Mâhur Kâr ı Nâtık (18 makam)... Elif Ömürlü Uyar

Güfte: Prof.Dr Mustafa Tahralı
Beste: Rıza Tekin Uğurel
Hânende: Elif Ömürlü Uyar
Sazlar;
Kanun: Reha Sağbaş
K.Kemençe: Lale Akay Umul
Tanbur: Alper Kahraman
Bendir/Daire: Sibel Yel
Konser: 31.05.2014
Mâhur Kâr ı Nâtık (18 makam)
Ey gönül mâhûr ilinden perde-i devrâne gel
Nağmelerden şevk alıp dil bezmine merdâne gel
Âlem-i elhâne gel
Perde-i seyrâne gel
Seyr-i zâvil'den düşen âhenk ile feryâd edip
Bülbül-i gülşen ile hengâma gir, tâ câne gel
Sîne-i vîrâne gel
Sûziş ü efgāne gel
Kûşe-i aşk içre uzzâl eyle ey dil derdini
Âteş-i sûzân ile yan, meclis-i yârâne gel
Derd ile devrâne gel
Meclis-i cânâne gel
Bir nağme-i şehnâz ile şâd et dil ü cânı
Hengâme-i aşk içre ayân eyle figānı
Feryâd-ı nihânı
Mihmân-ı cenânı
Dil firkate düşmüş dolaşır semt-i hicâz'ı
Hicrân ile pür-hun görünür eşk-i revânı
Hem dîde-i cânı
Hem rûh-ı revânı
Hû hû diye dem tutsa nevâ'dan ney-i âşık
Baştan başa yâr aşkı olur seyr-i beyânı
Feryâd u figānı
Pinhân u ayânı
Dil hüseynî okuyup hasret-i dildâra düşer
Yâri yâd eylese devrân-ı cefâkâra düşer
Çeşm-i hunhâra düşer
Hâr-ı gülzâra düşer
Derd ü gam seyrini tutmuşsa bayâtî güzeli
Geçer ağyârı gönül çeşm-i füsunkâra düşer
Vech-i dildâra düşer
Serv-i reftâra düşer
Isfahan şehrine yârân ile yol bulsa gönül
Yâr için çektiği her derdine bin çâre düşer
Semt-i hünkâra düşer
Seyr-i dîdâra düşer
Kûy-i dil-ârâya gönül seyr-i muhayyer'le döner
Vuslat-ı yâr faslına bir bâde-i kevserle döner
Bâde-i kevserle döner
Devr-i mükerrerle döner
Yâr ile gerdâniye bezminde bulur halveti dil
Seyr-i firâk devrine bir vasl-ı mukarrerle döner
Vasl-ı mukarrerle döner
Va'd-i müyesserle döner
Eylese tâhir dili firkatte mücevher gibi sâf
Hâne-i dildâra gönül cân-ı mutahherle döner
Cân-ı mutahherle döner
Cezbe-i dilberle döner
Şehinşâh-ı cihânın erdi âhir lutf u ihsânı
Acem mülkün tutup üftâdeye bahşetti cevlânı
Küşâd etti gülistânı
Gönül köşkünde seyrânı
Gönül dârın demâdem târumâr eyler acem kürdî
Cihân olmuş iken elhak esîr-i çeşm-i fettânı
Sürer târâc u tâlânı
Aman bilmez mi fermânı
Aman bulmaz gönül çerhin cefâsından aman bulmaz
Hemân olsun nihâvend içre yârin dilde mihmânı
Sarây-ı dilde hayrânı
Vefâ-yı yâr senâ-hânı
Devretti âsumân-ı cihân içre nev-eser
Bir hüsn ü ân ki seyr ü temâşâ cihan değer
Dillerde nev-eser
Seyri cihan değer
Hîç eksik olmaz âşık-ı şeydâda sûzidil
Dâim başında bâd-ı semûm-ı firâk eser
Gönlünde serteser
Bâd-ı firâk eser
Ey dil cihanda dâmen-i sultân-ı evc'i tut
Diller niyâz-ı yâr ile ihsâna erdiler
Dilden kılıp sefer
Cânâna erdiler
Yârânına olsun diye bir tuhfe Tekin'den
Mâhûr'a varıp Kâr'ını nakşeyledi cânı
Bir serv-i revânı
Ebrû-yı kemânı
Bitmez imiş âheng-i dilin cûş u hurûşu
Gûş eyle Mürid dildeki elhân-ı nihânı
Âvâze-i cânı
Mihmân-ı cenânı

[@TekinUgurel]

Teşekkürler Adnan Beğ ve emeği geçenlere...