وهيعمل شيفت كاررير , دي الحالة الوحيد الي مش مهم فيها التقدير والله أعلم
شكرا على دعمك أخي الكريم 🍁
مع احترامي لحضرتك انا اخالف هذا الكلام تماما .. بدون الدخول في التفاصيل التقدير لا يعكس الشخصية ... انا سقطت اول سنة في كلية علوم بالرغم اني طول عمري مجتهدة .. وبالرغم من سعي واجتهادي بعد كدى وجبت امتيازات في مواد عدة بعدها لكن الأوفر اول كان جيد مرتفع .. فيه جامعات بتقدم منح دراسية ويتقبل تقدير جيد
الأفضلية دائما تكون الجدارة الأكاديمية و يأتي معها باقى المهارات 🌻
محتاجه اتواصل مع حضرتك ضروري دكتور رمزي
يمكنك التواصل على رسائل الصفحه الرسمية على فيسبوك 🍁
@@ramzyabdelaziz7050 تواصلت بالفعل بس مع الاسف مفيش رد 😥💔
@@ramzyabdelaziz7050 تواصلت بالفعل بس مع الاسف مفيش رد 😥💔
بعت لحضرتك ممكن حضرتك ترد عليا ضروري @@ramzyabdelaziz7050
كلامك غلط في غلط الوسطه هى التقدير
نحن مأمورون بالسعي و الأخذ بالاسباب 🌻
كلام غير صحيح تمامًا، التعليم الجامعي في مصر ليس له اي فائدة ولا اهمية فعلية للطالب ما هو الا حشو للمخ بمعلومات بتتنسي بعد كده
سنين من العمر تُقضي من غير اي فائدة، من الممكن ان احنا نستفيد بالخمس سنوات او اربع سنوات الدراسة دي بالتعليم المهم فعلا وغالبا بيكون التعليم الذاتي لاحتياجات سوق العمل.
كمان مفيش حد في الجامعات المصرية بيعرف يعلم الطالب علم صح، ومفيش حد بيعلّم اصلا
ممكن احتاج ان ادرس كورس واحد فقط لمدة سنة أو اقل يغنيني عن تعليم خمس سنوات في الجامعة! وده اللي بيحصل فعلا بنتخرج نأخد كورس أو اتنين عشان نعرف نشتغل، فين المسئولين عن التعليم عن حاجة زي كده؟ ليه سنين عمرنا تضيع كده بسهولة وان ممكن نستغلها بشكل أفضل.
واخيرًا ناس كتيرة متعينة في افضل الشركات في العالم ومتبصش علي تقديرهم اصلاً!
وملحوظة اخيرة، بالنسبة للتعيين الاكاديمي في مصر هنا في ناس اتعينت وكملت ماستر ودكتوراة وبقت عضو هيئة تدريس عادي في الجامعة بتقدير جيد!
فاهم إحباطك، لكن التعليم الجامعي بوابة مهمة و إلا كانت الناس اكتفت بالثانوي و اخدت بعدها كورسات فقط. التعليم الجامعي و التقدير لا يمكن أن يغفل عن أهميتها 🍁
طيب نصدق مين يعني 😅😅
صدق عقلك الآن عندك كل وجهات النظر فكر جيدا و ستعلم ما هو الأفضل 🍁
كلامك كله غلط و إحباط
و ما هو المشجع بالنسبة لك ا. أسلام؟! 🍁
@@ramzyabdelaziz7050 الي اخد ماجستير مش بيسالوا عن تقديراته قبل التخرج
ثانيا انت بتبعتي عن اعلان عن منح و المنح ديه وهمية
❤🤍🇵🇸🤍🤍🤍❤️❤️
كلام غلط جدا جدا جدا
و ايه الصح من وجهه نظرك ؟!
إن انا في سوق العمل مشوفتش اي حد سألني على تقديري في أي الشركة، الخلاصة في حاجتين اما انت حد شاطر بتعرف بتعمل وظيفة مطلوبه باحتراف، او حد معاه معارف ووسايط و مش فاهم حاجة ف بتتححط في تايتلز حلوة و انت مش فاهم، لكن التقدير ده كان زمان، مبيأكلش عيش، البلد دلوقتي كلها ماجستير و دكتوراه و مش لاقين ناكل
اولا اشكرك على ردك الطيب و مشاركتك وجهة نظرك 🌻 .... ثانياً هل ممكن نقول إن الكليه كلها مش فارقه و الناس متدخلش الكليه و تعتمد على المعرفه فقط؟ ولا برضو مهما كان الكليه و التقدير بيعمل فرق حتى لو بسيط فى التفضيلات بين المتقدمين للتوظيف ؟؟
الكلية حاليا أصبحت ورقة زي الجيش، مبتقدمش محتوى علمي قيم - من وجهة نظري - دكتور مقيد بكتاب و تيرم، و آخر السنة احذف و الغي، و الأمر كله معتمد على المعرفة الذاتية
اتفق معك أخي الكريم أن الامر كله بيد الطالب المعرفة الذاتية من باب شاء الكلية, الكورسات, او غيره ....لكن تظل مهمه طالب الجامعة أن ينهي سنوات دراسته فى الجامعة بأعلى تقدير يمكنه الحصول عليه مع التوازن فى تحصيل المعرفة من أي مصدر آخر و الحصول على تدريب مهني يؤهله لسوق العمل.
كلام مش دقيق للأسف التقدير في الجامعات والمعاهد الحكومية بلح باللبن
لكنه يظل عامل مهم جدا لتقيم الخريج 🍁