انفجار تشرنوبل - المشاهد كاملة
Вставка
- Опубліковано 29 тра 2022
- يوم 26 ابريل سنة 1986.. وتحديدا الساعة 1.. 23.. و45 ثانية بالظبط.. ينفجر المفاعل النووى تشيرنوبل فى الاتحاد السوفيتى.. هنا الإجراء الطبيعى اللى بيحصل مع أى انفجار فى الدنيا.. هو ان المطافى تجرى بسرعة علشان تطفى الحريق.. وفعلا ده اللى حصل.. لكن سيدى المواطن الموضوع لو بالبساطة دى مكناش عملنا عنه حلقه.. وخلينى أحكيلك..
بمجرد ما وصل رجال المطافى لموقع الانفجار.. وبدؤوا يطفوا الحريقة.. وبرغم انهم واقفين بعيد عن النار.. إلا إنهم بدؤوا يقعوا واحد ورا التانى.. الواحد منهم يبقى ماسك خرطوم المايه وشغال بيطفى فى الحريقة.. لكن فجأة هووب.. يقع.. والحقيقة مكنش ده الخطير فى الموضوع.. أخطر حاجه هى ان واحد من رجال الإطفاء وكان اسمه فاليرى خوديمشوك.. وخليك فاكر اسمه علشان هحكيلك حكايته مع زوجته ليودميلا كمان شويه.. فاليرى خوديمشوك ده شاف حجر كبير مكسور ومرمى بعيد عن المفاعل.. فاستغرب ازاى حجر بالضخامة دى يتقسم نصين ويطير المسافة دى كلها من المفاعل؟.. لكن برده الأسئلة دى مكنتش أخطر حاجه.. أخطر حاجه انه بعد ما مسك الحجر بايده - علما بإنه لابس فى ايده جواندى عازل للحرارة.. بدأ يصرخ كأنه عيل صغير.. ايده بتتحرق.. ولما زمايله قلعوه الجواندى اترعبوا.. كف ايده مش بس اتحرق.. ده اتشوه.. الجلد اختفى.. وهنا كان السؤال.. ايه اللى حصل؟.. ايه الحجر اللى مسكه بايده ده وازاى عمل فيه كده؟.. هقولك..
الحجر ده سيدى المواطن اسمه حجر الغرافيت.. وخطورته فى ان مكانه الطبيعى هو قلب المفاعل.. ده موجود فى قلب المفاعل من جوه.. وبالتالى هنا السؤال؟.. ايه اللى طلعه من قلب المفاعل النووى وكسره ورماه بعيد عن المحطة النووية كلها؟.. خد بالك لحد اللحظة دى كل عمال الإطفاء مش فاهمين حاجه ولا يعرفوا الحجر ده بتاع ايه؟.. كل اللى شايفينه ان الحجر ده شوه ايد زميلهم.. وان باقى زمايلهم بيقعوا واحد ورا التانى..
حضرتك تقولى طيب ما يبعدوا عن الحريقة دى لحد ما يفهموا ايه اللى بيحصل.. أقولك طبعا مينفعش.. حضرتك فى الاتحاد السوفيتى.. يعنى أى تقصير فى شغلك سهل جدا تقضى اللى باقى من عمرك فى معتقلات سيبيريا.. ومعتقلات سيبيريا أخر مكان على كوكب الأرض ممكن تفكر انك تقضى فيه 4 دقايق على بعض.. فاللى كان بيحصل ان عمال الإطفاء اللى بيقعوا.. بييجى غيرهم يكملوا شغلهم.. شوية والجداد هما كمان يقعوا وييجى غيرهم يكملوا شغلهم.. وهكذا.. طيب الناس اللى بتقع دى بيروحو فين؟.. بيطلعوا على المستشفيات..
الغريب هنا بقى ان على ما الاسعاف كانت بتوصل المستشفى توصل عمال الإطفاء اللى وقعوا.. المسعفين هما كمان كانوا بيقعوا قدام باب المستشفى.. وهنا بدأت الناس تقلق.. فى حاجه غلط بتحصل.. عمال المطافى بيقعوا من الحريقة والدخان والمجهود.. ماشى.. لكن المسعفين اللى يادوب شالوا عمال المطافى وحطوهم فى الإسعاف ورجعوا بيهم على المستشفى.. بيقعوا ليه؟.. هو ده كان السؤال..
مين هنا يمسك طرف الخيط؟.. الدكاترة.. الدكاترة اللى فى المستشفيات بمجرد ما شافوا أعراض عمال المطافى والمسعفين.. عرفوا انها بسبب الإشعاع.. وكان أكتر واحد باين عليه أعراض الاشعاع هو مين ؟.. فاليرى خوديمشوك اللى كلمتك عنه من شويه.. لدرجة ان زوجته ليودميلا لما حاولت تدخله المستشفى تطمن عليه.. منعوها علشان متتأثرش من الإشعاع اللى مغرق جسم جوزها.. لكن طبعا محدش قالها على موضوع الاشعاع ده.. هما منعوها من الزيارة وخلاص.. لكن ولأن ليودميلا كانت بتحب جوزها.. فضلت تراوغ لحد ما دخلت وسط انشغال الدكاترة بالحالات اللى عماله توصل.. وأول ما شافت جوزها فاليرى خوديمشوك.. اترمت فى حضنه.. لكن مش ده الخطير.. الخطير انها كانت حامل.. طيب حصلها ايه بعد كده هى والجنين اللى فى بطنها؟.. هقولك كمان شوية..
خلينى أقولك الأول أضرار الإشعاع علشان تبقى عارفها.. لو اتعرض الانسان لنسبة كبيرة من الإشعاع خلاياه بتتحلل.. بيتحول الجلد للون الأحمر وبعد كده اللون الأسود.. بعد كده بيمر جسمه بفترة خمول مدتها يوم أو اتنين.. الألم بيقل وبيتخيل الانسان ان حالته بدأت تتحسن.. لكن الحقيقة عكس كده تماما.. لأن بعد اليومين دول.. بيبدأ الانهيار.. خلايا النخاع العظمى بتموت.. والجهاز المناعى بيعطل.. وتبدأ أعضاء جسم الإنسان تتحلل.. كل ده وهو لسه حى مماتش.. وبالتالى بيحس بألم رهيب لا يمكن لحضرتك انك تتخيله بسهولة.. وبعد أسبوعين أو 3 بالكتير من الألم الرهيب ده.. بيموت..
أما فى حالات التعرض لنسبة بسيطة من الإشعاع.. فالإنسان صحيح مش بيصاب بالأعراض دى.. لكن حمضه النووى بيتأذى.. وبيصاب بالسرطان أو فقر الدم.. وفى الحالتين بيموت خلال 4 أو 5 سنين بالكتير..
أما فى حالة التعرض لنسبة عالية جدا من الإشعاع.. فجسم الإنسان بينهار ويموت مباشرة.. لدرجة انهم قسمو سطح مفاعل تشيرنوبل لـ 3 أجزاء.. الجزء الأول سموه كاتيا.. وده كان نسبة الإشعاع فيه ألف رونتغن فى الساعة.. والرونتغن دى وحدة قياس الإشعاع.. طيب نسبة الألف رونتغن دى بتعمل ايه؟.. بتموت الإنسان فى ساعتين بس.. لو قعدت جواها ساعتين تموت.. الجزء التانى من سطح المفاعل سموه نينا.. نسبة الإشعاع فيه ألفين رونتغن فى الساعة.. ودى نسبة مميته.. تموت فى أقل من ساعتين.. أما الجزء الأكبر من سطح مفاعل تشيرنوبل فكان اسمه ماشا.. ونسبة الإشعاع فيه 12 ألف رونتغن.. والمكان ده وصفوه وقتها بإنه أخطر مكان على وجه الأرض.. لأن نسبة الإشعاع اللى فيه مش بس تقدر تقتل الإنسان حتى ولو كان لابس بدلة واقية من الإشعاع.. لكن الأخطر انها تقدر تدمر أى أجهزة ومعدات حتى ولو كانت مصممة لتحمل الإشعاع..
وبالتالى دكاترة المستشفيات.. الناس اللى فاهمه ودارسه بقى.. قدروا يعرفوا ان الناس دى اتعرضت لإشعاع.. وده معناه ان اللى حصل فى مفاعل تشيرنوبل مش مجرد حريقة زى ما الحكومة بتقول للناس.. اللى حصل فى تشيرنوبل انفجار نووى.. لكن ازاى حصل؟.. هقولك
المصادر
Chornobyl 01:23:40
The True Story of the World's Worst Nuclear Disaster.
by Andrew Leatherbarrow
#كارثة_تشيرنوبل #المواطن_سعيد
اقترح علينا موضوع الحلقة الجاية 🌷❤️
وياريت ترجع الاستوديو القديم
@mina wisa الصوت فى مشكلة النهاردة ؟
@@user-ys2ib3ke4y نقلت اقتراحك لفريق الاعداد 🌷❤️
@mohamed ebrahim نقلت اقتراحك لفريق الاعداد 🌷❤️
ممكن حلقة عن جمعه الشوالي ❤
حلقة كدا عظيمة عن رأفت الهجان وإنجازاته تبقي عظمة والله 💙
👍👍👍
ياريت بجد
ياريت يااستاذ سعيد
اتفق
اتفق
تتفرج على مسلسل تشيرنوبل ❌
تتفرج على حلقة المواطن سعيد ✔
حلقة رهيبة بكل معنى الكلمة❤❤
تفرجت المسلسل كامل وراجع أكمل حلقة المواطن وحارق علي كل شيء
@@zx8527 لا تزعل تفرجت عليه مرتين مسلسل رهيب حرفيا❤❤
المسلسل عظمه بردوا
ايش اسم المسلسل
@@moonstar2678 تشرنوبل
بجد الواحد بيقول الحمد لله علشان اختراع النت واليوتيوب لأن كمان ربنا كرمنا باخ زى حضرتك استاذ ورئيس قسم بتعلمنا حاجات كتير جدا وحلقات حضرتك مرجع لينا وأولادنا الله يباركلك ويكثر من امثالك
ما خفی کان اوسخ ی اسطي💔🙂
انا من عشاق القناه ومحتواها الجميل المتنوع.
لدرجة اني اضغط لايك قبل ماتبدا الحلقه.
شكراً استاذ / أحمد ، على ماتقدمه.
حلقة أكثر من رائعة يا استاذ احمد. دايما متفوق على عرض المعلومة. درس لازم نعلمه للكل وللأجيال القادمة
ارفع لك القبعه ♥♥♥
بصراحه الحلقه حلوه اوووي و معلومات دقيقه جدا بجد فخوره جداا انك مصري ❤❤❤❤
معلوماتك غلط
@@user-md5ns5ow7z ايه اللي غلط
بصراحة انا شفت حلقات كتيرة عن الحادثة دي شفت كتير ناس شرحتها.. و شفت المسلسل .. بس شرحك و ملخصك للقصة كان الاوضح و الاحسن … احسنت
تشرفت بمتابعتك 🌷❤️
شو هو المسلسل
@@nourbarrak مسلسل اجنبي بيحكي عن القصة اسمه chernobyl
والله كل شويه اجيب حلقات الانا اتفرجت عليها اكتر من 1000مرة ياراجل انا بستنا حلقاتك زى الواحد الجعان انت بجد محترم👍👍👍
بصراحة اقسملك بالله انك شخص مبدع مبدع فعلا حقلقاتك و موضوعات و اسلوبك مبدع و دمك خفيف.
أقل مكافئة ليك برنامج مستقل على ناشونال جيوجرافيك
استاذ احمد خودمشوك كان عامل دورة المفاعل ليودميلا كانت زوجه فاسيلي اجناتينكو عامل إطفاء اللي مسك حجر الجرافيت كان اسمه ميشا وجب التنوية وشكرا لحضرتك علي الحلقه
متابع المسلسل
فعلا.. خطأ في الاسماء
كنت ابحث عن تعليق مثل تعليقك خودمتشوك دفن داخل المفاعل للابد
الله عليك يا سعيد من سنين وانا اسمع عن تفاصيل الي حصل في تشيرنوبل لكن لاول مره افهل الي حصل .. لايك
حلقات عن الجواسيس اكتر بعد اذن حضرتك مفيش اجمل منها
انا كنت متدرب فى المعهد المشترك للابحاث النووية فى روسيا.. والله انت بتشرح أسهل من الدكاترة هناك 🤩
عايزين حلقة عن التوسعة في بحيرة ناصر ومشروع توشكي والنهر الصناعي اللي بيتعمل وفصيلة القمح الجديدة اللي بيوصل طولها لمتر ونص.. محتاجين نفهم آكتر عن مشروعات مصر الحالية
مش ممكن ده أبهار تحياتى وأنا عن نفسى متفرجه على كل الفيديوهات الإنسان الناجح بيفرض نفسه بدون أستأذن أتمنى لك كل النجاح 🙏🏻
فاليري خوديمشوك كان مهندس ومشغل المضخة الدورانية في تلك الليلة وليس رجل اطفاء وهو أول ضحية سقطت وقتل على الفور ومازال جثته مدفونة تحت الركام ولن يستطيع أحد إخراجها
ما شاء الله عليك استاذ احمد حلقة متميزة وبالتوفيق
حلقة جميلة وقيمة وذات هدف سامي وتنبيه بنصيحة مبطنه تليق على مستوى الحدث الحالي والحدث الماضي
حلقه جامده وعالميه بدون مجامله
مش قادر اوصف حجم المتعه اللي بسمع بيها الحلقه دي
سماع تفسيراتك متعة كبيرة، تتبنى بنية فكرية يسهل على كل المرجعيات استيعابها بمجرد النطق بها، شكرا 🇲🇦
جااامده حته الاهلي دي😂😂❤❤❤يارب يفوز النهارده
ولله انا من زمان مشترك و قبل ما احضر بعمل 👍و لو كل المشتركين عملو ليك كنا بالف خير انا بحيك عل الحلقه و كل حلقه اجمل من التانيه حلقه عظيمه و مع اني بعرف قصت تشورنوبيل بس لما انت تحكيها في شي حلو فيها طعم تحياتي الك يا استاذ سعيد من لبنان تحيا مصر 🇪🇬🇪🇬🇱🇧🇱🇧🇱🇧👍
ربنا يحفظك ويوفقك.. لتبسيط المعلومه للجميع.. وشرح جميل.. ومعلومات شيقه وجميله.
الدرس المستفاد الوضع تحت السيطره والشعب لازم. يصدق
الحقيقة انك انسان مجتهد جدا وفعلا الواحد بيستفاد منك علي مدار السنين اللي حضرتك بدأت فيها تحياتي ليك ❤️
استاذ احمد ممكن تعمل حلقات اكتر في كل اسبوع لا المواطن سعيد تقريبا اكتر برنامج بتبعه علي اليوتيوب و شكرا جزيلا لجهودكم
صداع من كتر العظمه ٤ مرات بشوف الحلقه ومش زهقان❤❤
انت خطيييييير ، وسردك من الطراز الأول ، تحياتي لك من اخوك في الصعيد
بعد اذنك عايزين حلقة كل يوم ❤
انا دارس كيمياء نوويه واحييك بشده ❤️❤️
ي فندم انت زي العسل والله حضرتك الوحيد الي احب اكتسب منك المعلومه منك حتي من غير ما اشوف مصادر ♥️
وربي بنتظر حلقتك بفارغ الصبر الراجل المحترم ♥️
اي حاجه منك جميله لا يفتي و المواطن سعيد ف المدينه ♥️♥️♥️♥️
صلوا على الحبيب النبي سيدنا ونبينا وحبيبنا محمد صلى الله عليه وسلم اللهم ارحم موتانا و أشفى مرضانا وانصرووحد العرب و المسلمين. احفظ مصر واهلها من كل سوء وشر. إخوتي الكرام ارجو منكم الدعاء بالشفاء العاجل وتفريج والهداية والقبول
حلقة جميلة جدا شرح مفصل للحادثه و باسلوب سردي رائع
انت من أعظم المحترمين على اليوتيوب و أسلوبك في السرد رائع و شيق و عبقري حتى نقدك و اختلافك راقي يا ريت مصر تبقى في أخلاقك
استمر يا اخ احمد احب مقاطعك وطريقة سردك للمواضيع وتابعت مقاطعك كلها من اول مقطع لاخر مقطع محبك نايف من السعودية ❤️❤️
حلقة عظمة كالعادة .... شابوووووو يااستاذ أحمد ♥️♥️
ياريت متتاخرش علينا في الحلقات
تحياتى لحضرتك على شرحك المبسط وعلى مجهودك فى اعداد الحلقات
فاليرى خدمشوك ليس عامل اطفاء لكن كان احد فنيين غرفة التحكم دفن تحت انقاض المفاعل ....عامل الاطفاء اسمه فاسيلى
انك متعملش اشتراك للقناه دي اكبر غلط ❤️❤️ 24:46
سلام عليكم اخي المواطن سعيد انا بسمع الحلقة دي ولابس سماعة Jbl live لاكن في شوية شخشخة حاول تصلحها
JBL وكفى تعالي جمب اخوك 😂
ماشاء الله علي السرد الرائع والتفاصيل الدقيقه ❤ كأني بتفرج على المسلسل تمام
والله انا ثانويه عامه ومش فاضى بس بحب افصل شوى بفنجان قهوه وفديو من فديوهاتك
ياريت اى حد يشوف التعليق يدعيلى ❤❤
حلقة عظيمة
الشرح احسن من المسلسل نفسه 😂❤❤
"وماكان الله معذبهم وهم يستغفرون"
استغفرالله العظيم من كل ذنب اذنبتـــه
استغفرالله العظيم من كل فرض تركتـــه
استغفرالله العظيم من كل إنسان ظلمته
استغفرالله العظيم من كل صالح جفوتـه
استغفرالله العظيم من كل ظالم صاحبته
استغفرالله العظيم من كل بر أجلتـــــــــه
استغفرالله العظيم من كل ناصح اهنتـــه
استغفرالله العظيم من كل محمود سئمته
استغفرالله العظيم من كل زور نطقت بــه
استغفرالله العظيم من كل حق اضعتـــــه
استغفرالله العظيم من كل باطل إتبعتــــه
استغفرالله العظيم من كل وقت اهدرته
استغفرالله العظيم من كل ضمير قتلتــــه
استغفرالله العظيم من كل سر افشيتــــــه
استغفرالله العظيم من كل أمين خدعتـــه
استغفرالله العظيم من كل وعد اخلفتـــه
استغفرالله العظيم من كل عهد خنتـــــه
استغفرالله العظيم من كل امرئ خذلتــه
استغفرالله العظيم من كل صواب كتمته
استغفرالله العظيم من كل خطأ تفوهت به
استغفرالله العظيم من كل عرض هتكته
استغفرالله العظيم من كل سر فضحته
استغفرالله العظيم من كل لغو سمعته
استغفرالله العظيم من كل حرام نظرت اليه😍😍❤❤
انا بشكرك جدا علي طريقه الكلام الجميلة والشرح ده❤
حلقة اكثر من رائعة ..شكرا..اللهم احفظنا بحفظك..تحيا مصر
حلقة ممتازة جزاك الله خيرا وبارك الله فيك
شكرآ على الحلقه المفصله و الجميله 💙👌🏻
ما شاء الله عليك موسوعة واسلوبك هايل فى سرد القصة اتمنى للك مزيد من النجاح
أحلى ليك واحلى تعليق لأحلى مواطن مصرى مسلم المواطن سعيد
ربنا يوفقك وتوصل للذى تتمناه.
والله انت عسل وانا بحبك عشان انت بتقدر توصل المعلومه با منتها البساطه وبخفه دم كمان ربنا يحميك ويحفظك
حلقة عظيمة كالعادة ❤️
بس موضوع الأهلي وال ٦٠ ثانية ده ضحك اوي الصراحة 😂
اجمل اشعار لما تجد حلقة جديدة من عند المواطن سعيد
شابووووه ليك بجد تحياتي اداء عالمي
من اول حلقه سمعتها لحضرتك وانا قلت إنك هتبقا حاجه كبيرة والقناة هتكبر بسرعه وهذا ما حدث
بالتوفيق💙
برافو عليك يا احمد حلقه رائعه وشرحت تفاصيلها بأسلوب علمي مبسط اكتر من رائع 👌💪👑
يوم 26 ابريل سنة 1986.. وتحديدا الساعة 1.. 23.. و45 ثانية بالظبط
والله العظيم قناتك احلى قناة باليوتوب اتمنى تستمر هيج لان حرفيا جاي تغذينا بالمعلومات وطريقة طرحك للموضوع ممتازة جدا جدا جدا استمر وكثر المقاطع والله يحفظك ويوفقك
شاهدت اكثر من 8 فيدوات عن موضوع انته اكثر واحد فهمتني عيوب المفاعل و سبب الأنفجار بشكل كامل راقي انته حبيب گلبي
عزيزي فاليري خودمشوك لم يكن رجل اطفاء .. كان مهندس مناوب في الشفت الليلي .. ولم يكن زوج لودميلا .. زوج لوديميلا هو رجل الاطفاء فاسيلي اغناتينكو .. انك تتكلم عن فاسيلي اغناتينكو وليس عن فاليري خودمشوك .. ارجو تصحيح المعلومات
انا بحب سردك للقصه والله وكان اول مره بسمعها . ربنا يكرم ويعزك . استمر من نجاح لنجاح ان شاء الله
مجهود يُشكر حقيقي ❤️
انت شخص محترم وفاهم كل النقاط صحيحه .تحياتي من Toronto.Canada
كالعاده حلقه ممتازه ومميزه ربنا يبارك فيك 🌹🌹🌹 🌹
السيد المحترم ..
فاليري خوديمشوك ليس رجل الاطفاء بل مهندس التشغيل بمضحات المفاعل اثناء الانفجار
رجل الاطفاء هو فاسيلي اجناتنكو ..
حلقة رائعه جدا وربي يعطيك العافيه على المجهود الرائع...ارجو عمل حلقة عن أمراض الاشعة النووية وأمراض اليورانيوم المنضب مع الاحترام والتقدير
المعلومات مفيده جدا أنا استفت منها ويريت كل الناس تتعرف علي معلومات مهمه
بسم الله ماشاءالله اللهم على شأن مصر واحفظها وانصرها وأهلها وجيشها وسماءها وارضها وصل الله وسلم على سيدنا محمد وعلى آله وصحبه أجمعين
سبحان الله حقيقى الكوارث لا تحدث فجأة أبدا كلما تتبعت اخبار كارثة تبدو مفاجأة يتضح ان لها مقدمات منذ سنوات وليس ايام فقط وهذه حكمة الله.
مبدع ومتألق كعادتك ياأستاذ سعيد
تحياتي لك من اليمن
والله انت عسل يابو حميد محتاجين حلقات اكتر عن الوضع الامنى فمصر وحلقه عن اخر الاحداث فى اوكرانيا ... وربنا يوفقك يامحترم
انا اتعلمت من الغلط وعملت لايك 😂
بالتوفيق يا استاذ احمد وربنا يوفقك ويحفظك 🥰
أ. سعيد مش عارف اشكرك ازاي .. سردك للأحداث وقبولك اللي بتتمتع بيه خلاني أرشح قناتك لكل اللي أعرفهم انا ايهاب سعيد Training Business بستوحي برامج التدريب من حلقاتك بعد ما أوظفها للمواضيع اللي بتكلم فيها وبجد بستفيد وبفيد ناس كتير بسببك وكلامي بدون أدني مجامله أو رياء .. اتمنالك التوفيق من كل قلبي
حلقه فوق الرائعه شكرا لك مواطن سعيد
حلقه عظيمه ❤️
انك بعد كل لى سمعته ده ماتعملش لايك وسبسكرايب غلط 😂👍🏼 موضوع جميل وقصه مشوقه وفيديو رائع
حلقه رائعه ومميزه جدا شكرا لحضرتك
والله العظيم بحبك وبحب اتفرج عليك بفتح اليوتيوب عشان خاطرك بس ❤️❤️❤️❤️❤️❤️❤️❤️❤️❤️❤️❤️❤️❤️
حلقة جميلة كالعادة يا أستاذ أحمد, ننتظر حلقة إنهيار الإتحاد السوفيتي
فعلا قناة متميزة وهادفة ... تحياتي لك ولعائلتك الكريمة وأصدقائك من المغرب أخي الكريم وشكرا لك على توضيح الحقائق وبفضل معلوماتك أصبحت أعرف وأفهم سبب بعض الأحداث التي وقعت ...تحياتي لك مرة أخرى وواصل أخي الكريم
عظيم جدا ومعلومات قيمه
شكرا للجهود المبذوله
نريد حلقه عن الحرب الروسيه الاوكرانيه
الرسالة واضحة جدا و وصلتنا يا أستاذنا 👏🏻👏🏻
عظمةة والله ي أبو سعيد ، استمرر ♥️👏
استمر وربي يوفقك ويكملك بعلمك ودينك🙏🏼❤️❤️
السلام عليكم
سعيد سعيد دايما إن شاء الله...
و على طول معانا، تطربنا بفيديوهاتك الجميلة.
استاذ احمد..الله يبارك حياتك. موضوع قيم ومشوق.
عايزين بقي حلقه بالطبع عن
معتقلات سالبريا
👌👌💪💪
حلقه اكثر من رائعه شكرا جدا
افضل شخص يقدم محتوى مفيد❤ تابعك من اليمن
حلقه روعه ومجهود رائع
إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا
اللهم صل وسلم وبارك على سيدنا ونبينا وحبيبنا محمد صلى الله عليه وسلم
انت متميز جدا في رواية الاحداث التاريخيه بالذات الحكايات الجاسوسية حاول تركز عليها ♥️
✨السجون واللي يحصل فيها حقائق مش توقعات
✨العمليات الجراحية الخطيرة/ الدقيقة حول العالم
✨حالات الضياع والنجاة في الغابات/ الجبال
✨رحلات جوية غريبة خطف/ اختفاء/ انفجار/ نجاة
✨هيروشيما وناجزاكي
مثلا يعني + قصص الجواسيس رهيييبة😍
اسلوب حضرتك ممتع .. تحياتي ❤️🌹
جيت اعمل لايك وصابسكريب عشان مش بعد كل اللي سمعته دا اعمل غلط 😂
انت حقيقي رائع وبستني حلقاتك كلها 💓
الحلقه دي تخلينا نبق عارفين ومتأكيد اي الي هيحصل للبشريه لو روسيا مخدتش الي هي عاوزاه من اوكرانيا
اول مرة افهم هدف الاختبار بعد شرحك المفصل فشكرا جزيلا لك اخي المحترم
روعه سردك للموضوع🙏 بالتوفيق دايما
الله يصلح حالك .. بعد ما احزنت قلبي .. في نهاية الحلقه تضحكني 🥰😂..جزاكم الله خيرا