Вставка
- Опубліковано 28 вер 2024
- #MM #美味道來 // 家庭式手造中式糕品 一家六口做足二十小時 每日賣過千件
為了一件白糖糕或紅豆糕或缽仔糕或芝麻卷，你願意花多少時間排隊？要是你想吃方太的糕點，花半句鐘一個小時是等閒事。方太糕點，有口皆碑，一天十六款糕點，每一款四、五百件，每天可賣上幾千件；更巴閉的是：糕點每日新鮮製造，賣完就無，明天請早。
如果，你以為自己排隊一小時值得不值得？方太做這件糕要花足足一天二十小時，兩公婆四個子女二十小時輪班工作，胼手胝足，從不假手於人。興許，人們有時對這種家庭式的小店會有很多想像，一家人齊心合力傳承一門手藝，但若貼近現實地去觀看事實時，當中其實還包含衝突、意見不合，甚至老不情願的成份；從方太一家人，我們就能看見一個典型的故事。惟有用愛去包容，成全對方的願望，儘管彼此並沒有說出口。這份心思這種情比起店舖本身，甚至乎手藝更加難能可貴。
█一天二十小時困獸鬥
蓬的一聲，閘門捲起，時間是上午九時正。睡眼惺忪的Eric和一臉倦容的David返到小小的方太糕點店內，準時開工。Eric是大哥，也是方太糕點店的「大阿哥」，負責入貨、跟單、準備訂單、聯絡客人，待處理起手頭上工作便會幫手切糕賣糕；三哥David則主要做糕、切糕等廚房工作。
事情是這樣的。方太糕點店的糕點每日新鮮製造。每天下午方太和三子便要處理各式糕點的材料，像紅豆、眉豆要蒸熟，馬蹄要挑根，豌豆要逐粒逐糕精挑細選，之後開粉弄漿蒸糕，全部人手工夫，無得偷懶。再說一遍，方太糕點店十六款糕點每款四、五百件，可想而知工作有多繁重；所以，一家店子方太兩夫妻四個子女二十小時輪更工作。方太和方生在凌晨四、五時把蒸好的糕拿出來待切，即切即賣‧‧‧‧‧‧
David正埋首努力做芝麻卷，Eric則默默處理訂單，不發一言；大約十時多，四妹方方匆匆來到，今天又遲到；馬上回到自己崗位，處理缽仔糕。「今天做了三、四籠，每籠約120個。」方方一邊起缽仔糕一邊說。店子十時開門，方方也兼顧賣糕。有趣的是，三兄妹工作是不用溝通的，「日日做，每個人的工作範圍都非常清晰，要做甚麼都已經知道，不用說甚麼。」Eric說。其實，來幫忙的還有位二哥，只是他要留在家中照顧孩子，只會在最忙的時候偶爾來幫忙執頭執尾。
繼續不發一言。唯一開聲的是工作時意外的碰撞和出錯。「店子真的很迫，曾經三弟一不小心把盤子撞到我的頭，很痛。」又或者工作做錯了要重新做過，「『對不起』是沒有意義的，不是對不起而是重新來過，與其爭拗，不如把手頭上工作完成啦。」試想像一下，每個人每一天的工作內容都一樣，體力和精神都很累，而每個人都有脾氣，負能量不斷累積，但又是一家人，不能動輒發脾氣，就像一場困獸鬥‧‧‧‧‧‧
█潮州人要錢唔要面
十二時多，方太來了，說起糕點店的威水史，一臉自豪。「好生意的時候，人龍排到去紅綠燈位置，要等足足一小時，要食你就要等。」方太扯大嗓門笑著說。「有時，排到你芝麻卷買晒，你惟有食其他糕啦，反正每一款都好吃。」像是糕揀人不是人揀糕。「手得一雙，爐頭只有幾個，每一款我們只能做四、五百件，賣完就無。」為甚麼不請人做？「糕點的食譜和做法都是秘密，怎能教識其他人？萬一他們偷了我的秘方自己開店怎麼辦？」所以，一家人十二雙手十六款糕點，從不假手於人。
原來，早在十多年前方太在佐敦道開了一間涼茶舖，兼賣糕點（已大受歡迎），經營四年後業主不肯續租，便索性「退休」為子女供書教學弄孫為樂，「直至幾個孩子大學或副學士畢業，我才安心出來工作。」事實上，涼茶舖結業後還有不老主顧游說方太出山故業重操。「不了，做糕真的太辛苦了。」直至本來做酒店侍應的女兒方方勸媽媽開店，幾兄弟姐也願意回到店幫忙，方太才重出江湖。再追問方太糕點好吃的秘密，「都話係商業秘密，點會話你知！」方太有權保持緘默，但也說漏了嘴：「我只用最好的材料，每粒豆都挑過揀過，甚麼都親力親為，幾蚊一件糕卻是成擔心機，一定要好吃。」最後，方太還補充一句：「我唔要錢都要面。」
█一家人六個故事 不計較金錢
Eric在理工大學修讀旅遊與酒店管理，讀書時已來店幫忙。「那時，一星期有一、兩天『天地堂』（即只有早上跟晚上有堂）一下課我馬上趕過來，好在理大到佐敦（舊店）不遠。」也分毫不收。「父母供書教學，有甚麼需要他們都照顧我，我覺得一家人不用計較金錢；甚至有同學罵我，說對父母要好到這樣程度嗎？」但Eric深信那是作為兒子的責任。
另一邊廂，David 副學士畢業後曾在銀行工作了四年，之後去了澳洲工作假期兩年，回港後放下行李才兩天，便要來店忙。是自願的嗎？「才不，我絕對‧‧‧‧‧‧」只是他也知道店子人手本來就不足夠，始終要有人去做，所以也別無選擇。David還記得工作假期期間是讓自己思考和沉澱的一段可貴的時光，現在每天做著同一件事情甚至同一個動作，更要命的是沒有多少天假期。「他們有個觀念是工作時就要拚命工作，我心想：為何不可以取得平衡？」David的衣服上寫上：準時收工。「那是我的願望。」事實卻是：工作排得滿滿的，已很久沒有準時收工。
妹妹方方也有自己的打算。「這裡我們沒有出糧的，要吃飯便會問媽媽拿錢。我也覺得店舖的錢是家人的，這些錢也是媽媽將來的依靠。」所以，現在每天下班後，方方便要開始她第二份工作：經營自己網上手造飾物生意，直至深夜。「有時因為我工作至凌晨三四時，她（媽媽）會罵我，說：明天八、九時就要起床，還不去睡？」但方方從媽媽身上學懂的是：想做生意，便一定要有堅持。
█不是一門手藝 更是一家人
這陣子，正值歲晚，也是方太糕點店最忙碌的時候。「基本上，完全忙到沒有時間觀念，今天是幾多號我都不知道。」今天是除夕呢。「明天是新的一年？我也理不得，我只知道明天仍要開工。」真的，單是這兩天已相信之後一個月一家人忙得不可開交。問方太會不會太累，打算做到幾多歲？她說：「我沒有想過呢？現在一家人開開心心在一起。」工作雖然辛苦，也就是一家人在一起。「就算自己不能再做，他們誰接手都好。」大膽的問方太：如果他朝一日沒人接手的話怎麼辦？「浪費呀，浪費了我這麼多心血。」或者，這句話早已深深地印在四兄妹的腦海裏。
撰文：蘇朗智i@weakchickens
資料蒐集：蘇朗智@weakchickens
策劃/主持：黃曉楓
攝影：顏漢真、林正言
剪接：呂皓怡
監製：陳靜雅
#佐敦 #佐敦美食 #傳統糕品
#紅豆糕 #白糖糕 #缽仔糕
#MillMilk
立即成為 MM Member 啦，每月只需 HKD 40 咋！傳送門：
/ @mm.millmilk
＊建議使用電腦或手機瀏覽器登記，因為目前無法經 UA-cam APP 登記成為付費會員
____
MM Website: www.mill-milk....
MM Instagram: / mm.millmilk
MM Facebook: / mm.millmilk
____
CHUCKY｜@chuckyching
/ chuckyching
PHOEBE｜@phoebe.unprofessional.journey
/ phoebe.unprofessional....
ELAINE｜@elaine_wow
/ elaine_wow
京｜@phaedruslam
/ phaedruslam
KAREN｜@karen__yukiu
/ karen__yukiu
MANYI｜@manyishum
/ manyishum
SAM｜（付費內容）
阿朗｜@mm_longgg
/ mm_longgg
NATALIE ｜@nataliewwong
/ nataliewwong
APPLE | @apple.hiufung
/ apple.hiufung
大家最鍾意食邊款中式糕點呀！
白糖糕，馬蹄糕，菲林～😋
紅豆糕同馬荳糕😋😋
芝蔴卷最好味 😋
D紅豆靚到！ 我想食眉頭糕。
紅豆糕、芝麻卷
聽到無人工嗰下笑咗…
如果真係咁…個老豆老母係綁架咗自己仔女既未來…
整個訪問做得好好，流程好順，提問設定擊中某些要點，特別喜歡各人單獨係門口接受訪問嘅設計 !
除夕都要開通宵其實為咩？做到一家人無晒生活
上一輩成日話捱餐死為仔女讀書，將來可以有份舒服工做。但到仔女真係大個時，又走去情緒綁架人，要人返去幫手。
因為潮州人都鍾意賺晒香港嘅錢，出咗名架啦
以前啲人窮過，知冇錢唔得，而且唔會被重視。所以一味衝。但好多到老都會覺得，成世人就係得個做字。
但講到尾，又會想仔女接手🤷🏻♂️⋯⋯好矛盾
仔女無人工….又迫佢地留喺間舖…過多幾年佢地已經無得再揀要留喺間舖度..
間舖咁好生意…一定賺唔會少….怕父母辛苦就做少啲賺少啲.又要賺到盡..
用親情綁架仔女未來…
你岩喎，仔女做到勞損職業病，都冇得claim ，冇退休金，筆錢咪係返度，難聽d 搵自己人笨。雖然一家人齊心做係幾warm 但唔變革，仔女冇發揮，例如創意糕點、marketing 包裝推銷，冇得學以致用，全家屈係百幾尺鋪頭，錯失好多發展機遇，最後攬住舊錢但口就埋怨老豆老母框住自己，冇意思架。
成全一個人心願，之後都要諗下仔女d 心願點樣幫佢哋達成，唔係錢唔錢問題，有手有腳怕咩冇工返。志氣同自信心磨滅，就好難點返起團火。何況佢哋都唔細，成家立室既年紀。
曾經過，冇買
多謝你哋一家人艱勞，先有咁多人食到好糕品 🙏
對仔女絕對唔係好事，個個人都係個體，佢哋都要有自己嘅人生同生活
太尊制，控制子女唔通五六十歲仲要跟着阿媽走。。。完全無私人生活。完全是自私的家長
大排長龍，是仔女的控訴?其實糕點一般!仔女手脚慢!所以才排長龍。是迫害了子女的父母!
@@kwokpiuleung9841 我無吃過，雖然是自己的仔女，佢哋已經是個個體。。
潮州人係咁架啦，自私到爆，又重男輕女。
Mill milk D故仔陳腔濫調，經常將苦難浪漫化。成日標榜所謂人情味，如果跟佢搵食一定中曬伏😂
一睇就知啲仔女係自願，仔女講嘅冇辦法只不過係講下笑，間鋪咁搵錢又有嘢學，好過出去打工多多聲啦。
全部仔女就做切那部分，點解唔請外人做？仔女做返凌晨關鍵部分？？一家人感情真好
唔想俾錢請人
好奇問下 raze口罩係藍嘅 仲要中國制造 點解mm會同佢地合作嘅？
80後、90後兄弟姊妹，已經吾同思想啦！支持細妹嘅諗法。
我試過呢間舖，覺得佢名過於實，可能因為有「方太」呢個名令人不問因由咁加咗分，佢哋除咗芝麻卷之外其他口感其實都一樣，用一個魚膠粉底再撈啲汁入去整糕點俾少少味就算
糕點畫畫得好靚🤩
好可愛的潮州口音，我有朋友試過，話好甜，有d人應該會好鍾意食。如果減甜會健康d
係足料好食，仔女仲細都會幫手，但都不能因為唔想食譜外傳而唔請人。兩老只會越來越老，下一代都會成家立室有自己想做嘅事....
貴 以前土瓜灣又係有一間賣糕點 價錢係佢嘅一半 一家人做曬 又咁好利潤 發咗達都冇人知
錢其實搵唔晒既，尤其是已經上左岸，一星期他一日係應該啦，否則賺再多錢都只係生存係世止而唔係生活係世上！
細佬被人道德綁架。慘
感受到細佬個種無奈😂😂
@@shing2799 係啦！重要受大佬氣。
真係一般 唔值要排隊
😊感動窩心🥳制作精彩
又是一個團結家庭
一家人之間的愛, 不用講, 只需看, 一切盡在不言中.
呢D手工糕点真系極品！
想問下方太是不是已搬遷，想知道最新地此
以前3佰一包豆，依家要6佰蚊一包豆，都冇加價，咁以前咪好好執
由佐敦搬過來時15元3件、2019年18元、現時20元。
@@agneskong5421 2009年我最初幫襯得3至4款糕點,由朝擺到晚都冇人買架,試過買過屋企食有d酸縮味道 係依家d人神化間野
20蚊3件太貴了，土瓜湾有一間一樣好食，13蚊3件，近屯馬線C出口，隔一條街
可否知土瓜湾地址？
食過啦，普通到五普通。
五好吹到咁大
最新消息：執咗🕯
千層糕正呀！
老套講句 食既係人情味
望到都想食 行過試下先
我感覺其中一位成員將會敗咗呢間鋪
非常之普通，唔值得排咁耐隊！上次排咗九個字！同好食完全冇關係！以後都唔會再去
點改停業了?
2021年12月之前$18/3件依家$20/3件
當人水魚
深水埗某涼茶舖既紅豆糕先正，抵食又大件，好食過哩間多多聲。
想知邊間？
@@hol7342 鴻X涼茶
@@kasingchan2385我都鍾意呢間紅豆糕
見好多人都對呢間麻麻哋 有冇更好既推介？
鵝頸橋 登龍街附近有一間ok嘅
哪吒方國珊好FRIEND，年年都送年糕上門，大家諗下幫唔幫襯
呢間好好食!!!
一家人有愛就是最大財富
變相感情勒索成家人，呢個阿媽其實好自私，係要成家人幫佢完成佢想做既野
得個做字
自從冇咗蘋果嘅飲食男女,我諗呢度可以成為我新嘅避風港
下次去旺角試下先～～
May I know the address of this shop?
好渴望這種團結
習近平式管治
滿載情緒勒索既小店。
對我而言其實同綁架無分別，兩老灌輸既意識形態影響小朋友太大，除左妹妹。
當然呢個唔係小朋友既錯，亦未必係老人家既錯，但係... sad。
七百萬人七百萬個故事，多謝MM既製作。
真係，幾兄妹冇晒童年😮💨
熱誠熱愛，還是苛求勒索，真係在乎天時地利，否則何來有傳世嘅名店？
話就話「團結」
但係根本係限制咗下一代選擇
大哥自己咁揀係佢嘅選擇，但冇理由要迫令細佬妹去咁做
細佬妹都要為自己未來打算
大佬：我冇得揀，你哋都要同我一樣冇得揀，將來我老婆都係 😎😎😎😌
@包頂頸 佢地生意好關我柒事，不過太了解潮州人習性講兩咀啫，不過講明先~ 我唔係挑撥㗎！我一定祝佢哋生意興隆，密密做冇停手，多多都做，啲人要食就開工做！
中國人思想就是這麼迂腐，感情勒索可以被傳媒寫作為親情
2023年了，除了錢同公權力，點樣限制一個青年去做距唔想做既事？
後記：
一開始接觸方太一家，我曾經想像過佢哋係一家人和和睦睦地去做好一門手藝。但當我同每位成員個別去傾偈時，先至發現人人各懷心事，當中包含好多好多矛盾、期望、快樂、無奈、埋怨，愛。老土講句，家家有本難念的經，一家人共事，邊有咁簡單。即使心底裏毫不情願，仔女都肯付出時間同體力去滿足家人的心願。諗真啲，與其話去滿足，不如話只想令對方快樂。非常犀利的動力。
感激受訪者無限信任。
黃曉楓 Apple
從短片已經睇得到，媽咪咁傳統嘅思想，唔想傳承比外人，呢樣嘢對仔女來講，無異係一種心理嘅包袱。
講得好好！！個個唔同性格，因為愛相聚相支持，好耐無睇一段由心而發覺得欣賞既事，唔係for賣糕 係見到點樣去做好一件事❤️
收皮啦，時代係進步緊，你唔好食古不化，採訪d好似垃圾咁嘅鋪頭，讓尼d鋪頭被時代淘汰啦，唔該！
潮州家庭我話你聽係好麻煩㗎！ 個大仔第時娶老婆，個女人要有心理準備，響度一世
@@deyd9908 一個訪問唔會有影響 有實力既始終留得低
我係細女都唔會咁早返 遲早間鋪都係大哥既 淨返既弟妹為完老豆老母奉獻 之後又為大哥😂個人生就係咁 時間比哂佢地 無得發圍 無機緣 就日日磨足咁耐..
成家人我諗細妹唔會做太耐 有獨立思考能力 思維清晰….
8:31 俾著係我返工聽到呢幾句說話即刻士氣大減
呢家人嘅故事好唔討好...細妹細佬有自己夢想, 但感覺俾個阿媽逼住幫手, 仲要無薪, 個大哥更加似係愚孝
唔會，潮州人最後都係俾個仔，我屋企都係潮州人，我係女（經驗之談）
擺明大哥係最後得益者，所以佢咪咁情願。特別潮洲人，個女都唔洗諗住有咩分到
阿哥成為最後贏家
有同感，唔好話實現唔到自己夢想，仲要係冇自己社交，大佬軍訓式管理係自己人俾面先至可以繼續做，比街外人都劈炮唔撈。呢個管理同相處模式，我唔夠膽講對一家人關係有正面作用。
@@TheEyanno 睇到大佬話错就係錯唔駛解釋，有DO咀
記得以前飲食男女都介紹過 第一次閒日去有喜事冇開 第二次去買到 唔洗排隊 好食既, 不過就唔好太神化唔食唔得果種
應該好食過深水埗 坤記
@@johnnyrambo8569 佢D砵仔糕還好,但食親白糖糕都酸既,之後都冇再幫襯過
細佬件衫算唔算無聲抗議😂
其實要排隊原因好簡單，怕買小買漏就諗耐咗，排到櫃前見嗰幾件糕又好似好好食又諗一鎮
不過講真件件糕都咁吸引，畀著我都會咁！各式荳糕勁多豆囉😍
其實每次排緊隊時已經諗ing，但去到櫃前見到啲糕又會開始掙扎😂😂
我都有呢件衫😆
有時好驚見到呢d 家庭店太出名，做呢行業太辛苦啦，仲要一代傳一傳咁，見到一家人同心合力咁做當然值得鼓舞，但都一定要記得留番時間同家人好好相處，唔好得個辛苦捱. 識搵錢唔記得洗錢。希望方太一家都開開心心啦。我有食過佢地做既紅豆糕，係好好食既。
我覺得唔好淨係識叫人傳落去/唔好晒咗去，要明白每個屋企/人都有自己嘅難處😓
睇得出細佬妹都做得唔開心，但又唔敢say no
住阿媽間屋冇得say no
@@etl7761 老老豆豆副學士翻工至少都三萬幾，可能有其他因素啦，見到咁真係嗰兩兄妹真慘，四弟就醒啦
@@生活小硬膠二弟
@@nicoleadriencheung 謝謝糾正👍
就咁睇 仔女好可憐 被迫放棄自己嘅人生、夢想 就係因為阿媽嘅心願 仲要無人工 應份咁樣 其實好慘。。。呢啲情緒勒索嘅屋企人真係好恐怖
見其他留言話普通 咁就慳返唔食了
真心啊🥲
富媽媽窮孩兒
應該話減少幫襯，啲細路就有發展空間，大排長龍咪又係做死啲細路，困死佢哋囉！大佬鍾意就由佢同父母三個做晒佢
@@angwon 係，如果好好生意，仔女就肯定走唔甩ಥ_ಥ
@@sardonna1215 拎埋米芝蓮實走唔甩
不要再神化這間店舖，試過它的糕點水準只是一般，價錢貴而且超薄，缽仔糕少豆淋而不爽滑，白糖糕更是來貨（早上路過幾個竹籬白糖糕放在門前地上，極不衛生），很多小店水準比它好，請勿再盲目吹捧。
完全同意。但香港人一向都係一窩蜂咁去擁，而且冇理智，只會諗怕執輸。
正經回帖無人推
絕對同意
Push
mm下次可唔可以做好啲research先出街？
@@rachel4241 幾驚佢訪問 坤記呀😖
其實有D位可以用機幫手，個味唔差幾多，但唔使咁辛苦，好聽叫傳統手藝，事實係成40年都無咩進步（例如改良方法，創新，開分店，增加銷售點等等）；而家困住3個仔女，第日若有外來因素做唔住佢地會好慘。
哈哈， 你的辛辣点评，入木三分。
现实中你也是这样说话吗？
其实而家个社会，吾退步都偷笑。。。进步到极致，要么就私房要么就连锁。
最慘係父母一句想仔女接手所謂的生意，就阻礙咗仔女自己本身可以有的其他發展🥲
你唔好理人甘多啦，又无阻住你发展，惨咩呢？
唔應該要仔女全職幫手，很可能會害了他們，為什麼他們沒有理想？
二哥、三妹慘過打工，呢種管治理念係宜家好容易出問題，賺到錢容易為錢銀嘈，賺唔到頭家直接散。
仲要安排唔到未來
一蚊都冇落袋又要佢哋返全職
衰啲講句點結婚生子？
❤️阿媽好聰明免費打工仔
@@etl7761 阿媽係最終贏家 三個仔女同老公都係免費勞工
成家做左免費勞工，阿媽贏晒
不應為家族生意而留下來,每個人有自己想法和要尋找的路！除非孩子是自願留下想做...但老一輩總是覺留下來總是自己生意不用受老闆氣,總有飯開餓不死.當然如果孩子本事叻的話又怎會留下不外闖呢！只可以話各有所需,食得鹹魚抵得渴.我都因這報道去過買兩次,真心不好吃！
好欣賞小店，但個人感覺呢間小店唔係走人情味，質素店，似死做爛做，賺少個崩都唔得咁，我就唔係好欣賞。
+1，真係死做爛做，賣哂就算，又要係咁蒸糕
其實每人都有自己追求，唔係潮州人就可以咁迫啲細路，個大哥都唔可以咁對細佬妹，依家咩年代呀？
工時太長，太多磨擦，太困身
一星期休一日或者唔好做咁長時間會好D
不過又唔捨得...
其實休一日好啲，但佢哋要賺到盡，無辦法
食過，好普通。唔駛專程去試。幫下其他小店更好，佢地生意更少。
多謝分享
你留言我非常認同，之前見個個都話好食，叫老公去買，排咗45分鐘隊，但認真失望，一d都唔好食，普通過普通，仲浪費時間，幫襯其他黃店好過，呢間鋪仲貼住黨視幫佢介紹d相，以後唔會再買
聼過，有次經過見人排隊但係都唔係甘長龍，埋去提下都無咩意慾買，因爲太普通，生產，賣相，包裝，服務都一般，係話足料，人手做。百貨百客。
全handmade 犀利! 全家人一齊去run 間舖係respect 嘅... 不過幾同意阿妹, 幫屋企之餘其實都應該諗下係咪想發展自己嘅事業, 定係繼承媽媽嘅生意
潮州人點會俾個女繼承
@@dor5650 午安，從來都唔.明日，身為汕頭人，真冇到理，愛錫媳婦，都唔會愛锡女兒，女兒只有做，冇關心女兒，做女兒只有做翻女兒責任啦？
全職幫屋企生意但無糧出 !?
Gordan Ramsay kitchen nightmare 有集就係講個老豆迫啲仔女幫自己手，真係華人社會先會變成理所當然
家族生意好困身, 青春好似廁紙咁, 搣下搣下就冇架喇, 優點係唔憂食 ; 缺點係冇得做自己中意做既野
不過無人工，長期做唔係辦法
食過，其實糕點好普通野，味道一般，只是推廣效應而已
幾錢其實唔緊要，最緊要係嗰真材實料，味道好！依家好多外國野賣到非常貴，其實真係一般！要多啲支持本土野！
方太d野唔差,但係俾人擺到上神抬咁,d人一試就覺得嘛嘛地同好一般.
比起ssp某間 呢間真係好食十倍
@@victorleung7031 兩間都有好有唔好,行過先會買,唔會專登撘車去
@@dsanw09 兩間都唔掂。完。
賺錢又無得分，咁做咩要幫手先。 仔女要結婚，吾通到時靠另一半支持家庭？ 細妹就醒啦，自己有生意，就算吾做呢到，都有生計。 其實一家都被牙媽情緒控制，仔女永遠係鋪頭，根本吾會有發展。
無得分你都信，你就醒啦。做咩要幫手先？有得分囉
最重要係人地問你有咩工作經驗，我幫屋企整餅
這間糕餅店有一種特別的味道元素，就是親情與愛心，一家人合作經營，每樣都做到最好，令大家好欣賞！
樓下好多……… 大哥咁重郷音
99% 都係 1X歲先黎香港再讀大學
哥哥d潮洲鄉音好勁 兩個細路妹反而無口音🤣
鄧小平開放係80年代
係
哥哥口音重 難怪哥哥要躲在父母店舖工作
全部仔女都無自己理想 都幾失敗
食過，一D都唔好食，改個名就扮出名既感覺...不過香港人大部份人都冇咩味覺
唔使排隊、普通到不得了、中哂伏
其實係好食，但未到神級好食，同埋仲舊式唔出糧比仔女，仔女用哂積蓄的話連朋友食飯都分分鐘冇錢
長期咁做唔係辦法，細佬細妹最可憐
以為出名手做好食去排隊買,失望而回,買左芝麻糕.砵仔糕.紅豆糕唔好食
好普通,砵仔糕就估唔到超難食,粉太實唔滑好鞋,芝麻糕條好粗無乜香味
粉只爽唔滑,總捨係差,難明咁多人排隊,呢D糕點好多地方都食倒啦
羊群效應........上哂報紙好難唔多人排隊
@@gracetsang755 未出名前無乜人幫襯
@@ycc412 我知好耐,最初佢係人哋涼茶鋪買3至4款糕點 擺足一日都冇人買
@@gracetsang755 係
雖然同心合力係好但也要有自己的人生！
17/1去幫襯左 買左紅豆糕、椰汁馬豆糕、千層糕三款、紅棗糕、白糖糕、芝麻卷及砵仔糕。
只有紅豆糕、椰汁馬豆糕、白糖糕及芝麻卷好食，不建議試千層系列-冇味，砵仔糕質地偏彈，紅豆係多呀但唔起沙冇味
馬豆糕好難食豆又少價錢又貴左
以家啲香港人奴性咁L重，下下叫人出去打一世牛工，自己有老細唔做寧願出去比人diu咩，你隻打工騾仔點L知第日人地唔可以開多兩間鋪 一人一間😂？
個大哥咁啲態度，淨係識叫無薪嘅細佬妹大局為重
出去開另一間仲唔嘈？
@@dor5650 重點要全職，老老豆豆，老豆老母係夜晚一早蒸完，整返熱同剪，
執野
賣野
剪野
三個夠晒啦係要一晒所有人的時間
方太恃住生意好，超冇禮貌… D石本仔糕好少紅豆，又淋bed bed, 全無口感
你地介紹過咁多嘢 唯一一間我會想留言
因為呢間真係唔好食
一般嘢，服務態度奇差，不會再幫襯
今日特登想去買糕點，點知去到拆緊野，問裝潢師父話以經結業。。。
灣仔蛾頸橋底有另一間，SSP又有另一間。。。難道會揾阿Sa整個中式糕點大比拼？！ #MM
我諗無咩人想做佢阿媽個新抱/女婿。
女婿可能都好D！但大哥咁傳統，唔知會唔會大男人？😂
@@edge8912020 邊有女人會嫁佢，囉苦來受，分分鐘一入門，第二日未天光就要落舖頭幫手。大哥又唔係靚仔，說話態度又差。
@@waltzlee9760 你漏咗潮州人最重視嘅生男丁
一日生唔到男丁，一日都大把說話俾你聽
@@dor5650 鄉下唔係跟阿爸？點解係跟阿媽？
@@etl7761 班人成日生唔出男丁就怪個女戈㗎啦
你同佢地講科學DNA, 班友咪同你講迷信
話女人福薄，冇男丁緣囉
你估潮州人好講道理咩
超級普通 , 人人似中降頭去排隊 , 佐敦道己經沒有美食 , 找到請通知........
聼的老人家講，以前有的不良食品店係製造時加入罌粟殼，的客定時定侯會返黎買。
好似已經結束營業，前幾個月（今日係14/11/22）
眉豆糕真係只係細細個，呀嫲先識用眉豆整粿。潮洲人好認真做工作上嘅野。 其他野唔關事就唔會理， 所以邊個生日唔理，幾時放假唔駛知，搞錯唔駛死，到時就會知。辛苦d後生。 呢種鋪頭喺日本已經紅咗啦。
貴 以前土瓜灣有一間 又係同佢一樣 賣差唔多嘅糕點店 但係價錢就係佢嘅一半 真係同人唔同命 土瓜灣間嘢執咗笠 呢間嘢咁好生意真係發達都冇人知
我不認同這樣的生活，沒有人工=沒能力獨立生活!年紀開始大想有自己的家，可惜無錢! 由年頭做到年尾，由早做到晚，根本沒自己的生活，更不要妄想談理想!
唔知重有無開店 我今日睇到明天想去試食下 2024年 4月15日 唔該
講真唔係好食過人 芝麻卷冇芝蔴味直頭打屁鼓
變咗飲食男女channel
佢地變左咩都好，都係蘋果的種子。
呢間勁難食，點解仲會咁多人排隊😂真心無人講到咁好食
曉楓總結得好好呀
唔好意思 問問大家 我是住在這店附近
過年前見寫年初十開 之後疫情一路都無開 現在已轉了其他
是否這店的人發生什麼事 定搬到別處
困如咁好生意應唔會突然關店了