Kreditga kafillik shartnomasi “shunchaki rasmiyatchilik” emas

Surxondaryo televideniesi orqali efirga uzatilgan "Kun mavzusi" ko'rsatuvining navbatdagi sonida viloyat adliya boshqarmasi mas'ul xodimi Q.Ulug'ov ishtirokida kreditga kafillik, kafil bo'lishda nimalarga ahamiyat qaratish kerak, bir vaqtning o'zida bir nechta kredit uchun kafil bo'lish mumkinmi, qarzdor qarzini to'lamasa, qarz kafildan undiriladimi, kafillikni bekor qilish mumkinmi, ta'lim krediti, magistratura bosqichida o'qiyotgan xotin-qizlar uchun imtiyoz va boshqa shu kabi masalalar bo'yicha qonunchiligimizda belgilangan tartiblar yuzasidan so'z yuritildi.
Birovning qarzi uchun kafillik berayotganingizda mas’uliyat bilan yondashing. Kredit uchun oylik to‘lov miqdori va o‘zingizning oylik xarajatlaringizni o‘zaro solishtiring, chunki eng yomon senariyda kredit bo‘yicha to‘lovlar sizning bo‘yingizga tushadi.