كلمات الشاعرة فاطمة البياهي 24/ 3 / 1433 والصور مما وصل واتسآب

يبه وينك مشاويري اقضيها برجليه
تعال وخذ معك معروض في أوراق رسميه
وقول البنت تبغى تسوق ولحظة صفو النيه
تبي رخصة تمشيها ماهي رخصة دوليه
تجيب أغراض للعيشة صامولي وجبنيه
ويمكن وأقول الصدق تأخذ قهوة تركيه
وترا بنتي ورب البيت ماهي بنت عاديه
تشرفني وبنت رجال نشمية ونجديه
وابد والله مابنخاف لاقالوا ذياب بشريه
أنا الذيبة وبنت الذيب بس بصورة بنيه
وخلاص الكبت فجرنا وثارت فينا جنيه
أجل يرضيك بنغالي وإلا عيال هندية
يراقبني بنظراته في الروحات والجيه
وافز من الحلم وأصحى وأقول أضغاث وهميه
يبه وينك عساي ألقاك في جنات عليه
وعساك الحين في الفردوس جنبك بنت حوريه
هي أمي ربي يحفظها واسقيها من ايديه
كلمات / الشاعرة فاطمة البياهي